PROCÈS-VERBAL DE L’AVEU DU MARECHAL

Loys, par la grâce de Dieu roy de France, a nos amez et feaulx les gens de nos comptes et trésoriers a Paris, aux sénéchaux de Xaintonge et de Poictou et a tous nos autres justiciers, officiers ou leurs lieutenants, salut et dilection.

Savoir vous faisons que nostre cher et féal cousin, conseiller et chambellan, Pierre de Rohan, chevalier, seigneur de Gyé et de Frontenay, mareschal de France, nous a ce jour d’huy faict es mains de nostre amé et féal chancelier les foy et hommage qu’il nous devoit et estoit tenu faire pour raison de ladite seigneurie, baronnie et chastel de Frontenay, tenue et mouvant de nous a

(1) Frontenav-Rohan-Rohan (département des Deux-Sèvres). Voir page 389.

cause de nostre chastel de Saint Jean d’Angely, par luy nagueres acquise de Hardoyn de Maillé , seigneur de la Tour : ausquelz foy et hommage nous l’avons reçu sauf nostre droit et Tautruy. Si voulons, vous mandons et enjoinnons et a chacun de vous en droit soy, si comme a luy appartiendra , que a l’occasion desdits foy et hommage non faiz vous ne faites ou donnez ne souffrez estre faict, mis ou donné a iceluy nostredit cousin et chambellan le sire de Gyé aucun destourbier ou empeschement; ainçois, si cesdits chastel, baronnye et seigneurie de Frontenay sont ou estaient pour ce saisiz ou aucunement empeschez, faites lever et oster ledit empeschement et mettre a plaine délivrance, car tel est nostre plaisir, pourveu que iceluy nostredit cousin et chambellan baillera ou fera bailler par escrit dens temps deu son dénombrement et adveu, et fera, payera et acquitera les autres droictz et devoirs, s’aucuns sont pour ce deubtz, ou et ainsi qu’il appartiendra. Donné a Lyon le xid jour d’octobre, Tan de grâce mil cinq cens et ung, et de nostre régné le quatriesme.

El au dessous est escripl : Par le Roy, a vostre relation. Signé : Robertet.