LE MIROIR DES FEMMES VERTUEUSES

« Mirouer des femmes vertueuses, ensemble la patience Griseli- « dis par laquelle est demonstrée l'obédience des femmes vertueuses ; « l'histoire admirable de Jebanne la Pucelle, native deVaucouleur, m laquelle par révélation divine et par graut miracle fut cause de « expulser les Anglovs tant de France, Normandie, que aultres <> lieux circonvoysins, ainsi que vous verrez par ladite histoire ex- « traicte de plusieurs croniques de ce faisant mention ; nouvelle- » ment imprimé à Paris. (In-8°, gothique). » Tel est le titre d'un ouvrage que Lenglet Dufresnoy avait cherché en vain dans les cabinets des amateurs , el qui naguère encore était si rare, que le savant M. Brunet a doulé de son existence. M. Silvestre l'a réimprimé en 1840, dans sa collection des livres rares gothiques, et depuis il a paru dans le format Charpentier (Nouvelle Bibliothèque bleue) , parles soins de M. Le Roux de Lincy.

L'histoire de la Pucelle contenue dans ce petit livre, fut, à ce qu'il paraît, très-populaire du temps de Louis XII. Ce qu'elle offre de plus important est une anecdote sur la catastrophe de Compiègne, que l'auteur dit tenir de deux octogénaires de cette ville , interrogés par lui en 1498. Flavy, d'après ce témoignage, aurait vendu la Pucelle à Jean de Luxembourg. Il est évident que c'est là l'origine de ce que tous les historiens postérieurs, à commencer par Belléforest et Jean Bouchet , ont débité sur cette prétendue trahison. Nous nous en référons sur ce point à l'opinion émise dans notre préface.

Nous extrairons encore du même opuscule une version du secret révélé à Charles VII , qui s'éloigne peu de celle qu'on a rapportée ci-dessus, p. 257, ainsi que le récit de l'arrivée de la Pucelle à la cour: récit plein d'erreurs, et qui par cela même montrera avec quelle rapidité l'histoire de Jeanne d'Arc tournait à la légende, lorsque les sceptiques delà Renaissance vinrent la mettre en question.

De Jehanne la Pucelle qui vint au roy de France durant le siège d'Orléans.

Incontinent après que le siège des Angloys fut assis au devant de la ville d'Orléans et durant celluy siège, messire Robert de Baudricourt, capitaine de Vaucouleur en Lorraine, lors estant en l'ost du roy, se adressa une jeune pucelle dudit Vaucouleur, nommée Jehanne, aagée de xvin ans, laquelle estoit grande et moult belle, et avoit esté toute sa vie bergiere. Auquel capitaine elle luy dit et pria qu'il la présentast au roy de France , car Dieu luy avoit faict révéler par la Vierge Marie, et par madame saincte Katherine et madame saincte Agnès aulcunes choses bien singulières pour le recouvrement de son royaume ; lesquelles elle ne oseroit déclarer à aultre personne que au roy. Et de ce fut moult ennuyeusement prié, requis et pressé ce capitaine par la dessus dicte Pucelle j lequel capitaine adjouxta quelque foy. Si en advertit le roy et les grans personnaiges qui autour de luy estoyent; mais les ungz n'en vouloient faire compte, disans que c'estoit une rêverie et que on ne y debvoit point prester l'oreille. Les aultres estoyent de contraire oppinion et disoyent que Dieu vouloit relever le pouvre royaume de France par le sens et la conduicte de celle que luy seul inspireroit par sus la conduicte des entendemens humains, en donnant à tous à entendre que par luy seul régnent tous roys et seigneurissent tous seigneurs. Toutesfoys , il fut advisé devant que passer plus avant que l'on envoyeroit en diligence à Vaucouleur quérir le père et la mère de ceste Pucelle; ce que fut faict.

Et quant ilz furent en court, ilz furent interroguez comment leur fille avoit vescu, de quel mestier, et comment leur fille avoit eu celle advision et que ce estoit. Hz respondirent (jue elle estoit leur fille et que ilz l'avoyent habituée et mise de son jeune aage à garder leurs bestialz aux champs, et que depuis peu de jours, elle leur avoit dict par plusieurs foys , que la Vierge Marie, mère de Dieu, et aulcunes Saintes de paradis s'estoyent apparues à elle et souvent l'avoyent admonestée de se retirer par devers le roy de France, pour l'advertir d'aulcunes choses où il estoit très nécessaire d'y besongner diligemment affin de recouvrer son royaulme; et que, pour ce faire, elle s'estoit partie d'avec eulx et estoit venue parler au capitaine de leur place, qui estoit en court, et s'estoit adressée à luy pour ce quelle l'avoit souventesfoys vu en leur pays. Et aultre chose ne leur dirent si non que leur fille s'estoit tousjours portée humble, sobre, chaste et dévote envers Dieu et le monde, en la povreté où ilz estoyent, en laquelle ilz l'avoyent nourrie et eslevéej et n'estoit fine, cauteleuse, subtille ne jangleresse.

Après avoir esté les père et mère ouys parler de Testât de leur fille, fut advisé qu'elle seroit interroguée par le confesseur du roy et par aulcuns docteurs et gens du grant conseil du roy, devant que permettre qu'elle parlast au roy.

Comment Jehanne fut interroguée par grans personnaiges et comment elle congneut le roy entre ses princes et des choses qu'elle luy dit.

Jehanne la Pucelle [fut] examinée et bien amplement interroguée par le conseil du roy, auquel elle dit et

déclara les advisions et apariticms qui advenues luy avoyent esté, sans aulcunement leur révéler ce qu'elle avoit à dire au roy. Et fut gardée par aulcuns jours , et chascun jour elle estoit interroguée de plusieurs interrogations divines et humaines; mais finablementon la trouva si constante et si bien moriginée , qu'il fut ad visé qu'on la feroit parler au roy. Si fut amenée en une salie où le roy estoit. Lequel elle congneut et aperceut entre les aultres seigneurs qui là estoient, combien qu'on luy cuidast faire entendre que quelque aultre de la compaignie estoit le roy; mais elle disoit que non et monstra le roy au doyt, disant que c'estoit à luy qu'elle avoit à faire et non à aultre : dont tous ceulx qui là estoyent furent esmerveillez.

Quant Jehanne laPucelle eut apperceu le roy, elle se approcha de luy, et luy dist : « Noble seigneur, Dieu le k Créateur m'a faict commander par la Vierge Marie, « sa mère, et par madame saincte Katherine et ma- « dame saincte Agnès, ainsi que j'estoys aux champs, « gardant les aygneaulx de mon père, que je laissasse « tout là et que en diligence je me retirasse par de- « vers vous pour vousreveller les moyens par lesquelz ce vous parviendras à estre roy couronné de la coûte ronne de France, et mettrez vos adversaires hors de « vostre royaulme. Et m'a esté commandé de Nostre- « Seigneur que aultre personne que vous ne sache ce » que je vous ay à dire. »

Et quant elle eut ce dit et remonstré, le roy fist reculer au loing au bas d'icelle salle ceulx qui y estovent, et à l'autre bout où il estoit assis, fist approcher la Pucelle de luy. Laquelle par l'espace d'ugne heure parla au roy , sans que aultre personne que

eulx deux sceut ce qu'elle luy disoit. Et le roy larmoyoit moult tendrement : dont ses chambellans qui veoyent sa contenance, se voudrent approcher pour rompre le propos ; mais le roy leur faisoit signe qu'ilz se reculassent et la laissassent dire. Quelles parolles ilz eurent ensemble, personne n'en a peu riens sçavoir ne congnoistre, si non que on dit que, après que la Pucelle fut morte, le roy, qui moult dolent en fut, dist et révéla à quelqu'ung que elle luy avoit dit comment peu de jours paravant qu'elle venist à luy, luy estant par une nuyct couché au lict alors que tous ceulx de sa chambre estoyent endormis, il silogisoit en sa pensée les grans affaires où il estoit; et comme tout hors d'espérance du secours des hommes , se leva de son lict en sa chemise , et à costé de son lict, hors icelluy, se mist à nudz genoulx et les larmes aux yeulx et les mains joincles, comme soy reputant misérable pécheur, indigne de adresser sa prière à Dieu, suplia à sa glorieuse Mère qui est royne de miséricorde et consolation des désolez, que, s'il estoit vray filz du roy de Fiance et héritier de sa couronne, il pleust à la dame suplier son filz que il luy donnast ayde et secours contre ses ennemys mortelz et adversaires en manière que il les peust chasser hors de son royaulme et icelluy gouverner en paix; et s'il n'estoit filz du roy et le royaulme ne luy appartenist, que le bon plaisir de Dieu fut luy donner patience et quelques possessions temporelles pour vivre honnorablement en ce monde. Et dit le roy que à ces parolles que portées luy furent par la Pucelle, il congneut bien que véritablement Dieu avoit révélé ce mistère à ceste jeune pucelle; car ce qu'elle luy avoit

dict estoit vray. Et jamais homme aultre que le roy

n'en avoit riens sceu.

Comme elle fut vendue par le capitaine de Compiegne et des regretz qu'elle fist en l'église Sainct -Jacques du dict lieu.

L'an mil ccccxxx , vers le commencement du moys de juingj messire Jehan de Luxembourg, les contes de Hantonne, d'Arondel, Angloys, et une moult grande compaignie de Bourguinons misrent le siège devant Compiegne. Et fut advisé par Guillaume de Flavy qui en estoit capitaine, que la Pucelle yroit en diligence par devers le roy pour recouvrer et assembler gens afïin de lever le siège; mais celuy de Flavy avoit faict ceste ordonnance pour ce qu'il avoit jà vendu aux dessusdicts Bourguinons et Angloys la Pucelle. Et pour parvenir à ses fins , il la pressoit fort de sortir par l'une des portes de la ville, car le siège n'estoit pas devant icelle porte.

Ladicte Pucelle ung bien matin fist dire messe à Sainct-Jacques et se confessa et receut son Créateur, puis se retira près d'ung des pilliers d'icelle église, et dit à plusieurs gens de la ville qui là estoyent (et y avoit cent ou six vingts petis enfans qui moult desiroyent à la veoir) : n Mes enfans et chers amys, je vous « signifie que l'on m'a vendue et trahie , et que de <( brief seray livrée à mort. Si vous supplie que vous « priez Dieu pour moy; car jamais n'auray plus de « puissance de faire service au roy ne au royaulme de « France. » Et ces parolles ay ouy à Compiegne , l'an mil quatre cens quatre vinglz et xvm , au moys de juillet, à deux vieulx et anciens hommes de la ville de Compiegne, aagez, l'ung deiiiixxxvin ans, et l'aultre

ET 1IIST0UIKNS J)U XV SIÈCLE. 273

• le un" vi; lesquels disoyent avoir esté présens eu l'église de Sainct-Jacques de Compiegne alors que la dessusdicte Pucelle prononça celles parolles.

Quant la Pucelle à compaignie de xxv ou xxx archers fut sortie hors de la ville de Compiegne, Flavy qui bien sçavoit l'nmbusche, fit fermer les barrières et la porte de la ville. Et quant la Pucelle fut en ung quart de lieue, elle fut rencontrée par Lucembourg et aultres Bourguinons; si les advisa plus puissans et s'en retourna à course, soycuydant sauver dedans la ville; mais le traistre de Flavy si luy avoit faict clorre les barrières et ne voulut luy faire ouvrir les portes. A celle cause fut la Pucelle par les Bourguinons à l'heure prinse aux barrières de Coinpiengne , et par eulx livrée aux Angloys, l'an dessus dict cccc xxx au signe de Gemini, comme il appert par les lettres nombrables de ce petit verset :

nVnC Cadlt In geMInls bVrgVndo VICta pVeLLa.

Et pour ce que par la justice des hommes celuy de Flavy ne fut pugni de ce cas , Dieu le Créateur, qui ne voult délaisser ung tel cas i m pugni , permist depuis que la femme d'icelluy de Flavy, nommée Blanche d'Auurebruch (1), qui moult belle damoyselle estoit,

(1) Cette dame est appelée la vicomtesse d'Arsy (/wead'Acy) par Matthieu de Coussy qui raconte dans tout son détail l'histoire du meurtre de Guillaume de Flavy en 1449. Blanche d'Aurebruche était fille de Robert d'Aurebruche , vicomte d'Acy, que Flavy tit mourir en prison pour avoir plus tôt son château de Nesle. Cette circonstance contribua beaucoup a atténuer le crime de sa fille. Le barbier, complice de celle-ci, était un bâtard de noble famille. Un capitaine nommé Pierre de Louvain , avec lequel elle se remaria, était aussi du complot. Voyez Matthieu de Coussy, ch. xxvn, et les Mémoires de Jacques Duclercq, 1. V, ch. x.

le suffoqua et estrangla par l'ayde d'ung sien barbier, alors qu'il estoit couché au lit en son chasteau de Neel en Tardenois : dont depuis en eut grâce du roy Charles septiesme, parce qu'elle prouva que son dessusdict mary avoit entreprins de la faire noyer.

Quant la Pucelle fut entre les mains de messire Jehan de Lucembourg, il la garda quelque peu de temps , et puis la vendit aux Angloys qui luy en donnèrent grant pris, et les Angloys la menèrent à Rouen où elle fut en prison et durement traictée.

Comment ladicte Jehanne fut injustement condamné à estre brusléc au marché de Rouen où est présentement l'église Sainct-Michel.

Les Angloys firent faire le procès de la Pucelle à Rouen et sous couleur de justice, sans toutesfoys que en elle ilz eussent trouvé vice, macule ne crime quelconques, mais pour ce que publiquement elle portoit habit d'homme ( jaçoit ce qu'elle leur eust dit et déclaré qu'elle le faisoit, aftin que les hommes avec lesquelz luy estoit force de fréquenter pour les affaires du royaulme, ne prédissent en elle charnelles ne lubricques fantasies) : tout ce néantmoins ilz la firent par ung angloys, évesque de Beauvais, condampner et déclarer hérétique ; et par leur juge séculier fut condampnée à estre bruslée au marché de Rouen où à présent est l'église de monseigneur Sainct-Michel^).

(1) Si l'auteur prétend par là que Saint-Michel n'existait pas lors du supplice de Jeanne d'Arc , il se trompe ; on trouve cette église mentionnée dès le xn* siècle ; mais peut-être veut-il seulement donner à entendre qu'elle avait été rebâtie et avancée sur la place , après la réhabilitation. Il n'en reste rien aujourd'hui.

ET HISTORIENS DU XV' SIÈCLE. 27.r>

Avant toulesfoys que luy prononcer sa sentence, fut île rechef esprouvée et interroguée devant divers juges en plusieurs consistoyres, enquerans plusieurs cIiom^ touchant la foy et loy deJésu-Christ ; car ilz cuidoyent que Charles, roy de France, eust prins celle femme instruicte par art magique, et pour tant, qu'il eust erré en la foy catholique : par quoy le tenoyent. indigne de tenir le royaulme. Et combien qu'ilz n'y eussent trouve que toute saincteté et vie chrestienne, néantmoins plusieurs par ilaterie, comme est la eoustume de aulcuns , pour complaire aux Angloys ennemys , s'efforcèrent surmonter la Pucelle, tant par fa I laces de sophisterie que aultrement ; combien qu'elle misl soy avec tout ce qu'elle avoitfaict, et doneques ilz l'accusoyent, à l'examen du Sainct Siège apostolique : remonstrant que ilz ne debvoyent estre juges et parties. Toutesfoys tout ce ne luy vallut ne empescha qu'ilzne parfeissent leur cruelle et injuste entreprinse; car entour les tyrans ont tousjours esté maulvais conseilliers, qui par inique affection ou Ilaterie aveuglez, pour la grâce des princes acquérir , ont procure la condamnation des justes preudhommes et les ont fa ici pugnir comme pécheurs et malfaicteurs ; car à ce où ilz voyent le couraige des princes et tyrans enclins, par tous les moyens se appliquent à leur complaire. Par ainsi mourut la Pucelle. Et fut celle sentence exécutéeà la fin de may mi! cccc xxxi, comme il appert par les lettres nombrables de ce verset :

IgnlbVs oCCVbVIt geMInls ILLVsa pVeLLa.

Et son corps fut réduict en cendres, qui depuis furent jectées au vent hors la ville de Rouen. Ne oneques

puis les Angloys ne prospérèrent en France; ains en furent dejectez, ensemble de tous les pays circonvoysins, à leur grant honte et confusion. Et est à présumer que ce fut par le juste jugement de Dieu, lequel ne voulut, entre aultres iniquitez et pilleries par eulx commises, que le jugement par eulx ainsi faict de ladicte Pucelle demourast impugny ;

Car par expérience on voit , Ce que on dict communément , Que Dieu , vray juge , quant que soit , Rend à chascun son payement.