VI
Digiti
Gomment les Anglois de Baugencj se rendirent aux Franchois,
Le lendemain au matin , se desloga ycellui ost et s'en ala logier devant la ville de Baugency sur Loire, en laquelle estoient les Anglois. Et tantost se retirèrent yceulx Anglois au chastel et sur le pont d'ycellui Baugency et habandonnèrent la ville.
Ce fait, Jehan d'Alenchon, Jehanne la Pucelle, le bastard d'Orléans et autres entrèrent dedens la ville et y logèrent, et y firent promptement affûter les bombardes devant ledit chastel , auquel avoit bien de sept h huit cens Anglois. Et durant le temps que on sortissoit lesdittes bombardes estans en la compaignie, faisans grant devoir de tirer; pendant ce aussy que on approuchoit, lesdis Anglois ne faisoient que bien pou de resistence, eulx voians aler la besongne à déclin et mal pour eulx. Et tantost après requirent à avoir composicion et eulx rendre. Auquel siège arriva ArtusdeRichemont, connestable de France, et le sire de Beaumanoir en sa compaignie. Et disoit-on qu'il estoit bien de mille h xii cens combatans, qui estoit grant secours et aide; et en est ledit connestable bien à recommander, car ycy et en pluiseurs aultres lieux a fait de grans services au roy.
Avec tout ce venoient chascun jour en Tost gens de toutes pars, et avoient prins les Franchois en eulx moult grant couraige et hardement pour la venue de laditte Jehanne la Pucelle; laquelle pluiseurs lenoient estre venue de par Dieu , car ses œuvres et gouvernement le demonstroieiit assez. Et les Anglois qui de ce oïoient parler chascun jour, en esloient tout espoventez; et requirent yceulx Anglois de parlementer
pour i*endre ycellui chastel et pont. Et finablement leur fut composicion donnée et saufconduit de eulx en aler et porter tous leurs biens. Et le lendemain au matin s'en partirent et rendirent ledit chasteau et pont de Baugency. Et les convoia et mîst hors de l'ost messire Âmbrois, sire de Loré, par l'ordonnance des seigneurs dessusdis.
La batlaille de Patay gaingnée par les Franchuis.
Et environ une heure après que yceulx Ânglois se furent partis à saufconduit pour eulx en aler, vint certaines nouvelles en Tost des Franchois que le sire de Tallebot , anglols , le sire d'Escalles , messire Jehan Fastol et pluiseurs aultres seigneurs et capitaines d'Angleterre jusques au nombre de quatre à chincq mille, estoient passez par Yen ville en Beausse pour venir droit à Meun sur Loire. Et tantost furent de ce mis chevaulcheurs à chemin pour sçavoir de ce la vérité plus à plain; et tousjours faisoient tirer ledit duc d'Alenchon, le conte deRichemont connestable de France, le conte de Vendosme et laditte Jehanne la Fucelle, ledit ost aux champs, hors de laditte ville de Baugency et mettre en battaille. Et tantost après revindrent yceulx chevaulcheurs, lesquelz rapportèrent qu'ilz a voient veuz yceulx Anglois prez de Meun sin' Loire, et que ceulx de Meun s'en estoient partis et avoient laissié et habandonné ycelle ville de Meun et s'en aloient avec les aultres; lesquelz Anglois tiroient droit à Yenville en Beausse.
Ce venu h la congnoissance du chic d'Alençon, le conte de Richeroont connesiahle de France , le conte de Vendosme, le bastard d'Orléans, Jehainie la Pucclle
Digiti
68 TÉMOIGNAGES DES CHKONIQUEUftS
et aultrès chiefz de guerre et capitaines .' fut conclud de tii^r hastivement celle part où que on disoit que yceulx Angloisestoient, et les combatre quelque part qu'ilz les peiissent trouver. Et tantost desplacèreut, les battai Iles et chevaulchèrent dillîgamment en tirant * yers une église forte , nommée Fatay en Beausse , et là furent trouvez et aconceuz (1) iceulx Ânglois, qui s*en aloient à pié et à cheval. Et en marchant tousjoui^s leur chemin , furent trouvez par les coureurs et avantgarde, et tant, que la battailte en laquelle estoit ledit duc d'Alençon, le connestàble de France, ledit conte de Vendosme, le bastard d'Orléans, Jehannela Pucelle et pluiseursaultres, approuchoient très fort.. Et la povoient bien veoir les Anglois, lesquelz Anglois se desmarchèrent pour prendre place en l'orée d'un bois, emprès ung village. Et à celle heure, lesdis coureurs et avantgarde des Franchois en laquelle estoient le sire de Beaumanoir, messire Ambrois de Loré, La Hire, Poton de Santrailles, et autres capitaines, férirent sur yceulz Anglois en telle manière , que ceulz qui estoient à cheval ou la plus grant partie d'iceulx, se prinrent à fuir, et ceulx à pié (lesquelz estoient en grant nombre) se boutèrent dedens ycellui bois et village. Et à celle heure arriva la battaille des Franchois, et finablement furent yceulx Anglois desconfiz; et en y ot de deux à trois mille mors et plui* seurs prisonniers. Et y furent prinsle sire de Tallebot, le sire d'Escalles, messire Gaultier de Hungrefort et pluiseurs aultres grans seigneurs d'Angleterre. Et dura la chasse jusques à Yenville en Beausse, laquelle
(I) n faudrait aeontuis , c'eat-à-dire rejoints.
Digiti
estoît tenue par les Anglois. Et fat d'icelle heure rendue et mise en l'obéissance du roy de France avecq pluiseurs aultres fortresses dudit païs de Beausse ; et se retirèrent messire Jehan Fastol et pluiseurs Anglois qui peurent eschapper de la besongne, à Corbeil; et les Franchois dessusdis couchèrent en la nuit ensieuvant audit lieu de Patay.
Armée de gens de guerre {)ar le Uoj de France.
L'an mil quattre cens xxix, au commencement du moisde juing, le roy Charles de France fist une grant armée par l'admonestement de iaditte Pucelle , laquelle disoit que c'estoit la vou lente de Dieu que le roy Charles alast à Rayns pour illec estre sacrez et couronnez. Et quelques difficultez ou doubtes que feist ledit roy ou son conseil ^ il fut conclud par l'admonnestement d'icelle Jehanne la Pucelle, que ledit roy manderoit ce qu'il pouroit fîner de gens pour aler et prendre le voïage de son couronnement à Rains, combien que ycelle ville de Rains fust tenue en l'obéissance des Anglois et toutes les villes et fortresses de Picardie, de Chanipaigne, l'isle de France , Brie, Gastinois, l'Aucerrois, Bourgongne et générallement tout le païs de Loire. Etavoiten la compaignie du ix)y de France, le duc d'Alençon, le duc de Bourbon, le conte de Vendosme, Jehanne la Pucelle, le sire de Laval, le sire de La Trimolle, le sire deRaiz, le sire de La Breth, le sire de Loehnc, frère du sire de Laval , et pluiseurs aultres grans seigneurs et capitaines ; et venoient gens d' urnes de toutes pars au service du roy. Et avoient 'iiascun granl altenle (jue par le moien d'yoellc .lelunie l;i Pucelle, on eust
Digiti
beaucop de biens ou royaulme de France : laquelle ou convoittoit et desiroit-on à congnoistre sesfais, comme chose venue de par Dieu. Et chevaulchoit tousjours armée en habillemens de guerre, ainsy qu'estoient les aultres gens de guerre de la compaignie ; et parloil aussy prudamment de la guerre, comme cappitaine sçavoitfaire. Et quant le cas advenoit qu'il y avoit en lost aulcun cry ou effroy de gens dai^mes, elle venoît, fust à pie ou à cheval, aussy vaillamment comme capitaine de la compaignie eust sceu faire en donnant cueur et hardement à tous les aultres , en les admonnestant défaire bon guet et garde en l'ost, ainsy que par raison on doit faire. Et en toutes les aultres choses estoit bien simple personne, et estoit de belle vie et honneste; et se confessoit bien souvent et recepvoit le corps Nostre Seigneur presques toutes les semaines une fois. Et tousjours estoit , armée ou aultrement, en habit d'homme et disoit-[on] que c'estoit trop estrange chose a veoir une femme chevaulchier en telle compaignie; et tant d'autres raisons disoit-[on] qu'il n'y avoit docteur, clerc ne aultre personne qui de son fait ne fust esmerveillié.
Et pour ceste heure, estoit le sire de la Trimolle avec le roy de France, etdisoit-on (|u'il avoit fort entreprins le gouvernement du roy et du royaulme de France; et pour celle cause grant <{uestion et débat s'esmeult entre ycellui sire de la Trimolle et le conte de Richement, connestable de France; pourquoy il faillit que ledit connestable de France, qui avoit bien en sa compaignie douze cens combatans, s'en retournast. Et aussy firent pluiseurs aultres seigneurs et capitaines, descjuel/ ledit sire de In Trimolle se doubloit.
Digiti
Dont ce fut trè» grant dommaige pour le i*oy et sou royaulme. Et par le moïen d'icelle Jehan ne la Fucelle» ▼enoient tant de gens de toutes pars deirers le roy pour le servir à leur despens, que on disoit que yoellui de la TrimoUe et aultres du conseil du roy en estoient bien oourrouchiez que tant y en venoit, pour le doubte de leur personne. Et disoieut pluiseurs que se ledit sire de la TrimoUe et aultres du conseil du roy eussent voulu recueillir tous ceulx qui venoient au service du roy, qu'ilz eussent peu legierement recouvi^r» tout ce que les Ânglois tenoientou royaulme de France. Et n'osoit-on parler pour celle heure oonti*e ledit sire de la Trimolle, combien que chascun véoit clerement que la faulte venoit de lui.
Paiement de gens d'armet de par le Roj de France.
Geste assemblée dessusdittese Gst à Gieu sur Loire; auquel lieu fut fait ung paiement aux gens d'armes tel, qui ne montoit pas plus de deux à trois francz pour rhomme d'armes. Duquel lieu s'en partist ycelle Jehanne la Pucelle et pluiseurs autres cappitaines, et pluiseurs gens en sa compaignie, et s'en ala logier environ quatre lieues loing dudit Gien en tirant le chemin de Rains vers Âucerre. Et le roy de France se partist l'endemain ensienvant, en tirant celle part ; et ce jour assambla tout Tost ensamble.
Et avoit oudit ost pluiseurs femmes diffamées qui empeschoient aucuns gens d'armes à faire dilligence de sieuvir le roy ; et ce voyant ycelle Jehanne , après le cri fait que chascun allast avant , tira son espée et en bâtit deûlx ou trois tant qu'elle rompist saditte espée. Dont le roy en fut Inen desplaisant et lui dist
Digiti
72 TÉMOIGNAGES DES CHROtfIQUEURS
qu'elle deust avoir prias ung bon baêton et frapper dessus f sans habandonner aitisy ycelle espée qui lui estoit Tenue divinement , comme elle disoit.
Et chevaulcha tant ledit roy qu'il vint devant la cité d'Aucerre, laquelle cité ne lui fist pas plaine obéissance ; mais vindrent aucuns bourgeois d'içelle cité; et disoit-on qu'ilz avoient donné argent audit sire de Trimoile , adfin qu'ilz demourassent en trêves pour ycelle foiz. De laquelle chose furent bien malconteus aucuns seigneurs et capitaines d'icellui ost, et en parloient bien fort en murmurant contre ycellui seigneur de la TrimoUe et autres estans du conseil du roy. Et vouloit tousjours ycelle Jehanne que yceile ville fust assaillie; et finablement demoura en ycelle ville trêves, combien que ceulx de la ville baillèrent pluiseurs vivres a ceulx de l'ost pour leur argent , desquelz ilz avoient grant nécessité en ycellui ost.
Siège mit devaiu Troies fa Charopaigoe.
Après que le roy de France eust esté trois joui^ devant ycelle cité d'Aucerre, se partit avec son ost en tirant vers Saint-Flourentin; laquelle ville deSaintr- Flourentin lui list obéissance ; et de là print son chemin droit à Troies en Champaigne » et tant chevaulcha quil vint logier devant la cité de Troies, en laquelle a voit bien de chincqà six cens Bourguignons. Et à i'arivée saillirent yceulx Anglois et Bourguignons sur l'ost du roy. Et fut logié d'un costé et d'aultre d'icelle cité par l'espace de six à sept jours en parle* mentant et cuidant tousjours que ycelle lui feist obéissance; mais aucun appointement ne s'y povoit tit>uver; et avoit en l'ost si très grant chierté de pain et
Digiti
d'aultres TÎvres, car en cellui ost avoil de six à sept mille hommes qui n'ayoient meiigié de pain passé huit jours, et vivoient le plus d'icelle gent de fèves et de blé froté en espi.
Et manda ledit roy venir devers lui le duc d'Âlen* chon , le duc de Bourbon , le conte de Vendosme , et pluiseurs aultres seigneurs et cappttaines avec aultres gens de son conseil en graut nombre, pour avoir advis qu'il avoit à Êiire. £1 là fut mis en terme et délibéracion audit conseil par Farchevesque de Rains, chancelier de France, que ledit ost ne povoit plus bonnement demourer devant laditte ville de Troies pour pluiseurs raisons : premièrement, parla grant famine qui estoit oudit ost et que vivres ne venoient en ycelle de nulle part; et aussy qu'il n'y avoit plus homme qui eust argent; et oultre que c'estoit merveilleuse chose de prendre la ville de Troies qui estoit forte , bien garnie de vivres, de gens d'armes et dépeuple ; et selon ce qu'on povoit veoir, ceulx de dedens n'avoient point de voulenté de rendre et mectre ycelle ville en l'obéissance du roy de France; et aussy qu'il n'y avoit bombardes, ne artillerie, ne souiBsant nombre de gens pour gaignier et combatre ycelle ville; et d'aultre part n'y avoit ville ou Tortresse frauchoise dont on peust avoir aide ne secours plus près que Gien sur Lfoire, de laquelle ilz étoient à plus de trente lieues jusques à l'ost. Et sy alégua et dist pluseurs aultres raisons et inconvéniens dont il estoit bien apparant qui povoient advenir en ycellui ost. Et commanda le roy audit chancelier qu'il demandast par oppinion à ceulz qui présens estoient h ce conseil^ qu'il estoit à faire pour le meilleur. Et adonc ledit chancelier com-
Digiti
menoha à demander à plaiseurs, les charmant que cfaascun s'acquictast loyaulment envers le roy de le ooDseillier de ce qu il aVoit à faire sar ce que dict est. Et furent presques tous ceulx de ce conseil que, yeu et considéré les choses dessus déclairées , et que le roy avoit esté reffusé à laditte Tille d' Auxerre , à laquelle n'estoient guères de gens d aiines ne sy forte que celle de Troiesy et pluiseurs aultres choses que chasemi alléguoit selon son entendetnent : furent d'oppinion que ledit roy et son ost s'en retournassent.
Et vint ledit chancelier à demander à nng anchien oonseillier nommé messireRobert le Maschon, seigneur de Trêves, lequel respondit par son oppinion qu'il failloit envoier quen*e ladicte Jehanne la Pucelle dont dessus est faicte mencion , laquelle estoit en Tost et non pas au conseil , et que bien povoit eatre qu'elle dlroit quelle chose qui povoit estre prouffîtable pour le roy, en sa compaiguie. Et dist oultre que, quant le roy estoit parti et qu'il avoit entreprins ce voiage , il ne l'avoit pas faict par la grant puissance des gens d'armes qu'il eust, ne pour le grant argent de quoy il fust garni pour paier son ost, et ne aussy pour ce que yoellui voiage lui samblast bien possible; mais seullement avoit entreprins ycellui voiage par l'admoneste* ment de Jehanne la Pucelle, laquelle disoit qu'il tirast iousjours pour aler à son couronnement à Rains, et que il ne trouveroit que bien pou de résistenoe, et que c'estoit la voulenté de Dieu; et que se ycelle Jehanne ne conseilloit aucune chose qui en cellui conseil n'eust esté dicte , qu'il estoit de la grant et commune oppinion : c'est assavoir que ledit i*oy et son ost s'en retournassent dont ilz estoient venuz ; mais que la«-
Digiti
dicte Jehanne pouroit dire aucune chose sur laquelle le roy pouroit prendre aultre conclusion.
Et par Foppinion dudit messire Robert le Mas^on fut enyoiée quérir ycelle Jehanne la Pucelle; et ycelle Yenue en yoellui conseil, fist la révérence au roy, ainsy qu'elle ayoit acoustumée. Et lui fut dit par ledit chancelier que le roy l'ayoit mandée adfin de lui faire direct déclairer pour conclure sur les granz nécessitez de Tost , comment ladicte ville de Troies estoit forte et garnie de vivres et de gens d'armes ; et Jui exposa et lui dist tous les grans inconveniens et doubtes qui avoient esté debatus audit conseil , et que de ce elle dist son oppinion au roy et quelle chose il lui sambloit que on avoit à faire au sourplus. Laquelle tourna sa parolle au roy et demanda s'il la creroit de ce qu'elle lui diroit. A quoy il respondy que, s'elle disoit chose prouffitable et raisonnable, que voulen tiers on le croiroit. Puis repriot de rechief sa parolle et lui demanda s'elle seroit creue, et le roy respondit, ouy, selon ce qu'elle dîroit. Et adonc luy dist : v Gentil roy de H France , se voulez cy demourer devant vostre ville fr de Troies, elle sera en vostre obéissance dedens deux K jours, soit par force ou par amour; et n'en faittes ir nulle doubte. » Adont lui fut respondu par le chancelier : tf Jehanne qui seroit certain de l'avoir dedens tf six, on l'attenderoit bien; mais dittez vous voir? » Et de rechief dit qu'elle n'en faisoit nulle double. A Foppinion de laquelle Jehanne la Pucelle le roy et son conseil s'arrestèrent et fut conclud de la demourer.
Laditte Jehanne la Pucelle sur ung coursier, utig baston en sa main, s'en vint par les conrois, et mi^t en
Digiti
76 TÉMOIGNAGES DEvS CHRONIQUEURS
besoigne chevaliers et escuiers et aultres gens de tous eslaz à porter fagos, huîs, tables , feoestres et aultres choses nécessaires à faire taudis et approuchemens contre laditte ville , pour asseoir aucunes bombardes et canons estans en l'ost; et faisoit de merveilleuses dilligences , ainsy comme eust peu faire ung capitaine qui eust esté nourri tout son temps en la guerre. Et pou de temps après parlementèrent ceulx de laditte ville; et vindrent l'ëvesque de laditte ville et phiiseurs autres, tant de gens de guerre que de bourgois , devers le roy; et finablement prindrent composicion et traittié : c'est assavoir que les gens de guerre s'en iroient eulx et leurs biens , etoeulxde laditte ville demourroienten l'obéissance du roy. Et lui i^udireut laditte ville,, laquelle il receupt, et entra le lendemain dedens, fui et sçs gens, environ neuf heures : de laquelle tant Anglois que Bourguignons s'en alèrent ou bon leur sambla. Et en dévoient emmener leurs prisonniers ; mais laditte Jehanne les leur osta à la porte; et faillist que le roy contantast yceuix gens d'armes de leurs finances. Et laissa le roy en ycelle ville de Troies^ bailli, capitaines, et aultres officiers de par lui ; et cedit jour que le roy de France entra en laditte ville de Troies, demoura garde de son dit ost messire Âmbrois de Loré , lequel demoura sur les champs ; lequel ost passa le lendemain parmi laditte ville.
Comment le Roy fut sacré et couronné en la cité de Raina.
Le lendemain ensieuvant, ledit roy de France des-^ logade laditte ville de Troieset print son chemin avec son ost droit à Chaaions. Et tant chevaulcha qu'il arriva devant ycelle ville de Chaaions , et lui vindrent
Digiti
au devant TëTCsque avec grant nombre de bourgois d'icelle ville, et lui firent obéissance; et se loga avec son ost la nuit en ycelle ville, en laquelle il establist de par lui capitaine et officiers.
De laquelle ville de Chaaions se partist ledit roy et son ost et print son chemin droit à Rains; et tant chevaulchèrent que lui et son dit ost arrivèrent devant laditte ville de Rains, laquelle estoit tenue de par le roy d*Angleterre , ainsy que les autres villes dont dessus est faitte mention. Laquelle ville de Rains lui fist plaine obéissance. Et entra dedens ycelle avec son ost ; en laquelle il fut receu à grant joie et vindrent devant le roy aportant lez cle&, ainsy que les aultres villes avoient fait ; et vint devant ledit roy pour estre à son service le duc de Bar et de Loraine , et le sire de Commercy, à grant compaignie de gens d'ainoies, pour eulx emploier au service du roy. Et le lendemain qui fut jour de dimence, fut le roy sacré et couronné en l'église Nostre Dame de Rains , par messire Regnault de Chartres , archevesque dudit lieu et chancelier de France. Et fut fait ledit roy chevalier par le duc d'Alençon ; et après ce fist ledit roy le sire de I^val conte ; et y fut fait de par le roy le duc d'Alençon , le duc de Bourbon et autres princes qui là estoient pluiseurs , chevaliers. Et y estoit laditte Jehanue la Pncelle, laquelle tenoit son estandart en sa main et laquelle estoit cause dudit couronnement du roy et de toute ycelle assemblée , ainsy que dessus est dit. Et fut apportée de Tabbaye Saint Remy laditte (1 ) ampoule en l'église Nostre Dame par le sire de Raix, mareschal de France.
(1) Il n^fi a pai encore été parlé. Godefroy, dans son édition , a remplacé le mot dite par sainte.
78 TÉMOIGMAGES DES GHRONIQUBURS
Et après ce» séjourna le roy en laditte yille de Rains trois jours et puis se partist avec son dit ost pour aler en une abbaie nommée SaintMarcouI, ouquel lieu les roys de France ont acoustumé d'aler après leur couronnement ; et leur fatt-on là certain service et mistère pourquoy on dit que le roy de France garist des escrouelles.
Gomment Laon et Soinont se rendtreDt frftnchoit avec ploisean antret TÎHet.
D'icelle abbaye de Saint Marconi s'en ala ledit roy avec son ost en une ville nommée Yelli , appartenant à l'archevesque de Rains; de laquelle lui fiit faiite obéissance. Et s'y loga pour le jour , et envoia ses messagiers à Laon , laquelle ville se mist en Tobéissance du roy. De là s'en ala à Soissons , qui se mist en Tobéinsance du roy» et y séjourna deux ou trois jours avec son ost. Et lui fut rendu le Chasteau-Tierry » Provins, Colomiers , Cressy en Brie et pluiseurs autres fortresses.
Gomment les Anglois enidèrent combatre le Roj de France.
Après ce que ledit roy de France eut séjourné a Soissons f comme dessus est dit, se desloga et se mist au chemin avec son ost droit au Chasteau^Thiery; et de là s'en ala droit à Provins/ où il séjourna deux on trois jours. Et ce venu à la congnoissance du duc de Bethfort , anglois^ qui se disoit pour lors régent du royaulme de France et se tenoit à Paris : lequel vint à grant puissance à Corbueil et à Melun, disant qui se vouloit trouver aux champs et combatre ycellui roy de France ; lequel roy , quant il sceut que ledit de Bethfort le vouloit combatre , se desloga de Provins
et s'en vint logier aux champs avecq son ost , près d'un chasteau nommé La Mote de Longiz (1) en Brie. Et furent oixlonnezles battailles dudit roy de France et se tindrent aux champs presques tout ung jour entier, pour ce que continuellement venoient nouvelles que le duc venoit pour les combatre ; et toutesfois il ne vint point et s'en retourna à Paris avec son ost; lequel on disoit qu'il avoit bien de dix à douze mille combatans. Et aussy le roy de France en avoit bien autant ou plus.
Commeot le R07 s'en vouloit aler de l'isle de France.
Ledit roy de France, par le conseil d'aucuns et de sa voulenté, fut délibéré de passer la rivière de Saine pour aller à une ville nommée Bray sur Saine, assez prez de Provins, pour s'en aler avec son armée en son pays obéissant oullre la rivière de Loire. Et lui fut promis passaige et obéissance en laditte ville par les habitans; mais en la nuit dont il devoit passer le lendemain matin, y arriva certaine quantité d'Anglois, et ceulx qui s'avauchèrent devant pour passer furent les aulcuns mors et les aultres destroussez. Par quoy fut le passaige erapeschié ; dont le duc de Bar, le duc d'Alençon , le duc de Bourbon, le conte de Vendosmîe, le conte de Laval , Jehanne la Pucelle et pluiseurs aultres seigneurs et capitaines furent très joyeulx et bien contens, pour ce que celle conclusion de passer estoit contre leur gré et voulenté.
(1) Al. La Mote Maugis , la Mote de Nangis, Celle dernière leçon csl préférable.
Entreprinse d'Aoglois rar les François.
En ycellui an, la Tegiliedela NostreDamed'aoust, par le conseil des seigneurs françois dessus nommez , ledit roy de France à tout son ost retourna droit à Chasteau-Thierry, et passa tout oultre droit à Crespy en Vallois et s'en vint logier aux champs assez près de Dampmartin.
Ce venu à la congnoissance du duc de Bethfort, qui estoit à Paris, à grant ost d'Ânglois se tira sur les champs et se vint mettre en battaille et ordonnance en place d'avantaige, comme on disoit, à Mictri en France , soubz ledit lieu de Dampmartin. Et fut envoyé La Hire et pluiseurs aultres capitaines par manière de courses sur l'ost du duc de Bethfort ; et durèrent presques tout le jour les escarmuces. Et fut rapporté audit roy de France que ledit duc de Bethfort estoit en place d'avantaige; et ne fut pas conseillié audit roy de France de passer plus avant pour assaillir yceulx Ânglois. Et le lendemain retourna ledit duc de Bethfort à Paris; et ledit roy de France tira vers Crespy en Vallois. Et avoit envoie ycellui roy certains messages à la cité de Beauvaiz et Compiègne, lesquelles villes firent assavoir qui se vouloient mettre en son obéissance.
Gommeat les Anglob viodrent près de Senliz poor combatre le Roj de France.
Tost ensieuvanty ledit roy se partist pour aller audit lieu de Compiengne et se vint logier en ung villaige nommé Barron, environ à deux lieues de Seuliz^ lequel Senliz estoit en l'obéissance des Angloiz. Et un
Digiti
matÎD^ vihdrent nouvelles de devers Paris au rdy dé France que le duc de Bethfort et son ost estoient désiagiés de Paris pour tirer le cheinin droit a Senliz, et lui estoient venus de renfort une grant compaignie d'Anglots, ainsy comme de trois à quatre mille com*batans^ lesquelz le cardinal d'Angleterre, oncle du feu roy d'Angleterre y avoit amenez; et disoit-on que yceiilx Anglois estoient paies de l'argent du pappe, et que yceliui caixKnal les devoit mener sur une manière de gens qui créoient contre la foy , quoi} appeloit Boesmes» es parties d' AUemaigne ; et toutesfois furent emploiez yceulx Angloîz par lordonuanoe d'iceilui cardinal contre le roy de France.
Or doncques, ce venu à la cougnoissance du roy que le duc de Bethfort tiroit celle part, charga à messire Ambrois sire de Loré et au sire de Saintreilles (1), de monter tantost à cheval et de tirer vers Paris pour adviser et sçavoir véritablement le fait dudit duc dé Bethfort et de son ost. Lesquelz très dilligamment montèrent à cheval et prindrent de leurs gens ^nvi-^ ron XV ou xvi seullement, et tant chevaulchèrent et approuchèrent yceliui ost qu'ilz veirent et apperceurent sui* le grant chemin dudit Senliz, grans pouldres de Fost dudit duc de Bethfort. Lesquelz envoièrént dilligamment ung chevaulcheur devers le roy pour lui faire asçavoir; et approuchèrent aucores ledit ôst qui tiroit droit à SenKz, et tantost envoièrént de re-' chief ung auftre chevaul6keur devers le roy pour lui signiffier. Et bien dilligamment le roy avec son ost tirèrent aux champs^ et furent oixlonnées les barailles,
( I ) Jeao de Xaintnille* , frère âtoé du fikmeux Poton. IV. 6
Digiti
82 TËMOiejNAGËS DES CHRONIQUEURS
et commenchèreni à ' chç^aulchier entre la rivière qui paase à Baron et ung lieu nommé Mont^Espi* luel (1)} en tirant dix>it a Senliz. Et ycelhii duc de Bethfort et son ost , environ heui^ de vespres, arrira pi^ d'icelle ville de Senliz , et se mist à passer une petite rivière qui vient dudit Senliz audit Baron (2). Et estoit le passaige sy estroit que îiz ne po voient passer que ung cheval ou deux à la foiz.
Et aussi tost que lesdis sire de Loré et de Saintrailles veirent que lesdis. Anglois commenchoient à passer, s'en retournèrent hastivement devers le roy et lui acertenèretit que ledit duc de Bethfort et son dit ost estoient au passaige et passoient. £t ù celle heure le roy fîst chevaulchier et tirer avant les batailles droit audit passaige^ cuidaot les combatre à ce pas; mais yceulx Anglois estoient jà la plus grant partie passée, et s'entreveirent Tost des Anglois et l'ost des .François, aiusy comme à une petite lieue; et y eut de grandes escarmuces entre lesdittes deux oompaignies. Et à «elle heure estoit prèsr de solleil couchant, pour T|uoy lesdis Anglois scrlogèrent sur le bort d'icelle rivièi'C, et les Franchois se -logèrent viz h viz près d'un lieu nommé jVIont-£spilouel . ^
Comment les Franchois se disposèrent à combatre les Anglois.
Le lendemain ensieuvant au matin , se mist le roy de France et son ost sur les champs et fist ordonner ses batailles ; de la plus grant desquelles avoient le gouverneinent le duc Alençon et le conte de Veudosme.
(1) Mootépilloy.
(2) C'est la Nonette qui , au contraire , va de Baron à Senlis.
Digiti
D*Qne aullre bataille avoit la chaîne le duc de Bar* De la tierce, qai estait en manière d'une esle» avoient la charge les sires de Raix et de Boussac , mareschaulic de France. D'une aultrebattallle, qui souvent se desplacoit pour escarnauchier et guerroîer yceulx Ânglois, avoient le gouvernement le sire d'Albreth , Jehanne la Pocelle , le bastart d'Orlëans , La Hire et pluiseurs aultrés capitaines; et à la conduite et gouvernement des archiers estoit le sire de Graville , maistre des arbalestriers, et ung chevalier timoàin nommé messire Jehan Foucault. Et se tenoit le roy assés près de ses battailles et avoit pour la garde de sa personne le duc de Bourbon et le sire de la Trimoille et pluiseurs anitres. Et par pluiseurs fois chevaulcha le roy devant ses batailles y au veu des Ânglois; anssy firent le duc de Bourbon et le sire de La Trimoille.
Et le duc de Bethfort, le conte de Suffort^ le sire de Talbot, le bastard de Saint-Pol , bourguignon , et pluiseurs aultres qui estoient en la battaîUe d'empre2 ung village (1), et avoient au doz ung estang et laditte rivière, toute la nuit et le jour très dilligamment se fortiffièrent de fossez, de paux^et d'aultres tandis. Et combien qu'il fut prins conclusion par le roy de France et son conseil de combatre ycellui duc de Bethfort et son ost, quant pluiseurs capitaines et autres eurent veu la place que tenoient lesdis Angloiz et la fortiffication , ledit roy fut conseilllë de ne les point combatre aucunement en laditte place ainsy fortiffiée. Mais les battailles des François s'aprouchoient à deux trais d'arbalestre ou environ d'icQulx
(I) Notre-Uame de la Victoire.
Digiti
Anglois , ea leur disant chascune heure qui saillissent hors de leur part et que on les combateroit ; lesqueiz Anglois de leur dit parc ne vouldrent saillir. Et tout ce dit jour y ot de nier veilleuses et grandes escai*inuches f et tellement que les Franchois venoient cornbatre main à main, à pié et à cheval , au fortiffiement des Anglois, et toute voies sailloient yceulx Anglois à pié et à cheval aux champs en reboutant lesdis Franchois; et en y a voit souvent de mors et de prins d'un costé et d'aultre. Et se .passa tout ce dit jour^ jusques environ solleil couchant, en escarmuchant; et, comme à l'eure de solleil couchant, s'approchèrent grant nombre de Franchois tantqu'ilz vindrentà combattre et escarmuchier lesdis Anglois main à main. Et lors sailli grand nombre d'iceulx Anglois à pié et à eheval, et de rechief s'esforcèrent les Franchois , et y eut celle heure plus grant escarmuche qu'il n'y avoit eu de tout le jour. Et y avoit sy grant pouidre » que on ne congnoissoit ne Franchois ne Anglois, et tant, qu'il fut nuit obscure; et se retirèrent lesdis Anglois en leur parc, et aussy firent les Franchois aux battailles. Et demourèrent yceulx Anglois logiez où ilzestoient^ et les Franchois se logèrent où ilz avoient logié la nuit devant, environ deux lieues loing desdis Angloiz, près du Mont-Espilouel.
Comment les Franchois et Anglois se départirent.
Le lendemain au matin, environ dix heures, se desloga l'ost desdiz Franchois et s'en ala vers Crespy en Valois; et aussy tost s'en retournèrent lesdis Anglois h Paris.
Digiti
Coroment Compiegoe , Beauvailz et Senliz m rendirent franchois.
Le lendemain ensieuvant. le rôv de France avec son ost prînt son chemin droit à Compiengne^ laquelle lui fist obéissance; et y establi capitaine de par lui ung nommé Guillaume de Flavi , natif du païs ; et là vindrent devers lui ceulx deBeauvais, lesquelz mirent ycelle ville de Beauvaiz en son obéissance. Et s'assamblèrent l'évesque et bourgois de Senliz , et vindrent devers le roy, et pareillement mirent la ville de Senliz en son obéissance; et d'illec se partist le roy de France et aia en laditte ville de Senliz.
Garnifloos d'Anglois misea es places à eolx obéissans.
En ycellui an, en la fin du mois d'aoust, se desloga de Paris le duc de Bethfort dessus nommé , et son ost , à travers Normendie ; et departistson dit ost, et Tenvoia en pluiseurs lieux, tant au pais de Normendie, comme ailleurs, pour garder les places dont il avoit le gouvernement et qui estoient en son obéissance ; et laissa à Paris messire Loys de Luxembourg , evesque deTherouenne, soy disant chancelier de France, ung chevalier Anglois nommé messire Rachelx (1), et ung aultre chevalier, natif de France, nommé Simon Morbier, qui lors esfoit prevost de. Paris. Et a voient en leur compaignie deux mille Anglois pour la garde et deflence d'icelle ville de Paris, ainsy qu'on disoit.
(f) Corrigez Radley.
Digiti
Escarmoache d'Anglois et de Franchois entre Paris et Saiot-Denit.
Eu la an dudit mois d'aoust^ se desloga de Senliz ledit roy de France avec son ost, et s'en vint droit à Saint-Denis en France. Et lui firent ceulx de la ville obéissance : en laquelle il entra lui et son o$t en yoelle ville. Et adont se commencèrent grans noises et escarmuches entre les gens dudit roy, estans logiés à Saint- Denis, lesquelz sailloient souvent horz et aloîent à rencontre de ceulx de Paris.
Gomment la Pacelle donna ung aasaaU à Paris.
Environ trois ou quatre jours après, le duc d'Âlençon , le duc de Bourbon , le conte de Vendosme , le conte de Laval, le sire d'Albreth , Jehanne laPucelle, les sire de Raix et de Boussac, mareschal de France et aultres en leur compaignie, se vindrent logier comme emmy voie de Saint-Denis et de Paris, en ung village sur le grant chemin nommé la Chappelle-Saint-Denis; et l'endemain commencèrent grans escarmuches entre les Franchois et les Anglois et aultres de Paris.
Le lendemain vindrent les ducs et aultres seigneurs franchois, à grant compaignie, aux champs près de la Porte Saint Honnouré sur ung grant bute qu'on nomme le Marchié aux Porceaulx (1) : et firent illec apporter pluiseurs canons et couleuvrines pour tirer dedens laditte ville de Paris. Et estoient les Angloîs tournoians avecques leurs seigneurs; entre lesquelz portoient une banière blance et une grant croix vermeille au long de la muraille de Paris, par dedens
(1) C'eut ce qu'on ap oUe aujourd'hui la Butte des moulins.
Digiti
laditte ville. Et de phine ariv<^c fut prins le bolvart d'icelie Porte Saint Honnoupé, d'assautt. Et estoit à. celle prinse ong chevallier françoiâ que ou appeloit le sri*e de Saint- Vaillîer et ses gens , qui très bien y firent leur devoir. Et cuidoient les Franchois que les Anglois et aultres gens de Paris deussent saillir par la porte Saint-Denis, ou par auhi^, pourfërir sur eulx: pour quoy le duc d'Âlençon, le duc de Bourbon, le seigneur de Montmorency et aultres, avec grant puissance, tenoient tousjours en battaiite derrière ycelte grant bute (et y fut fait chevalier le seigneur de Montmorency), car. plus près ne se povoient tenir pour les canons et couleuvrines qu'ilz UroîeQt sans cesser.
Et dist la ditte Jehanne la Pucelle qu'elle vouloit assaillir ta ville de Paris, laquelle Jehanne n'esloit pas bien infourmëe delà grant eaue qa*il y avoii es fossez; et néanmoins vint à tout grant puissance de gens d'armes , entre lesquelz estoit le sire de Raix, marescfaal de Fi-auœ; et descendirent en Tarière fossé , où elle se tint avec ledit mareschal de France et grant compaignie de gens d'armes tout ycellui jour; et y fut navrée ycelle Jehanne la Pucelle d'un vireton parmi la jambe : néantmoins elle ne vouloit partir dudit iosséi et faisoit ee qu'elle povoit faire de gecter fagotz et aultres bots en l'autre fossé, pour cuidier passer : laquelie chose, veu la grant eaue qui y estoit, n'esloit pas possible de y entrer. Et depuis qui fut nuit , fut envofée quérir par pluiseurs foiz par lesdiz ducz d'Alen^n et de Bourbon; mais pour riens ne se vott>loit partir ne retraire, tant, qu'il falut que le duc d'Alençon l'alast quérir, lequel la ramena. Et se retray toute la compaignie audit lieu de la ChapjpeHe
Digiti
où ilz avoient logié la nuit devant, et le lendemain ^'en relouiMièrent lesdiz duc$ d' Alenooti et de Bourbon, ladicte Jehannie la Pucelle et aultres à Saint-Denis, où estoit ledit roy de France et son ost. £t la, devant le précîeulx corps monseigneur Saint Denis et ses cornpaignons , furent pendues et laissées les armures d*iceile Jehanne lesquelles elle offrit par grant de- Tocion (!)•
Comment ceuK de Laigoy se iDireot en robéiuance di| Rpj.
Le XXIX* jour dndit mois d'aoust, Tan dessus dit ^ le prieur de Laigiiy et Artus de Saint-Marry^ avec aucuns de laditte ville , vindrent à Saint-Denis devers le roy de Franœ pour mectre laditte ville de Lâigny en son obéissance. Et charga le roy au duc d'Alençon d'y envoier; lequel y envoia messire Ambrois sire de Loré, auquel fut délivrée ycel le ville par léÈ bourgois et habitans d'icelle. Lequel sire de Loré leur fit faire serment au roy ainsy que en tel cas il appartenoit.
Comment le Roy se partîst de Tlsle de France.
Le douziesme jour du mois de septembre , Fan dessus dit, le roy de France ordonna que le duc de Bourbon y le conte de Vendosme, messire Loys de Culant et pluiseurs autres capitaines, demourroient es païa qui de ce voiaige s'estoient réduis en son obéîsr sauce, et laissa son lieutenant le duc de Bourbon. Et audit lieu de Saint-Denis» laissa le conte de Vendosme
(l) Voir au procès de condamnation ce qae Jeanne elle-même a dit de cette offrande ^T.l, p. 179).
Digiti
et le sire de Cidant^ admirai de France, à grant com^ paignie de gens d'armes; et se partist avec son ôst; auquel département Jehanne la Pucelle laissa toutes ses armures complètes auquelles elle a voit estéblechée devant Paris ; et s'en ala ledit roy couchier à Laigni sur Marne , auquel lieu il ordonna demourer messire Ambroisy sire de Loré, lequel print et acciepta ycellè charge ; et demonra avec lui ung chevalier nommé messire Jehan Foucault. Et le lendemain ensieuvant, se partjst le roy d*icelle ville de Laigny et s'en ala passer la riyière de Saine (1)» et la rivière d'Yonne au gué emprès Sens. Et de là s'en ala à Montargiz et tout oultre la rivière de Loire.
Comment les Angloit pillèrent Saint-Denit.
Tantost après s'assemblèrent à Paris grant nombre d'Anglois et de Bourguignons : pour quoy, ce venu à la congnoissance des Franchois que le roy avoit laissié dedens Saint-Denis en France à son département , comme dessus est dit, laissèrent et habandonnèrent ycellé ville de Saint-Denis et s'en allèrent à Senliz.
Ce venu à la congnoissance dés Anglois qui dedens Paris estoient, s'assamblèrent et vindrént en la ville de Saint-Denis, laquelle ilz pillèrent et robbèrent. Et trouvèrent lesdittes armures de Jehanne la Pucelle , lesquelles furent prinses et emportées par l'ordonnance de l'évesque de Therouenne, chancelier, es parties au roy d'Angleterre obéissant (2), sans pour ce
(]] A Bray, qai cette fois voulut bien lui donner le passage.
(9) « L'espée seule demeura avec sa ceinture de buffle dont les annelets , « garnitores et boucles des pendans estoient d'or, que j'ay veu maintefois. » (Doublet, Histoire des Antiquités de l'abbaye de Sainct-Denys , p. 1313.) Maïs l'authmiticité de cette arme est loin d*^re établie.
Digiti
faire quelque resconpence à laditte église : qui est pur
sacri liège et manifeste.
Uoe grande piUerie en France.
En ce temps se commencèrent de tontes pars très grandes pilleries et roberies au pais que le roy avoit nouvellement concquis sur les Ânglois , dont dessus est faitte mention , sans ce que guères lui eust cousté; car sans coup ferir on venoit de toutes pars lui faire obéissance. Et estoieutyceulx pais rices, et bien peuplés, et bien labourés; néaiitmoins que tantost après furent destruis les laboureurs , et pluiseurs villes bien oppressées et apovries, et tant que pluiseurs conti*ées demourèrent inhabitées et sans labourer. Et voulloit chascun faire ce que il faisoit plus de voulenté indeue que de raison. Et quant le duc de Bourbon congnut la désolation et pillerie dessusditte, s'en ala en son païs. Esquelz païs demoura le conte de Vendosme, lequel avoit principallement la charge de la cité de Senliz ; et sy eut de par le roy de France le gouvernementde tout ycellui païs. Et fut envoie de par ledit roy le sire de Boussac, mareschal de France, avec viii cens ou mille combatans , pour aidier et secourir ycellui païs; et de ce estoit grant nécessité, car les Anglois qui tenoient Normendie et pluiseurs aultres pais en France, guerroioient d'un costéet le duc deBourgon* gne de Tautre.
Comment Sainl-Pere le Moustier fut prias d'assauU.
Environ ce temps, fut feitle par Tordonnantie du roy de France une armée en laquelle estoit Jehanue la Fucelle avec pluiseurs aultres capitaines et çhiefe de
Digiti
guerre» et allèrent devant une ville nommée Saint- Perele Moustier» laquelle ilz prindrenft d'a^sault; et après ilz viudrent devant la Charité sur Loire, de laquelle estoit capitaine ung nommé Perrenet Grasset, et se mirent à siège devant ycelle ville de la Charité, y faisans asseoir et affûter aucunes bombardes , canons etaulres artilleries. Devant laqudle se tindrent par aulcun temps et en la fin se levèrent et s'en allèrent de devant ycelle ville, et perdirent, comme on dit, la plus grant part de leur artillerie.
Rencontre sur les Angloiz.
En l'an mil quatre cens et trente se partist Jehanne kl Pacelie du païs de Berri, aoompaignée de pluiseui*s gens de guerre, et s'en<vint à Laigny sur Marne. Et assés tost après, vindrent nouvelles que il traversoit en l'Isle de France de trois à «quatre cens Anglois, et tastost ycelle Jehanne la Pucelle tira sur les champs avec messire Jehan Foucault, GuielFroy de Saint*- Aubin, ung cappitaine nommé Baréec(1),Quennede, esoot (2), et aucuns de la garnison de Laigny; et vindrent trouver yeeulx Anglois» lesquelz se midrent tonz à pié contre une haie. Et adonc laditte Jehanne la Focelle, messire Jehan Foucault et autres se délibérèrent de les combattre , et en très bon appareil vindrent à pié et à cheval frapper sur yeeulx Anglois. Et y ot très dure et aspre besongne, car les François n'estoient guères plus que les Anglois. Et finablement forent tous yeeulx Anglois mors ou prins*, et y ot plui-
(t) Barrée, dans l'édition de Godefroy. Le nom qai pr^de doit être 'corrigé , Geoffroi de Saint-Belin, (9) Sir Hugh de Kennedy, capitaine des Écossais.
Digiti
92 TKMOÏGNAGES DES CHROiNIQUEURS
seurs François mors et bleciez. Et s'en retournèrent ladîtte Jehanne la Pucelle^ messire Jehan Foucault et autres audit Laigny avec leurs prisonniers.
Siège mis à Compiengne par les Anglois et BourguigDODs.
Et en celui an meisme^ messire Jehan de Luxembourg, le conte de Hautinton, le conte d'Arondel et pluiseurs aultres Ânglois et Bourguignons vîndrent à grant ost mettre le siège devant la ville de Compiengne, d'ung costë et d'aultre de la rivière d'Oise, et firent pluiseurs bastilles où ilz se tenoient. Or doncques ce faict et venu à la congnoissance de Jehanne la Pncelle dont est faitte mention, se partist dudit lieu de Laigny pour aidier et secourir les assegiés d'icelle ville. En laquelle ycelle Jehanne la Pucelle entra, et après commencèrent chascun jour grans escarmuches entre les Anglois et Bourguignons tenans ledit siège, d'une part, et les capitaines et gens de laditte ville d'autre. Et advint que laditte Jehnnne la Pucelle estoit saillie sur ledit siège moult vaillamment et hardyement; mais les Anglois et Bourguignons chargèrent fort sur elle et sa compaignie, et tant qu'il fut de nécessité h laditte Jehanne et aux autres de eulx retirer. Ce disoient aucuns que la bariere leur fut fermée au retourner, et aulres disoient que ti*op grant presse y avoit à l'entrée; et finablement fut prinse et emmenée laditte Jehanne la Pucelle par yceulx Anglois et Bourguignons : de laquelle prinse pluiseurs du parti du roy de France furent raouU couronchiés.
Et fut tenue longuement en prison par les rompaignons dudit Luxembourg, îe(|u<H Luxembourg la
vendit aux Anglois qui la menèrent à Rouen où elle fut durement traictiée; et tellement, que après grant délation de temps, sans procès, mais de leur voulenté indeue, la filment publicquement ardoir en ycelle ville de Rouen : qui fut bien inhumainement fait , veu la vie et gouvernement dont elle vivoit, car elle se confessoil et recepvoit le corps de Noslre Seigneur par chascune srpmaine, comme bonne calholicque.
Et n'est point à doubler que Tespce qu'elle envoia quérir en la chappellede Sa in te Katherine du Fierbois, dont dessus est faitte mention, ne fut trouvée par miracle, comme ung chascun tenoit ; mesmemenl veu que par le moien d'icelleespée et par avant qu'elle fust rompue, a fait de beaulx conqueslz cy dessus déclairiës. Et est assavoir que après la journée de Patay, laditte Jehanne la Pucelle fist faire ung cri que nul homme de sa compaignie ne tenist aucune femme diffamée on concubine. Néantmoins en trouva aucuns trespassans son commandement : pour quoy elle les frappa d'icelle espëe tellement qu'elle fut rompue. Et tantost ce venu à la congnoissancedu roy, fut baillié aux ouvriers pour la reffondre : ce que ilz ne peurent faire, ne ne la peurent oncques rassambler : qui est grant approbation qu'elle estoit venue divinement. Et estoit chose notoire que depuis que laditte espée fut rompue, ladicte Jehanne ne prospeia en ai-mes au prouffit du roy ne aultrement, ainsy que par avant avoit fail.
Digiti
JOURML Dn SIEGE D'ORLÉANS
