IV. l

roient franchement aller es pays de leur party ; mais ils ne sedebvoient armer jusques après dix jours passés. Et en ceste manière se départirent Anglois qui estoient bien nombrez à cinq cens combatans , qui rendirent le pont et le chastel, le sabmedy, dix-huictiesme jour de juin mille quatre cent vingt-neuf.

* En la ville de Meun, entrèrent une nuictée les sires de Tallebot, de Scales et Fastot, qui ne peurent avoir entrée au chastel de Baugency, par Tempeschement du siège. Et eux cuidans faire désemparer le siège, ils assaillirent, la nuict de la composition, le pont de Meun; mais le dict dix-huictiesme jour de juin, tantost que Anglois furent départis de Baugency, vint l'avantgarde des François devant Meun, et incontinent toute leur puissance en batailles très bien ordonnées. Alors Anglois cessèrent l'assauît du pont; si issirent aux champs à toute leur puissance, etsemisrent en batailles, tant à pied comme à cheval. Mais ils se commencèrent à retraire tout soubdain , delaissans Meun avec leurs vivres et habillemens , et prindrent leur chemin par la Beausse, du costé par devers Patay. Si partirent hastivement le duc d'Alençon , la Pucelle, le comte de Vendosme, le connestable de France, le sire de Saincte- Sévère et de Boussac , marcschal , messire Louys de Culant , admirai de France, le sire d'Albret, le sire de Laval , le sire de Lohéac, le sire de Chauvigny, et autres grans seigneurs, qui chevauchèrent en batailles ordonnées, et poursuivirent tant asprement les Anglois , qu'ils les aconsuirent près Patay, au lieu dictCoynces (1).

(1) Leçon du Ms. de» Gestes. L'édition et le Ms. de Godefroy portent : au lieu des Coynées.

El lors le duc d' Alençon dist à la Pucelle : « Jeanne, « voilà les Anglois en bataille, combatrons-nous ? » Et elle demanda audict duc : « Avez vous vos espèce rons ? » Lors le duc luy dist : « Comment dà , nous « enfauldra il retirer, ou fuir? » Et elle dist: « Nenny, « en nom Dieu, allez sur eulx, car ils s'enfuiront, et u n'arresteront point, et seront desconfits, sans guères « de perte de vos gens; et pour ce fault il vos espe- « rons pour les suivre (1). »

Si furent ordonnez coureurs, par manière d'avantgarde, le seigneur de Beaumanoir, Poton et La Hire, messire Ambroise de Loré, Thiebault de Termes, et plusieurs autres.

* Lesquels embesongnèrent tant les Anglois (2) , qu'ils ne peurent plus entendre à eux ordonner, et mettre en bataille. Si s'assemblèrent contre eux les François en bataille, tant que les Anglois furent desconfits en peu d'heure, dont l'occision fut nombrée sur le champ par les héraults d'Angleterre, à plus de deux mille deux cent Anglois. En ceste bataille, qui fut le dix-huictiesme jour de juin mille quatre cent vingt-neuf, furent prins les seigneurs de Tallebot et de Scales , messire Thomas Rameston , et Hougue Foie (3) , avec plusieurs chefs de guerre , et autres nobles du pays d'Angleterre; et furent bien nombrez en tout à cinq mille hommes. Si commença la chasse

( 1 ) Déposition de Dunois, t. III , p. 11.

(2) « Si furent Anglois tant près tenuz que plus ne peurent la bataille esche- « ver, et en ordonnance se mistrent; contre lesquelz assemblèrent François à « bataille, tant, etc. » Ms. des Gestes, f° 146 , verso.

(3) Corrigez Hungerford. Ces deux personnages ne sont pas nommés dans le Ms. des Gestes.

des fuyans, et fut poursuivie jusques près des portes d'Yenville; en laquelle chasse plusieurs Anglois furent occis. Les bonnes gens d'Yenville fermèrent leurs portes contre les Anglois qui fuyoient, et montèrent sur la muraille à leurs deffenses. Pour lors estoit au chastel , à peu de compaiguée, un escuyer anglois, lieutenant du capitaine, qui avoit le chastel en garde; lequel , congnoissant la desconfiture des Anglois , traicta avec les bonnes gens de rendre ledict chasteau, sa vie saulve, et fist serment d'estre bon et loyal François : à quoy ils le receurent. Il demeura grand avoir en icelle ville qui y avoit esté laissé par les Anglois a leur partir , pour aller à la bataille , avec grand quantité de traict, de canons, et autres habillemens de guerre, de vivres et marchandises. Et tantost ceux de ladicte ville d'Yenville se réduirent en l'obéissance du roy.

* Après la fuite des Anglois, les François entrèrent dedans Meun , et pillèrent toute la ville; et s'enfuit inessire Jehan Fastot (1) et autres, jusques à Corbueil. Quand Anglois , qui estoient en plusieurs autres places au pays de Beausse, comme à Mont-Pipeau, Saint- Symon, et autres forteresses, ouyrent nouvelles de ceste desconfiture, ils prindrent hastivement la fuite, et boutèrent le feu dedans. Après lesquelles glorieuses victoires et recouvrement de villes et chasteaux, toute l'armée retourna dedans Orléans, ledict dix-huictiesme jour de juin , où ils furent receus à grand joye par les gens d'église, bourgeois et commun peuple,

(1) Il y a dans le ms. des Gestes : « Et delà bataille s'enfuy Messire Jehan Fastol , » ce qui est plus clair.

qui en rendirent grâces et louanges à Dieu. Les gens d'église (1) et bourgeois d'Orléans cuidèrent bien que le roy deust là venir, pour lequel recepvoir, ils feirent tendre les rues à ciel, et grand appareil voulurent faire pour l'honorer à sa joyeuse venue. Mais il se tint dedans Sully, sans venir à Orléans : dont aucuns qui estoient entour le roy ne furent mie contents. Et atant demeura la chose à celle fois : par quoy la Pucelle alla devers le roy et fist tant, que le vingt-deuxiesme jour de juin, iceluy an, il vint au Chasteau-Neuf sur Loire, auquel lieu se tirèrent par devers luy, les seigneurs et chefs de guerre. Et là tint aucuns conseils, après lesquels il retourna à Sully. Et à Orléans la Pucelle vint , et fist tirer par devers le roy tous les gens d'armes avec habillemens, vivres et charroy. Après se partit la Pucelle d'Orléans et alla à Gien, où le roy vint à puissance, et manda par héraults aux capitaines et autres qui tenoient les villes et forteresses de Bonny, Cosne et La Charité, qu'ils se rendissent en son obéissance : dont ils furent refusa ns.

* Le comte de Richemont , connestable de France, séjourna par aucuns jours, après la bataille, en la ville de Baugency, attendant response du duc Jean d'Alencon , de la Pucelle et des haults seigneurs qui s'estoient portez forts d'appaiser le roy et luy faire pardonner son mal talent. A quoy ils ne peurent parvenir; et le roy ne voulut souffrir qu'il allast par devers luy, pour le servir : dont il fut en grand desplaisance.

(1) Le ms. des Gestes porte prodeshommes du clergié , au lieu de gens d'église.

Néantmoins ledict connestable, qui avoit grand coinpaignée de nobles , désirant nettoyer le pays du duc d'Orléans, voulut mettre le siège ^devant Marchenoy, près Blois, qui fut garny de Bourguignons et d'Anglois. Lesquels de ce ouvrent nouvelles, et doubtans le siège, se tirèrent, soubs saulfconduit, à Orléans, par devers le duc d'Alençon qui estoit là pour le temps. Si traictèrent tant lesdicts Bourguignons, que parmy leur faisant pardonner par le roy toutes offenses, et leur donnant dix jours de terme pour emporter leurs biens , ils seroient et demeureroient à tousjours bons et loyaux François. Et ainsi le jurèrent; et donnèrent aucuns hostages es mains du duc d'Alençon, qui fist sçavoir ceste chose au connestable, lequel s'en partit à tant; mais après son partement, les Bourguignons dudict Marchenoy firent tant, qu'ils prindrent et retindrent prisonniers aucuns des gens dudict duc d'Alençon, pour recouvrer leurs hostages; et ainsi faulsèrent leurs sermens.

* Durans ces choses, le roy alla en la ville de Gyen; lequel envoya messire Louys de Culant, son admirai, devant Bonny, à tout grand gent; et le dimanche après la Saint-Jean mille quatre cent vingt-neuf, celle place luy fut rendue par composition. Et pour ce que la Pucelle fut désirant, avant que le roy employast sa puissance à recouvrer ses villes et chasteaux, de le mener tout droict à Reims, pour là estre couronné et recepvoir la saincte onction royale (à quoy aucuns estoient de contraire opinion, tendans à ce que le roy assiégeast premièrement Cosne et La Charité, pour nettoyer les pays de Berry, d'Orléans et du fleuve de Loire) : il tint sur ces choses de grans conseils à Gyen ,

pendant lesquels la royne Tut illec amenée, en espérance d'estre menée couronner à Reims avec le roy. Et eux séjournans illec, les barons ethaults seigneurs de plusieurs contrées du royaume vindrent au service du roy à grand puissance. Si en la (in le roy délibéra en son conseil de renvoyer la royne à Bourges, et qu'il prendrait son chemin droict à Reims , pour recepvoir son sacre , sans mettre aucuns sièges sur Loire. Donc retourna la royne à Bourges, et le roy se partit de Gyen, le jour Sainct-Pierre, au mois de juin mille quatre cent vingt-neuf, à toute sa puissance, tenant sa voye droict à Reims (1).

Et ce, par l'instigation et pourchas de Jeanne la Pucelle, disant que c'estoit la volonté de Dieu qu'il

(1) Ici finissent les emprunts faits au Ms. des Gestes. Voici les deux derniers paragraphes de cet ouvrage qui n'ont pas été introduits comme les autres dans la Chronique de la Pucelle :

« Tenant sa voye droit à Rains , le roy s'adreça en Aucerrois, et par ses heraulx manda aux bourgois de la cité d'Aucerre, à ceulx de Cravant et de Coulanges les Vineuses , qui pour le roy anglois et le duc de Bourgoingne se tenoient, que en son obéissance se rendissent ; auquel mandement , ilz obéirent , et en sa grâce le receupt et aultres villes et chasteaulx de la contrée, et benignement leur pardonna toutes offenses. Si administrèrent au roy vivres et charroy abondamment pour son host soustenir ; et, en tout ce que requérir leur voult, s'emploièrent en son service. Dedans Aucerre n'entra pas le roy à celle foiz ; mais pour la possession en prendre et le serement recevoir du clergié et des bourgois , y envoya de haulx seigneurs ; et ce fait passa la rivière d'Yonne et de toutes pars ala chacun jour son host croissant , tant de haulx seigneurs, barons et nobles, comme bourgois et gens de commun. Et chevauchant païs et recevant villes et places en obéissance , tint son chemin droit à la cité de Troies en Champaingne , dedans laquelle le duc de Bourgoigne avoi establi plusieurs cappitaines au nombre de vc hommes d'armes pour résister contre 'e roy.

« Devant Troies vint le roy Charles de France le mercredi vie jour de juillet m cccc xxtx et là mist siège de toutes pars. Si fist son appareil et ses bombardes asseoir et assortir sur la rive des foesez de la cité qui forte fut et bien dose de muraille ; contre laquelle il commanda faire ses bombardes gecter. »

allast à Reims se faire couronner et sacrer; et que, combien qu'il fust roy, toutesfois ledict couronnement luy estoit nécessaire. Et combien que plusieurs, et le roy mesmes, de ce feisseut difficulté, veu que ladicte cité de Reims , et toutes les villes et forteresses de Picardie, Champaigne, l'Isle de France, Brye, Gastinois, l'Auxerrois , Bourgongne , et tout le pays d'entre la rivière de Loire et la mer, estoit occupé par les Anglois, toutesfois le roy s'arresta au conseil de ladicte Pucelle, et délibéra de l'exécuter. Si feit son assemblée à Gyen sur Loire ; et vindrent en sa compu»ignée les ducs d'Alençon, de Bourbon, le comte de Vendosme, ladicte Pucelle, le seigneur de Laval, les sires de Loheac, de La Trimoille, de Rays, d'Albret. Et plusieurs autres seigneurs , capitaines et gens d'armes venoient encore de toutes parts au service du roy; et plusieurs gentilshommes, non ayans de quoy eux armer et monter, y alloient comme archers et coustillers, montez sur petits chevaulx; car chascun avoit grand attente que par le moyen d'icelle Jehanne il adviendroit beaucoup de biens au royaume de France; si desiroient etconvoitoient à la servir, et congnoistre ses faits, comme une chose venue de par de Dieu (1). Elle chevauchoit tousjours armée de toutes pièces, et en habillement de guerre, autant ou plus que capitaine de guerre qui y fust; et quand on parloit de guerre, ou qu'il failloit mettre gens en ordonnance, il la faîsoit bel ouyr et veoir faire les diligences ; et si on crioit aucunes fois a l'arme , elle estoit la plus diligente et première, fust à pied ou à cheval ; et estoit

: [èan Chartier, plus la circonstance des gentilshommes qui se font varlets.

ET IlISTORIENS DU XV- SIÈCLE. 249

une très grand admiration aux capitaines et gens de guerre, de l'entendement qu'elle avoit en ces choses, veu que en autres elle esloit la plus simple villageoise que on veid oncques. Elle estoit très dévote, se confessoit souvent, et recepvoit le précieux corps de Jésus-Christ; estoit de très belle vie et honneste conversation (1).

En ce temps, le seigneur de La Trimouille estoit en grand crédit auprès du roy; mais il se doubtoit tousjours d'estre mis hors de gouvernement, etcraingnoit spécialement le connectable et autres ses alliez et serviteurs. Par quoy, combien que ledict connestable eust bien douze cent combatans et gens de faict, et si avoit autres seigneurs , lesquels fussent volontiers venus au service du roy : ledict de La Trimouille ne le vouloit souffrir; et si n'y avoit personne qui en eust osé parler contre iceluy de La Trimouille. Audit lieu de Gyen sur Loire, fut faict un payement aux gens de guerre de trois francs pour homme d'armes, qui estoit peu de chose; puis s'en partit la Pucelle , ayant plusieurs capitaines de gens d'armes en sa compaignée, avec leurs gens, et s'en allèrent loger à environ quatre lieues de Gyen, tirant le chemin vers Auxerre; et le roy partit le lendemain en prenant le mesme chemin. Et le jour dudict partement du roy, se trouvèrent tous ses gens ensemble, qui estoit une belle compaignée; et vint loger avec son ost devant ladicte cité d' Auxerre, laquelle ne fist pas plaine obéissance; car ils vindrent devers le roy luy prier et requérir qu'il voulust passer oultre , en demandant et requérant abstinence de

(I) Jean Charlier, p. 70.

guerre ; laquelle chose leur fut octroyée par le moyen et la requestedudict de La Trimouille, qui en eut deux mille escus : dont plusieurs seigneurs et capitaines furent très mal contens d'iceluy de La Trimouille et du conseil duroy, etmesmement la Pucelle, à laquelle il sembloit qu'on l'eust eue bien aisément d'assault. Toutesfois ceux de la ville baillèrent et délivrèrent vivres aux gens de l'ost du roy, lesquels en estoient en grand nécessité (1).

Ladicte Pucelle avoit de coustume que aussitost qu'elle venoit en un village, elle s'en alloit à l'église faire ses oraisons, et faisoit chanter aux prestres une antienne de Nostre-Dame. Si faisoit ses prières et oraisons, et puis s'en alloit en son logis, lequel estoit communément ordonné pour elle en la plus honneste maison qu'on pouvoit trouver, et où y avoit quelque femme honneste. Oncques homme ne la veid baigner ny se purger, et le faisoit tousjours secrètement ; et si le cas advenoit qu'elle logeast aux champs avec les gens de guerre, jamais ne se désarmoit. Il y eut plusieurs, mesme de grans seigneurs, délibérez de sçavoir si ils pourroient avoir sa compaignée charnelle; et pour ce, venoient devant elle gentement habillez; mais aussi tost qu'ils la voyoient, toute volonté leur cessoit; et quand on luy demandoit pourquoy elle estoit en habit d'homme, et qu'elle chevauchoit en armes, elle respondoit qu'ainsi luy estoit il ordonné , et que principalement c'estoit pour garder sa chasteté plus aiséement; aussi que c'eust esté trop estrange chose de la

(1) Jean Chartier, p. 70 et 71 ; mais la circonstance de l'épée cassée a été omise.

ET HISTORIENS DU XVe SIÈCLE. 251

veoir chevaucher en habit de femme entre tant de gens d'armes. Et quand gens lettrez partaient à elle sur ces matières, elle leur respondoit tellement, qu'ils estoient très contens , disans qu'ils ne faisoient doubte qu'elle estoit venue de par Dieu (1).

Après ce que le roy eut esté logé devant ladicte ville d'Auxerre trois jours, il se partit avec son ost, en tirant vers la ville de Sainct-Florentin , où ceux de la ville luy feirent plainière obéissance. Et là n'arresta guères, mais s'en vint avec son ost devant la cité de Troyes, qui estoit grande et grosse ville; et y avoit dedans de cinq a six cent combatans anglois et bourguignons, lesquels saillirent vaillamment à l'arrivée des gens du roy; et y eut dure et aspre escarmousche , où il y en eut de ruez par terre d'un costé et d'autre, car les gens du roy les receurent fort bien, et furent contraints lesdicts Anglois de se retirer en ladicte cité, etc., etc., (2).

Les gens de la ville sceurent et aperceurent les préparations que on faisoit; et sur ce, considérèrent que c'estoit leur souverain seigneur; et aucunes simples gens disoient qu'ils avoient veu autour de l'estendart de ladicte Pucelle une infinité de papillons blancs. Et comme meus soubdainement d'une bonne volonté inspirée de Dieu, congnoissans aussi les choses merveilleuses que ceste Pucelle avoit faictes à lever le

(1) Procès de réhabilitation , passim.

(2) Nous omettons le récit du siège de Troyes , qui n'est autre chose que le texte de Jean Chartier avec celui du Journal du siège fondus l'un dans l'autre , sans aucune addition. Ainsi il y est parlé successivement du passage de frère Richard , du conseil tenu au logis du roi , et de l'impulsion donnée aux travaux du siège par la Pucelle. Voyez ci-dessus , p. 72 et 18 1 .

siège d'Orléans, délibérèrent que on parlementeroit avec le roy, pour sçavoir quel traicté ils pourroient avoir. Et les gens de guerre mesmes, ennemis du roy, estans dedans la ville, le conseillèrent. Et de faict, l'évesque et les bourgeois de la ville et des gens de guerre en bien grand nombre, vindrent devers le roy, et prindrent finablement composition et traicté, c'est à savoir que les gens de guerre s'en iroient, eux et leurs biens, et ceux de la ville demeureroient en l'obéissance du roy , et luy rendroient ladicte ville , parmy qu'ils eurent abolition générale ; et au regard des gens d'église qui avoient régales et collations de bénéfices du roy son père, il approuva les collations ; et ceux qui les avoient du roy Henry d'Angleterre, prindrent lettres du roy; et voulut qu'ils eussent les bénéfices, quelques collations qu'il en eust faict à autres (1).

Ceux de la ville feirent grand feste et grand joye , et ceux de l'ost eurent vivres à leur plaisir. Et le matin s'en partirent presque toute la garnison, tant Anglois que Bourguignons , tirans là où ils voulurent aller. Et combien que, par le traicté, ils maintinssent qu'ils pouvoient enmener leurs prisonniers, et de faict les emmenoient, mais icelle Jeanne se tint à la porte en disant que, en nom deDieu, ils ne les emmeneroient pas; et de faict les en garda. Et le roy contenta aucunement lesdicts Anglois et Bourguignons des finances auxquelles lesdicts prisonniers estoient mis; puis y entra le roy environ neuf heures du matin. Mais

(1) Journal du siège , sauf la circonstance des papillons blancs qui pourrait bien être tirée du proccs de condamualion. Voyez t. 1 , p. 103.

premièrement y esloit entrée ladicte Jeanne, et avoit ordonné des gens de traict à pied au long des rues. Et avec le roy entrèrent à cheval les seigneurs et capitaines , bien habillez et montez, et lesfaisoit très beau voir. Si mist en ladicte ville capitaine et officiers, et fut ordonné par le roy que le seigneur de Loré demeureroit aux champs avec les gens de guerre de l'ost. Et le lendemain tous passèrent par ladicte cité en belle ordonnance : dont ceux de la ville estoient bien joyeux; et feirent serment au roy d'estre bons et loyaux , et tels se sont ils toujours monstrez depuis (\).

\\) Jean Chartier(p. 7(>) el Journal du tiéije (p 184) amplifiés de quelques circonstances île détail.