IV

ne sceut qu'elle devint. Plusieurs disoient que les Angloiz la prirent : dedans Rouan fut menée ^ les Angloiz se la firent brusier. D'autres disoient qu'aucuns de l'armée l'avoient faict mourir, pour cause qu'elle attribuoit tous ses honneurs des faicts d'armes à elle.

Quant le roy sceut les nouvelles que la Pucelle estoit morte , il feust moult courroucé. Se vers luy elle feust estéenmenée, en saincte terre l'eust faict enterrer^ et luy eust faict faire une sépulture riche et honneste; à tous jamais l'église en eusl faict mémoire; grand proufict en eussent eu les prebtres. Le roy et toutte son armée mirent longtemps à avoir ladicte Rouan. Elle cousta moult à avoir, tant en gens comme en avoir. A la fin les Angloys eurent appoinctement; sauve leurs corps et biens 9 en Angleterre s'en retournèrent franchement. Le roy voyant son royaulme en paix, se maria à une fille, notable fille au duc d'Anjou, sœur au roy Louys , frère à ladicte dame le conte de Guise , le conte du Maine , tout frère à ladicte ; lequel frère Louys avoit le royaulme de Cécile , Anjou et Provence. Lequel roy Charles en eut filz et fille , de quoy le dernier roy Louys en estoit un^.