NOTIFICATION AU MARECHAL DES CONFRONTATIONS D’AMBOISE

(Bibliothèque nationale, fonds français, ms. 2717, fol. 552.)

Du quatriesme jour de décembre audit an m.v c et quatre, a Senzy.

Je, Jean de Moulins, secrétaire du Roy nostre sire et greffier en son grand conseil, par ordonnance de messeigneurs, maislres Christophle de Carmone, conseiller et president en la court de Parlement a Paris, Antoine Du Prat et Jean Nicolai, maistre des requestes ordinaire de l’hostel dudit seigneur, Pierre de Saint André, conseiller d’icelluy seigneur en son grand conseil, et Jean de Selva„aussy conseiller dudit seigneur en sa court de Parlement a Thoulouse, commissaires en cette partie, me suis transporté du lieu de Dreux audit Senzy par devers monseigneur le mareschal, messire Pierre de Rohan, seigneur de Gyé et mareschal de France, auquel j’ay porté ces confrontations a Amboise avec madame la contesse d’Angoulesme, Pierre et

François de Pontbriant, pour icelles signer, et en luy lisant sa confrontation faicte avec ledit Pierre de Pontbriant, et mesme 1 article auquel est faict mention que ledit de Pontbriant disoit que mondit seigneur le marescbal luy avoit dit a son partement d’Amboise qu’on ne laissa entrer personne quel quille fust audit chasteau plus fort que luy, fussent messieurs et dame de Bourbon, ne mondit seigneur le mareschal, pour ce qu’en saditte confrontation il s’en rapporte seullement a sa confession, m’a requis que voulusse mettre au bout de saditte confession que il ne dit jamais lesditf.es parolles contenues audit article et ne donna jamais charge audit de Pontbriant de ne laisser entrer plus fort que luy qui parle audit chasteau d’Amboise et que il n’ust. jamais autre pensée ne imagination que le Roy ne retourna, qui estoit. la cause pourquoy il disoit a ses gens qu’ils ne laissasent entrer audit chasteau plus fort que eulx.

Dreux, i3 décembre i5o/i.