IV

Clermont, ûlz du duc cle Bourbon, avoit fait capitaine de laditte place, refusa l'entrée de ladite ville ausditz seigneurs et gens d'armes , et suborna les gens de laditte ville en leur faisant entendre que iceulx seigneurs et gens d'armes venoient pour y estre en garnison, affin que le peuple de laditte ville fust d'oppinion de ne les bouter point dedens icelle ville. Les gens d'armes couschèrent celle nuyt aux champs , et à la fin ledit capitaine bouta lesditz arcevesque, Pucelle et conte de Vendosme h petite compaignie. Et l'endemain s'en allèrent lesditz gens d'armes oultre la rivière de Marne et de Seine, pour ce qu'ilz ne trouvoient de quoy vivre sur le pays , et aussi qu'ilz estoient grans seigneurs en grant nombre de pluseurs gens de guerre acompaigniés avec eulx ; et ne pooient vivre dedens laditte ville de Compiengne, car ceulx dudit lieu actendoient de jour en jour le siège sur eulx. Et lesdis seigneurs s'en allèrent à Senlis, et laditte Puceîle à Compiengne ; et incontinent qu'ilz lurent partis de Soissons, ledit Guisehard vendit laditte cité au duc de Bourgongne et la mist en la main de messire Jehan de Luxembourg : dont il fist laidement, contre son honneur; et ce fait s'en alla avec ledit duc, lequel par ce moyen eust obéissance dudit Pont-à-Soisi , et vint mettre le siège devant Compiengne. Et vindrent à son aide les contes de Stafïbrt et d'Arondel, Anglois, à tout mil et vc combatans au siège devant laditte ville de Compiengne ; et y fut prinse laditte Pucelle d'ung Picart; et depuis la vendit messire Jehan de Luxembourg aux Anglois.

il HISTORIENS DU XV' SIÈGLK .1

JEAN CHARTIEB.

Jean Chartier, chantre de Saint-Denis, passe pour avoir été le frère d'Alain Chartier le poète , ainsi que de Guillaume Chartier, évéque de Paris, qui fut juge dans la révision du procès de Jeanne d'Arc. Jean Chartier, à ce compte, serait Normand, natif de Hayeux. Charles VII rétablit en sa faveur le privilège qu'avait eu anciennement l'abbaye de Saint-Denis de fournir le chroniqueur en titre des rois de France. Il exerçait cet office en 1449 , pendant la complète de Normandie, puisqu'à l'occasion du siège d'Harfleur, il dit qu'il y assistait » endurant de grans froidures et vexacions ; combien » ajoute-t-il «< que j'étois sallariè et deffrayé pour les despens tant de moy que de mes chevaulx , par l'ordonnance et voulenté du roy, comme de tout temps estoit et est encore acoustumé. » Louis XI, à son avènement, lui ayant retiré la rédaction des chroniques pour la donner à un moine de Cluny, c'est vraisemblablement après sa destitution qu'il publia l'histoire du règne de Charles VII , laquelle paraît avoir été écrite en partie du vivant de ce prince.

Jean Chartier est un mauvais écrivain , un appréciateur peu judicieux des événements, un annaliste inexact et incomplet. Toutefois, il a des parties instructives , et ce qu'il a écrit sur l'apparition de Jeanne d'Arc est dans ce cas. Son récit là-dessus est des plus circonstanciés que nous ayons. Comme on n'y découvre aucune réminiscence du procès de réhabilitation , c'est une raison de croire que le chroniqueur en recueillit les éléments à l'époque où il entra en fonction, c'est-à-dire entre 1440 et 1450. On verra par la suite que c'est ce récit qui a engendré presque tous les autres , du moins ceux conçus dans l'esprit trançais.

L'ouvrage de Jean Chartier ayant été fondu de très-bonne heure dans le corps des Chroniques de Saint-Denis , a été frustré par là de l'avantage d'avoir beaucoup d'éditions séparées. On ne connaît

que celle donnée par Godefroy dans son Recueil des historiens de Charles VII. Elle est loin d'être bonne. Godefroy a rajeuni le langage du chroniqueur, pallié par des corrections continuelles la rusticité de son style , fait disparaître les divisions par chapitres qu'il avait adoptées. Les extraits qui suivent ont été rendus à la physionomie primitive de l'ouvrage. On les a copiés sur le beau manuscrit 8350 de la Bibliothèque royale, qui fut exécuté vers l'an 1^70 pour le seigneur de la Gmthuyse.

La venue de la Pucelle.

En celiui temps, vint nouvelles qu'il y avoit une pucelle d'emprez Vaucolour es marches de Barrois, laquelle estoit eagée de vingt ans ou environ. Et dist par pluiseurs foiz à ung nommé messire Robert de Baiulricourt , capitaine dudit Vaucolour, et à pluiseurs autres, qu'il estoit nécessité qu'ilz l'amenassent devers le roy de France , et qu'elle lui feroit grant service en ses guerres; et par pluiseurs foiz les en requist. Et de ce ne se faisoient que rire et mocquer et repputaient ycelle Jehanne pour simple personne, et ne teuoient aucun compte de ses parolles. Et finablement fist tant icelle Jehanne qu'elle fut amenée devers le roy de France par ung nommé Ville-Jiobert et autres en sa compaignie.

Lors ycelle, venue devant le roy, fist les inclinacions et révérences acoustumées de faire aux roys, ainsy que se elle eust esté nourie en sa court, et la salutation faicte dist en adreschant sa parolle au roy : « Dieu a vous doiut bonne vie, gentil roy; » combien que elle ne le congnoissoit, ne sy ne l'avoit oneques veu. Et y avoit pluiseurs seigneurs pompeusement vestus et richement et plus que n'estoit le roy. Pourquoy il respondy à la dicle Jehanne : « Ce ne suis-je pas qui

ET HISTORIENS Dl XV' SIÈCLE. 53

« suis roy, Jehnnne. » Et en lui monstrant l'un de ses seigneurs, dist : « Velà le Roy. » A quoy elle: respondy : « En non Dieu, gentil prince, c'esles vous et « non autre. » Et adonc fut examinée et interroguée dilligamment par pluiseurs saiges clers et autres gens de pluiseurseslas, pour sça voir qui la mouvoit de venir «levers le roy. Et elle respondy qu'elle venoit pour mettre le roy en sa seignourie, et que Dieu ainsy le vouloit, et qu'elle leveroit le siège que tenoient les Anglois devant la ville d'Orléans, et, après ce, qu'elle menroit le roy couronner à Rains, et qu'elle vouloit combatre les Anglois quelle part qu'elle les pouroit trouver, et qu'il failloit que le roy lui baillast telle puissance qu'il pouroit finer, car de lever ycellui siège, de mener le roy couronner à Rains, de desconfire et débouter les Anglois , elle n'en faisoit aucun doubte. Et disoit pluiseurs autres choses merveilleuses et respondoit merveilleusement aux questions qui lui estoient faittes. Et au regard de la guerre, sambloit qu'elle en fust très fort exprementée , et s'esmerveilloient pluiseurs docteurs et capitaines de guerre et autres de son fait et des responces qu'elle faisoit, tant de la chose divine , que de la guerre.

Et pour pourveoir à laditte nécessité de laditte ville d'Orléans, fut advisé par le roy et son conseil que ycelle Jehanne la Pucelle yi oit advitaillier et besongnier ce qui lui seroit possible sur ledit siège, ainsy qu'elle le requeroît chascun jour. Et fist le roy certain mandement de gens d'armes pour compaignier ycelle Jehanne la Pucelle; entre lesquelz furent mandez de par le roy le sire de Raix, messire Ambrois, sire de Loré , et pluiseurs aultres, lesquelz la conduisirent et

menèrent ycelle Jehanne la Pucelle en la ville de Blois. Auquel lieu trouvèrent Mess ire Regnault de Chartres, archevesque de Rains et chancelier de France, le bastard d'Orléans, la Hire et autres. Et furent chargiez en la ville de Blois plusieurs chars et charectes de bled et brins grant force de buefz , moutons , vaches , pourcheaulx et aultres vivres; et print son chemin ycelle Jehanne la Pucelle et les cappitaines dessus nommez à tirer droit à Orléans, du costé de la Soloigne. Et couchèrent une nuit dehors, et le lendemain arriva ladicte Jehanne la Pucelle et les dessusdis capitaines avec yceulx vivres, devant laditte ville d'Orléans. Et desemparèrent de ceste heure les Anglois d'une bastille, laquelle ilz tenoient, nommée Saint Jehan le Blancq; et se retirèrent les Anglois estans en ycelle aux Augustins avec aultres qui là estoient près du bout du pont. Et entra laditte Jehanne la Pucelle, le bastard d'Orléans, la Hire et pluiseurs autres capitaines avec tous yceulx vivres en laditte ville; et lesdis sire de Raix et de Loré s'en retournèrent à Blois avec la plus part de la compaignie, et faisoit on difficulté de mettre tant de gens en ladicte ville d'Orléans , pour ce qu'il y avoit trop pou de vivres.

Ceste dicte Pucelle après quelle ot esté examinée , requist au roy qu'il lui pleust baillier l'un de ses armuriers pour aller à Saincte Katherine de Fierboiz, quérir une espée qui estoit en certain lieu de l'église , venue de par ia grâce de Dieu et à laquelle avoit pour emprainte de chascun costé chincq petites cspées. Laquelle chose lui fut accordée en lui demandant de par le Roy s'elle avoit oncques esté oudit lieu , comment elle sçàvoit la ditte espée estre telle, et comment elle

ET HISTORIENS DU XV' SIÈCLE. 5ô

y nvoit esté apportée. A quoy clic respondy queoncqucs u\ nvoit esté ne entré en l'église de ladicte Snincte Katherine (1); mais bien scavoit que ycelle espée y estoit entre pluiseurs vieilles ferailles, comme elle le •^■avoit par révélation divine; et que par le moien d'icelle espée devoit expcllcr le royaulmede France (2) et mener le roy enoindre et couronner en la ville de Rains. Ces parolles ainsi exposées par laditle Jebanne, par le congié et mission du roy, l'un desdis armuriers ala avec elle (3) audit lieu où il trouva laditte espée, et l'apporta laditte Jehanne : qui estoit chose bien merveilleuse; de laquelle elle a milité et mené guerre ausdis ennemis du roy moult vaillamment, et par son entreprinse et nouveau commencement, à advitailler avec les dessus nommez laditte ville, comme dit est.

Et quant lesdis sires de Raix et de Loré furent arrivez à Bloiz, ilz trouvèrent ledit chancelier de France; et adont tindrent conseil de rechief pour sçavoir qu'on avoit à faire. Et estoient presque touz iceulx en voulenté de retourner audit lieu d'Orléans pour y faire et besoingnier chascun ce qu'il pourroit au bien du roy et d'ycelle ville. En parlant d'icelle matière, sourvint le bastard d'Orléans , lequel parla audit chancelier et capitaine en leur requérant et priant que on feist à l'aide et secours d'icelle ville au mieulx qu'on pourroit,

(1) Le contraire est établi par le procès de condamnation, t. 1, p. 75, où la Pucelle dit positivement qu'elle s'arrêta à Sainte-Catherine en se rendant auprès de Charles VII , et qu'elle y entendit trois messes le même jour.

(2) Godefroy, dans son édition , a corrigé : chasser du royaume de France les Ânylois.

(3) Autre inexactitude. La I'ucelle n'alla pas chercher l'épée : on la lu' apporta.

et que, se ycelle compaignie se départoit, que ycelle ville estoit en voie de perdition. Et tantost fut conclut de tous de retourner et de mener derechief vivres à puissance; et qu'on yroit par le costé de la Beausse où estoit la puissance des Anglois en la grant bastille dont dessus est faitte mention (1). Et avoient fait difficulté d'y aller à l'autre foiz qu'on y alla par la Soloigne avecq Jehanne la Pucelle , combien que ycelle foiz qu'on alla par la Soloigne avec laditte Jehanne la Pucelle, onjestoit trois fois plus de gens que on estoit à aller par la Beausse.

Comment Orléans fut advitaillé par les Franchois.

La veille de l'Ascention , de rechief se partirent de la ville de Blois ledit baslard d'Orléans, lesdis sires de F^aix et de Loré et pluiseurs aultres, à tout grant quantité de blé et bestial et aultres vivres, et. vindrent couchier presques à mi chemin de Bloiz; et le lendemain prindrent leur chemin droit à Orléans. Et quant ilz furent ainsy que une lieue de laditte ville d'Orléans, leur vindrent au devant laditte Jehanne la Pucelle, son estendart en sa main, La Hire , messire Florent d'Ilieres et pluiseurs aultres. Et vindrent tous ensamble passer par devant la grant bastille des Anglois nommée Londres atout leurs vivres, et entrèrent en la ditte ville d'Orléans.

Environ deux ou trois heures après qui furent ainsy entrez en laditte ville d'Orléans, se partist laditte Jehanne la Pucelle d'icelle ville, armée de touz harnoiz,

(l) La bastille appelée Londres, qui interceptait l'entrée d'Orléans du côté occidental. L'historien en parle dans un précédent chapitre.

et pluiseurs autres gens de guerre en 6a compaiguie; et se tirèrent vers la bastille de Saint Loup en laquelle avoit grant nombre d'Anglois, et fut assaillie durement. Lors ceulx de dedens, eulx voyans si rudement assailliz, congneurent assez que lors convenoit prendre ou rendre. Pourquoy tous d'une meisme voulenté se misrent à la deflfence de laditte place et moult vaillamment s'y portèrent; mais quelque résistence qu'ilz y mesissent, sy fut-elle prinse d'assault à la veue des autres Anglois de la grant bastille; et furent tous yceulx Anglois mors et prins. Et se misrent au chemin ceulx de la grant bastille pour cuidier donner secours, mais ilz n'allèrent guères loings que ils ne s'en retournassent en leur bastille.

Ce fait s'en retournèrent ycelle Jehanne et aultres qui estoient en sa compaignie en laditte ville d'Orléans. Et le lendemain fut tenu conseil pour sçavoir que on avoit affaire pour adommagier et grever yceuix Anglois tenans le siège d'un costé et d'autre d'icelle ville d'Orléans. Et fut tenu ycellui conseil à l'ostel du chancelier d'Orléans (1); auquel lieu estoient le bastard d'Orléans , le sire de Rais , le sire de Graville , La Hire, messire Ambrois de Loré , le sire de Gaucourt et pluiseurs autres. Auquel conseil fut conclud et délibéré que on feroit certains apareilz , comme manteaulx et taudis de bois, pour aller assaillir la grant bastille et austres du costé de la Beausse, affin que on fîst venir les Anglois qui estoient de l'autre costé devers la Soloigne . pour aidier à secourir ceulx de la ditte grant bastille et autres du costé de la Beausse. Et nonobstant,

(1) Chez Jacques Boucher.

n'estoit que une chose faitte (1), car ilz n'avoient aucune intencion d'assaillir ycelle bastille; mais estoit la conclusion d'icellui conseil que, sy tost que les Anglois du costé de la Soloigne seroient passez la rivière, laquelle ilz passeroient bien des ungs aux autres, que tout à coup passeroient ycelle rivière du costé de la Soloigne pour aller assaillir ceulx qui estoient démolirez audit costé de la Soloigne. Et fut chascun de ceste oppinion. Et n'estoit point yceile Jehanne à ce conseil, mais elle estoit en l'ostel d'icellui chancelier avec sa femme. Et fut dit, après conclusion prinse, par aucuns que il seroit bon d'envoier quérir Jehanne la Pucelle pour lui dire la conclusion qui avoit esté prinse pour besongnier sur les enemis le jour ensievant. Et en y ot aucuns qui dirent qu'il n'estoit point nécessité de lui dire le passage que on avoit intention de faire de l'autre costé de la rivière du costé de la Soloigne , pour ce que on le devoit tenir secret ? en endoubtant que par ycelle Jehanne ne fut révélé; on ne lui dist synon qu'il avoit esté conclut à ce conseil de essaier à assaillir et prendre la grant bastille. Et fut envoiée quérir sur ce conseil par messire Ambrois sire de Loré; et quant elle fut venue, on lui dist et recita le conseil qui avoit esté tenu au regard de assaier a prendre laditte grant bastille en laquelle estoit le conte de Suffort, le sire de Tallebot, le sire d'Escalles, Messire Jehan Fastol et piuiseurs aultres en grant nombre. Et ne lui dist-ou pas que on avoit voulenté de passer à l'autre costé devers la Soloigne, comme dessus est dit; lesquelles parolles furent dittes par le chancelier d'Or-

(1) C'est-à-dire une feinte.

léans. Lof», après ce qu'elle eult oy et entendu ledit chancelier, respondil telles paroiles ou semblables, comme personne courouchée : « Dites ce que vous avez « conclut et appointié. Je celeroie bien plus grant « chose que ceste-cy. » Etalloit et. venoit par la pince, sans soy seoir. Et tantost le bastard d'Orléans lui dist telles paroiles ou semblables en substance : « Jehanne, « ne vous courrouchiez pas. On ne vous peult pas tout (( dire a une fois. Ce que le chancelier vous a dit a esté « conclud et apointié; mais se ceulx de l'autre costé « de la rivière de Soloigne se départent pour venir « aidier la grant bastille et à ceulx de par dechà, nous « avons apointié de passer la rivière de l'autre costé « pour besongnier ce que nous porons sur ceulx de « par delà. Et nous samble que ceste conclusion est « bonne et prouffitable. » Alors, respondy Jehanne la Pucelle qu'elle estoit contente et qu'il lui sambloit que ceste conclusion estoit bonne, mais qu'elle fust ainsy exsecutée. Et toutesfoiz , d'icelle conclusion ne fut riens fait ne exécuté.

Et bien souvent estoit ledit bastard et autres capitaines ensamble pour conseiller ce qu'il estoit à faire; et quelle conclusion qu'ilz prensissent, quant ycelle Jehanne la Pucelle venoit, elle concluoit aulcune aultre chose au contraire ; et contre l'oppinion de tous les capitaines, chiefz de guerre et autres, faisoit souvent de belles entreprinses sur ses ennemis dont tousjours bien lui prenoit. Et n'y fut fait guerez de choses de quoi y fâche à parler, que ce ne fust à l'entreprinse d'icelle Jehanne la Pucelle. Et combien que les capitaines et autres gens de guerre exécutassent ce qu'elle disoit, laclicte Jehanne aloit tousjours à l'escar-

muche en son harnoiz, combien que ce iust contre la voulenté et oppinion de la plus part d'yceulx gens de guerre; et mon toit sur son coursier, armée aussy tost que chevalier qui fust en l'armée ne en la court du roy. De quoy les gens de guerre estoient courouciez (1 ) et moult esbahiz.

La prinse des bolvars et bastille du bout du pont.

Il advint ung jour, après pluiseurs gratis escarmuches et prinses de pluiseurs bastilles dudit siège, que icelle Jehan ne la Pucelle voulut passer la rivière de Loire à puissance devers la Soloigne pour besoignier sur les Anglois qui tenoient le siège au bout du pont d'Orléans, lesquelz estoient logiez aux Augustins et au bolvart et bastille du pont. Et à bateaulx fist passer grant nombre de gens et presques tous les capitaines dessus nommez. Etyceulx descendus à terre, vindrent au bout d'icellui pont où estoient logiez environ de sept à huit cens Anglois , lesquelz ne saillirent aucunement dehors pour faire escarmuche jusques à ce que ycelle Jehanne la Pucelle, les capitaines et aultres gens se vouldrent retirer, pour ce qu'il estoit prez de soleil couchant. Et pour ce que yceulx Anglois veirent que on remontoit les bateaulx pour repasser la rivière, saillirent de l'ostel des Augustins et du [bolvartdujbout du pont, et vindrent très fort chargier sur lesFranchois tant que ycelle Jehanne la Pucelle et les capitaines qui là estoient furent constrains d'eulx defFendre , et vindrent chargier sur yceulx Anglois ; lesquelz estoient eslongiés de leurs fortresses bien environ deux frais

(1) Ce mot important manque dans l'édition de Godefroy.

d'arc d'arbalestres, et tellement qu'il en y ot mors et prins pluiseurs, et furent reboutez par les Fi anchois en l'ostel des Augustins , lequel ilz avoient fortiftié. Et d'icelle heure fut prins d'assault sur yceulx Anglois; et se retrayrent tous ceulx qui peurent eschapper ou bolvart et en la bastille du bout du pont. Devant lesquels bolvart et bastille demourèrent toute la nuit ladille Jehan ne la Pucelle, le bastard d'Orléans, le sire de Raix, le sire de Loré et pluiseurs aullres capilaines.

Et le lendemain matin commença l'assault au bolvart dudit pont ; auquel bolvart et en la bastille estoient deux barons d'Angleterre, l'un nommé le sire de Moulins et l'autre le sire de Bumus (1) et ung escuier bien renommé de vaillance, nommé Guillame Glassidal , lequel on disoit conduiseur et gouverneur de tout ycellui siège. Et estoient en yceulx bolvart et bastille environ dechincq à six cens Angloiz, lesquelz furent tout ycellui jour assaillis, les eslandars tousjours sur le bort du fossé. Et pluiseurs fois aucuns estandars et gens de guerre descendoient ou fossé et montoient contre yceulx Anglois à combatre main h main , et puis estoient reboutez par yceulx Anglois oudit fossé. Et tousjours disoit ycelle Jehanne la Pucelle que chascun eust bon cuer et bonne espérance en Dieu, et que l'eure s'approchoit que yceulx Anglois seroient prins.

Environ à une heure après midy fut ycelle Jehanne la Pucelle navrée d'un vireton en ycellui assault par-

;1) Ponnis dans l'édition de Godefroy. Pommiers , Ponnains dans d'autres chroniqueurs. C'est Poynitigs, voy. ci-dessus, p. 44.

my l'espaulle ; et ce nonobstant, oncques ne se volt retirer ne bouter hors d'icellui fossé. Et environ soleil couchant, tout en ung moment, entrèrent les Franchois de toutes pars et montèrent amont au bolvart et le prindrent d'assault; et y furent occys lesdis sire de Moulins et Bumus, ledit Guillame Glassidal, et pluiseurs aultres , jusques au nombre de quatre cens ou environ; et les autres, prisonniers. Et celle nuit logèrent laditte Jehanne la Pucelle et les capitaines dessus nommez avec leurs gens , d'icellui costé de la Soloigne; car ilz ne povoient pas retourner en laditte ville d'Orléans si non par batteaulx, pour ce que les pontz estoient rompus.

Comment le siège d'Orléans fut levé par les Franchois.

Celle prinse ainsy faitte desdis bolvars et bastille, toutes les cloches de laditte ville se prindrent à sonner et les habitans d'icelle à loer et merchier Dieu. Laquelle prinse povoient bien veoir les Anglois estans de l'autre costé de la rivière devers la Beausse eu une bastille nommée Saint Laurens : pourquoy le sire de Tallebot, le conte de Sutïbrd, le sire d'Escalles, messire Jehan Faslol et pluiseurs aultres, lesquelz estoient en la grant bastille nommée Londres, dont dessus est faitte mencion , furent conseillés d'eux desemparer avec toute leur compaignie, et de lever ycellui siège.

A ce conseil s'accordèrent tous et se partirent le dimence au matin de quoy lesdis bolvars et bastille avoient esté prins le samedy au soir; et deslogèrent d'icelle bastille eu très grant desarroy et tant, que bien pou de gens qui saillirent de la ville, leur firent laissier la plus grant partie de leur charroy, artillerie

ET HISTORIENS Dl XV* SIÈCLE. (53

tt autres vivres; et tou testais il n'estoit pas possible que l'autre compagnie qui estoit de l'autre costé, peussent passer sy tost qu'ils: peussent aucune chose besongnier sur yceulx Angloiz; lesquelz estoient quattre mille combatans ou environ. Et s'assamblèrent ensamble et s'en allèrent en belle ordonnance a Meun sur Loire, lequel Meun se tenoit pour yceulx Anglois. Et furent chevaulchiés et escarmuchics deux ou trois lieues par Eslienne de Vignolles, dict La Hire, messire Ambrois sire de Lorc, avec cent ou six vingtz lances, lesquelz estoient repassez en laditte ville après la prinse desdis bolvars et bastille, dès le soir.

Or estoit prisonnier des Anglois en la grant bastille nng capitaine Franchois nommé Le Bourg du Bar (1), lequel estoit enferré par les piez d'une paire de fers sy pesans , qu'il ne povoit aler. Et lui estant en prison, estoit souvent viseté par ung augustin anglois qui estoit confesseur duditsire de Talebot, maistre de ce prisonnier. Et avoit acoustumé cest augustin de luy livrer vivres et admenistrer pour sa subsistance, et ledit sire de Talebot s'attendoit du tout audit augustin de bien garder ce prisonnier. Quant ledit sire de Talebot et autres partirent hastivement de la bastille, comme dit est, iceluy augustin demoura avec son prisonnier pour le mener après le sire de Talebot son maistre , et le conduisit bien demy trait d'arc par dessous les bras après le sire de Talebot et autres Anglois qui tousjGurs avancoient leur chemin. Lors

(1) Il avait été pris dans une sortie au mois de février, comme on verra par le Journal du siège. Son prénom de Bourg annonce qu'il était bâtard. Son père Gui de Bar, autrement dit Le Veau de Bar, servait avec les Bourguignons , et passait pour avoir commandé les massacres de Paris en 1418.

Le Bourg du Bar, comme courageux et bien advisé , nonobstant qu il fust prisonnier et enferré, véant que les Angîois estoient en grant trouble, prit cet augustin , et luy dist que il n'yroit pas plus advant; mais le contraingnit, ainsi enferré qu'il estoit, de le porter sur ses espaulles jusques en la ville d'Orléans, combien que par tout là entour estoient François et Anglois qui escarmuschoient les uns avec les autres.

Armée mise sus de par le Roy de France.

En ce meisme temps ensieuvant , le roy Charles de France , dont dessus est faitte mention , fist une grant armée par le moien et admoneslement de Jehanne la Pucelle , de laquelle est dessus parlé. Et manda le duc d'Alenchon gens de toutes pars pour venir au service du roy, plus pour acompaignier ycelle Jehanne la Pucelle que aultrement, eu espérance qu'elle venist de par Dieu plus que pour gaige ne aultres prouflïz qu'elle eustdu roy. S'assamblèrent grant compaignie de gens d'armes et d'archiers avecq ycellui duc d'Alenchon et ladilte Jehanne la Pucelle, à laquelle toutes cens d'armes avoient grant espérance : le bastard d'Orléans, le sire de Boussac mareschal de France, le sire deGraville, maisîre des arbalestriers, le sire de Culent, admirai de France , messire Ambrois, sire de Loré, Estienne de \ ignolles dit La llire, Gaultier de Brussac et pluiseurs aultres capitaines. Lesquelz duc d'Alençon et aultres dessus nommez alèrent devant la ville de Gergeau à siège. Et après pluiseurs assaulz et escarmuches , firent asseoir leurs bombardes et faire pluiseurs approchemens pour gaignier et conc-

qiiester ycelle ville de Gergeau, laquelle tenoit la partie des Anglois et en estoit capitaine et garde pour le roy d'Angleterre le conte de Sufibrd , anglois; el

en sa compaignie de six à sept cens anglois. Et environ huit jours aprez ledit siège mis, fut assaillie de toutes pars et (maniement fut prinse d'assault. En laquelle fut prisonnier le conte de Sufï'ord par ung nomméGuiIlaumeRegnault(lequel conte h'st chevalier ycellui Regnault) et le sire de La Poulie son frère. Et y fut occis messire Alexandre de La Poulie, son aultre frère, et bien de trois à quatre cens Anglois, et les anltres prisonniers. Lesquelz prisonniers furent la pluspart tuez pour aucuns debatz qu'ilz firent sur aucuns Franchois entre Gergeau et Orléans. Et se retira laditte armée audit lieu d'Orléans.

Ce venu à la congnoissance du roy de France que laditte ville de Gergeau avoit esté prinse d'assault , comme dit est, manda gens d'armes de toutes pars pour venir et soy joindre avec lesdiz duc d'Alenchon, Jehanne la Pucelle et autres seigneurs et capitaines, dudit lieu d'Orléans (1). Et s'en vindrent logier es champs devant la ville de Meun sur la rivière de Loire, et gaignièrent le pont près dudit lieu sur les Anglois ; et ce fait, y establirent bonne garnison pour tousjours obvier aux entreprinses desdiz Anglois et pour les surtomber , en la conquestant sur eulx ; et que injustement a voient occuppé le royaulme de France de longtemps et sans raison (2).

(1) Ainsi dans tous les manuscrits. Lisez . oudit lieu d'Orléans.

(2) Ce passage déleciueux a été corrigé par Godefroy, en conquestant ski eu.r ce que avoient occupé sur le royaume , etc.

Comment les Anglois de Baugency se rendirent aux Franchois.

Le lendemain au matin , se desloga ycellui ost et s'en ala logier devant la ville de Baugency sur Loire, en laquelle estoient les Anglois. Et tantost se retirèrent yceulx Anglois au chastel et sur le pont d'ycellui Baugency et habandonnèrent la viile.

Ce fait, Jehan d'Alenchon, Jehanne la Puceile, le bastard d'Orléans et autres entrèrent dedens la ville et y logèrent, et y firent promptement affûter les bombardes devant ledit chastel, auquel avoit bien de sept à huit cens Anglois. Et durant le temps que on sortissoit lesdittes bombardes estans en la compaignie, faisans grant devoir de tirer; pendant ce aussy que on approuchoit, lesdis Anglois ne faisoient que bien pou de resistence , eulx voians aler la besongne à déclin et mal pour eulx. Et tantost après requirent à avoir composicion et eulx rendre. Auquel siège arriva ArtusdeRichemont, connestable de France, et le sire de Beaumanoir en sa compaignie. Et disoit-on qu'il estoit bien de mille a xn cens combatans, qui estoit grant secours et aide; et en est ledit connestable bien à recommander, car ycy. et en pluiseurs aultres lieux a fait de grans services au roy.

Avec tout ce venoient chascun jour en l'ost gens de toutes pars , et avoient prins les Franchois en eulx moult grant couraige et hardement pour la venue de îaditte Jehanne la Puceile; laquelle pluiseurs tenoient estrc venue de par Dieu , car ses oeuvres et gouvernement le demonstroient assez. Et les Anglois qui de ce oïoient parler chascun jour, en estoient tout espoventez; et; requirent yceulx Anglois de parlementer

ET HISTORIENS DU XVe SIÈCLE. 67

pour rendre ycellui chaslel et pont. Et h'nablement leur fut composition donnée et saufconduit de eulx en lier et porter tous leurs biens. Et Je lendemain au matin s'en partirent et rendirent ledit chasteau et pont de Baugeney. Et les convoia et mist hors de l'ost messire Ambrois, sire de Loré, par l'ordonnance des seigneurs dessusdis.

La battaille de Patay gaingnéc par les Franchois.

Et environ une heure après que yeeulx Anglois se furent partis à saufconduit pour eulx en aler, vint certaines nouvelles en l'ost des Franchois que le sire de Tallebot, anglois, le sire d'Escalles , messire Jehan Fastol et pluiseurs aultres seigneurs et capitaines d'Angleterre jusques au nombre de quatre à chincq mille, estoient passez par Yenville en Beausse pour venir droit à Meun sur Loire. Et tantost furent de ce mis chevaulcheurs à chemin pour sçavoir de ce la vérité plus à plain; et tousjours faisoient tirer ledit duc d'Alenchon , le conte de Richemont connestable de France, le conte de Vendosme et Jaditte Jehanne la Pucelle, ledit ost aux champs, hors de ladilte ville de Baugency et mettre en battaille. Et tantost après revindrent yeeulx chevaulcheurs, lesquelz rapportèrent qu'ilz avoient veuz yeeulx Anglois prez de Meun sur Loire, et que ceulx de Meun s'en estoient partis et avoient laissié et habandonné ycelle ville de Meun et s'en aloient avec les aultres; lesquelz Anglois tiroient droit à Yenville en Beausse.

Ce venu à la congnoissance du duc d'Alençon , le conte de Richemont connestable de France, le conte de Vendosme, le bas tard d'Orléans, Jehanne la Pucelle

08 i ÉMOIGNAGES DES CHRONIQUEURS

et aultres chiefz de guerre et capitaines : lut concilia de tirer hastivement celle part où que ou disoit que yceulx Anglois estaient, et les combatre quelque part qu'ilz les peussent trouver. Et tantost desplacèrent, lesbattailles et chevaulchèrent dilligamment en tirant vers une église forte, nommée Patay en Beausse , et là furent trouvez et aconceuz (1) iceulx Anglois, qui s'en aloienl à pié et à cheval. Et en marchant tousjours leur chemin , furent trouvez par les coureurs et avantgarde, et tant, que la battaille en laquelle estait ledit duc d'Alençon, le connestabie de France, ledit conte de Vendosme, le bastard d'Orléans, Jehanne la Puceile et pluiseurs aultres, approuchoient très fort. Et la povoient bien veoir les Anglois, lesquelz Anglois se desmarchèrent pour prendre place en l'orée d'un bois, e m près ung village. Et à celle heure, lesdis coureurs et avantgarde des Franchois en laquelle estaient le sire de Beaumanoir, messire Ambrois de Loré , La Hire, Poton de Santrailles, et autres capitaines, lerirent sur yceulz Anglois en telle manière, que ceuîz qui estaient h cheval ou la plus grant partie d'iceulx , se prinrent à fuir, et ceulx a pié (lesquelz estaient en grant nombre) se boutèrent dedens ycellui bois et village. Et à celle heure arriva la battaille des Franchois, et finablement furent yceulx Anglois desconiiz; et en y ot de deux à trois mille mors et pluiseurs prisonniers. Et y furent prinsle sire de Tallebot, ie sire d'Escalles, messire Gaultier de Hungrefort et pluiseurs aultres grans seigneurs d'Angleterre. Et dura la chasse jusques à ^envilleen Beausse, laquelle

i II Faudrait aconsuis . c'est-à-dire rejoints

Il HISTORIENS I". XV' SIÈCLE.

OBloit tenue par les \nglois. Et fut d'icelle heure ren*-

( lut: et mise en l'obéissance du roy de France are< ; pluiseurs aultres fortresses dudit païs de Beausse; et se retirèrent messire Jehan Fastol et pluiseurs Anglois qui peurent eschapper de la hesougne, à Corbeil; et les Franchois dessusdis touchèrent eu la nuit ensieu- \ant audit lieu de Patay.

Armée de gens de guerre pai le Roy de France.

L'an mil quattre cens xxix, au commencement du moisdejuiug, le roy Charles de France fist une grant armée par l'admonesteraient de laditte Pucelle, laquelle disoit que c'estoit la voulenté de Dieu que le roy Charles alast à Rayns pour illec estre sacrez et couronnez. Et quelques difticultez ou doubtes que feist ledit roy ou son conseil, il fut conclut! par l'admonneslement d'icelle Jehanne la Pucelle, que ledit roy manderoit ce qu'il pouroit finer de gens pour aler et prendre le voïage de son couronnement à Rains, combien que ycelle ville de Rains fust tenue en l'obéissance des Anglois et toutes les villes et fortresses de Picardie, de Champaigne, l'Isle de France , Brie, Gastinois, l'Aucerrois, Bourgongne et générallement tout le païs de Loire. Et avoit en la compaignie du roy de France , le duc d'Alençon, le duc de Bourbon, le conte de Vendosme, Jehanne la Pucelle, le sire de Laval , le sire de La Trimolle , le sire de Raiz , le sire de La Breth, le sire tle Loehac , frère du sire de Laval , et pluiseurs aultres grans seigneurs et capitaines ; et vendent gens d'irmes de toutes pars au service du roy. Et avoient <liascun grant attente que par le moien d'ycelle Jel.ume la Pucelle, on eust

beaucop de biens ou royaulme de France : laquelle ou convoittoit et desiroit-on à congnoistre sesfais, comme chose venue de par Dieu. Et chevaulchoit tousjours armée en habillemens de guerre, ainsy qu'estoient les aultres gens de guerre de la compaignie ; et parloit aussy prudamment de la guerre, comme cappitaine sçavoit faire. Et quant le cas advenoit qu'il y avoit en l'ost aulcun cryou effroy de gensdarmes, elle venoit, fust à pie ou à cheval, aussy vaillamment comme capitaine de la compaignie eust sceu faire en donnant cueur et hardement à tous les aultres , en les admonnestant de faire bon guet et garde en l'ost, ainsy que par raison on doit faire. Et en toutes les aultres choses estoit bien simple personne, et estoit de belle vie et honneste ; et se confessoit bien souvent et recepvoit le corps Nostre Seigneur presques toutes les semaines une fois. Et tousjours estoit, armée ou aultrement , en habit d'homme et disoit-[on] que c'estoit trop estrange chose à veoir une femme chevaulchier en telle compaignie; et tant d'autres raisons disoit-[on] qu'il n'y avoit docteur, clerc ne aultre personne qui de son fait ne fust esmerveillié.

Et pour ceste heure, estoit le sire de la Trimolle avec le roy de France, etdisoit-on qu'il avoit fort entreprins le gouvernement du roy et du royaulme de France; et pour celle cause granl question et débat s'esmeult entre ycellui sire de la Trimolle et le conte de Richement , connestnble de France; pourquoy il faillit que ledit connestable de France, qui avoit bien en sa compaignie douze cens combatans, s'en retournast. Et aussy firent pluiseurs aultres seigneurs et capitaines, desquelz ledit sire de la Trimolle se doubtoit.

Dont ce fut très grant dommaige pour le roy et sou royaulme. Et par le moïen d'icelle Jehan ne la Pucelle, venoient tant de gens de toutes pars devers le roy pour le servir à leur despens, que on disoit que ycellui de la Trimolle et aultres du conseil du roy en estoient bien courrouchiez que tant y en venoit, pour ledoubte de leur personne. Et disoient pluiseurs que se ledit sire de la Trimolle et aultres du conseil du roy eussent voulu recueillir tous ceulx qui venoient au service du roy, qu'ilz eussent peu legierement recouvrer tout ce que les Anglois tenoientou royaulme de France. Et n'osoit-on parler pour celle heure contre ledit sire de la Trimolle, combien que cliascun véoit cleremenl que la faulte venoit de lui.

Paiement de gens d'armes de par le Roy de France.

Ceste assemblée dessusdittese iist à Gien sur Loire; auquel lieu fut faitung paiement aux gens d'armes tel, qui ne montoit pas plus de deux à trois franez pour l'homme d'armes. Duquel lieu s'en partist ycelle Jehanne la Pucelle et pluiseurs autres cappitaines, et pluiseurs gens en sa compaignie, et s'en ala logier environ quatre lieues loing dudit Gien en tirant le chemin de Rains vers Aucerre. Et le roy de France se partist l'endemain ensieuvant, en tirant celle part; et ce jour assambla tout l'ost ensamble.

Et avoit oudit ost pluiseurs femmes diffamées qui empeschoient aucuns gens d'armes à faire dilligence de sieuvir le roy; et ce voyant ycelle Jehanne , après le cri fait que chascun allast avant, tira son espée et en bâtit deulx ou trois tant qu'elle rompist saditte espée. Dont le roy en fut bien desplaisant et lui disf

qu'elle deust avoir prins ung bon baston et frapper dessus , sans habandonner ainsy ycelle espée qui lui estoit venue divinement, comme elle disoit.

Et chevaulcha tant ledit roy qu'il vint devant la cité d'Aucerre, laquelle cité ne lui fist pas plaine obéissance; mais vindrent aucuns bourgeois d'icelle cité; et disoit-on qu'ilz avoient donné argent audit sire de Tri mol le, adfin qu'ilz demourassent en trêves pour ycelle foiz. De laquelle chose furent bien malcontens aucuns seigneurs et capitaines d'icellui ost, et en parloient bien fort en murmurant contre ycellui seigneur de la Trimolle et autres estans du conseil du roy. Et vouloit tousjours ycelle Jehanne que ycelle ville fust assaillie; et finablement demoura en ycelle ville trêves, combien que ceulx de la ville baillèrent pluiseurs vivres à ceulx de l'ost pour leur argent, desquelz ilz avoient grant nécessité en ycellui ost.

Siège mis devant Troies en Champaigne.

Après que le roy de France eust esté trois jours devant ycelle cité d'Aucerre, se partit avec son ost en tirant vers Saint-Flourentin; laquelle ville de Saint- Flourentin lui fisL obéissance; et de là print son chemin droit à Troies en Champaigne , et tant chevaulcha qu'il vint logier devant la cité de Troies, en laquelle avoit bien de chincqà six cens Bourguignons. Et à l'arivée saillirent yceulx Anglois et Bourguignons sur l'ost du roy. Et fut logié d'un costé et d'aultie d icelle cité par l'espace de six à sept jours en parlementant et cuidant tousjours que ycelle lui feist obéissance; mais aucun appointement ne s'y povoit trouver; et avoit en l'ost si très grant chierté de pain el

d'aultres vivres, car en cellui ost avoil de six à sept mille hommes qui n'nvoient meugié de pain passé huit jours, et vivoient le plus d'icelle gent de lèves et de blé (roté en espi.

Et manda ledit roy venir devers lui le duc d'Alenchon , le duc de Bourbon , le conte de Vendosme, et pluiseurs aultres seigneurs et cappitaines avec aultres «eus de son conseil en grant nombre, pour avoir advis qu'il avoit à faire. El là fut mis en terme et délibéracion audit conseil par la'rchevesque de Rains, chancelier de Fiance, que ledit ost ne po\oit plus bonnement demourer devant laditle ville de Troies pour pluiseurs raisons : premièrement, parla grant famiue qui estoit oudit ost et que vivres ne venoient en ycelle de nulle part; et aussy qu'il n'y avoit plus homme qui eust argent; et oultre que c'estoit merveilleuse chose de prendre la ville de Troies qui estoit forte, bien garnie de vivres, de gens d'armes et dépeuple; et selon ce qu'on povoit veoir, ceulx de dedens n'avoient point de voulenté de rendre et mectre ycelle ville en l'obéissance du roy de France; et aussy qu'il n'y avoit bombardes, ne artillerie , ne souffisant nombre de gens pour gaignier et combatre ycelle ville; et d'aultre part n'y avoit ville ou fortresse franchoise dont ou peust avoir aide ne secours plus près que Gien sur Loire, de laquelle ilz étoient à plus de trente lieues jusques à l'ost. Et sy alégua et dist pluseurs aultres raisons et inconvéniens dont il estoit bien apparant qui povoient advenir en ycellui ost. Et commanda le roy audit chancelier qu'il demandast par oppinion à ceulz qui présens esloienl à ce conseil, qu'il estoit à faire pour le meilleur. Et adonc ledit chancelier com-

mencha à demander à pluiseurs, les chargant que ehascun s'acquictast loyaulment envers le roy de le œnseillier de ce qu'il avoit à faire sur ce que dict est. Et furent presques tous ceulx de ce conseil que, veu et considéré les choses dessus déclairées , et que le roy avoit esté refFusé à laditte ville d'A'iîxerre , à laquelle n'estoient guères de gens d'armes ne sy forte que celle de Troies, et pluiseurs a,ultres choses que ehascun alléguoit selon son entendement : furent d'oppinion que ledit roy et son ost s'en retournassent.

Et vint ledit chancelier à demander à ung anchien conseillier nommé messire Robert le Maschon, seigneur de Trêves, lequel respondit par son oppinion qu'il failloit envoier querre ladicte Jehanne la Pucelle dont dessus est faicte mencion , laquelle estoit en l'ost et non pas au conseil, et que bien povoit estre qu'elle diroit quelle chose qui povoit estre prouffitable pour le roy, en sa compaignie. Et dist oultre que , quant le roy estoit parti et qu'il avoit entreprins ce voiage , il ne l'avoit pas faict par la grant puissance des gens d'armes qu'il eust, ne pour le grant argent de quoy il fust ^arni pour paier son ost, et ne aussy pour ce que ycellui voiage lui samblast bien possible; mais seuliement avoit entreprins ycellui voiage par l'admonestement de Jehanne la Pucelle, laquelle disoit qu'il tirast tousjours pour aler a son couronnement à Rains, et que il ne trouverait que bien pou de résistence, et que c'estoit la voulenté de Dieu; et que se ycelle Jehanne ne conseilloit aucune chose qui en cellui conseil n'eust esté dicte , qu'il estoit de la grant et commune oppinion : c'est assavoir que ledit roy et son ost s'en retournassent dont ilz estoient venu/. ; mais que la-

dicte Jehanue pouroit dire aucune chose sur laquelle le roy pouroit prendre aultre conclusion.

Et par l'oppinion dudit messire Robert le Masson fut envoiée quérir ycelle Jehanne la Pucelle; et ycelle venue en ycellui conseil , fist la révérence au roy , ainsy qu'elle avoit acouslumée. Et lui fut dit par ledit chancelier que le roy l'avoit mandée adfin de lui faire dire et déclairer pour conclure sur les granz nécessitez de l'ost , comment Jadicte ville de Troies estoit forte et garnie de vivres et de gens d'armes; et lui exposa et lui dist tous les grans inconveniens et doubtes qui avoient esté debatus audit conseil, et que de ce elle dist son oppinion au roy et quelle chose il lui sambloit que on avoit à faire au sourplus. Laquelle tourna sa parolle au roy et demanda s'il la creroit de ce qu'elle lui diroit. A quoy il respondy que, s'elle disoit chose pronfFitable et raisonnable, que voulentiers on le croiroit. Puis reprint de rechief sa parolle et lui demanda s'elle seroit creue, et le roy respondit, ouy, selon ce qu'elle diroit. Et adonc luy dist : « Gentil roy de « France , se voulez cy demourer devant vostre ville « de Troies, elle sera en vostre obéissance dedens deux « jours, soit par force ou par amour; et n'en faittes (f nulle doubte. » Adont lui fut respondu par le chancelier : « Jehanne qui seroit certain de l'avoir dedens « six, on l'attenderoit bien; mais dittez vous voir? » Et de rechief dit qu'elle n'en faisoit nulle double. A l'oppinion de laquelle Jehanne la Pucelle le roy et

son conseil s'arrestèrent et fut conclud de là demourer.

Laditte Jehanne la Pucelle sur ung coursier, ung baston en sa main, s'en vint par les conrois. et mist en

besoigne chevaliers et escuiers et aultres gens de tous eslaz k porter fagos, huis, tables, fenestres et aultres choses nécessaires à faire taudis et approuchemens contre laditte ville , pour asseoir aucunes bombardes et canons estans eu l'ost; et faisoil de merveilleuses dilligences, ainsy comme eust peu faire ung capitaine qui eust esté nourri tout son temps en la guerre. Et pou de temps après parlementèrent ceulx de laditte ville; et vindrent l'évesque de laditte ville et pluiseurs autres, tant de gens de guerre que de bourgois , devers le roy; et finablemeut prindrent composicion et traittié : c'est assavoir que les gens de guerre s'en iroient eulx et leurs biens , et ceulx de laditte ville demourroient en l'obéissance du roy. Et lui rendirent laditte ville, laquelle il receupt, et entra le lendemain dedens , lui et ses gens, environ neuf heures : de laquelle tant Anglois que Bourguignons s'en alèrent ou bon leursambla. Et en dévoient emmener leurs prisonniers ; mais laditte Jehanne les leur osta à la porte; et faillist que le roy contantast yceulx gens d'armes de leurs finances. Et laissa le roy en ycelle ville de Troies, bailli, capitaines et aultres officiers de par lui ; et cedit jour que le roy de France entra en laditte ville de Troies, demoura garde de son dit ost messire Ambrois de Loré , lequel demoura sur les champs ; lequel ost passa le lendemain parmi laditte ville.

Comment le Roy fut sacré et couronné en la cité de Rains.

Le lendemain ensieuvant, ledit roy de France deslogade laditte ville de Troies et print son chemin avec son ost droit à Chaalons. Et tant chevauleha qu'il arriva devant vcellc ville de Chaalons , et lui vindrent

El HISTORIENS W XV* SIÈCLE.

m devant l'évesque avec srant nombre de bourgois d'icelle ville, et lui firent obéissance; et se loga avec son ost la nuit en ycelle ville, en laquelle il establist de par lui capitaine et officiers.

De laquelle ville de Chaalons se partist ledit roy et son ost et printson chemin droit à Rains; et tarit chevaulchèrent que lui et son dit ost arrivèrent devant laditte villede Rains, laquelle estoit tenue de par le roy <T Angleterre, ainsy que les autres villes dont dessus est faitte mention. Laquelle ville de Rains lui fist plaine obéissance. Et entra dedens ycelle avec son ost ; en laquelle il fut receu à grant joie et vindrent devant le roy aportant lez eiefz, ainsy que les aultres villes avoienl fait ; et vint devant ledit roy pour eslre à son service le duc de Bar et de Loraine, et le sire de Commercy, à grant compaignie de gens d'armes, pour eulx emploier au service du roy. Et le lendemain qui fut jour de dimence, fut le rov sacré et couronné en l'église Nostre Dame de Rains , par messire Regnault de Chartres , archevesque dudit lieu et chancelier de France. Et fut fait ledit roy chevalier par le duc d'Alencon ; et après ce fist ledit roy le sire de Laval conte; et y fut fait de par le roy le duc d'Alencon , le duc de Bourbon et autres princes qui là estoient pluiseurs , chevaliers. Et y estoit laditte Jehanne la Pucelle, laquelle tenoit sou estandart en sa main et laquelle estoit cause dudit couronnement du rov et de toute ycelle assemblée, ainsy que dessus est dit. Et fut apportée de l'abbaye Saitit Remy laditte (1) ampoule en l'église Nostre Dame par le sire de Raix, marescha! de France.

l) Il n'en a pas encore été parlé. Godefrov. dans son édition , a remplacé le mol dite par sainte.

Et après ce, séjourna le roy en laditte ville de Rains trois jours et puis se parlist avec son dit ost pour aler en une abbaie nommée Saint Marcoul, ouquel lieu les roys de France ont acoustumé d'aler après leur couronnement; et leur fait-on là certain service et mistère pourquoy on dit que le roy de France garist des escrouelles.

Comment Laon et Soissons se rendirent franchois avec pluiseurs autres villes.

D'icelle abbaye de Saint Marcoul s'en ala ledit roy avec son ost en une ville nommée Velli , appartenant à l'archevesque de Rains; de laquelle lui futfaitte obéissance. Et s'y loga pour le jour , et envoia ses messagiers à Laon, laquelle ville se mist en l'obéissance du roy. De là s'en ala a Soissons , qui se mist en l'obéissance du roy, et y séjourna deux ou trois jours avec son ost. Et lui fut rendu le Chasteau^Tierry , Provins, Colomiers , Cressy en Brie et pluiseurs autres fortresses.

Comment les Anglois cuidèrent combatre le Roy de France.

Après ce que ledit roy de France eut séjourné à Soissons , comme dessus est dit, se desloga et se mist au chemin avec son ost droit au Cliasteau-Thiery; et de là s'en ala droit à Provins, où il séjourna deux ou trois jours. Et ce venu à la congnoissance du duc de Bethfort , anglois, qui se disoit pour lors régent du royaulme de France et se tenoit à Paris : lequel vint à grant puissance à Corbueil et à Melun, disant qui se vouloit trouver aux champs et combatre ycellui roy de France ; lequel roy , quant il sceut que ledit de Bethfort le vouloit combatre, se desloga de Provins

et s'en vint logier aux champs avecq son ost , près d'un chasteau nommé La Mote de Longiz (1) en Brie. Et furent ordonnez les battailles dudit roy de France et se tindrent aux champs presques tout ung jour entier, pour ce que continuellement venoient nouvelles que le duc venoit pour les combatre; et toutesfois il ne vint point et s'en retourna à Paris avec son ost; lequel on clisoil qu'il avoit bien de dix à douze mille combatans. Et aussy le roy de France en avoit bien autnnt ou plus.

Comment le Roy s'en vouloitaler de l'Isle de France.

Ledit roy de France, par le conseil d'aucuns et de sa voulenté, fut délibéré de passer la rivière de Saine pour aller à une ville nommée Bray sur Saine, assez prez de Provins, pour s'en aler avec son armée en son pays obéissant oultre la rivière de Loire. Et lui fut promis passaige et. obéissance en laditte ville par les habitans; mais en la nuit dont il devoit passer le lendemain matin, y arriva certaine quantité d'Anglois, et ceulx qui s'avanchèrent devant pour passer furent les aulcuns mors et les aultres destroussez. Par quoy fut le passaige empeschié ; dont le duc de Bar, le duc d'Alençon , le duc de Bourbon, le conte de Vendosme, le conte de Laval , Jehanne la Pucelle et pluiseurs aultres seigneurs et capitaines furent très joyeulx et bien contens, pour ce que celle conclusion de passer estoit contre leur gré et voulenté.

(1) Al. La Mote M au gis , la Mote de Nangis. Cette dernière leçon est préférable.

Entreprinse d'Anglois sur les François.

Eu ycellui an, la vegille de la NostreDamed'aoust, par le conseil des seigneurs françois dessus nommez, ledit roy de France à tout son ost retourna droit à Chasteau-Thierry, et passa tout oultre droit à Crespy en Val lois et s'en vint logier aux champs assez près de Dampmartin.

Ce venu à la congnoissance du duc de Bethfort, qui estoit à Paris , à grant ost d'Anglois se tira sur les champs et se vint mettre en battaille et ordonnance en place d'avantaige, comme on disoit, à Mictri en France , soubz ledit lieu de Dampm-artin. Et fut envoyé La Hire et pluiseurs aultres capitaines par manière de courses sur l'ost du duc de Bethfort ; et durèrent presques tout le jour les escarmuces. Et fut rapporté audit roy de France que ledit duc de Bethfort estoit en place d'avantaige; et ne fut pas conseillié audit roy de France de passer plus avant pour assaillir yceulx Anglois. Et le lendemain retourna ledit duc de Bethfort à Paris ; et ledit roy de France tira vers Crespy en Vallois. Etavoit envoie ycellui roy certains messages à la cité de Beauvaiz et Compiègne, lesquelles villes tirent assavoir qui se vouloient mettre en son obéissance.

Comment les Anglois vindrent près de Senliz pour combatre le Roy de France.

Tost ensieuvant, ledit roy se partist pour aller audit lieu de Compiengne et se vint logier en ung villaige nommé Barron , environ à deux lieues de Senliz, lequel Senliz estoit en l'obéissance des Angloiz. Et un

matin, vindrent nouvelles de devers Paris au roy de France que le duc de Belhfort et son ost estoient deslogiés de Paris pour tirer le chemin droit à Senliz, et lui estoient venus de renfort une grant compaignie d'Anglois, ainsy comme de trois à quatre mille combatans, lesquelz le cardinal d'Angleterre, oncle du feu roy d'Angleterre, avoit amenez; et disoit-on que yceulx Anglois estoient paies de l'argent du pappe, et que ycellui cardinal les devoit mener sur une manière de gens qui créoient contre la foy, qu'on appeloit Boesmes, es parties d'Allemaigne ; et toutesfoiz furent emploiez yceulx Angloiz par l'ordonnance d'icellui cardinal contre le roy de France.

Or doncques, ce venu à la congnoissance du roy que le duc de Betlifort tiroit celle part, charga à messîre Ambrois sire de Loré et au sire de Saintreilles (1), de monter tantost à cheval et de tirer vers Paris pour adviser et sçavoir véritablement le fait dudit duc de Betlifort et de son est. Lesquelz très dilligamment montèrent à cheval et prindrent de leurs gens environ xv ou xvi seullement, et tant chevaulchèrent et approuchèrent ycellui ost qu'ilz veirent et apperceurent sur le grant chemin dudit Senliz, grans pouldres de l'ost dudit duc de Bethiort. Lesquelz envoièrent dilligamment ung chevaulcheur devers le roy pour lui faire asçavoir; et approuchèrent ancores ledit ost qui tiroit droit à Senliz, et tantost envoièrent de rechief ung aultre chevaulcheur devers le roy pour lui signiffier. Et bien dilligamment le roy avec son ost tirèrent aux champs, et furent ordonnées les batailles ,

(1) Jean de Xaintrailles, frère aîné du fameux Poton.

et eommenchèrent à chevaulchier entre la rivière qui passe à Baron et ung lieu nommé Mont-Espiluel (1), en tirant droit à Senliz. Et ycellui duc de Bethfort et son ost, environ heure de vespres, arriva près d'icelle ville de Senliz, et se mist à passer une petite rivière qui vient dudit Senliz audit Baron (2). Et estoit ie passaige sy estroit que ilz ne povoient passer que ung cheval ou deux à la foiz.

Et aussi tost que lesdis sire de Loré et de Saintrailles veirent que lesdis Anglois commenchoient à passer, s'en retournèrent hastivement devers le roy et lui acertenèrent que ledit duc de Bethfort et son dit ost estoient au passaige et passoient. Et à celle heure le roy fist chevaulchier et tirer avant les batailles droit audit passaige, cuidant les combatre à ce pas; mais yceulx Anglois estoient jà la plus grant partie passée, et s'entreveirent Fost des Anglois et l'ost des François, ainsy comme à une petite lieue ; et y eut de grandes escarmuces entre lesdittes deux compaignies, Et à celle heure esloit près de solleil couchant, pour quoy lesdis Anglois se logèrent sur le bort d'icelle rivière, et les Franchois se logèrent viz à viz près d'un lieu nommé Mont-Espilouel.

Comment les Franchois se disposèrent a combatre les Anglois.

Le lendemain ensieuvant au matin , se mist ie roy de France et son ost sur les champs et fist ordonner ses batailles ; de la plus grant desquelles avoient le gouvernement le duc Alencon et le conte de Vendosme.

i; Montépilloy.

'.:) C'est la N tte qui , au contraire, va «le Baron a Senli?

Kl HISTORIENS DU XV* SIÈCLE. 83

D'une aullre bataille avoit la charge le duc de Bar. De la tierce, qui estoit en manière d'une esle, avoient la charge les sires de Raix et de Boussac , mareschaulx de France. D'une aultre battaiile, qui souvent se desplaçoi t pour escarmuchier et guerroier yceulx A nglois, avoient le gouvernement le sire d'Albreth , Jehanne la Pucelle , le bastart d'Orléans, La Hire et pluiseurs aultres capitaines; et à la conduite et gouvernement des archiers estoit le sire de Graville , maistre des arbalestriers, et ung chevalier limosin nommé messire Jehan Foucault. Et se tenoit le roy assés près de ses battailles et avoit pour la garde de sa personne le duc de Bourbon et le sire de la Trimoille et pluiseurs aultres. Et par pluiseurs fois chevaulcha le roy devant ses batailles, au veu des Anglois; aussy firent le duc de Bourbon et le sire de La Trimoille.

Et le duc de Bethiort, le conte de SufFort, le sire de Talbot, le bastard de Saint-Pol , bourguignon, et pluiseurs aultres qui estoient en la battaiile d'emprez ung village (1), et avoient au doz ung estang et laditte rivière, toute la nuit et le jour très dilligamment se fortiffièrent de fossez, de paux et d'aultres taudis. Et combien qu'il fut prins conclusion par le roy de France et son conseil de combatre ycellui duc de Bethfort et son ost, quant pluiseurs capitaines et autres eurent veu la place que tenoient iesdis Angloiz et la fortiffication , ledit roy fut conseillié de ne les point combatre aucunement en laditte place ainsv fortiffiée. Mais les battailles des François s'aprouchoient à deux trais d'arbalestre ou environ d'iceulx

(1) Notre-Dame de la Victoire.

Anglois, en leur disant chascune heure qui saillissent hors de leur part et que on les combateroit ; lesquelz Anglois de leur dit parc ne vouldrent saillir. Et tout ce dit jour y ot de merveilleuses et grandes escarmuches , et tellement que les Franchois venoient combatre main à main, à pié et à cheval, au fortiffiement des Anglois, et toute voies sailloient yceulx Anglois à pié et à cheval aux champs en reboutant lesdis Franchois; et en y avoit souvent de mors et de prins d'un costé et d'aultre. Et se passa tout ce dit jour, jusques environ solleil couchant, en escarmuchant; et, comme à l'eure de solleil couchant, s'approchèrent grant nombre de Franchois tanlqu'ilz vindrent à combattre et escarmuchier lesdis Anglois main à main. Et lors sailli grand nombre d'iceulx Anglois à pié et à cheval, et de rechief sesforcèreut les Franchois , et y eut celle heure plus grant escarmuche qu'il n'y avoit eu de tout le jour. Et y avoit sy grant pouldre , que on ne eongnoissoit ne Franchois ne Anglois, et tant, qu'il fut nuit obscure; et se retirèrent lesdis Anglois en leur parc, et aussy firent les Franchois aux battailles. Et demourèrent yceulx Anglois logiez où ilzestoient, et les Franchois se logèrent où ilz avoient logié la nuit devant, environ deux lieues loing desdis Angloiz, près du Monl.-Espiiouel.

Comment les Franchois et Anglois se départirent.

Le lendemain au matin, environ dix heures, se desloga l'os! desdiz Franchois et s'en ala vers Crespy en Valois; et aussy tost s'en retournèrent lesdis Anglois à Paris.

Comment Compiegnc , licuuvailz e1 Senliz si» rendirent franchois,

Le lendemain ensieuvant, le roy de France avec son ost priât son chemin droit à Compiengne, laquelle lui fist obéissance; et y establi capitaine de par lui ung nommé Guillaume de Flavi , natif du pais ; et là vindrent devers lui ceulx deBeauvais, lesquelz mirent ycelle ville de Beauvaiz en son obéissance. Et s'assamblèreut l'évesque et bourgois de Seidiz, et vindrent devers le roy, et pareillement mirent la ville de Senliz eu son obéissance; et d'illec se partist le roy de France et ala en laditte ville de Senliz.

Garnisuns d'Anglois mises es places a eulx ubeissans.

En ycellui an, en la fin du mois d'aoust, se desloga de Paris le duc de Bethfort dessus nommé , et son ost , à travers Normendie ; et departist son dit ost, et l'envoia en pluiseurs lieux, tant au païs de Normendie, comme ailleurs, pour garder les places dont il avoit le gouvernement et qui estoient en son obéissance ; et laissa à Paris messire Loys de Luxembourg , evesque deTherouenne, soy disant chancelier de France, ung chevalier Anglois nommé messire Rachelx (1), et ung aultre chevalier, natif de France, nommé Simon Morhier, qui lors estoit prevost de Paris. Et avoient en leur compaignie deux mille Anglois pour la garde et defïence d'icelle ville de Paris, ainsy qu'on disoit.

(() Corrigez Radley

Escarmouche d' Anglois et de Franchois entre Paris et Saint-Denis.

En la fin dudit mois d'aoust, se desloga de Senliz ledit roy de France avec son ost, et s'en vint droit à Saint-Denis en France. Et lui firent ceulx de la ville obéissance : en laquelle il entra lui et son ost en ycelle ville. Et adont se commencèrent grans noises et escarmuches entre les gens dudit roy, estans logiés à Saint- Denis, lesqueîz sailloient souvent horz et aloient à l'encontre de ceulx de Paris.

Comment la Pucelle donna ung assault à Paris.

Environ trois ou quatre jours après, le duc d'Alençon , le duc de Bourbon , le conte de Vendosme , le conte de Laval, le sired'Albreth, Jehanne la Pucelle, les sire de Raix et de Boussac, maresclial de France et aultres en leur compaignie, se vindrent logier comme emmy voie de Saint-Denis et de Paris, en ung village sur le grant chemin nommé la Chappelle-Saint-Denis; et l'endemain commencèrent grans escarmuches entre les Franchois et les Anglois et aultres de Paris.

Le lendemain vindrent les ducs et aultres seigneurs franchois, à grant compaignie, aux champs près de la Porte Saint Honnouré sur ung grant bute qu'on nomme le Marchié aux Porceaulx (1) : et firent iilec apporter pluiseurs canons et couleuvrines pour tirer dedens laditte ville de Paris. Et estoient les Anglois tournoians -avecques leurs seigneurs; entre lesqueîz portoient une banière blance et une grant croix vermeille au long de la muraille de Paris, par dedens

(1) C'est <•<• qu'on appelle aujourd'hui la Butte des moulins.

ET HISTORIES DU XVe SIÈCLE. B"

Inditte ville. Et de plaine «rivée fut prins le bolvart d'icelle Porte Saint Honnouré , d'assault. Et estoit à celle prime u-ng chevallier françois que on appeloit le sire de Saint-Vaillier et ses gens, qui très bien y firent leur devoir. Et cuidoient les Franchois que les Anglois et aultres gens de Paris deussent saillir par la porle Saint-Denis, ou par aultre, pour férir sur eulx : pour quoy le duc d'Alençon, le duc de Bourbon, le seigneur de Montmorency et aultres, avec grant puissance, tenoient tousjours en battait le derrière ycelle grant bute (et y fut fait chevalier le seigneur de Montmorency), car plus près ne se povoient tenir pour les canons et couleuvrines qu'ilz tiroient sans cesser.

Et dist la ditte Jehanne la Pueelle qu'elle vouloit assailiir la ville de Paris, laquelle Jehanne n'estoitpas bien infourmée de la grant eaue qu'il y avoit es fossez; et néanmoins vint à tout grant puissance de gens d'armes , entre lesquelz estoit le sire de Raix, mareschal de France; et descendirent en Tarière fossé, où elle se tint avec ledit mareschal de France et grant compaignie de gens d'armes tout ycellui jour; et y fut navrée ycelle Jehanne la Pueelle d'un viretou parmi la jambe : néantmoins elle ne vouloit partir dudit fossé; et faisoit ee qu'elle povoit faire de gecter fagotz et aultres bois en l'autre fossé, pour cuidier passer : laquelle chose, veu la grant eaue qui y estoit, n 'estoit pas possible de y entrer. Et depuis qui fut nuit, fut envoiée quérir par pluiseurs foiz par iesdiz duez d'Alençon et de Bourbon; mais pour riens ne se vouloit partir ne retraire, tant, qu'il falut que le duc d'Alençon l'alast quérir, lequel la ramena. Et se retray toute la compaignie audit lieu de la Chappelle

où ilz avoient iogié la nuit devant, et le lendemain s'en retournèrent lesdiz ducs d'Alençon et de Bourbon, ladicte Jehanne la Pucelle et aultres à Saint-Denis, où estoit ledit roy de France et son ost. Et là , devant le précieulx corps monseigneur Saint Denis et ses compaignons , furent pendues et laissées les armures d'icelle Jehanne lesquelles elle offrit par grant devocion (1).

Comment ceulx de Laigny se mirent en l'obéissance du Rot.

Le xxixe jour duditmoisd'aoust, l'an dessus dit, le prieur de Laigny et Artus de Saint-Marry, avec aucuns de laditte ville , vindrent à Saint-Denis devers le roy de France pour mectre laditte ville de Laigny en son obéissance. Et charga le roy au duc d'Alençon d'y envoier; lequel y envoia messire Ambrois sire de Loré, auquel fut délivrée ycelle ville par les bourgois et habitans d'icelle. Lequel sire de Loré leur fit faire serment au roy ainsy que en tel cas il appartenoit.

Comment le Roy se pnrtisl de l'Isle de France.

Le douziesme jour du mois de septembre , l'an dessus dit, le roy de France ordonna que le duc de Bourbon, le conte de Vendosme, messire Loys de Culant et pluiseurs autres capitaines, demourroient es pais qui de ce voiaige s'estoient réduis en son obéissauce, et laissa son lieutenant le duc de Bourbon. Et audit lieu de Saint-Denis, laissa le conte de Vendosme

(l) Voir au procès de condamnation ce que Jeanne elle-même a dit de cette offrande! T. 1, p. 179).

et le sire de Culant, admirai de France, à grant compaignie de gens d'armes; et se partist avec son ost : auquel département Jehanne la Pucelle laissa toutes ses armures complètes auquelles elle avoit estéblechée devant Paris; et s'en ala ledit roy couchier à Laigni sur Marne, auquel lieu il ordonna demourer messire Ambrois, sire de Loré, lequel print et accepta ycelle charge ; et démolira avec lui ung chevalier nommé messire Jehan Foucault. Et le lendemain ensieuvant, se partist le roy d'icelle ville de Laigny et s'en ala passer la rivière de Saine (1), et la rivière d'Yonne au gué emprès Sens. Et de là s'en ala à Montargiz et tout oultre la rivière de Loire.

Comment les Anglois pillèrent Saint-Denis.

Tantost après s'assemblèrent à Paris grant nombre d' Anglois et de Bourguignons : pour quoy, ce venu à la congnoissance des Franchois que le roy avoit laissié dedens Saint-Denis en France à son département , comme dessus est dit, laissèrent et habandonnèrent ycelle ville de Saint-Denis et s'en allèrent à Senliz.

Ce venu à la congnoissance des Anglois qui dedens Paris estoient, s'assaroblèrent et vindrent en la ville de Saint-Denis, laquelle ilz pillèrent et robbèrent. Et trouvèrent lesdittes armures de Jehanne la Pucelle , lesquelles fuient prinses et emportées par l'ordonnance de l'évesque de Therouenne, chancelier, es parties au roy d'Angleterre obéissant (2), sans pour ce

(1) A Bray, qui cette fois voulut bien lui donner le passage.

(?) « L'espée seule demeura avec sa ceinture de buffle dont les annelets, « garnitures et boucles des pendans estoient d'or, que j'ay veu maintefois. » (Doublet , Histoire des Antiquités de l'abbaye de Sainct-Denys , p. 1313.) Mais l'authenticité de cette arme est loin d'être établie.

faire quelque resconpence à laditte église : qui est pur

sacriliege et manifeste.

Une grande pillerie en France.

En ce temps se commencèrent de toutes pars très grandes pilleries et roberies au pais que le roy avoit nouvellement concquis sur les Anglois , dont dessus est faitte mention, sans ce que guères lui eust cousté ; car sans coup ferir on venoit de toutes pars lui faire obéissance. Et estoientyceulx païsrices, et bien peuplés, et bien labourés; néantmoins que tantost après furent destruis les laboureurs, et pluiseurs villes bien oppressées et apovries , et tant que pluiseurs contrées demourèrent inhabitées et sans labourer. Et voulloit chascun faire ce que il faisoit plus de voulenté indeue que de raison. Et quant le duc de Bourbon congnut la désolation et pillerie dessusditte, s'en ala en son pais. Esquelz païs demoura le conte de Vendosme, lequel avoit principallement la charge de la cité de Senliz; et sy eut de par le roy de France le gouvernement de tout ycellui pais. Et fut envoie de par ledit roy le sire de Boussac, mareschal.de France, avec vin cens ou mille combatans , pour aidier et secourir ycellui païs; et de ce estoit grant nécessité, car les Anglois qui tenoient Normendie et pluiseurs aultres pais en France, guerroioient d'un costéet le duc deBourgongne de l'autre.

Comment Saint-Pere le Moustier tut prins d'assault

Environ ce temps, fut faitte par l'ordonnance du roy de France une armée en laquelle estoit Jehan ne la Pucelle avec pluiseurs auhres capitaines et chiefz de

guerre* et allèrent devant une ville nommée Saint- Pere le Moustier, laquelle ïh prindrent d'assault ; et après ilz vindrent devant la Charité sur Loire, de laquelle estoit capitaine ung nommé Perrenet Grasset, et se mirent à siège devant ycelle ville de la Charité, y faisans asseoir et affûter aucunes bombardes, canons et autres artilleries. Devant laquelle se tindrent par aulcun temps et en la fin se levèrent et s'en allèrent de devant ycelle ville, et perdirent, comme on dit, la plus grant part de leur artillerie.

Rencontre sur les Angloiz.

En l'an mil quatre cens et trente se partist Jehanne la Pucelle du païs de Berri, acompaignée de pluiseurs gens de guerre, et s'en vint à Laigny sur Marne. Et assés tost après, vindrent nouvelles que il traversoit en llsle de France de trois à quatre cens Anglois, et tantost ycelle Jehanne la Pucelle tira sur les champs avec messire Jehan Foucault , Guieffroy de Saint- Aubin, ung cappitaine nommé Baréec (1 ,, Quennede, escot (2), et aucuns de la garnison de Laigny; et vindrent trouver yceulx Anglois, lesquelz se midrent touz à pié contre une haie. Et adonc laditte Jehanne la Pucelle, messire Jehan Foucault et autres se délibérèrent de les combattre, et en très bon appareil vindrent à pié et à cheval frapper sur yceulx Anglois. Et y ot très dure et aspre besongne, car les François n'estoient guères plus que les Anglois. Et finablement furent tous yceulx Anglois mors ou prins, et y ot plui-

(1) Barrée , dans l'édition de Godefroy. Le nom qui précède doit être corrigé , Geoffroi de Saint-Belin.

(?) Sir Hugh de Kennedy, capitaine des Écossais.

seurs François mors et bleciez. Et s'en retournèrent Jaditte Jehanne la Pucelle, messire Jehan Foucault et autres audit Laigny avec leurs prisonniers.

Siège mis à Compiengne par les Anglois et Bourguignons.

Et en celui an meisme, messire Jehan de Luxembourg, le conte de Hautinton, le conte d'Arondel et pluiseurs aultres Anglois et Bourguignons vindrent à grant ost mettre le siège devant la ville de Compiengne, d'ung costé et d'aultre de la rivière d'Oise, et firent pluiseurs bastilles où ilz se tenoient. Or doncques ce faict et venu à la congnoissance de Jehanne la Pucelle dont est faitte mention, se partist dudit lieu de Laigny pour aidier et secourir les assegiés d'icelle ville. En laquelle ycelle Jehanne la Pucelle entra, et après commencèrent chascun jour grans escarmuches entre les Anglois et Bourguignons tenans ledit siège, d'une part, et les capitaines et gens de laditte ville d'autre. Et advint, que laditte Jehnnne la Pucelle estoit saillie sur ledit siège moult vaillamment et hardyement; mais les Anglois et Bourguignons chargèrent fort sur elle et sa compaignie , et tant qu'il fut de nécessité à laditte Jehanne et aux autres de eulx retirer. Ce disoient aucuns que la bariere leur fut fermée au retourner, et autres disoient que trop grant presse y avoit à l'entrée; et finablement fut prinse et emmenée laditte Jehanne la Pucelle par yceulx Anglois et Bourguignons : de laquelle prinse pluiseurs du parti du roy de France furent moult courouchiés.

Et fut tenue longuement en prison par les compaignons dudit Luxembourg, lequel Luxembourg la

vendit aux Anglois qui la menèrent à Rouen où elle fut durement traictiée; et tellement, que après grant délation de temps, sans procès, mais de leur voulenté indeue , la firent publicquement ardoir en ycelle ville de Rouen : qui fut bien inhumainement fait, veu la vie et gouvernement dont elle vivoit, car elle se confessoit et recepvoit le corps de Noslre Seigneur par chascune sepmaine, comme bonne catholicque.

Et n'est point à doubter que l'espée qu'elle envoia quérir en la chappellede Sainte Katherine du Fierbois, dont dessus est faitte mention, ne fut trouvée par miracle, comme ung chascun tenoit ; mesmement veu que par le moien d'ieelle espée et par avant qu'elle fust rompue, a fait de beaulx conquestz cy dessus déclamés. Et est assavoir que après la journée de Patay, ladilte Jehanne la Pucelle fist faire ung cri que nul homme de sa compaignie ne tenist aucune femme diffamée ou concubine. Néant moins en trouva aucuns trespassans son commandement : pour quoy elle les frappa d'icelle espée tellement qu'elle fut rompue. Et tantost ce venu à la congnoissance du roy, fut baillié aux ouvriers pour la reffondre : ce que ilz ne peurent faire, ne ne la peurent oncques rassambler : qui est grant approbation qu'elle estoit venue divinement. Et estoit chose notoire que depuis que laditte espée fut rompue, ladicte Jehanne ne prospéra en armes au prouffit du roy ne aultrement, ainsy que par avant avoit fait.

u4 témoignages des chroniqueurs