IV. l'i

Digiti

ie bastart de Sainct-Pol, et moult de Picars et Bourgoignons^ a^ecques plusieurs autres chevaliers, escuiers et gens de guerre , estans en bataille ordonnées près d'ung villaig« (1), et ayans au dos un grand estang. Lesquelz ce non obstant n'avoient cessé toute nuyt, et ne cessoient encoires d'eulx fortiffier en grant dilligence, tantdepaulx et teudiz, comme de foussez. Pour quoy quant le roy, qui par le conseil de tous les seigneurs de son sang, là estans, et autres seigneurs, chevaliers, escuiers, cappitaines et très vaillans gens d'armes, avoit prins conclusion de combatreles Ânglois et leurs alliez, s'ilz se mectoient et estoient trouvez en place esgalle : ftit adverti par aucuns vaillans cappitaines et gens congnoissans eu armes , de la manière qu'iiz tenoient; comment ilz estoient logez en place forte d'elle mesmes et s'estoient fortifiiez et fortiffioient de foussez et de paulx : il vit bien qu'il n'y avoit nulle apparence de les povoir assaillir ne combatre , sans trop grant dommaige de ses gens. Mais ce nonobstant il feist approucher ses batailles jusques à deux traicts d'arbaleste près des Ângloys, et leur feist signifier qu'il les combatroit, s'ilz vouloient saillir de leur parc. Ce qu'iiz ne voulurent faire, combien qu'il y eut de très grans et merveilleuses escarmousches, car plusieurs vaillans Francis alloyeut souvent tant à piet que à cheval jusques à la fortifficacion des Angloys poi^r les esmouvoir ii saillir ; tellement que grant nombre d'eulx sailloient par diverses foiz, qui reboutoyent les François. Lesquelz renforcez et secourus d'aucuns des leurs, renchas-

(1) Notre-Dame de la Victoire.

soyent les Ângloys^ qui pareillement confortés et aydez par autres de leurs gens saillans de nouveau , rechargoyent sur les François et les faisoient reculler, jusques à ce que nouTclles gens de leurs grans batailles se yenoient joindre aTecques eulx , par la force et Taillance desquelz regaignoient place contre leurs ennemys.Et ainsi passèrent celluy jour sans cesser jusques près du souleil couchant.

En celles saillies et escarmousches souvent renou* yellées voult aler le seigneur de La Tremoulle; lequel estant monté sur ung courcier moult joliz et grandement habillé, et tenant sa lance ou poing, frappa son cheval des espérons , qui par cas d'aventure cheut à terre , et le tresbucha ou milieu des ennemys ; par lesquehc il fut en grant danger d'estre tqé on prins; mais pour le secourir et monter se feirent grans dilligences. Par quoy se fît monter à très grant peine , car à celle heure y eut très forte escarmousche ; et tant que environ soleil couchant se joingnirent ensemble pli|sieurs Françoys et se vindrent très vaillamment présenter jusques auprez de la fortifficacion des Angloys , et là les comba tirent et escarmouschèrent main à main gisant espassede temps, jusques à ce que plusieurs d'eulx , tant à piet que à cheval saillirent hors de leur parc à grant puissance, et les firent tirer ai*rière. Contre lesquelz saillirent aussi pareillement des battailles du roy grant nombre de très vaillans seigneurs, chevaliers, escuiers et autres gens d'armes, et se entremeslèrent entre leur gent contre les Ângloys. Et à celle occasion fut lors faicte la plus grousse et la plus dangereuse escarmouche de tout le jour; et tant s'entremesièrent de preZ| que la pouldre sourdit si es-

Digiti

pesse entour eulx, que on n'eust peu coiignoistre ue discerner lesquelz estoient Françoys ou Angloys; et tellement que , combien que les deux batailles -contraires fussent très près l'une de l'autre , si ne se povoient elles entreveoir. Celle dernière escarmousche dura jusquesà la nuyt serrée, laquelle feist départir les Françoys des Angloys , desquelz tant d'une part que d'autre furent celluy jour plusieurs tuez ', blecez etprins prisonniers. Les Angloys se retirèrent et logèrent tous ensemble dedans leur parc et fortifficacion , comme ilz avoient faict la nuyt de devant; et les Françoys^ tous assemblez , s'en alèrent aussi loger à demie lieue d'eulx , et près de Montpiloer , ainsi qu'ik avoient faict le soir par avant. Et quant vint le lendemain au matin, les Angloys se mirent à chemin et alèrent à P^ris ; et le roy et son armée s'en retournèrent vers Crespy en Valloys.

La nuyt ensuivant , se logea le roy dedans Crespy^ et le lendemain s'en ala à Gompiengne , là où il fut receu grandement et honnorablement par ceulx de la ville , qui s'estoient mis n'avoit guères en son obéissance : pour quoy il y mist officiers de par luy. Par epecial en feist capitaine ung vaillant gentilhomme du pays de Picardie, appelle Guillaume de Flavy, qui estoit de bien noble maison (1).

En celle ville de Gompiengne envoyèrent ceulx des citezdeBeauvoyset de Senliz, etsemisrent en l'obéis-

(1) Il avait guerroyé dans TArgonne les années précédentes. Ce furent les bourgeois deCoinpiègne qui le demandèrent pour capitaine, lorsque Charles VII avait déjà pourvu La Tréroouille de cet office. Il fut agréé toutefois le 18 août ] 429 , jour même de l'entrée du roi ( Notes ms. sur Compiègne d'après les arthives de 8aint-Corneille , à la Bibliothèque du Roi , au Louvre ).

Digiti

sance du roy ; lequel se partist de Compiengne sur la 6n du mois d'aoust et s'en ala dedans Senlis. Et quant le duc de Bethefort le sceut , il se partist de Paris à tout grant armée de gens de guerre; et doubtant que le roy ne Toulsist tirer a reconquester Normandie, s'en y ala, et mist de ses gens en plusieurs places qu'il aToit en celuy pays en divers lieux , teuans le party angloys, et les garnit de vivres et artillerie ; délaissant à Paris messire Loys de Luxemboug, évesque de Therouenne, soy disant chancelier de France pour le roy Henry, et avecques luy messire Jehan Ratelet (1), chevalier angloys, et messire Simon Morbier; lesquelz avoient en leur compaignie deux ofiil combatans pour la garde et defFence de Paris.

D'autre part, le roy ayant ordonné officiers et cappîtaines de par luy à Senlis , il s'en partit environ le derrenier jour d'icelluy moys, et s'en vînt en la ville de Sainct'Denis , de laquelle luy fut faicte plainière obéissance. Et y fut deux jours, durant lesquelz furent faictes plusieurs courses et escarmouches par les Françoys y estans contre les Angloys de Paris; là où furent &iz plusieurs beaux faiz d'armes d'une part et d'autre.

Et le tiers jour s'en partit la Pucelle et le duc d'Â-. lençon , le duc de Bourbon , le conte de Yendosme , le conte de Laval et les mareschaulx de Saincte-Sevère et de Rays, La Hire, Poton et plusieurs autres vaiU lans chevaliers , cappitaines et escuiers , avec grant

(I) Bathelet dans la Chronique de la Pucelle. Voyex la leçon de Jean Cl^artier» ci-dessus , p. 85.

Digiti

nombre de yaillans gens de guerre, et s'en vindrent loger en un village dit La Chappelle, qui est ou chemin et comme au mlllieu de Paris et Sainct-Denis.

Et le lendemain ensuivant s'en vindrent mettre en belle ordonnance ou Marché-aux-pourceaulx, devant la porte Sainct-Honnoré, et firent assortir plusieurs canons, dont ilz firent gecter en plusieurs lieux et souvent dedans Paris, Où estoient en armes les gens de guerre y estans en garnison , et aussi le peuple , et faisoient porter plusieurs estendars de diverses couleurs, et tournoyer, aller et retourner à Tentour des murs par dedans; entre lesquelz en y avoit ungmoultgrantà une croix rouge. Aucuns seigneurs Françoys se voulurent approucher plus près, et par especial le seigneur de Sainct-Vallier, daulphinoys, lequel fist tant que luy et ses gens alèreiit bouter le feu ou boulevert et à la barrière decelleporlede Sainct-Honnoré. Et combien qu'il y eusl plusieurs Angloys pour les defïendre , toutesfoyz leur convint il i etraire par celle porte , et rentrer dedans Paris; par quoy les Françoys prindrent et gaignèrent h force la barrière et le boulevert. Et parce ([u'ilz se pensèrent que les Angloys sauldroient par la porte Sainct-Denis pour coîirir sus aux Françoys estans devant la porte Sainct-Honnoré, les ducs d'Alençon et de Bourbon s'embus(*hèrent derrière la montaii^ne qui est auprès et contre celluy Marché des pourceaulx (et plus près ne se povoient pas mettre , pour double des canons, veuglaireset couleuviines, dont tiroient ceulx de Paris sans cesser); mais ilz perdirent leur peine, car ren'x de Paris n'osèrent saillir hors la ville. Pour- t[uoy la Pucelle voyant leur couart maintien, délibéra de les a^.saillir jusques au pié de leur mur.

Et de faict , se vint présenter devant eulx, pour ce faire, ayant avecques elle plusieurs seigneurs et grànt cornpaignie de gens d'armes et plusieurs seigneur^ , entre lesquelz est oit le mareschal de Rays, qui tous par belle ordonnance se mirent à piét et descendirent ou premier foussé. Ouquel eulx estans, elle monta le dos d'asne^ duquel elle descendit jusqùes ou second fossé, et y mist sa lance en divers lieux, tastant et essayant quelle parfondeur il y avoit d'eaue et de boue. En qiioy faisant elle fut grant ëspasse , et tellement qu'ung arbalestier de Paris luy perça la cuisse d'ung traict; mais ce non ôbstant, elle ne s'en vouloit partir, etTaisoit très grant dilligence de faire apporter et gecter fagotz et bois dedans cestuy foussé pour Templir, aGn qu'elle et les gens de guerre peussent passer jusques aux murs : qui ne serabloit pas lors estre possible, parce que Teaue y estoit trop parfonde, et qu^elle n'avoit pas assez grant multitude de gens à ce faire , et aussi parce que la nùyt estoit proudiaine. Non obstant laquelle, elle se tenoit tonsjours sur celluy foussé, et t)e s'en vouloit retourner ne retraire en aucune manière, pour prière et requeste que luy feis^ent plusieurs [qui] par diverses fois l'alèrent requérir de soy en partir, et luy rèmonstrer qu'elle devoit laisser celle entreprinse : jusques à ce que le duc d'Alençon l'envoya querre, et la feîst retraîre, et toute l'armée, en icelluy village de LaVillètte (1), là où ilz se logèrent celle nuyt , comme ilz avoient faict le soir de devant.

Et le lendemain s'en retournèrent tous à Sainct- Denis ; en laquelle ville (ut moult louée la Pucelle da

(1) Liiez La ChapeUe,

Digiti

bon vouloir et hardy couraige qu'elle aVoit monstre , en voulant assaillir si forte cité et tant bien garnye de gens et d'artillerie , comme estoit la ville de Paris. Et certes aucunsdirent depuis que, se les choses se feussent bien eonduictes, qu'il y avoit bien grant apparence' qu'elle en fust venue à son vouloir; car plusieurs notables personnes estans lors dedans Paris , lesquelz congnoi.«soient le roy Charles septiesme de ce nom estre leur souverain seigneur et le vray héritier du royaume de France, et comment à grant tort et par cruelle vengence on les avoit sepparez et ostez de sa seigneurie et obéissance, et mis en la main du roy Henry d'Angleterre par avant mort, et deppuis continuant, soubz le roy Henry, son filz, usurpant lors grant partie du royaume: se feussent mis , comme deppuis firent, six ans après, et réduiz en l'obéissance de leur souverain seigneur, et luy eussent faict plainière ouverture de sa principlle cité de Paris. Ce que à ceste fois ne firent pour les causes dessus alléguées. Pour quoy le roy qui vit lors qu'ilz ne monstroient aucun semblant d'eulx vouloir rendre à luy, tint plusieurs conseilz dedans la ville de Sainct-Denys ; en la fin desquelz fut advisé que, veue la manière de ceulx de la ville de Paris, la grant puissance des Angloys et Bourgoignons y estans dedans, et aussi qu'il n'avoit assez d'argent, ne ne pouvoit avoir illec pour entretenir si grant armée, qu'il feroit le duc de Bourbon son lieutenant général. Ce qu'il feist, et luy ordonna demourer es villes, citez et places à' luy obéissans deçà la rivière de Loire ; et pour y mettre grousses garnisons, et les garder et deffendre, luy bailla grant nombre de gens d'armes et foison d'artillerie.

Digiti

Et ouitre celle ordonnance , yoult et commanda que le conte de Yendosme et l'admirai de Culant se tinssent à Sainct-Denis, ausquelz il bailla aussi plusieurs gens d'armes^ afin qu'ilz peussent tenir la garnison. Et ce faict, se partist le douziesme jour de septembre^ et s'en ala à Laigny sur Marne , dont il se partit le lendemain, et y ordonna cappitaine messire Ambroys de Loré, auquel il bailla messire Jeban Foucault, avecques plusieurs gens de guerre. Et tira d'illec le lendemain à Provins, et de là à Bray sur Seine, que les habitansrëduirent à son obéissance. Et puis s'en ala passer pardevant Sens, qui ne luy feist aucune ouverture; mais luy convint passer à gué, ung peu au dessoubz, la rivière d'Yonne, et tirer à Courtenay, dont il ala à Chasteau-Regnart et à Montargis, et au derrain à Gien, où il actendit aucuns jours, cuydant avoir accord avec le duc de Bourgoigne, qui luy avoit mandé par le seigneur deChargny qu'il luy feroit avoir Paris, et qu'il y viendroiten personne (1 ). Et à celle occasion, luy avoit le roy envoyé sauf conduit, affin qu'il peust passer sans contredit par les places et passaiges à luy obéissans ; et ainsi fist il , combien que luy arrivé à Paris, il ne tint riens de ce qu'il avoit promis; ainçois feist alliance avec le duc de Bethefort allencontre du roy, de trop plus fort que devant ; et ce non obstant, par vertu du sauf conduit , passa seurement et franchement par tous les pays, villes et passaiges de l'obéissance du roy, et s'en retourna en ses pays de Picardye et de Flandres. Et le roy qui fut adverty au vray, passa la rivière de Loire et s'en retourna à Bourges dont il

(1) Cf. le récit du hérault Bern, ci-dessus, p. 48.

Digiti

estoit party à la requeste et supplicacioti de la Pocelle, laquelle luy avoit dit par avant tout ce qui luy advint du lièvement du siëge d'Orléans , et de son saifict sacre, aussi de son retour franchement, ainsi que luy avoit révélé Nostre Seigneur.

En remercyant lequel et louant de sa grâce , £iis fin par son octroy divin à cestay présent et très compendieux traictié^ préintitulé dtt siège d'Orlëans mis par les Angloys et de la venue et Vaillans £iits de Jehanne laPucelle, et comment elle les en feist pai^ir, et sy feist sacrer à Reims le roy Charles septiesme, pfr graoe divine et force d'armes.

Digiti