NOTIFICATION AUX GENS DES COMPTES

que le roi a repris au maréchal de Gié Vire et lui a cédé Baugé.

(Copie moderne aux Archives nationales , reg. MM 769 , fol. 762. — Mémorial de la Chambre des Comptes Q ,

reg. P. a3oo , fol. 999.)

De par le Roy.

Noz amez et feaulx, nous avons reprins et remis en nos mains, pour cer-

taines causes a ce nous mouvans, nos ville, chastel, vicomté, terre et seigneurie de Vire, que tenoit nagueres et possedoit, par don et transport de nous, notre chier et féal cousin Pierre de Rohan, comte de Marie et de Porcien, seigneur de Gyé, mareschal de France, et en contreeschange, permutation et recompense d’icelle lui avons baillé et transporté pour lu y et les siens les chastel, terres et seigneuries de Baugé et de Molyherne, avec la forest de Monnays, comme pourrez voir plus a plain par les lettres patentes faites en forme de chartre que lui avons sur ce octroyées , lesquelles il envoie présentement en la Chambre de nos Comptes pour illec estre vérifiées et expédiées, ainsi qu’il appartient et que le cas le requiert. Si mandons etc. Donné a la Mote de Gry, le vingt deuxiesme jour de juillet.

Ainsi signé : Loys.

Et plus bas : De Marie, et plus bas est écrit : Apportées le 7 c aoust i48o, et au dos, pour suscription : A nos amez et féaux les gens de nos comptes et thresoriers a Paris.

Chambre des comptes de Paris (1).

Les Forges-lez-Chinon , 3 février i48o (1 4 8 1 ).

HOMMAGE DU MARÉCHAL DE GlÉ AU ROI POUR LA TERRE DE BAUGÉ ET AUTRES TERRES EN ANJOU.

(Orig. aux Archives nationales, reg. P. 1 338 , nD 889.)

Loys par la grâce de Dieu roy de France, a nos amez et feaulx gens de noz comptes a Angiers, au seneschal d’Anjou ou a son lieutenant, et a iioz procureur et receveur ordinaire en ladite seneschaucée, salut et ddection. Savoir vous faisons que nostre chier et féal cousin Pierre de Rohan, conte de Marie et de Porcien, seigneur de Gyé, mareschal de France, nous a au jour d uy fait

(1) Plus tard, le maréchal reçut de nouveau la terre de Baugé à titre d’engagement, engagement qui prit fin le 3o avril

i5i6, par le retrait qu’en fit Charles, duc d’Alençon (voir le Dictionnaire d’Expilly, verbo Baugé).

en noz mains les foy et hommage lige qu’il estoit tenu nous faire pour raison des chasteaulx, terres et seigneurie de Bauge et de Molyherne, de la forest de Monnays et buisson de Bouldray, et de leurs appartenances, assises en nostre pais et duché d’Anjou, que nous lui avons nagueres baillées et transportées en contreschange, permutation ou récompense de la terre et seigneurie de Vire assise en nostre pais et duchié de Normandie. Lesquelles terres et seigneuries de Bauge et de Molyherne, la forest de Monnays et buisson de Bouldray sont tenues et mouvants de nous a cause de nostre chastel d’Angiers. Ausquelz foy et hommage nous l’avons receu, sauf nostre droit et l’autruy. Si vous mandons, commandons et enjoignons et a chascun de vous comme a lui appartiendra que, si, pour raison desdits foy et hommage non faiz, lesdites terres et seigneuries ou aucunes de leurs appartenances avoient esté ou estoient saisies et mises en nostre main ou aucunement empeschées, vous les luy mectez ou faictes meclre incontinant et sans delay a plaine délivrance, pourveu qu’il en baillera son adveu et dénombrement dedans temps deu, et fera et paiera les autres droiz et devoirs, s’aucuns en sont pour ce deuz, se faiz et paiez ne les a.

Donné aux Forges lez Ghynon, le tiers jour de février, l’an de grâce mil cccc quatre vings et de nostre régné le vingtiesme.

Par te Roy,

G. de Marle.

Au dos : Hommaige fait au Roy par Pierre de Rohan, seigneur de Gyé, par raison des terres et seigneuries de Baugé et autres contenues au blanc, registre ou livre royal, folio xxxvi(1). vi. c. l.

-(1) A cette pièce est annexée ta note cijointe (feuille de papier, écriture du xv' siècle) :

"Jeudi treiziesmejour de avril m cccc mi xx , mon compagnon M' Guillaume de Sally, clerc des comptes, m’a apporté les ci jointes lettres de hommage fait par monseigneur Pierre de Rohan au Roy nostre sire, l’an m cccc nu xx pour raison de Baugé, Moliherne , la forest de Monnoys, et buisson de \ ouldroy, tenuz du chastel de Angers, auquel il a esté receu a la charge de bailler son dénombrement et paier les autres droiz

et devoirs. A ceste cause, et a fin de savoir si ledit dénombrement estoit baillé et les droiz et devoirs paié, ay baillé a monseigneur M‘ Begier (?) , procureur du Rov, ceste seulle mémoire, afin d’en savoir la vérité.

L’en lui a dit, apres, qu’il y a enpescjhement], que desdits dénombrement, droiz et devoirs n’avoit aucune chose esté fait : et parceque lesdites terres et seigneuries estoient a messeigneurs les enffans de Nemours, et n’en pouvoit ledit seigneur de Gyé entrer en foy ne en avoir joissance. -

(Même registre, n" 390, original.)

i3 juillet 1/181.

RECONNAISSANCE PAR LE MARECHAL DE GIE d’un devoir de vassal , pour les bois de Latan , en Anjou.

(Orig. aux Archives nationales, reg. P. i335, n° 9/19.)

Saichent touz presens et advenir que, comme le Roy noustre sire ait fait dom et transport a monseigneur Pierre de Rohan, conte de Marie et de Porcien, seigneur de Gyé et Bauge, mareschal de France, pour luy, ses hoirs et ayans cause, pour aucunes causes ad ce le mouvent, plus a plain contenues et declairées esdites lectres de dom, des Boys le Roy, autrement appeliez les hoys du Latan, sis ou pays d’oultre Loire, ou duché d’Anjou, ouquel dom faisant, iceluy seigneur ait retenu pour toute recongnoissance une maille d’or aprecié a quinze solz tournois, a muance de vassal : et il soit ainsi que ledit conte de Marie ait présenté ou fait présenter sesdites lectres aux seigneurs des comptes a Angiers, ausquelx elles se admissent, et leur en ait requis l’enterignement d’icelles : lesquelx luy ont fait dire qu’ilz ne procederoient point a l’enterignement d’icelles plus tost qu’ilz aient obligacion en ladite chambre de la recongnoissance dudit devoir d’une maille d’or apprécié a ladite somme de quinze solz tournois dont mencion est faicte en icelles. Pour ce est il que en noustre court de Baugé personnellement estably ledit hault et puissant seigneur Pierre de Rohan, conte de Marie et de Porcien, seigneur de Gyé, mareschal de France, soubmectant luy, ses hoirs avecques touz et chascuns ses biens meubles et inmeubles, presens et advenir, quelx qu’ilz soient , au povair, ressort, destroict et jurridicion de nostredite court quand ad cest présent fait, confesse de son bon gré, pure et franche volunté, sans aulcun proforcement, devoir, estre tenu et obligé et par ces présentes promect et se oblige, luy, ses hoirs et ayans cause, a poier, servir et continuer pour le temps advenir au Roy, noustre souverain seigneur, en sa recepte d’Angiers, ladite maille d or aprecie a xv s. t. , a muance de vassal, pour recongnoissance dudit dom que ledit seigneur luy a fait desdites chouses. Auquel devoir rendre, poier, servir et continuer par la maniéré que dessus, toutes fois et quantes que le cas y eschera au Boy nostredit seigneur, a sadite recepte d’Angiers, oblige ledit conte de Marie sov, ses hoirs,

avecques touz et chascuns ses biens meubles et inmeubles presens et advenir, quelx qu’ilz soient, renonçant par davant nous, quand ad ce, a toutes et chascunes les chouses qui, tant de fait, de droit que de coustume, pourvoient estre ad ce contraires, par la foy et serment de son corps sur ce donnée en noustre main. Dont a sa requeste et de son consentement l’avons jugé et condempné par le jugement et condempnacion de nostredite court.

Ce fut fait et passé le treziesme jour de juillet l’an mil quatre cens quatre vingts et ung.

P. Legendre.

Au dos : Obligation de Pierre de Rohan, seigneur de Gyé, mareschal de France, d’une maille d’or de devoir pour rayson des boys du Latay a muance de vassal, a lui donnés par le Roy nostre sire. — vi. c. xxx. vi.

Thouars, 19 décembre i48i.