LETTRE DE LA PUCELLE AU DUC DE BOURGOGNE

17 juillet 1429.

Publiée deux fois comme inédite : d'abord par l'archiviste G cycle froy, dans le Jounial de la littérature, des sciences et des arts, de l'abbé Grosier (année 1780, t. IV, p. 448), et en second lieu par M. Berriat Saint-Prix , dans l'histoire de Jeanne d'Arc , qu'il fit paraître en 1817. Dans l'intervalle, l'original s'était perdu et retrouvé. Il n'a jamais quitté le dépôt d'archives de Lille, autrefois archives de la chambre des comptes de Flandre, aujourd'hui archives du département du Nord.

Notre texte a été établi d'après un fac-similé parfaitement exécuté que possédait M. Aimé Martin.

*f Jehsus Maria.

Hault et redoubté prince, duc de Bourgoingne, Jehanne la Pucelle vous requiert de par le Roy du ciel, mon droicturier et souverain seigneur, que le roy de France et vous, faciez bonne paix ferme, qui dure Ion* guement. Pardonnez l'un à l'autre de bon cuer, entièrement, ainsi que doivent faire loyaulx chrestians; et s'il vous plaist à guerroier, si alez sur les Sarrazins. Prince de Bourgoingne, je vous prie, supplie et requiers tant humblement que requérir vous puis, que ne guerroiez plus ou saint royaume de France, et faictes retraire incontinent et briefment voz gens qui sont en aucunes places et forteresses dudit saint royaume; et de la part du gentil roy de France, il est prest de faire paix à vous, sauve son honneur, s'il ne

tient en vous. Et vous faiz à savoir de par le Roy du ciel, mon droicturier et souverain seigneur, pour vostre bien et pour vostre honneur et sur voz vie, que vous n'y gaignerez point bataille à rencontre des loyaulx François , et que tous ceulx qui guerroient oudit saint royaume de France, guerroient contre le roy Jhesus, roy du ciel et de tout le monde, mon droicturier et souverain seigneur. Et vous prie et requiers à jointes mains, que ne faictes nulle bataille ne ne guerroiez contre nous, vous, voz gens ou subgiez; et croiezseurement que, quelque nombre de gens que amenez contre nous, qu'ilz n'y gaigneront mie, et sera grant pitié de la grant bataille et du sang qui y sera respendu de ceulx qui y vendront contre nous. Et a trois sepmaines que je vous avoye escript et envoié bonnes lettres par ung hérault , que feussiez au sacre du roy qui, aujourdui dimenche, xvijejour de ce présent mois de juillet, ce fait en la cité de Reims : dont je n'ay eu point de response, ne n'ouy oncques puis nouvelles dudit hérault. A Dieu vous commens et soit garde de vous, s'il lui plaist; et prie Dieu qu'il y mecte bonne pais. Escript audit lieu de Reims, ledit xvij* jour de juillet.

Sur f adresse : Au duc de Bourgoigne.

LETTRE DE TROIS GENTILSHOMMES ANGEVINS A LA FEMME ET A LA BELLE-MÈRE DE CHARLES VII.

11 juillet 1429.

Imprimée, pour la première fois, dans la Bibliothèque instructive du P. Menestrier (t. II, p. 90) , d'après l'original que possé-

128 LETTRES, ACTËS

daient dans leurs archives les religieux de l'abbaye de Bénissondieti en Foret. Le P. Griffet en eut connaissance et s'en servit pour annoter Daniel à l'endroit du sacre de Charles VII. Nous avons dit (t. IV, p. 380) que la date de cet événement avait été longtemps un sujet de controverse par suite d'erreurs de chiffre introduites dans toutes les éditions de Monstrelet. M. Buchon, qui ne soupçonnait pas cela , fil tout le contraire du P. Griffet : il corrigea par le texte imprimé de Monstrelet la lettre de l'abbaye de Bénissondieu et la réimprima avec la date du 27 juillet, sans prévenir du changement qu'il y faisait. Il est bien constaté aujourd'hui que les bons manuscrits de Monstrelet , ainsi que les lettres particulières, ainsi que tous les documents ayant quelque autorité, s'accordent à placer le sacre au 17.

Nos souveraines et très redoublées dames, plaise vous sçavoir que yer le roy arriva en ceste ville de Rains, ouquel il a trouvé toute et pleine obéissance. Aujourd'hui a esté sacré et couronné; et a esté moult belle chose à voir le beau mystère, car il a esté auxi solempnel et accoustré de toutes les besongnes y appartenons, auxi bien et si convenablement pour faire la chose, tant en abis royaux et autres choses à ce nécessaires, comme s'il eust mandé un an auparavant; et y a eu autant de gens que c'est chose intime à escrire, el auxi la grande jove que chacun en avoit.

Messeigneurs le duc d'Alençon, le conte de Clermont, le conte de Vendosme, les seigneurs de Laval et La Trimoille, y ont esté en abis royaux , et monseigneur d'Alençon a fait le roy chevalier, et les dessusditz représentoient les pairs de France ; monseigneur d'Albret a tenu l'espée dura ut ledit mystère devant le roy ; et pour les pairs de l'église y estoient avec leurs croces et mitres, messeigneurs de Rains, de Chalons, qui sont pairs; et en lieu des autres, les

évesques de Séez et d'Orléans, et deux autres prêtas; et mondit seigneur de Rains y a fait ledit mystère et sacre qui liiy appartient.

Pour aller quérir la sainte ampolle en l'ahaye de de Saint-Remy, et pour la apporter en l'église de Nostre-Dame, où a esté fait le sacre, furent ordonnez le mareschal de Bossac, les seigneurs de Ray s, Gravide, et l'admirai avec leurs quatre bannières que chacun portoit en sa main, armez de toutes pièces et à cheval, bien accompagnez pour conduire l'abbé dudil iieu, qui apportoit ladite ampolle; et entrèrent h cheval en ladite grande église et descendirent a l'entrée du chœur*, et en cest estât l'ont rendue après le service en ladite abaye; lequel service a duré depuis neuf heures jusqu'à deux heures. Et à l'heure que le roy fut sacré, et auxi quand l'on lui assist la couronne sur la teste, tout homme cria Noël ! et trompettes sonnèrent en telle manière, qu'il sembloit que les voultes de l'église se deussent fendre.

Et durant ledit mystère, la Pucelle s'est tousjours tenue joignant du roy, tenant son estendart en sa main. Et estoit moult belle chose de voir les belles manières que tenoit le roy et auxi la Pucelle. Et Dieu sache si vous y avez esté souhaitées.

Aujourd'hui ont esté faitz par le roy contes le sire de Laval et le sire de Sully, et Rays mareschal (1).

(1) Cela o'est pas dit dan» l'Histoire généalogique du P. Anselme qui atteste, au contraire, d'après l'autorité des comptes de cette année, que Rais était maréchal dés le 11 juin 1429 ; mais les comptes n'ayant été rendus qu'à la fin de septembre , on conçoit qu'on lui ait appliqué pendant tout le temps de l'eaercice I42S-1429 le titre qu'il n'eut que pendant deux mois et demi de

Vendredy eut huit jours, le roy mist le siège devant Troye, et leur fit moult forte guerre; si vindrent à obéissance ; et y entra le dimanche après par composition. Et s'ilz ne lui eussent fait obéissance à son plaisir, il les eust prins par puissance; car c'est une chose merveilleuse de voir la grande puissance des gens qui sont en sa compagnée. Le lundy suivant se partit le roy de Troye tenant son chemin à Ghalons. Ceux de Ghalons ont envoyé devant demi-journée rendre obéyssance. Le roy y entra jeudy et s'en parti vendredy, tenant son chemin en ceste ville. Et pareillement ceux de ceste ville sont venus rendre obéissance, et sont bien joyeulx de sa venue, comme ilz monstrent à leur pouvoir.

Demain s'en doibt partir le roy tenant son chemin vers Paris. On dit en ceste ville que le duc de Bourgongne y a esté et s'en est retourné à Laon, où il est de présent; il a envoyé si tost devers le roy qu'il arriva en ceste ville. À ceste heure nous espérons que bon traité y trouvera avant qu'ils partent. La Pucelle ne fait doubte qu'elle ne mette Paris en l'obéissance.

Audit sacre, le roy a fait plusieurs chevaliers, et aussi lesdits seigneurs pairs en font tant que merveilles; il y en a plus de trois cents nouveaux.

Nos souveraines et redoublées dames, nous prions le benoist Saint-Esprit qu'il vous donne bonne vie et longue.

Escript à Rains, ce dimanche xvij6 de juillet.

Vos très-humbles et obéissants serviteurs, Bbauvau (1), Mon bal , Lussé.

(I) Sans doute Pierre de Beautau, dont il est parlé ci-dessu», p. 38.

Et au dos est écrit : A la royne et à la royne de Secile, nos souveraines et Irès-redoubtées dames.