CLXXXIV. — BALADE

CE je croy que ma fin est venue Et que morir pour amer me convient, Se ma dame son cuer vers moy ne mue Ou s’autrement de moy ne li souvient; Car son dous riant regart Retient mon cuer, ce m'est vis, de sa part, Quant je li di mon amoureus martyre, Las ! et ses cuers ne me fait qu’escondire.

Si qu'il n’est riens qui mon cuer esvertue

Fors son tres dous regart qui me soustient,

Et si est ce moult povre retenue

De dous regart, puis que dou cuer ne vient; Car resgars qui ne se part

D’amoureus cuer, c’est li feus qui point n'art.

Einsi ne sçay de son regart que dire,

Las ! et ses cuers ne me fait qu’escondire.

Et se toudis la truis de pité nue,

Mes cuers, qui l’aimme, obeist, sert et crient,

Doit bien avoir toute joie perdue,

Car il est siens, si se tenra et tient (fol. 67 n°. à) En son dangier sans depart.

Et aussi vueil miex de l’amoureus dart

Morir pour li qu'autre aimme ne desire.

Las ! et ses cuers ne me fait qu’escondire.