DE L'AN MIL CCCC ET XXX

Chap. LXXXII. — Comment le duc de Bourgongne , à tout sa puissanche , ala logier devant Gournay-sur-Aronde.

Au commenchement de cest an , le duc de Bourgongne, luy partant de Mondidier, s'en ala logier à Gournay-sur-Aronde et devant la forteresse d'ycelle, appartenant à Charles de Bourbon , conte de Clermont, son beau frère. Auquel lieu il fist sommer Tristran de Magnelers , qui en estoit capitainne, qu'il luy rendesist ladicte forteresce , ou, se che non , il le feroit assalir. Lequel Tristran, veant que bonnement ne pourroit résister contre la puissance d'ycelui duc de Bourgongne, fist traictié avoecq ses commis, par condicion qu'il luy rendroit ladicte forteresce le premier d'aoust prochainnement venant, se audit jour il n'estoit combatu du roy Charles, ou de ceulx de son party; et avoecq che promist que , durant le temps desusdit , que luv ne les siens ne feroient quelque

(t) Après ce mot, il y a dans le ms. comme, et le reste de la ligne eu blanc.

guerre à ceulx te n ans le parti dudit duc; et par ainsy

il demoura paisible jusques audit jour.

Si fut celle composicion faitte ainsy hastivement, pour che que audit duc de Bourgongne et à messire Jehan de Luxembourg vindrent certainnes nouvelles que le damoiseau de Commarchis , Y von du Puis et aultres capitainnes, atout grand nombre de combatans, avoient assegié la forteresce de Montaghu, laquelle chose estoit véritable; car le desusdit de Commarchis , à cuy ycelle forteresce de Montaghu appertenoit, y avoit secrètement amené grant nombre de combatans, à tout bombardes , veuglaires et aultres habillemens de guerre , tendant ycelle, par soubdain assault ou aultrement par forche , réduire en son obéyssance. Nientmains , elle fu viguereusement defïendne par cheulx que messire Jehan de Luxembourg y avoit commis , ou gouvernement duquel elle estoit.

Entre lesquelz y estoit commis de par luy à la garde d'ycelle, comme princhipaulx capitainnes, deux hommes d'armes, dont l'un estoit d'Angleterre , et l'autre nommé George de Le Croix. Si furent par pluiseurs fois sommés et requis de rendre la forteresce: dont point n'eubrent voulenté de che faire; car ilz n'estoient en nulle double que dedens briefz jours ne fussent souseourus. Finablement, lesdits asségans, doubtans la venue dudit duc de Bourgongne , dont ilz estoient jà advertis , et qu'ilz seroient combatus, se départirent dudit lieu de Montaghu comme espouenlés , en délaissant bombardes, canons et aultres habillemens de guerre; et se partirent à mienuit ou environ , et se retrayrent en leurs garnisons. Laquelle départie ainsy faite, les desusditz assegiés firent savoir

liastivement aux desudiz due de Bourgongne et messire Jehan de Luxembourg, qui en grand diligence se préparoient pour aler combatre les asségeans desusdiz. Après lequel département venu à leur congnoissance , ledit duc de Bourgongne s'en ala à Noyon à tout son exercite.

Chap. LXXX11I. — Comment le duc de Bourgongne alla mettre le siège devant le chastel de Choisy, lequel il conquist.

Item , après que le duc de Bourgongue heubt sousjourné en la cité de Noyon huit jours ou environ, il s'en alla mettre le siège devant le chastel de Choisisur-Ayne, dedens laquelle forteresce estoit Loys de Flavi , qui le tenoit de par messire Guillaume de Flavi ; et y fist ledit duc drechier pluiseurs de ses engiens, pour yceluy chastel confondre et abatre. Si fu moult travilliée par lesdiz engiens, tant que en conclusion, lesdiz assegiés firent traictié avoecq les commis du desusdit duc de Bourgongne, tel qu'ils se départirent, sauf leurs corps et leurs biens, en rendant ladicte forteresce, laquelle, sans delay, après qu'ilz en furent partis, fu tantosl démolie et arasée. Si fist ycelui duc faire ung pont par desus l'eaue d'Oise, pour luy et ses gens passer vers Compiengne , au lez devers Mondidier. Durant lequel temps avoieut esté commis le segneur de Saveuse et Jehan de Brimeu, à garder les faulzbourgz de Noyon, à tout leurs gens, avoecq le segneur de Montgonmery et aultres capitainnes angloiz, qui estoient logiés au Pont-1'Évesque, adfin que ceulx de Compiengne n'empescassent les vivres qui aloient à 1 ost dudict duc.

Si advint, ung certain jour, que les desusdiz de

Compiengne , est à savoir Jehenne la Pucelle, messire Jacques de Chabennes , messire Théolde de Valeperghe, messire Rigault de Fontainnes, Pothon de Sainte-Treille, et aulcuns aultres capitainnes franchoix, acompaignés de deux mille combatans ou environ, vindrent audit lieu du Pont-1'Évesque, entre le point du jour et le soleil levé, où estoient logiés les desusdiz Angloiz ; lesquelz ilz envayrent de grand couraige, et y heubt très dure et aspre escarmuche, à laquelle vindrent hastivement au souscours dyceulx Angloix, les desusdiz segneurs de Saveuse et Jehan de Brimeu, à tout leurs gens. Duquel souscours les desusdiz Angloix prinrent en eulx grand courage tous ensemble. Si reboutèrent par forche leurs ennemis , qui déjà estoient bien avant entrés oudit logis. Finablement, d'yceulx Angloix furent, que mors que navrés, environ trente j et pareillement des Franchoix, lesquelx, après ceste besongne, se retrayrent à Compiengne, dont ilz estoient venus. Et les Angloix desusdiz , depuis clie jour en avant, fortifièrent en grand diligence leurs logis tout à l'environ.

Et aulcuns briefz jours ensievans , Jehan de Brimeu alant , à tout cent combatans ou environ , devers le duc de Bourgongne, en passant parmy le bois, au lez vers Crespy en Valoix , fut soubdainnement envay d'aulcuns Franchoix, qui à cheste cause estoient venus de devers Atheri en celle marche, pour trouver aventure; et en brief, sans grand deffence, lut prias et enmeué prisonnier. Si fu la cause de sa dicte prinse, pour che que luy et ses gens, chevaulchoient en trayn, et ne se porent assambier tant qu'ilz oyrent l'effroy. De laquelle prinse ledit Jehan de Brimeu fut depuis

misèstnains de PôthondeSaincte-Treille, lequel enfin

le délivra en payant grand linanche.

Item , après que le duc de Bourgongne fist du tout démolir la forteresee de Choisy, comme dit est, il s'en ala logier en la ibrteresce de Coudin , à une lieue de Couipiengne; et messire .lehan de Luxembourg se loga à Claroy. Si in ordonné messire Baude de Noyelle, à tout certain nombre degens, à logier à Margny sur la cauchie; et le segneur de Mongonmery, Angloix, et ses gens, estoient logiés à Venète, au long de la prée. Si venoient lors audit duc gens de pluiseurs parties de ses pays; et avoit intencion «.le assegier ladicle ville de Compiengue, et ycelle réduire en l'obéyssance du roy Henry d'Angleterre.

Chap. LXXX1V. — Comment Jehanne la Pucelle rua jus Franquet d'Arras, et luy fist trenchier la teste.

A l'entrée du mois de may, fut rué jus et prins ung vaillant homme d'armes, nommé Franquet d'Arras, tenant le parti du duc de Bourgongne , lequel estoit aie courre sur les marches de ses ennemis, vers Laigni-sur-Marne , atout trois cens combatans ou environ; mais à son retour fut rencontré de Jehenne la Pucelle, qui avoecq elle avoit quatre cens Franchoix. Si assailly moult courageusement et viguereusemeut ledit Franquet et ses gens par pluiseurs fois; car, par lemoyen de ses archiers (ch'est assavoir dudit Franquet) qu'il avoit, lesquelx par très bonne ordonnance s'estoient mis à pied , et se dépendirent tous ensamble si vaillamment , que pour le premier et second assault , ycelle Pucelle et ses gens ne gaignièrent riens sur eulx. Mais en conclusion elle manda toutes les garni-

400 TÉMOIGNAGKS DES CHRONIQUEURS

sons de Laigni et aultres forteresces de l'obéissance du roy Charles , lesquelx y vindrent en grand nombre , à tout coulevrines, arbalestres et aultres habillemens de guerre. Et finablement les desusdiz tenans le party de Bourgongne, après qu'ils heubrent moult adommaigié leurs ennemis de gens [et] de chevaulx, ilz furent tous vaincus et desconfis, et la plus grand partie mis à l'épée. Et meysmement ladicte Pucelle fîst trenchier la teste à yceiuy Franquet, qui grandement fu plaint de cheulx de son party, pour tant qu'en armes il estoit homme de \ aillant conduicte.

Chap. LXXXV]. — Comment Jehenne la Pucelle fut prinse des Bourguignons devant Compiengne.

Item , durant le temps que ledit duc de Bourgongne estoit logié à Coud in , comme dit est, et ses gens d'armes es aultres villages , auprès de Coud in et de Compiengne, advint, l'anuit de l'Ascencion, à cincq heures après mitdy, que Jehenne la Pucelle , Pothon , et autres capitainnes franchoix, avoecq eulx de cincq à six cens combatans, saillirent hors, tous armés de pied et de cheval, de ladicte ville de Compiengne, par la porte du pont, vers Mondidier; et avoient inteucion de combatre et ruer jus le logis de messire Baudo de Noyelle , qui estoit a Margny, au bout de la cauchie, comme dit est en aultre lieu. Sy estoit, à ceste heure, messire Jehan de Luxembourg, avoecq luy le segneur de Crequi , et huit ou dix gentilzhommes , tous venus à cheval, non ayans sinon assés petit, de son logis devers le logis messire Baudo ; et regardoit par quelle manière on pourroit assegier ycelle ville de Compiengne. Et adonc yceulx Franchoix,

ET HISTORIENS DU XVe SIÈCLE. 401

comme dit est, commenchèrent très fort à approuchier ycelui logis de Margny, ouquel estoient pour la plus grand partie, tous desarmés.

Toutefois , eu assez brief terme , se assamblèrent , et commença l'escarmuche très grande, durant laquelle fut cryc à l'arme, en pluiseurs lieux, tant de la partie de Bourgongue comme des Angloix; et se mirent en bataille les desusdiz Angloix contre les Franchoix, sur la prée, au dehors de Venette, où ilz estoient Iogiés; et estoient environ cinq cens combatans. Et d'aultre costé, les gens de messire Jehan de Luxembourg , qui estoient Iogiés à Claroy, sachans cest eiïroy , vindrent les aulcuns hastivement, pour souscourir leur segneur et capitainne, qui entretenoit ladicte escarmuche , et auquel , pour la plus grand partie, les aultres se rallioient : en laquelle fut très durement navré ou visage ledit segneur de Crequi. Finablement, après chèque ladicte escarmuche heubt duré assés longue espace, yceulx Franchoix, véans leurs ennemis multiplier en grand nombre, se retrayrent devers leur ville, tousjours la Pucelle avoecq eulx, sus le derrière, faisant grand manière de entretenir ses gens, et les ramener sans perte; mais cheulx de la partie de Bourgongue, consiclérans que de toutes pars auroient brief souscours, les approuchèrent viguereusement , et se férirent en eulx de plains eslais. Si fu, en conclusion, comme je fus informé, la dessusdicte Pucelle tirée jus de son cheval par ung archier, auprès duquel estoit lebastard de Wandonne(l)1

(1) Les éditions portent Vendôme , et leur témoignage était le seul que je connusse quand j'ai discuté sur ce nom dans mon premier volume (p. 13, note). IV. 26

à qui elle se rendy et donna sa foy ; et chil sans delay , l'emmena prisonnière à Margny , où elle fu mise en bonne garde. Avoecq laquelle fut prins Pothon le Bourguignon, et aulcuns aultres, non mie en grand nombre. Et les desusdiz Franchoix rentrèrent en Compiengne, dolans et courouchiés de leur perle; et, par especial , heubrent moult grand desplaisance pour la prinse d'ycelle Pucelle. Et, à l'opposite, cheuix de la partie de Bourgongne et les Angloix en furent moult joyeux , plus que d'avoir prins cincq cens corabatans : car ilz ne cremoient ne redoubtoient nul capitainne, ne aullre chief de guerre, tant comme ilz avorent tousjours fait jusques à che présent jour, ycelle Pucelle.

Sv vint, assez tost après, le duc de Bourgongne, à tout sa puissance, de son logis deCoudin, où il estoit logié , en la prée devant Compiengne. Et là s'assamblèrent les Angloix, ledit duc, et ceulx des aultres logis , en très grand nombre , faisans l'un avoecq l'autre grans cris et resbaudissemens, pour la prinse de ladicte Pucelle : laquelle yceluy duc ala veoir ou logis où elle estoit, et parla à elle aulcunes parolles, dont je ne sui mie bien recors, jà soit che que je y estoie présent. Après lesquelles se retrayst ledit duc et toutes aultres gens , chacun en leur logis , pour cheste nuit.. Et la Pucelle demoura en la garde et gouvernement de messire Jehan de Luxembourg. Lequel, dedeus briefz jours ensievans, l'envoia soubz bon conduit ou chasteau de Biaulieu, et de là à Biaurevoir , où elle fut par longtemps prisonnière, comme chi après sera déclairié plus ;i plain.