CCXI (1). — BALADE

D plaisant, simple et sage, Que j'aym assez mieus que moy, J'ay mis en vo dous servage

Cuer et corps ; mais, par ma foy, Ce me honnist et partue

Que n'ay fors que la veüe

De vous qu’ay seur toutes chier. S'en sui vallés à drapier.

Quant premiers vi vostre ymage Où riens à dire ne voy,

De m’amour li fis hommage

Et tous me donnai à soy.

Las ! or est de pité nue,

Et si fust moult bien tenue

De ma dolour alegier.

S'en sui vallés à drapier.

S'Amours vostre dur corage Ne met biefment en tel ploy Que vo douçour assouage La dolour que je reçoy, Onques mais ne fu veüe Creature si perdue

Pour amer de cuer entier.

S'en sui vallés à drapier.