CCLXIV. — BALADE

n ne doit pas croire en augure, Car c’est pechiez contre la foy Et c’est sorcerie et laidure Et grant deshonneur ; car je croy, Quant homs voit ses anemis

Qui destruisent sa gent et son païs, Qu'il ne se puet excuser de combatre, S'il a pooir de leur orgueil abatre.

Car la victoire et l’aventure

Gist en Dieu et en bon arroy

Et en grant avis qui n'a cure

De folier ne de desroy ;

Car quant :j- fais entrepris

Est sagement et de tres bon avis, Comment ose homs la bataille debatre, S'il a pooir de leur orgueil abatre»

Et se magique m’asseüre

Ou astronomie est pour moy,

Et Fortune estre me vuet dure,

Asseürer pas ne me doy.

Dont qui vuet honneur et pris,

Ait sa fiance en Dieu de paradis Et pense adès qu’il ha sept contre quatre, S'il ha pooir de leur orgueil abatre.