LETTRE DU SIRE D’ALBRET AUX MÊMES

Mémo dâtc*

Même provenance que la pièce précédente ; imprimée pour la première fois par M. Tailband, dans la Presse judiciaire (journal de Riom) du 10 août 1844.

Très chers et grans amis , vous avez bien peu savoir comment la ville de Saint-Pierre le Mouslier a esté prinse d’assault; à laquelle prinse avons fait grant despense de pouldres, trait et autres habillemens de gueiTe : parquoy de présent en sommes petitement pourveuz. Et pour ce que nostre entencion est, à l’aide de Dieu, de poursuir et besoigner au demouraiit de la délivrance et vuidange des autres places contraires et ennemies de Mgr. le roy, et de ses pais et subgez, et mesmement de La Charité, Cosne et autres : nous soit besoing et nécessité d’avoir présentement grant quantité de pouldres, trait et autres habillemens de guerre, desquelles choses recouvrer, ne de l’argent que pour ce conriendroit, ne pourrions pas si large-

ment ne présentement finer, comme besoing est, sans l’aide de vous et des autres bonnes villes et loyaulx subgez de Mgr. le roy : pourquoy vous, qui desirez, comme nous créons fermement, la vridange et délivrance desdictes places; mesmement que par les adversaires et ennemis de Mgr. le roy, qui détiennent et occupent icelles places, vous et les autres subgiez de mon dit seigneur sont grandement oppressés et endommagés, et aussi que nul prudomme ne bons marchans n’osent aler ne converser par le païs pour donbte desdiz ennemis : vous prions et requérons très acertes et sur tant que aimez et desirez la widange et délivrance desdictes places, et le bien de vous et des païs voisins d’icelles, que nous vueillez aider et envoyer présentement par nostre amé Jehan Merle, que pour ceste cause envoyons par devers vous, le plus largement que vous pourrez et saurez présentement aider de pouldres à canon, salepestre, souffre, arbelestes et autres habillemens de guerre, afin que nostre entreprinse ne soit longue, et que par faulte de poul* dres et autres choses dessus dictes, le fait ne soit aucunement [empesché] ne retardé. Et de ce que le porteur de cestes vous dira de par nous touchant ledit fait, le vueillez croire et adjouster à lui plaine foi et créance; et incontinant le délivrez- et lui baillez et faictes bailler et délivrer ce qui sera nécessaire pour amener et conduire devant la ville de La Charité où Jehanne la Pucelle, Mgr. de Montpensier et nous, alons présentement mettre le siégé. Et de quoy nous voudrez aider et de vous volentcz et entencion, sur ce que dit est, nous faictes savoir par ledit Jehan Merle; avec ce se riens voulez que faire puissions, et nous le

ferons : ce scet Nostre Seigneur, qui tous ait en sa

garde. Escript à Molins, le neuf"” jour de novembre.

Signé : Le sire de Lebret , conte de Dreux et de Gavre, lieutenant du païs de Berry pour Mgr. le roy, sur le fait de la guerre , Chables.

Sur r adresse : A mes très chers et grans amis, les gens d’église, bourgois et habitans de la ville de Rion.