PIERRE SALA

Quoique ayant vu le règne de François Ier , Pierre Sala peul encore passer pour un auteur contemporain à l'égard de Jeanne d'Arc. L'anecdote qu'il rapporte sur elle lui venait directement de Charles VII par M. de Boisy, chambellan de ce prince. Nous la plaçous ici parce qu'elle confirme ce qui est dit dans les chroniques précédentes relativement au secret révélé. Elle est tirée de l'ouvrage de Pierre Sala , qui a pour titre Hardiesses des grands Rois et Empereurs, Ce Sala, qui paraît avoir été le fils d'un illustre parlementaire du même nom, servit comme varlet Louis XI et Charles VTII, comme panetier le dauphin Orland, comme maître d'hôtel Louis XII. François Ier à son avènement l'ayant trouvé vieux et caduc, lui donna sa retraite et l'envoya finir tranquillement ses jours dans l'hôtel royal de l'Antiquaille, à Lyon. C'est là que Sala composa son livre des Hardiesses , qu'il offrit à son jeune bienfaiteur en 1516, lorsque celui-ci revenait vainqueur du Milanais. La Bibliothèque royale possède deux manuscrits de cet ouvrage, dont l'un est celui même qui servit à la présentation (n° 191 du Supplément français). Pour de plus amples renseignements sur ces manuscrits , recourir à la Bibliothèque de l'Ecole des Chartes, t. II (première série), p. 281, et aux Manuscrits françois de la bibliothèque du roi, par M. P. Paris, t. V, p. 91.

Le récit de Pierre Sala sur la Pucelle est connu depuis longtemps. Colletet qui en tenait une copie du P. Jacob, l'envoya à Symphorien Guyon , alors occupé à écrire l'histoire d'Orléan . Symphorien Guyon s'empressa d'introduire dans son livre une si curieuse aventure , remerciant beaucoup Colletet , sans nommer le P. Jacob, qui s'en fâcha. C'est Niceron qui nous apprend celte anecdote dans ses Mémoires. Cent ans après , Lenglet Dufresnoy publia le texte même de Pierre Sala à la suiie de son Histoire de Jeanne d'Arc ( IIe partie , p. 149). Nous le donnons

de nouveau, plus complet et d'après une leçon meilleure, celle du

manuscrit 191 S. F.

Cela est chose notoire que, de tous temps, Nostre Seigneur n'a jamais abandonné ses bons roys à leur grantbesoing. N'avez vous pas ouy cy devant des beaulx miracles qu'il fit pour le roy Clovis, qui fut le premier roy crestien , et conséquemment pour le roy Dagobert, pour Charles le Grant et pour plusieurs aultres roys ? Et de fresche mémoire, de celluy gentil roy Charles VIP, dont nous parlons, quant après qu'il fut mis si bas qu'il n'avoit plus où se retirer parmy son royaulme, sinon à Bourges et en quelque chasteau à l'environ , Nostre Seigneur lui envoya une simple pucelle, par le conseil de laquelle il fut remys en son entier et demeura roy paisible. Et pour ce que par adventure il seroit malaisé à entendre à aulcunes gens que le roy adjoustast foy aux parolles d'icelle, sachez qu'elle luy fit ung tel message de par Dieu, où elle luy déclara ung secret encloz dedans le cueur du roy, de tel sorte qu'il ne l'avoit de sa vie à nulle créature révélé, fors à Dieu en son oraison. Et pour ce, quant il ouyt les nouvelles que icelle Pucelle luy dist à part (qui ne pouvoit estre par elle sceu, sinon par inspiration divine), alors il mit toute sa conduitte et ressource entre ses mains.; et combien que le roy eust encores de bons et. soufïîsans cappitaines pour délibérer du fait de sa guerre, si commenda il qu'on ne fist riens sans appeller la Pucelle. Et aulcunes foiz advenoit que l'oppinion d'elle estoit toute au contraire des cappitaines; mais quoy qu'il enfust, s ilz la croyoient, tousjours en prenoit bien; el au contraire, quant ilz vor.loient exé-

ET HISTORIENS- J)l XV« SIÈCLE. k27i>

CUter leur oppinion sans elle, mal en venoil. Mais vous me pourriez demander comme j'ay sceu ce que je vous die en présent, et je le vous voys compter.

Il est vray que environ l'an mil imc mi" j'estoye de la chambre du gentil roy Charles VIIIe, que l'on peult bien appeler Hardi , car bien le monstra à Fourneuf, en revenant de la conqueste de son royaulme de jNapples, quant seullement accompaigné d'environ vu™ François il deftit lx mille Lombars , dont les ungs furent tuez et les aultres fouyrent. Ce gentil roy esposa madame Anne, duchesse de Bretaigne, et en eut ung beau fîlz, qui fut daulphin de Viennoys, nommé Chai le Rollant, né dedans le Plessis lez Tours; et là mesmes fut nourry par le commandement du roy, sous le gouvernement d'un très noble antien chevalier, son chamberlant , nommé messire Guillaume Goufïier, seigneur de Boisy, qui fut par luy choysi entre tous ceulx du royaulme pour ung bon et loyal preudhonme. A ceste cause, il luy voulut remettre son filz entre les mains comme à celluy en qui moult il se iioit. Avecques ce noble chevalier furent mis le seigneur de La Selle-Guenault , deux maistres d'ostelz, ung médecin et moy, qui fus son pannetier; et n'en y eut plus à ce commancement d'estatj fors les dames et xxiiii archiers pour sa garde.

Par léans, je suyvoie ce bon chevalier, monseigneur de Boisy, quant il s'esbaloit parmy le parc; et tant l'aimoye pour ses grans vertus , que je ne me pouvoye de luy partir; carde sa bouche ne sortoit que beaulx exemples où j'apprenoye moult de bien. Et me semble que si je sçay nul bien , que je le tiens de luy. Celuy me compta entre aultres choses le secret qui avoit esté entre le roy et la Pucelle; et bien le pouvoit sçavoir,

car il avoit esté en sa jeunesse très aymé de ce roy,

tant qu'il ne voulut oncques souffrir coucher nul p-en-

tilhomme en son lit, fors luy. En ceste grande pri-

vaulté que je vous dis , lui compta le roy les parolles

que la Pucelle lui avoit dictes, telles que vous orrez cy

après.

Il est vray que du temps de la grande adversité de ce roy Charles VIP, il se trouva si bas qu'il ne sçavoit plus que faire , et ne faisoit que pencer au remède de sa vie, car, comme je vous ay dit, il estoit entre ses ennemis encloz de tous coustez. Le roy estant en ceste extresme pensée, entra ung matin en son oratoire, tout seul; et là, il fit une humble requeste et prière à Nostre Seigneur, dedans son cueur, sanspronuntiation de paroile, où il lui requeroit dévotement que , se ainsi estoit qu'il fut vray hoir descendu de la noble maison de France, et que le royaulme justement luy deust appartenir, qu'il luy pleust de luy garder et deffendre, ou au pis luy donner grâce de eschapper sans mort ou prison ; et qu'il se peust saulver en Espaigne ou en Escosse, qui estoient de toute ancienneté frères d'armes et alliez des roys de France , et pour ce avoit il là choysi son dernier refuge.

Peu de temps après ce, advint que Je roy estant en tous ces pensemens que je vous ai comptez , la Pucelle lui fut amenée; laquelle avoit eu en gardant ses brebis aux champs inspiration divine pour venir reconforter le bon roy. Laquelle ne faillit pas, car elle se fit mener et conduyre par ses propres parens jusques devant le roy, et là elle fit son message aux enseignes dessus dictes, que le roy congneut estre vrayes; et dès l'heure il se conseilla par elle, et bien luy en print, car elle

le conduisit jusques à Rains, où elle le lit coronner roy de France, maulgré tous ses ennemys, et le rendit paisible de son royaulme. Depuis, ainsi comme il plaist à Dieu de ordonner des choses, ceste saincte Pucelle fut prinse et martirisée des Anglois : dont le roy fut moult doulent, mais remédier n'y peut.

En oultre , me compta ledit seigneur que dix ans après, fut ramenée au roy une aultre Pucelle affectée, qui moult ressembloit a la première. Et vouloit l'on donner à entendre en faisant courrir bruit, quec'estoit la première qui estoit suscitée. Le roy oyant ceste nouvelle, commenda qu'elle fust amenée devant luy. Or, en ce temps estoit le roy blessé en ung pied , et portoit une bote faulve; par laquelle enseigne ceulx qui ceste traïson menoient, en avoient adverti la faulce Pucelle , pour ne point faillir à le congnoistre entre ses gentilzhommes. Advint que à l'heure que le roy la manda pour venir devant luy, il estoit en ung jardin soubz une grant treille. Si commenda à l'ung de ces gentilz hommes que dès qu'il verroit la Pucelle entrée, qu'il s'avansast pour la recueillir, comme s'il fust le roy : ce qu'il fit. Mais elle venue, congnoissant aux enseignes susdictes que ce n'estoit il pas, le refïusa; si vint droit au roy. Dont il fut esbahi et ne sceut que dire, si non en la saluant bien doulcement, luy dist : « Pucelle « m'amye, vous soyez la très bien revenue, ou nom de « Dieu qui sçait le secret qui est entre vous et moy. » Alors miraculeusement, après avoir ouy ce seul mot, se mit à genoulz devant le roy celle faulce Pucelle, en luy criant mercy ; et sus le champ confessa toute la trayson , dont aulcuns en furent justiciez très asprement , comme en tel cas bien apparlenoit.