NOTIFICATION, ET AJOURNEMENT AU MARECHAL

(Même cote.)

Et, ce fait, decernasines noz lettres d’adjournement pour adjorner ledit de Rohan a comparoir par devant nous au devant de la porte principale dudit chasteau d Amboise pour nous veoir procéder a l’exe-

EXÉCUTION DE LA SENTENCE. — II. . 541

cution dudit arrest selon sa forme et teneur, lesquelles baillasmes audit Gourrut, huissier, que ce jour mesmes partit pour aller faire ledit adjornement audit de Rohan; et, pour ce faire, ledit xxvie jour dudit moys, partismes dudit lieu de Romorantin pour nous en aller audit Amboise pour procéder a ladicte execution, ou arrivasmes le lendemain xxvif jour desdits moys et an, et nous logeasmes en i’ostellerie ou pend pour enseigne la Corne du serf, et illec attendismes la venue et retour dudit huissier, et le jour de l’assignacion que avyons commendé audit huissier faire audit de Rohan, laquelle tomboit au Lroysiesme jour d’avril audit an avant Pasques, heure de prime.

Et le deuxiesme jour du moys d’avril cinq cens et cinq, avant Pasques, nous estant logez audit Amboise en l’ostelierie ou pend pour enseigne la Corne du serf, feismes venir par devers nous maistre Ramond de Bezest, bailly dudit Amboise, auquel remonstrasmes la cause pourquoy estions en ladicte ville, luy faisant commendement, de par le Roy nostre seigneur, qu’il eust a faire assembler au devant la porte principaile dudit chasteau d’ Amboise, au lendemain, heure de prime, tous les officiers eteschevins de ladite ville et des habitans d’icelle, en plus grant nombre que faire se pourrait, sur pene de cinquante marcs d’argent audit seigneur a appliquer : ce qu’il apres nous promist de faire.

Amboise, 3 avril i5o5 (i5o6).