IV. J

Digiti

oeolx d'Yen ville; et sî feist aussi ung gentilh<Mnine, lieutenant du cappîtaine , et mist dedans la grosse tour les François , ausquelz feist serment d'estre bon et loyal deppuis lors en avant envers le roy.

Pour le renom d'icelle desconfiture, dont eschappèrent plusieurs par fuitte et entre autres messire Jehan Fascot^ qui se sauva dedans Corbueil, furent tant espoantez les gens des garnisons anglesches estans ou pays deBeausse, comme Mont-Pipeau^ Sainct- Sigismont et autres places fortes et fortiffiëes , qu'ilz y boutèrent le feu, et s'en fuyrent hastivement. Et par le contraire creut le cuer aux Françoys , qui de toutes pars se assemblèrent à Orléans , cuidaqs que le roy y deust venir pour ordonner le voyaige de son sacre : ce qu'il ne feiât; dont ceulx de la cité qui Tavoient faict tendre et parer, en furent mal contens, non considérans les affaires du roy, qui pour conclurre de son estât se tenoit à Sully sur Loire.

Et pour ce y alèrent le duc d'Âlençon , et tous les seigneurs et gens de guérite qui avoient esté à la journée de Pathay et de là s'estoient retirez à Orléans; et par espécial la Pucelle, laquelle luy parla du connestable, en luy remonstrant le bon vouloir qu'il demonslroit avoir à luy, et les nobles seigneurs et vaillansgens de guerre, dont il luy amenoit bien quinze cens combntans; luy pria qu'il luy vousist pardonner son mal talent. Ce que le roy feist à la requeste d'elle, combien que pour Famour du seigneur de la Ti^moulle, qui a voit la plus grant auctorité entour luy, ne voutt souffrir qu'il se trouvast avecques luy ou voyaige de son sacre ; dont la Pucelle fut très desplaisante, et si furent plusieurs grans seigneurs, cappitaines et autres gens de con-

Digiti

seil, congnoissant qa'il en envoyoit beaucoup de gens de bien et de Taiilans hommes. Mais toutesfois n'en osoyent parler, parce que ilz véoient que le roy faisoit du tout en tout ce qu il plaisoit à celuy seigneur de la TremouUe, pour plaire auquel ne voult souffrir que le connestable vint devers luy. Ppurquoy il pensa emploier autre part ses gens de guerre, qui estoient fort désirans de suivir les armes y et voult aller assiéger Marchesnoir, qui est entre Bloys et Orléans. Mais quant les Angloys et Bourguinguons y estans en garnison en furent advertiz, ilz envoyèrent par saulf con* dait aucuns d'eulx devers monseigneur le duc d'Âlençon , qui traicta pour le roy avecques eulx , et leur donna espassé de dix jours pour emporter leurs biens , et fist tant qu'ilz promisdrent d'estre bons et loyaulx Françoys et de mectre la place en la main du roy : dont ilz baillèrent hostaiges, pour plus grant seureté. Et pour ce faire , et ce moyennant , leur devoit le roy pardonner toutes oflfences.Âprez lequel traictié fut par le duc d'Alençon mandé au connestable qu il ne pro* cédast plus avant, et aussi ne feist-il ; mais les traistres se parjurèrent, car quant ilz sceurent que le connes* table, pour la doubte duquel avoient cefaict et traictié, se departoit, ilz firent tant, durant le terme de dix jours, qu'ilz prindrent par cautelles aucuns des gens du duc d'Alençon et les menèrent prisonniers dedans leur place de Marchesnoir, afin qu'ilz peussent ravoir leurs hostaiges; et par ce ne la rendirent, mais la tindrent comme devant.

Ledimanche après la festeSainct Jehan Baptiste (1),

(1) Ce (nt le 96 juin.

Digiti

celluy mesme an mil quatre cens vingt-neuf, fut rendu Bonny à messire Loys de Culan , admirai de France , qui Testoit allë assiéger à tout grans gens par Fordonnance du roy. Lequel avoit envoyé querre la royne Marie^ sa femme, fille de feu Loys, roy de Cecille, second de ce nom, parce que plusieurs estoient d'oppinion qu'il l'amenast couronner avecques luy à Reins. Et peu de jours après luy fut amenée à Gien , là où il tint plusieurs conseilz, pour conclure la manière à luy pins convenable à tenir ou voyage de son sacre. En la fin desquelz conseilz fut conclud que le roy renvoyrait la royne à Bourges, et que sans assiéger Cosne et La Charité sur Loire, que aucuns conseilloient à prendre par force avant son partenïent, il se mectroyt en chemin : ce qui fut faict, car la royne remenée à Bourges, print le roy sa voye vers Reins.

Et se départit de Gien le jour Sainct Pierre, en celluy moys de juing, accompaigné de la Pucelle, du duc d'Alençon, du conte de Clermont, depuis duc de Bourbon , du conte de Veudosme , du seigneur de Laval, du conte de Boulongne, du bastart d'Orléans, du seigneur de Lohiac, des mareschaulx de Saincte-Sevère et de Rays, de Tadmiral de Culan et des seigneurs de Thouars, de Sully, de Chaumont sur Loire, de Prie, de Chauvigny et de la Tremoille, de La Hire , de Poton , de Jamet du Tilloy, [Tudual de Carmoisen] dict Bourgois (1) , et de plusieurs autres seigneurs, nobles, vaillans cappitaines et gentilzhommes , avecques environ douze mil combatans, tous preux, bai'diz,

(1) Je supplée, conrormément à l'énumération de la page 170, le nom du seigneur de Kermoisao qui manque dans les éditions et dans les mss.

Digiti

vaillans et de granl couraige ^ comme par avant , et lorSf et aussi depuis monstrèrent en leurs laiz et vaillans entreprinsesy et par expecial en cestuy voyaige. Durant lequel passèrent en y allant et repassèrent en retournanty franchement et sans riens craindre , par les pays et contrées dont les villes, chasteaux, ponts et passaiges estoient garniz d'Ângloys et Bourgoignons.

Et par expecial vindrent tenans leur voye présenter le siège et assauit devant la cité d'Âuxerre. Et de faict sembloit à la Pucelle et à plusieurs seigneurs et cappitaines, qu'elle estoit aysée à prendre d'assault, et y vouloient assayer. Mais ceulx de la cité donnèrent secrettement deux mil escus au seigneur de la Tremoille, afin qu'il les gardast d'estre assailliz; et si baillèrent à l'ost du roy beaucoup de vivres , qui estoient très nécessaires. Et par ce ne firent nulle obéissance : dont furent très mal contens les plusieurs de rarmée , et meismement la Pucelle ; combien que pour eulx ne s'en fist autre chose. Mais toutesfoiz demoura le roy trois jours environ, et puis s'en partist à tout son ost et s'en alla vers Sainct-Florentin , qui lay fîit rendu paisible.

Et delà tira jusques à Troyes, là où il fit sommer ceulx de la cité qu'ilz luy feissent obéissance : dont ilz n'en voulurent riens faire, ainçois fremèrent leurs portes et se préparèrent à defFendre , .se on les vouloit assaillir. Et oultre plus en saillirent dehors de cinq à six cens Ângloys et Bourgoignons , qui y estoient en garnison, et vindrent escarmouscher contre l'armée du roy , ainsy qu'elle arrivoit et se logoit entour celle cité. Mais ilz furent faiz rentrer bien has* tivemeut et à grant fonlle par aucuns vaillans cappi-»

Digiti

taines et gens d'armes de l'armée du roy^ qui se tint Ik ainsi comme en siège, par l'espasse de cincq jours. Durant lesquelz souffrirent ceulx de l'ost plusieurs malaises de faim ; car il y en avoit de cincq à six mil qui furent près de huict jours sans menger pain. £t de Êiict en fust beaucoup mors de famine y se n'eust esté l'abondance des febves qu'on ayoit semées celle année par l'admonnestement d'ung cordelier nommé frère Richart, qui es Advens de Noël et devant avoit preschié par le pays de France en divers lieux et dit entre autre choses en son sermon : a Semez y bonnes (( gens y semez foison de febves ; car oelluy qui doibt « venir viendra bien brief. » Et tant que pour celle famine et aussi parce que les Troyens ne vouloyent faire obéissance, fut par aucuns conseillé au roy qu'il retournast arrière sans passer oultre, considerans que la cité de Chaaions et mesme celle de Reims estoient aussi es mains des adversaires.

Mais ainsi que celle chose se traictoit au conseil devant le roy, et que par la bouche de maistre Regnault de Chartres , iors archevesque de Reims , chancellier de France, eust été jà requis à plusieurs seigneurs et eappitaines qu'ilz en deissent leur oppinion; et aprez que le plus d'eulx eurent remonstré que, pour la force de la ville de Troyes et la faulte d'artillerie et d'argent , estoit millèur de retourner : maistre Robert le Maçon , qui estoit homme de grant conseil , et avoit autreiïoiz esté chancellier, dist en effect , requis déclarer son oppinion , qu'on en devoit parler expressément à la Pucelle, par le conseil de laquelle avoit esté emprins celluy voyaige, et que par adventure elle y bailleroit bon moyen. Ce que advint,,

Digiti

car eulx ainsi concluans , elle frappa fort à l'uys du conseil , et après qu'elle fut entrée dedans , le chancellier lui expousa en brieiz motz ou parolles , les causes qui avoient meu le roy à entreprendre celluy Yoyaige et celles qui le mouvoyent à le délaisser. Sur quoy elle respondit très saigement , et dist , que se le roy vonloit demourer » que la cité d^ Troyes seroit mise en son obeyssance dedans deux ou trois jours , ou pour amour ou par ibrœ. Et le chancellier luy dist : (c Jebanne, qui seroit certain dedans six jours, u on attendroit bien. » A quoy elle respondit de recbief^ qu'elle n'en faisoit aucune double : par quoy fut conclud qu'on actendroit (1).

£t Iprs elle monta sur ung courcier , tenant un baston en sa main , et feist toutes aprestes en grant dilligenoe, pour assaillir et faire gecter canons : dont Tévesque et plusieurs de la Tille se merreillèrent fort. Lesqualz considerans que le roy estoit leur droicturier et souverain seigneur, et aussi les faiz et entreprinses de la Fucelle , et la voix qui d'elle couroit qu'elle estoit envoiée de Dieu : requirent parlementer. Et yssit hors l'evesque avecques aucunes gens de bien , tant de guerre, comme citoyens, qui firent composicion que les gens de guerre s'en yroyent eulx et leurs biens, et ceulx de la ville auroient abolicion général. Et vonlt le roy que les gens d'église , qui avoient bénéfices soubz Henry, roy d'Angleterre, leur demourassent fermes; mais que seullement reprinssent nouveaulx tiltres de luy (2). Et soubz celles condicions, le

(1) Cf. le récit de Jean Ghartier, ci-deftsus , p. 73.

(3) Voir les articles du traité imprimé dans le Recueil des Ordonnances y t. Xlll,p. 14?.

Digiti

lendemain au matin le roy et la plus part des seigneurs et cappitaiues, moult bien habillez^ entrèrent en celle cité de Troyes. En laquelle avoit par avant plusieurs prisonniers , que ceulx de la garnison eminenoient par le traictié; mais la Pucelte ne le voult souffrir, quapt vint au partir^ et pour ce les racheta le roy et en paya aucunement leurs maistres.

Celluy mesmes jour, mist le roy cappitaines et autres officiers de par iuy en celle cité. Et le jour ensuivant passèrent par dedans tous ceulx de son armée , qui le soir de devant estoient demouriez aux champs soubz la garde de messire Âmbroys de Loré.

Aprez le roy s'en partist avecques tout son ost par Tadmonestement de la Pucelle , qui moult le bastoit , et feist tant qu'il vint à Chaaions ^ et y entra en très grant joye : car l'évesque et les bourgoys Iuy vindrent au devant, et Iuy firent pleine obeyssance. Pour quoy il y mist cappitaines et officiers de par Iuy, et s'en partit et alla vers Reins. Et parce que celle cité n'estoit en son obéissance , il se loga à quatre lieues près , à ung chasteau nommé Sepsaulx (t), qui est à l'archevesque. Dont ceulx de Reims furent fort esmeiiz, et par expeoial les sefgneurs de Chastillon sur Marne et de Saveuses, y estans en garnison de par les Anglois et Bourgoignons , qui firent assembler les citoyens et leur dirent que , s'ilz se vouloient tenir jusques h six sepmaines, qu'ilz leur ameneroient secours. Et depuis, de leur consentement mesmes, s'en partirent. Lesquelz non estans encoires guères loing.

(1) C'est de Sepsaulx, 16 juillet, qu'est datée l'aboUtion accordée par Charles VU aux habitants de Reims.

Digiti

tindrent les bourgeois conseil publicque , et par le vouloir de tous les habitans envoyèrent devers le roy^ qui leur donna toute abolicion , et ilz luy livrèrent les clefe de la cité. Dedans laquelle celluy jour au matin, qui estoit saroedy, entra et feist son entrée rarchevesque y car deppuis qu'il en avoit esté faict archevesque n'y avoit entré. Et laprès-disnée, sur le soir, y entra le roy et son armée entièrenaent; là où estoit Jehanne la Fucelle, qui fut moult regardée de tous. Et là vindrent aussi René, duc de Bar et de Lorraine , frère dn roy de Secille , et aussi le seigneur de Commercy, bien acompaignez de gens de guerre, eulx ofTrans à son sei'vice.

Le lendemain , qui fut dimenche [dix]-septiesme jour de juillet, celluy mesmes an « mil quatre cens vingt-neuf (1) , les seigneurs de Saincte-Sevère et de Rays, mareschaulx de France, le seigneur de Graville, et le seigneur de Culan , admirai de France furent par le roy, selon la coustume anchienne^ envoyez à Sainct-Remy pour avoir la saincte ampole. Lesquelz firent les sermens acoustumez (c'est qu'ilz promirent qu'ilz la conduiroient et raconduiroient seurement ), et l'aporta bien dévotement et solempnellement l'abbé, estant revestu en habit pontifical, ayant dessus luy ung riche parement d'or, jusques devant l'église de Sainct Denis. Et là vint l'archevesque, pareillement revestu

(1} L'auteur de la Chronique de la Pucelle inlcrcale ceci : «Fut ordonné que « le roy prendroit et recevroit son digne sacre ; et toute la nuit fit on grande dil-

• ligence à ce que tout fust prest au matin. Et ce fut un cas bien merveilleux ; « car on trouva en ladicte rite toutes les choses nécessaires qui sont grandes ;

• et si ne pouvoit on avoir celtes qui sont gardées dans Saint-Denis en m France. »

Digiti

et aoompaigné des chanoines , et la print et porta dedans l'église , et la mist sur le grant autel de Nostre Dame de Reims. Devant lequel Tint le roy habillé comme il appartenoit; auquel feist TarcheTesque faire les sermens acoustumez de faire aux vrais roys de France^ voulans recevoir le sainct sacre. Et inconti* nant après fut faict le roy chevalier par le duc d'Âlençon, et, ce faict, le sacra et couronna Tarchevesque, gardant les cérémonies et prononçant les oroisons , bénédictions et exortacions contenues ou pontifical faict propre à celuy sainct sacre; lequel acomply, feist le roy 9 [p^^"] gi^nt excellance, conté de la seigneurie de Laval. Et d'autre part firent là le duc d' Alençon et le conte de Clermont plusieurs chevaliers. Et aprez le service, fut la saincte ampole reportée et conduicte ainsi qu'elle avoit esté apportée.

Quant la Pueelle vit que le roy estoit sacré et cou* ronné, elle se agenoulla, présens tous les seigneurs, devant luy , et en l'embrassant par les jambes , luy dist en plonrant à chaudes larmes (1) : «Gentil roy, or est (c exécuté le plaisir de Dieu, qui vouloit que levasse le ce siège d'Orléans , et que vous amenasse en ceste cité (( de Reims recevoir vostre sainct sacre, en monstrant (c que vous estes vray roy, et celuy auquel le royaume « de France doit appartenir. » Et moiilt faisoit grant pitié à tous ceulx qui la regardoyent.

(1) Variante de la Chronique de la Pueelle : « Là estoit présente Jehanne « la Pueelle tenant son estendart en sa m^in ; laquelle en effet estoit , après « Dieu , cause dudit sacre et couronnement et de toute ceste assemblée. Et t qui eust veu ladicte Pueelle accoller le Roy à genoux par les jambes et luy « baiser le pied en pleurant , il en eust en pitié. Mesmes elle provoquoit plu- « sieurs à pleurer en disant, etc. »

Digiti

Celluy jonr et lesdeux joursensuÎTanSy séjourna leroy à Reims, et après s'en ala (1) à Sainct-Marcoul , par le mérite duquel obtindrent les roys de France la grâce divine , dont ilz garissent des escroelles ; et aussi y doivent ilz aller incontinant aprez leur sainct sacre : ce que le roy fist et acomplit. Et là venu, feist ses oraisons et <^randes; duquel lieu s'en vint à une petite i^ille fermée, nommée Yailly, en la vallée et à quatre lieues de Soissons. Les bourgoys de laquelle cité de Soissons luy apportèrent là les clez, et si firent ceulx de la cité de Laon, ausquelz il avoit envoyé ses héraulx leur requerre ouverture ; mais au partir de Vailly , s'en alla dedans Soissons, là où il fut receu à très grant joye de tous ceulx de la cité qui moult l'amoient, etdesiroient sa venue. Et là luy vindrent les très joyeulses nouvelles que Chastiau-Thierry, Crecy en Brie, Provins, Coulemiers et plusieurs autres villes s'estoient remises en son obéissance.

Quant le roy eut séjourné par aucun temps en celle cité de Soissons, il s'en partit et s'en ala à Chastiau- Thierry, et de là à Provins, là où il se tint trois ouquatre jours, et ordonna son armée en bataille, et se mist sur les champs vers une place dicte la Motte de Maugis 1(2), actendant le duc de Bethefort, qui estoit yssu de Paris, et passant par Corbueil, arrivé à Melun, dont

(1) La Chronique de la Pucelle développe ainsi ce passage : « En un prieuré • qui est de l'église de Saint-Reroy, nommé Gorbigny, situé à environ six « lieues de Reims , où est le corps d'un glorieux saint qui fiit du sang de « France, nommé Saint Harcoul. »

(2) la Motte de NangU , dans la Chronique de la Pucelle. C'est la bonne teçoa.

Digiti

il s*esloit party k tout plus de dix mil combatans, disant qu'il le combatroit. Mais il changea pt*oupos et s'en retourna à Paris , combien qu'il avott bien autant de gens que le roy. Lequel avoit aucunes gens en sa compaignie, qui tant desiroient retourner de là la rivière de Loire , que pour leur complaire il avoit conclud le faire. Mais ceulx de Bray, où il cuydoit passer Seine, et qui luy avoient promis livrer l'entrée, mirent efi leur ville grant compaignie d'Anglois et Bourgoignons , le soir devant qu'il y devoit passer: dont [ne] furent des plaisans les ducs de Bar etd'Alençon , et les contes de Yendosme et de Laval , avec les autres capitaines et vaillans gens de guerre , contre le vouloir desquelz s'en vouloit le roy ainsi retourner. Et leur oppinion estoit qu'il se mist à reconquester de plus en plus, veu que la puissance des Anglois ne l'avoit osé combattre. Pour quoy ilz le firent retour* ner à Chasteau-Thierry (1), et de là à Crespy en Valoys, duquel lieu il vint loger son ost aux champs assez prez de Dampmartin en Gouelle. Au devant duquel acouroyent les peuples françois de toutes pars , crians iVoéZ et chantans Te Deum laïuiamus , et dévotes anthiennes, versetz et respons , et faisans merveilleuse feste, regardans sur tous moult la Pucelle. Laquelle considérant leur maintien , plouroit moult fort , et soy tirant à part , dist au conte de Dunoys : c< En nom Dieu , vez cy bon peuple et dévot, et voult< droye que je morusse en ce pays, quand je debvray

(1) La Chronique de la Pucelle ajoute : « la Vigile Nostre-Dame de la myaoust. »

Digiti

« mourir. » Et celluy conte luy demanda lors : « Je- <€ hanne^ sçavez-vous quant vous mourrez , et en i€ quel lieu? » A quoy elle respondit que non , et qu'en la volenté de Dieu en estoit; disant oultre à luy et aux autres seigneurs : « J'ay accomply ce que f« Messire me a voit commandé , qui estoit lever le « siège d'Orléans et faire sacrer le roy. Je vouldroye <f qu'il luy pleust me faire remener à mon père et à « ma mère, aiBn que je gardasse mes brebis et mon (f bestial j et feisse ce que je souloie faire (1). » Et en rendant grâces à Nostre Seigneur, levoit moult humblement les yeulx vers le ciel. Par lesquelles paroles qu'ilz véoient estre véritables, et la manière d'elle, creurent tous fermement qu'elle estoit saincte pucelle et envoyée de Dieu ; et si estoit elle.

Quant le duc de Bethefort, oncle et lieutenant général du roy Henry, et pour luy gouvernant les citez et villes et places tenans son party en ce royaume , sceut que le roy estoit sur les champs environ Dampmartin, il se partist de Paris à tout grant nombre de gens de guerre , et s'en vint loger vers Mictry, près d'icelluy Dampmartin, et se mist en son armée, qu'il ordonna par batailles en belle ordonnance et place bien advantfigeuse. Ce qui fut nonce au roy; lequel feist ordonner ses gens pareillement, en intencion d'attendre et recevoir en bataille les adversaires, ou de les aler assaillir, s'ilz se mectoient ouestoient trouvez en place pareille. Mais lesÂngloys ne monsti'èrent

(I) Toute cette conversatioD est tirée de la déposilioD du comte de Dunois (voyez t. III , p. i4) ; mais on a ajouté les paroles qui concernent Taccomplisseinent de la mission.

Digiti

aucun semblant de les vouloir assaillir ^ car par le contraire ilz s'estoient mis en place fort adyantageuse et fortifiiez : comme fut veu , apperceu et rapporté par La Hire et aucuns autres vaiilans cappitaines et gens de guerre , qui celluy jour, pour veoir leur maintieng, et s'il estoit licite de les assaillir, leur alèrent faire grant escarmousche par plusieurs lieux et diverses foiz, deppuis le matin jusqu'à la nuyt; combien qu'il n'y eut lors comme point de dommaige , tant d'un costé que d'autre. Après lesquelles escarmousches se retourna le duc de Betheîbrt avecques son armëe dedans Paris, et le roy tira vers Crespy en Valoys , dont il envoya de ses héraulx sommer et requérir ceulx de Compiengne qu'ilz se meissent en son obéissance ; lesquelz respondirent qu'ilz le feroient très voulentiers.

Environ ces jours , alèrent aucuns seigneurs françoys dedans la cité de Beauvoys, dont estoit évesque et conte maistre Pierre Cauchon , fort enclin au party angloys, combien qu'il fust natif d'entour Reims. Mais ce nonobstant ceulx de la cité se mirent en la pleine obéissance du roy, si toust qu'ilz virent ses héraulx portans ses armes, et crièrent tous en très grant joye: « Vive Charles, roy de France ! » chantèrent TeDeum^ et firent grans resjoissemens. Et ce faict , donnèrent congié à tous ceulx qui ne vouldroyent demourer en celle obéissance, et les en laissèrent aler paisiblement et emporter leurs biens.

Peu de jours aprez , saillit hors de Paris de rechief le duc de Bethefort pour venir à Senliz à tout son armée de devant, acreue de quatre mil Angloys que son oncle, le cardinal d'Angleterre, avoit amenée de

Digiti

ET HISTORIENS DU XV* SIÈCLE. ' 191 delà la mer, soubz couleur de les mener contre Içs Boesroes h^ites ; mais mentant ses promesses , les mist en besongne contre les Françoys très vrays chrestiens y combien qu'ilz eussent esté soubsdoiez de l'ar* gent de l'église (1). Ce qui vint à la congnoissance du roy, lequel s'estoit departy, menant son ost pour aller a Gompiengne, et s'estoit logié à un village nommé Barron (2) , à deux lieues de celle cité de Senliz , laquelle tenoit le party anglois et bourgoi* gnoD* Et par ce ordonna que messire Ambroys de haré, depuis. preTOst de Paris ^ et le seigneur de Sainctes-Trailles yroient bien montez vers Paris et ailleurs où bon leur sembleroit , et adviseroient au vray le faict du duc de Bethefort et de son ost. Lesqueiz ayant avecques eulx aucuns de leurs gens des mieuix montez, se partirent toust , et firent qu'ilz approuchèrent tant prez de Tost des Angloys, qu'ilz veirent et apperceurent sur le grant chemin d'entre Paris et Seolis grans pouldres , par quoy congneurent qu'ilz Tenoient. Et à celle occasion envoyèrent ung de leurs hommes hasUvement devers le roy, luy singnifîant la venue des adversaires; et ce nonobstant actendirent tant 9 qu'ilz apperceurent et congneurent au vray tonte l'armée, et ce qu'elle pouvoit monter, et com-

(Ij Voyec dans R/roer« t. X, p. 4S'4 , les articles de rappointemeot coacln entr^ le conseil d'Angleterre et le cardinal à la date du t*' juillet 1429 , pour convertir l'armée de la foi en une simple levée destinée à renforcer les armées de France.

()) On ne comprend pas cet itinéraire , car aller de Crépy à Baron , c'est tourner le dos èCoropiègne. Le roi, en se rendant à Baron, se détonrnaii pour intercepter le passage de l'armée anglaise, sauf à retourner pins tard sur Compiègne.

Digiti

m TÉMOIGNAGES DES CHRONIQUEURS

ment elle tiroit vers celle cité de Senliz : que par uiig autre de leurs hommes envoyèrent de rechief dire hastivement au roy* Lequel feist ordonner toutes ses batailles et s'en vint à très grantdilligence à tout son armée sur les champs; et tirèrent droit à Senliz ; si se mirent à chemin entre la rivière qui passe à Barron (1), et une montagne dicte Montespiloer.

D'autre part arriva à heures de vespres le duc de Bethefort à tout son ost prez de Senliz , et se mist à passer une petite rivière, qui vient de celle cité à Barron ; combien que le passiaige par où il passoit ainsi son année estoit si estroict, qu'il n'y povoit passer que deux chevaulx de fronc. Pour quoy, si toust que les seigneurs de Loré et de Sainctes-Trailles les virent commancer à passer celluy dangereux passaige y ilz s'en retournèrent le plus hastivement qu'ilz peurent devers le roy, et luy acertenèrent ce qu'ilz avoient veu. Dont il fat moult joyeulx, et feist ordonner ses battailles, et tirer tout droit au devant des Ângloys, les cuidant combatti'e à ceiluy passaige ; mais l'armée des Françoys n'y sceut si toust venir, que la plus part des Ânglôys ne {eussent jà passez. Et par ainsi s'approuchèrent tant les deux armées , qu'elles s'entrevéoyent, et aussi n'estoient elles que à une petite lieue l'une de l'autre. De chacune desquelles^ combien qu'il fust jà vers le soleil couchant, se partirent plusieui^ vaillans et gens de guerre, et s'entre-escarmouschèrent par diverses foiz; èsquelles se feist de très beaulx faiz d'armes. La nuyt les faisant cesser, se logèrent les

(t) C'est la Noneile.

Digiti

Angloys au long de la rive de celle rivière, et les Françoys furent logez vers le Montespiloer.

Le lendemain au matin , feist le roy ordonner très diligeinment son armée par batailles, et en fist trois parties, de la première desquelles (c'est de l'avantgarde) et où avoit plus de gens, bailla la charge au duc d'Alançon et au conte de Vendosme. De la seconde , qui debvoit estre ou milieu , fut conduiseur René , lors duc de Bar et de Lorraine , et depuis roy de Cécile et duc d'Anjou. En la tierce, en laquelle avoit plusieurs seigneurs et très vaillans gens d'armes, et qui estoient comme l'arrière garde , [le roy] voult estre luy mesme; et avoit avecques luy le duc de Bourbon et le. seigneur de La Tremoille , avecques grant nombre de chevaliers et escuiers. Pour les aisles desquelles trois batailles, furent ordonnez et eurent la charge les mareschaulx de Saincte-Sevère et de Rays , ausquelz on bailla plusieurs chevaliers , escuiers et gens de guerre de divers estats. Et par dessus toutes ces ordonnances, fut réservée pour faire escarmouches, renforcer et secourir les autres battailles , se mestier en estoit, une autre bataille de très vaillans seigneurs, cappitaines, et autres gens de guerre, dont estoient conducteurs et avoient la charge , la Pucelle , le bastart d'Orléans , le conte d'Alebret et La Hire. Et au regart de tous les archiers, eurent la conduicte le seigneur de Graville et ung chevalier de Limozin , appelle messire Jehan Foucault.

Lesquelles ordonnances ainsi faictes, che\aucha le roy assez loing de ces trois batailles plusieurs foiz par devant l'armée des Angloys , de laquelle estoit chief le duc de Bethefort , qui avoit en sa compaignie