DÉPART DU COMMISSAIRE

de Toulouse pour Romorantin.

Pour quoy faire, le lendemain xive jour dudit moys, partismes dudit Thoulouse,acompaignez dudit Robin, advocat du Roy, nostre seigneur, en ladite court, et André Gorrut, huissier en icelle, pour faire les exploiz qu’il commendroit faire en ladite execucion; et arrivasmes au lieu de Romorantin, ou le Roy estoit, le vingt et quatriesme jour dudit moys; ou, quant feusmes, parlasmes audit seigneur et le certifiasmes dudit arrest et requisicion a nous faicte par sou procureur general, luy declairant que ne pouvions ne devyons procéder a ladite execucion sans son vouloir et commandement, luy suppliant que feust son bon plaisir sur ce nous declairerson vouloir, et que, apres, y procéderions ainsi que par luy nous seroit commandé, lequel, apres, nous feist dire par très reverencl pere en Dieu monseigneur le cardinal d’Amboise et légat en France, que son vouloir estoit que ledit arrest leust exécuté par nous, de point en point, selon sa forme et teneur, et sur ce nous en feist expedier et délivrer ses lettres patentes de telle teneur.

Romorantin, ao mars i5o5 (i5o6).