REQUÊTE DU MARECHAL EN COMMUNICATION DE PIECES

(Trésor des Charles de Bretagne, E 191, n° 2.)

Monseigneur de Nemours requiert a messeigneurs les commissaires ce que s’ensuit.

Primo, qui! leur plaise faire que, par la main du greffier, ou autres, ses interrogatoires, responces et confrontacions W lui soient communicquées et par lui receues pour les signer, si mestier est et mesdits seigneurs voyent estre a faire.

Item, requiert lui estre descerné, par la main du greffe, actes de comparicions qu’il a faictes, tant ou grant conseil a Orléans, que Amboise, et aussi actes de l’appoinctement donné par ledit conseil que mondit seigneur de Nemours seroit interrogué par quatre de vous, Mesdits seigneurs, avecques ce les actes de jours qu’il a esté interrogué.

Item, la copie des lettres de commission de vous, Mesdits seigneurs.

Item, les actes des objectz et reprouches fourniz par devers vous,

ra Ou a vu , page 219, que le même jour une partie des confrontations lui fut communiquée. m Nous joignons ces reproches ci-après page 226 et suiv.

par divers jours, a l’encontre de monseigneur d’Albret et des Pontbrians, et icelui de ses remonstrances pour non aller a Dreux.

Item, les appoinctemens par lesquelz a esté ordonné que mondit seigneur de Nemours yroit a Amboise pour veoir jurer les tesmoings qu’on vouldroit recoller et pour estre confronté avecques eulx, si mestier estoit.

Item , l’appoinctement par lequel a esté dit que mondit seigneur de Nemours yroit de Amboise a Chartes, et depuis de Chartes a Nogeant le Roy.

Item, l’acte de la protestacion faicte par escript a Orléans, par mondit seigneur, par laquelle il persistoit que, si les interrogatoires ou articles par lesquelz il seroit enquis, n’estoient déterminez de certains lieux, mois et an, ou autrement conçus et pertinens, et moins que sasissans, ses responces et procès ne lui peussent porter préjudice.

Item, l’acte de la protestacion faicte par mondit seigneur de Nemours a Amboise par devant vous, Mesdits seigneurs, touchant ce qu’il protesta de nullité de procès, apres ce que vous, Mesdits seigneurs, lui eustes respondu qu’il ne povoit avoir copie des articles du procureur du Roy, dont il vous avoit requis la copie par requeste a ceste fin a vous présentée par escript, obstant que mondit seigneur le procureur n’avoit baillé aucuns articles.

Item, l’acte de la resfutacion de povoir bailler reproches a l’encontre de chacun, de madame d’Angoulesme, monseigneur de Segré et maistre Estienne Petit.

Présenté a messeigneurs les eommisaires, le quatriesme jour de décembre, mil cinq cens et quatre, a Dreux.

Donné, etc.

[Décembre i'5o&.]