CHAPITRE XXXUt

Comment Joseph cf Abarimathie et Nycodemus descendirent le précieux corps de Jésuchrist de la croix.

Après que Joseph d’Abarimathie eut obtenu de Pylate licence d’enlever le corps de Jésuchrist , luy et Nycodemus se préparèrent pour le descendre de la croix. Ils dressèrent conlremont deux eschelles, l’une dessous le bras dextre ; en ycelle monta Joseph avec ung marteau et une tenaille et tyra le clou de la main dextre ; il tenoit bien fort, car il estoit moult long et estoit tant parfond en la croix qu’il ne se povoit avoir sans fort cstraindre la main de Jésuchrist, mais il le faisoit à la bonne foy. Et quant il l’eut arraché, sainct Jehan évangéliste luy fist signe qu’il luy baillast secretlement aflin que la Vierge Marie ne le veit pas , crainte que le cueur ne luy amolist. Et en l’aultre eschelle, du costé senestre, monta Nycodemus, lequel pareillement à grant peine tyra le clou de la main senestre et le bailla

à sainct Jehan, a (Tin que la Vierge Marie ne le veil. Puis Nyeoderaus descendit pour tyrer le clou des pieds ; et ce pendant qu’il le tyroit , Joseph d’Aharimathie soustenoyt le corps de Jésus sur ses espaules, lequel pendoit contre bas. La glorieuse Vierge Marie , voyant ceste chose , se eslevoit sur ses pieds tant qu’elle povoit pour toucher aux mains de son chier enfant dont les bras pendoient dessus les espaules de Joseph. Quand elle les povoit toucher , elle les baisoit voluntiers en plorant et gémissant amèrement de la grant pitié et douleur qu’elle avoit. Et quant le clou fut tiré dehors, Joseph d’Abarimathie si descendit toutdoulcementde l’eschelle en soustenant sur ses espaules le précieux corps de Jésuchrist. El Nycodemus aydoit à le soustenir ; et quant ilz l’eurent desceudu , i’estendirent sur un beau linceul tout blanc qu'ils avoient estendu parterre.