CCIX. — BALADE

J° pers mon temps et ma peine est perie, Tres bien le sçay, et si sui si chetis

Qüe ne me puis oster de la folie

Où mes fols cuers m'a entrapé et mis,

Car Faus Samblans s'est couvers et tapis

En dous regart et en plaisant viaire,

Et si n’en puis moy ne mon cuer retraire.

Le dous regart et la face polie

De la tres bele à qui je sui amis

Croire me font qu'elle me soit amie.

Mais trop suis fols, rudes et mal apris, S'en dous regart me fie n’en dous ris, Car en son cuer truis et voy le contraire ; Et si n’en puis moy ne mon cuer retraire.

Las ! se voy bien que ma joie est fenie,

Car ses durs cuers est trop mes anemis, Mais si dous oueil me promettent aïe,

Et aussi fait son debonnaire vis.

Mais pour -j: bien que j’ay il m'est avis Que cent dolours me font sentir et traire; Et si n’en puis moy ne mon cuer retraire.

. et sui si J.

. Hed.r.alaf. J.

. Et la M.