LE CHAMPION

C’est mal entendu , grosse teste ,

Respond Franc-Vouloir prestement.

De quants saints faisons nous la feste Qui moururent honteusement !

Pense à Jhesus premièrement ,

Et puiç à ses martirs benois ;

Sy jugeras évidamment Qu’en ce fait tu ne te congnois.

Gueres ne font tes argumens Contre la Pucelle innocente,

Ou que des secrez jugemens De Dieu sur elle pis on sente ;

Et droit est que chacun consente A lui donner honneur et gloire Pour sa vertu très excellente,

Pour sa force et pour sa victoire.

l'acteur.

Alors l’adversaire fachië D’ouyr de Jhenne sermonner,

Lui dit : <c Tu en as trop preschié ; Pense d’une aultre blasonner.

On ne porroit pire amener Pour accomplir ce que tu veulx; Car c’est assef pour forsener Ou soy arrachier les cheveulx. y»