LEFEVRE DE SAINT-REMI

Jean Lefèvre, natif d'Abbeville , conseiller dn duc de Bourgogne et roi d'armes de l'ordre de la Toison d'or, était âgé de soixante-sept ans en 1460, lorsqu'il se mit à écrire ce qu'on est convenu d'appeler ses Mémoires. C'est à proprement parler une chronique, chronique succincte, et qui, au point de vue bourguignon, représente tout à fait ce qu'est celle de Berri pour le parti français. On j trouve sur la Pucelle des renseignements qui ne peuvent émaner que d'un témoin oculaire. La relation de la sortie de Compiègne est l'une des plus complètes et des meilleures qu'il y ait. Quant à la captivité, même lacune dans Jean Lefcvre que dans Monstrelet. Du jugement, il n'en est pas non plus question, et on peut croire que le chroniqueur n'aurait pas parlé du tout delà mort de Jeanne d'Arc, s'il n'avait eu besoin, en un endroit, d'une transition pour amener le récit d?un nouveau revers des Français. Voici en effet la forme toute incidente sous laquelle il mentionne ce fait , au commencement de son 172e chapitre : « Bien avez ouy v parler comment aulcuns de legier et créance voullaige se bout- « tèrent à croire que les faits de la Pucelle esloient choses miracu- « leuses et permises de par Dieu, et fort y furent pluiseurs en- « clins de le croire. Or advint après la mort d'icelle Jehanne la « Pucelle, que, etc. , etc. »

On doit à M. Buchon la partie des mémoires de Jean Lefèvre qui correspond aux quatorze premières années du règne de Charles VII, celle par conséquent où il est parlé de Jeanne d'Arc. Il en a donné le texte pour la première fois dans sa Collection des chroniques nationales , d'après le manuscrit 9369-3 de la Bibliothèque royale.

Chap. CL1. — Comment la Pucelle Jehanne vint en bruit et feut amenée au siège d'Orléans. Comment elle saillist avec les Franchois sur les Anglois et fut le siège abandonné.

Or convient il de parler de une adventure quy advint en France, la nompareille que, comme je croy , y advint oncques. Vray est qu'en ung vilaige sur les marches de Lorraine, avoit ung homme et une femme, mariez enssamble, qui eulrent pluiseurs enfans, entre lesqueiz eulrent une fille quy de l'eage de sept à huit ans , fu mise à garder les brebis aux champs et longtemps fist ce mestier. Or est vray qu'elle peut dire, du temps quelle avoit ou pouvoit avoir dix huict ou vingt ans , qu'elle avoit souvent revelacion de Dieu, et que devers elle venoit la glorieuse Vierge Marie accompaignée de pluiseurs anges, sains et sainctes , entre lesqueiz elle nommoit madame saincte Katherine et David le prophète (1), à tout sa harpe, laquelle il sonnoit merveilleusement ; et enfin elle disoit que entre les aultres choses, elle eult revelacion de Dieu, par la bouche de la Vierge Marie , qu'elle se mist sus en armes, et que par elle, Charies, daulphin de Vienne, seroit remis en sa terre et seignourie et qu'elle le menroit sacrer et couronner àRains.

Icelles nouvelles advindrent à ung gentilhomme de la marche, lequel la arma et monta et la mena au siège d'Orléans allencontre des Anglois quy tenaient le siège. Si fist assembler le bastart d'Orléans et aultres

(1) Erreur du chroniqueur. Il n'est question de cela ni au procès, ni dans les auteurs français , non plus que de l'apparition de la vierge Marie mentionnée auparavant.

pluiseurs capitaines, ausquelz il compta ce que icelle fille nommée Jehanue la Pucelle disoit. Et de faict fut interroghie de pluiseurs saines et vaillans hommes, lesquels se boutèrent en foy de le croire et adjoustèrent en icelle si grant foy qu'iiz iiabandonnèrent et mirent leurs corps en toute adventure avec elle. Et est vray que ung jour elle leur dist qu'elle vouloit combattre les Anglois, et assembla ses gens et se prinst de assaillir les Anglois par la plus forte bastille que ilz tenoient, que gardoit ung chevalier d'Angleterre nommé Cassedag (1). Icelle bastille fut. par ladicte Pucelle et les vaillans hommes assaillie et prinse de bel assault, et là fut Cassedag mort : quy sambla chose miraculeuse, veu la force de la bastille et les gens qui la gardoient.

Le bruit courut par l'ost des Anglois de la prinse de ladicte bastille, et fînablement, quant ilz oyrent dire que ladicte Pucelle avoit faict ceste emprinse, ilz en furent moult espouventez; et disoient entre eulx qu'iiz avoient une prophecie qui contenoit que une Puceile les debvoit débouter hors de France et de tous poins les deffaire. Si levèrent leur siège et se retrayrenten aulcunes places de leur obéissance environ ladicte ville d'Orléans. Entre lesquelz Anglois, le conte de Sufïbrt et le seigneur de La Poulie, son frère, se tindrent à Gergeau; mais gaires ne y furent que icelle ville fut prinse d'assault, et. là fut ledit seigneur de La Foulle mort , et pluiseurs Anglois. La puissance des dessusditz Anglois s'assamblèrent pour retourner à Paris devers le régent; mais ilz furent de si près

(1) Celui que les chroniqueurs français appellent Classidus.

suivis des Daulphihois, qu'ilz se trouvèrent en battaille l'un devant l'autre auprès d'ung villaige en Beausse, quy se nomme Patte. Or advint qu'ilz cuidèrent prendre place plus advantageuse que celle où ilz estoient, et partirent de leur place. Mais les Daulphinois frappèrent dedans tellement, qu'ilz les deffirent et de tous poins les desconfirent. Là furent prins le conte de Suffort , le seigneur de Tallebot et tous les capitaines , excepté messire Jehan Fastot, lequel s'en alla : dont il eult depuis grant reproche pour che qu'il estoit chevalier de la Gartière. Touteffois , il s'excusa fort, disant que se on l'eust volu croire, la chose ne fust pas ainsy advenue de leur part. Ainsy furent Anglois desconfis, et se nomma icelle battaille, la battaille de Patte.

Chap. CL1I. — Comment le daulphin fut couronné roy de France à Rains. De pluiseurs villes quy se rendirent à luy. Comment le duc de Bethfort luy alla allencontre et présenta la battaille. Des faictz de la Pucelle quy mena le roy devant Paris.

Vous avez ouy comment Jehenne la Pucelle fut tellement en bruit entre les gens de guerre, que réaiment ilz créoient que c'estoit une femme envoyée de par Dieu, par laquelle les Anglois seroient reboutez hors du royaulme. Icelle Pucelle fut menée vers le daulphin, quy volientiers la vey et qui, comme les aultres, adjousta en elle grant foy et feist ung grant mandement où furent grant nombre de princes de son sang , c'est assavoir les ducz de Bourbon , d'Alençon et de Bar, Artus, connestable de France, les contes dErminacq, de Patriac, et Vendosme, le seigneur de Labreth, le bastart d'Orléans, le seigneur de La Trimoulle et pluiseurs grans seigneurs de Franche

ET HISTORIENS Dl \\ SIÈCLE. 433

et (VEscoche. Et fut moult grande la puissance du daulphin, à tout laquelle se tira droit à Troies en Champaigne; et luy fut promptement la ville rendue, et luy firent obéyssance ; aussy firent ceulx de Chalons et de Rains. En laquelle ville de Rains il fut sacré, oingt et couronné roy de France. Ainsy fut Charles, septiesme de ce nom, sacré à Rains comme vous avez ouy.

Apprès ce que le roy eult sejorné ung petit de temps en la ville de Rains, il s'en alla en une abbaye où on aoure saint Marcoul , nommé Corbeny, là où on dist que il prent la dignité et previllége de garir les escroelles. Ces choses faictes , il passa la rivière de Marne et se trouva à Crespy-en-Vallois. Quant le régent sceult que le roy avoit esté sacré à Rains et qu'il marchoit eu paiis pour tirer droit à Paris, il assambla une grande compaignye d'Anglois et de Picars entre lesquelz estoient messire Jehan de Crequy, messire Jehan de Croy , le bastard de Sainct-Pol, messire Hue de Lannoy, saige et vaillant chevallier, Jehan deBrimeu et aultres, lesquelz se trouvèrent en grant puissance en ung villaige nommé Mittri en France, et les Franchois et leur puissance estoient en ung aultre villaige nommé (1) , à deulx lieues près de Crespy-en- Vallois, et là estoient le duc d'Alenchon, ladicte Pucelle et pluiseurs aultres capitaines. Le régent quy desiroit la battaille contre les Franchois, approcha d'eulx jusques à une abbaye quy s'appelle La Victoire, laquelle n'est point loing d'une tour qui s'appelle

(1) Lacune du manuscrit. Suppléez Thieux d'après Berri» IV. 28

Mont-Espilloy , et là arriva environ my aoust l'an mil cccc xxix.

Le roy ouy messe à Crespy , puis monta à cheval armé d'une brigandine et se tira aux champs, là où il trouva une belle compaignye et grande quy l'attendoit. Toutefois, le duc d'Aleuchon et la Pucelle estoient dès jà devant et se trouvèrent bien près des Anglois, avant que le roy venist. Et* quant le roy fut arivé , lui et ses gens , ordonnèrent une belle grande battaille à cheval, et avec che, deulx aultres compaignies à manière de deulx elles; et avecques che avoit un grant nombre de gens de piet. Et quant aux Anglois , ilz ne firent que une battaille et tout à piet, excepté le bastard de Sainct-Pol , messire Jehan de Croy et aulcuns autres en petit nombre , lesquelz , quant ilz veyrent les Franchois qui, quant aux hommes d'armes ne descendoient point à piet, montèrent à cheval, comme dit est.

Ce jour, faisoit grant challeur et merveilleusement grant poulsière. Or advint qu'à l'ung des boutz de la battaille des Anglois, les Franchois firent tirer la plus part de leurs gens de traict avec une compaignie de gens de cheval et assaillirent les Anglois. Et là y eult maintes ilesches tirées, tant d'un costé comme d'aultre. Et pour renforchier les gens où la battaille s'estoit commenchée , le régent y envoya une compaignie sans ce que les battailles laissasssent oncques leur ordonnance, ne Franchois, ne Anglois. Et quant les Franchois veirent que Anglois et Picars tindrent piet et vaillamment combattirent, ilz se retrayrentet oncques puis n'abordèrent ensserable l'ung contre l'aultre, sinon par escarmuches. Et, comme je ov dire, celuv

ET HISTORIENS pi W SIÈCLE. 435

de tous qu] mieulx se moustra ce jour le plus hoimn d'armes et «jiii plus y rompy de lances, ce fut le bastard de Saiuct-Pol. Messire Jehan de Croy y fut affolé d'un piet, tellement que toutte sa vie demoura affolé. Icelle jotirné se passa ainsy comme vous avez ouy, sans aultre chose faire. Et quand ce vint envers soleil couchant, le roy se tira en la ville de Crespy, et les aultres se tirèrent es villaiges là entour.

Or fault parler des Anglois. Vray est que aulcuns veyrent bien la retraicte desFranchois; si les volloient aucuns poursievir; mais le régent ne le volt pas souffrir pour le doubte des embusches ; car, comme oy nombrer les Franchois, ilz esloient de cinq à six mille harnois de jambes (1). Quant les Franchois furent ainsy partis , les Anglois logèrent en une abbaye là environ et envoyèrent quérir des vivres à Senlis. Le lendemain le roy et toutte sa puissance se mirent en belle ordonnance auprès de la ville de Crespy, avec eulx tous chariotz et bagaiges; et ces choses faictes, se mist auz champs et tourna le dos aux Anglois, et s'en alla en la viile de Compiengne , laquelle lors tenoit le party des Anglois; mais, sans contredit nul, feirent ouverture au roy et le receurent à grant joye. Et là séjourna le roy ciucq jours et y tint conseil de ce qu'il avoit affaire. Et quant le régent sceult que le roy estoit à Compiengne entré sans contredit, il se doubla fort que piuiseurs villes quy lors estoient en leur obéyssance, ne se tournassent du party du roy : pour laquelle cause, avecque sa puissance re-

(i) Parcelle location, l'auteur désigne seulement les chevaliers el hommes d'armes équipés de toutes pièces

tourna à Paris, et là laissa Loys de Luxembourg , évesque de Therouenne et chancelier de France pour les Anglois, le seigneur de l'Ille-Adam, lors mareschal de France, et aussy pluiseurs seigneurs d'Angleterre, ausquelz il bailla en garde ladicte ville de Paris, et s'en alla en Normendie pour pourvoir aux gardes des bonnes villes et forteresses. Quant le roy eult séjourné à Compiengne , comme dict est, il prinst son chemin avecques toute sa puissance, pour venir droit à Paris; car la Pucelle luy avoit promis de le mectre dedens , et que de ce ne se debvoit point doubter. Toutefïbis, elle y failly, comme vous orrez.

Au partir de Compiengne , le roy tira droict à Senlis, laquelle ville luy fist obéyssance, puis à Sainct- Denis, et entra dedans. Et apprès fut ordonné par les remonstrances que la Pucelle faisoit , que la ville de Paris fust assaillie. Quant ce vint au jour de l'assault, la Pucelle armée et habillée, à tout son estandart, fut des premiers assaillans, et alla si près, qu'elle fut navrée de traict. Mais les Anglois detFendirent si bien la ville , que les Franchois n'y peulrent riens faire, et se retrayrent en la ville de Sainct-Denis. Après que le roy eult esté en la ville de Sainct-Denis, pluiseurs jours, veant que la ville de Paris estoit trop fort gardée, se retira oultre la rivière de Saine, et donna congic à la plus part de ses gens; lesquelz se mirent en garnison en pluiseurs villes, tant à Beauvais, Senlis, Compiengne, Soissons, Crespyet pluiseurs au] très villes deçà Saine, du costé de Piccardie; lesquelz firent forte guerre tant sur les Anglois que sur les gens du duc.

Et ainsi se passa icelle (1), comme vous avez

ouy , avecques pluiseurs aultres choses qui trop longues seroient à raconter.

Chap. CLV11I. — Comment le duc de Bourgongne assega la ville de Compiengnc où la Pucclle Jehenne fut prinse par une sallyc qu'elle feit , et de pluiseurs aultres fais de guerre.

Au mois de may m cccc xxx, le duc mist le siège devant une forteresse séant sur la rivière d'Enne , près de la ville de Compiengne, nommée le Ponl-à- Choisy, et falloit passer une grosse rivière nommée Oize, et la passoit on à ung villaige nommé le Pontl'Evesque, assez près de la cité de Noion ; et estoit ledict passage gardé de deulx vaillans chevalliers d'Angleterre. Et en icelluy s'estoient les adversaires du duc assemblez en grant nombre pour combattre le duc; et là estoit Jehenne la Pucelle, laquelle estoit comme chief de la guerre du roy, adversaire pour lors du duc; et creoient les adversaires qu'elle mectroit les guerres à fin, car elle disoit qu'il luy estoit révélé par la bouche de Dieu et d'aulcuns Sains. Si conclurent lesdis adversaires d'aller ruer jus ceulx qui gardoient ledict pont; et de faict les allèrent assaillir très radement ; mais les chevalliers dessusdiz se deffendirent si vaillamment, que les ennemis ne les peulrent grever. Et aussy le seigneur de Saveuses et aultres des gens du duc les vindrent aydier et secourir en toutte dilligence ; et y eult grant foison de navrez d'ungeosté et d'aultre;

(1) Abréviation informe du manuscrit de la Bibliothèque royale, qui n'est qu'une copie du XVIe siècle. M. Buchon a lu aventure. C'est plutôt année qu'il audrait conjecturer.

et ne firent lesdiz adversaires aultre chose pour l'eure; ai:is retournèrent chascun en leurs villes et forteresses, et les chevalliers demourèrent gardans le dict pont tant que le duc fut devant ledit Pont-à-Choisy, où il fut dix jours ; et s'enfuyrent ceulx de ladicte place. Et tantost aprez que le duc eust prins ledict Pontà-Choisy, repassa ledict pont et rivière, et se loga à une lieue près de Compiengne, et son ost es viliaiges près de ladicte ville. Et ainsy que le duc ordonnoit ses gens pour mectre son siège devant ladicte ville de Compiengne, qui est grosse et grande ville, de grant tour , et enclose en partie de deuîx rivières d'Oize et d'Enne, quy assemblent devant ladicte ville ou assez près, (et estoit capitaine de ladicte ville de Compiengne, un escuyer nommé Guillaume de Flavi, lequel faisoit de grans maulx es pays du duc) : adont vint en la ville de Compiengne la Pucelle par nuyt et y fut deulx nuis et ung jour; et au deuxiesme jour, dist qu'elle avoit eu revelacion de Dieu qu'elle mectroit à desconfiture les Bourgongnons. Si fist fermer les portes de ladicte ville, et assembla ses gens et ceulx de la ville et leur dist la revelacion que luy estoit faicte, comme elle disoit ; c'est assavoir que Dieu luy avoit faict dire par saincte Katherine, qu'elle yssist ce jour allencontre de ses ennemis et qu'elle desconfiroit le duc; et sero'it prins de sa personne et tous ses gens prins, mors et mis en fuite; et que de ce ne faisoit nulle double. Or est vray que par la créance que les gens de son party avoient en elle, le crurent. Et furent ce jour les portes fermées jusques environ deulx heures apprès midy que la Pucelle yssist, montée sur ung moult bel coursier, très bien armée de plain haï-

nois el par dessus une riche heucque de drap d'or vermeil; et apprès elle son estandart et tous les gens de guerre esta ns en la ville de Compiengne ; et s'en allèrent en très belle ordonnance assaillir les gens des premiers logis du duc.

Là estoit un vaillant chevallier, nommé Bnuldot de Noyelle, quy depuis fut chevalier de l'ordre de la Thoison d'Or; lequel, luy et ses gens, se delï'endirent moult vaillamment , non obslant qu'ilz furent sousprins. Et pendant l'assault, le conte de Ligny, en sa compaignie le seigneur de Crequy , tous deulx chevaliers de l'ordre de la Thoison d'Or, à bien petit nombre de gens, se mirent à approchier la Pucelle et ses gens; laquelle pour la resistence qu'elle avoit trouvée au logis dudict Bauldot de Noyelle, et aussy pour le grant nombre des gens du duc quy de toutez parts arrivoient où la noise estoit, si commenchèrent à retrayre. Si se frappèrent lesBourgongnons dedens si très rudement, queplusieurs en furent prins, morset noiez. Et la Pucelle si soustenoit toutte la dernière le faiz de ses adversaires; et y fut prinse par l'ung des gens du conte de Ligny; et le frère de la Pucelle et son maistre d'hosteî. Laquelle Pucelle fut menée à grant joie devers le duc, lequel venoit à toutte dilligence en l'ayde et secours de ses gens. Lequel fut moult joyeulx de la prinse d'icelle pour le grant nom qu'elle avoit ; car il ne sembloit point à pluiseurs de son party que ses œuvres ne fussent [si non] miraculeuses.