CHAPITRE XV

Comment l empereur Auguste César envoya ung hérault pour sçavoir le nombre de son peuple.

En ce temps-là Auguste César dit qu’il vouloit sçavoir le nombre des principales citez, villes et chasteaux de son empire et le nombre du peuple ; et pour ce il appella son herault et lui dit : « Il te fault aller par tous mes pays porter lettres aux seigneurs et qu’ilz fassent diligence de faire sçavoir par tout l’universel monde et chascun en sa région diligemment sans nulle faultc, pour avoir le nombre du peuple. Or on fit aussi crier ces nouvelles en Nazareth. Joseph les ouyt crier, de quoy il fut fort esbahy ; et lui fut bien grief, car il estoit fort débile et alloit à grant peine; et Marie estoit si grosse qu’elle ne gardoit l’heure d’enfanter. « Certes, dit Joseph en soymesme, je m’en vays veoir Marie et luy diray les nouvelles. » La Vierge Marie ne sçavoit où estoit Joseph, et a voit assez demouré sans le veoir,

et disoit à soymesme : « Où est allé Joseph , mon loyal amy? hélas! j’ay grant paour qu’il ne dcmoure trop. » Et ainsi qu’elle disoit ces paroi les, Joseph entra en sa maysonàgrant joye et lyesse, et luy compta les nouvelles comment Auguste César avoit envoyé certains messagers en divers pays pour sçavoir le nombre du peuple , et luy dit que pour ceste cause il lalloit qu’il allast en Bethléem. Adonc la Vierge Marie dit qu’elle yroit avec luy; et Joseph respondit qu’il lui plaisoit très bien. Fadit Domina lioc longo itinere , Nostrc-Dume alla en Bethléem avec Joseph ; et duxerunt secum bovem et asinum , et menèrent avec eux le bœuf cl l'asne sur lequel esloit montée Nostre-Damc. Quant ilz eurent fort cheminé , elle fut lassée , et dit qu’elle vouloit se reposer; mais Joseph luy dit qu’ilz estoient bien près de la cité, et tantost 1 y arrivèrent. Et cum fuerunt in Bedileem, hospitium non poluerunt invenirc, et quant ilz furent en Bethléem, ilz ne peurent trouver logis.

Adonc la Vierge Marie estoit en l’eage de quinze ans, et s’en vouloit aller au divertoire i. Quant ils y furent , la Vierge Marie descendit de dessus l’asne. « Hélas! dit Joseph , il nous convient icy reposer pour meshuyt. » Le divertoire estoit moult obscur, car il estoit nuyet et n’avoyent point de feu , et incontinent Joseph en alla chercher.

* Pour bientôt.

* C’est plutôt (liversoirc, de dwenorium, qui signifie auberge, hôtellerie.