CCLXXI. — BALADE

ui de couleurs saroit à droit jugier

Et dire la droite signefiance, On deveroit le fin asur prisier Dessus toutes ; je n’en fais pas doubtance.

Car jaune, c’est fausseté, Blanc est joie, vert est nouvelleté, Vermeil ardeur, noir deuil ; mais ne doubt mie Que fin azur loyauté signefie.

Si vueil amer l’azur et tenir chier Et moy parer de li en ramembrance De loyauté qui ne saroit trichier, Et li porter honneur et reverence.

Car, en bonne verité, Riens ne vaut chose, où il n’a verité, N'il n’est amans qui ne tesmongne et die Que fin azur loyauté signefie.

Si l’ameray de fin cuer et entier Et porteray sans nulle difference,

Car moult me puet valoir et avancier 20 Et donner pais, joie et bonne esperence.

Et mes amis qui bonté Ha dessus tous m'en sara tres bon gré ; Car il scet bien, entre amy et amie, Que fin azur loiauté signefie.

CCLXXII (1). — RONDEL (2) (R : fol. r v°.) D° regarder et d’estre regardez Viennent li bien de l’amoureuse vie.

Et pour ce, amant n’amie, ne vous gardez De regarder et d’estre regardez.

s Car en regart amoureux est gardez Don de merci, quant dame est bien servie.

De regarder et d’estre regardez Viennent li bien de l’amoureuse vie.