DE

Du vendredy quinziesme jour de may.

^E^e vendredy quinziesme jour de may mil cinq cens soixante deux, nous Gervais Goyet, conseiller du roy nostre sire, et lieutenant particulier au bailliage de Touraine et siège présidial de Tours, vacquant avec le procureur du roy à ce siège , et maistre Martin Berge, greffier dudict bailliage, avons proceddé à l'inventaire des bagues, joyaux, reliquaires et ornemens de l'église Sainct- Martin , suivant ce qui avait esté conclu des le seiziesme jour d'avril dernier passé , et assistant avec nous au faict dudict inventaire Messieurs Guillaume de Mervillier, chantre , Jacques Brunet, soubz doyen, Philippe Duguy, chambrier, Brodeau, Barguin, Guillaume Cherouvrier, Dulys , Claude de la Rue , chanoines de ladicte église , et Jean Mesmyn , notaire dudict chapitre ; avons , environ l'heure de

huict heures du matin , esté mandez , de par Messieurs les président, lieutenant général et criminel , Messieurs René Gardette , Estienne Parent et Nicolas Leclerc, conseillers dudict siège présidial, estant en la chambre du conseil, pour nous trouver promptement en la chambre , pour traicter et délibérer de quelques lettres du roy ou de monseigneur le prince de Condé, et en communicquer ensemblement avec les maire et eschevins et chapitre de l'Église de Tours et dudict Sainct-Martin ; duquel mandement aurions averti lesdicts chanoines comparans comme dessus, et serions en même temps transportez en ladicte chambre du conseil avec ledict procureur du roy et greffier ; aussy se seroient comparus lesdictz de chapitre desdictes églises, sçavoir est : pour ladicte église de Tours, Messieurs Berthelot et Mahiet, chanoines de ladicte église ; et , pour ladicte église de Sainct- Martin, lesdictz de Mervillier, Brunet et Dulys» Et, après avoir esté conféré et communicqué des lettres de Monseigneur le prince de Condé , adressantes aux maire et eschevins de ladicte ville de Tours, en date du onziesme jour des présens mois et an , auroit esté conclu que nous lieutenant susdict, avecque ledict procureur du roy, lesdictz Parent et Leclerc, et Pierre Duchamp, l'un des

pairs et conseillers de ladicte ville et greffier, ou son commis, attendu que avions ja vacqué au faict de l'inventaire des joyaux, reliquaires et bagues estant au thrésor dudict Sainct - Martin , que , pour procedder à l'exécution des lettres dudict sieur le prince de Condé , assisterions avec lesdictz dénommez au faict de l'inventaire dudict Sainct- Martin, avec Messieurs de la Rochefoucault, de Genly et du Vigen , porteurs desdictes lettres , ou l'un d'eux ; et que , pour le regard de l'inventaire de ladicte église de Tours, ledict sieur président avec aultres y procedderoient , et , pour le regard de l'église de Mairmoustier, le sieur lieutenant général avec aultres y procedderoient, comme est porté par la commission dudict seiziesme d'avril dernier passé et pour les causes y mentionnées ; et que ferions respectivement, chacun par nostre regard , les remontrances et protestations portées par ladicte conclusion.

Et, ledict jour et environ l'heure de midy, attendant une heure , aurions esté mandez par noble personne François de Hangest, sieur de Genly, chevallier de l'ordre du roy, et capitaine de cinquante hommes d'armes des ordonnances dudict seigneur, et François du Fou, sieur du Yigen , gentilhomme ordinaire de la chambre du-

dict seigneur, à ce que eussions à nous trouver en ladicte église dudict Sainct-Martin, pour procedder à l'exécution des lettres de mondict sieur le prince de Condé , suivant nostre dicte commission, et porter ou faire porter les clefz, qu'ilz auroient entendu estre par devers nous, dudict thrésor Sainct-Martin. A quoy, en mesme instant, avec ledict procureur du roy et greffier, serions transportez en ladicte église , où se seroient com-r parus mesdictz sieurs de Genly et du Yigen, lesdictz de Mervillier, chantre, Brunet, soubz doyen, Duguy, chambrier, Dulys, delaMothe, et aultres chanoines de ladicte église , et pareillement lesdictz Parent , Leclerc et Duchamp , pair et conseiller susdict; aussi auroient lesdictz sieurs de Genly et du Yigen faict comparoir Thomas Bas^ mette, Henry de You, Jacques Hutel et Pierre Chesneau , orfebvres et aultres ; lesquelz sieurs de Genly et du Yigen nous auroient dict avoir receu desdictz chambrier et de Mervillier deux clefz dudict thrésor, et que nous eussions à bailler lesdictes clefz, qu'ils auroient entendu estre par devers nous, pour estre faicte ouverture dudict thrésor, et aussi assister à la confection dudict inventaire, poids, valleur et estimation des lingotz d'or et d'argent, qu'ilz entendoient faire

faire desdictz joyaux et reliquaires qui se trouveront audict thrésor, et en estre faict ample procèsverbal, pour en estre faict foy comme dessus; auxquelz sieurs de Genly et du Yigen, en présence des dessusdictz, aurions dict que, par cy- devant et dès le seiziesme jour d'avril dernier passé, suivant certaine commission à nous donnée par ledict siège , après plusieurs commandements faictz auxdictz chanoines de représenter l'inventaire desdictz bagues et joyaux, si aucuns ils en avoient par devers eux, il seroit proceddé par nous à nouvel inventaire et appréciation desdictz joyaux et reliquaires, et que, par faulte d'avoir faict aucune représentation d'aucun inventaire, avons faict certain inventaire avec ledict procureur du roy et greffier, lesdictz chanoines comparans comme dessus et aultres, lequel inventaire n'estoit parachevé , et duquel estions près d'informer lesdictz sieurs, que estions pretz d'obéir auxdictes injonctions et commandemens susdictz et d'assister au faict du dict inventaire, et selon qu'il est mandé par lesdictes lettres de mondict sieur le prince de Condé, et que estions chargé de faire les remonstrances et protestations par la conclusion de cejourd'hui. Ouyes lesquelles protestations et remonstrances , et nonobstant icelles , nous ont

lesdictz sieurs de Genly et du Yigen enjoinct d'assister au faict dudict inventaire et apprétiation desdictz joyaux et reliquaires, ce qu'avons offert faire, et, obéissant, aurions mis par devers ledict Duguy, chambrier, les clefz que avions par devers nous dudict thrésor, de quelles et d'aultres estant par devers lesdictz sieurs de Genly et du Yigen , auroit esté faict ouverture dudict thrésor; et lesquelz sieurs de Genly et du Yigen nous auroient dict que le prétendu inventaire par nous cydevant faict ne leur concernoit en rien, et que de leur part ilz prétend oient qu'il fût proceddé à nouvel inventaire , suivant le contenu desdictes lettres dudict sieur le prince de Condé.

Et par lesdictz de Mervillier, Brunet, Duguy, Barguin, Dulys et aultres chanoines cy-dessus nommez , auroit esté remonstré auxdictz sieurs de Genly et du Yigen que cejourdhuy, en la chambre du conseil , ilz auroient esté mandez et eu communication des lettres de mondict sieur le prince de Condé, et qu'ilz auroient déclaré qu'ilz ne pouvoient consentir ny dissentir l'exécution desdictes lettres , et qu'ilz feroient pareille remonstrance en présence desdictz sieurs de Genly et du Yigen, dont ilz requerent lesdictz sieurs leur en estre octroyé acte , qui leur a esté octroyé du consentement des-

dictz sieurs de Genly et du Vigen; remontrans par iceux sieurs de Genly et du Vigen ausdictz chanoines comparans comme dessus , que , nonobstant lesdictes remonstrances , ledict sieur comte de la Rochefoucault ou l'un d'eux entendoient procedder à l'exécution des lettres de mondict sieur le prince, enjoignant ausdictz chanoines d'assister au faict dudict inventaire et apprétiation desdictz lingots d'or et d'argent et pierreries qui seront trouvez audict thrésor, comme semblablement ils nous auroient enjoinct, à nous officiers cy-dessus nommez, de ce faire ; lesquelz chanoines auroient déclaré qu'ilz estoient pretz d'obéir ausdictes injonctions et assister avec nous et officiers susditz au faict dudict inventaire, et de faict y auroient assisté comme cy- après -, et en leur présence proceddé au faict de l'inventaire et apprétiation desdictz lingotz d'or et d'argent vermeil, argent blanc et pierreries, par les orfebvres cydessus nommez , et desquelz , suivant le commandement qui nous auroit esté faict par lesdictz sieurs de Genly et du Yigen, aurions pris le serment au cas requis , lesquelz auroient respectivement juré et promis de faire fidellement tout devoir au faict et négoce que dessus. Et, ladicte ouverture faicte dudict thrésor par ledict Duguy,

chambrier, comme dessus, sont entrés audict thrésor lesdictz sieurs de Genly et du Vigen, ensemble lesdictz de Mervillier, chantre , Brunet , soubz doyen, Duguy, chambrier, Leclerc et Parent, conseillers, Houdry, procureur du roy, et Duchamp, pair et conseiller de ladicte ville; pareillement Thomas Basmette l'aisné , Henry de Vou, Hutel et Chesneau, orfebvres, appeliez par lesdictz sieurs de Genly et du Yigen ; lequel sieur de Genly nous auroit commandé de faire lever la main ausdictz orfebvres, et prendre d'eux le serment au cas requis, tant pour procedder loyaument à ce qui leur sera par lui commandé , que pareillement à évaluer et estimer les joyaux et reliquaires tant d'or que d'argent, pierreries et aultres choses qui seroient trouvées audict thrésor ; ce qu'ilz ont respectivement promis et juré faire, ayant d'eux pris le serment au cas requis.

Ce faict, a esté par nous, lesdictz chanoines et aultres assistans, remonstré que les jours précédens aurions faict découvrir le chapiteau ou couverture estant sur la châsse , couvert d'argent , et mis en plusieurs linceulx ou nappes, et le tout faict poiser et trouvé monter à la quantité de trois cent quarante six marcz , lesquelz néantmoins ont esté poisez par lesdictz orfebvres par plusieurs

poisées avec aultre argent de plusieurs châsses qui Favoient esté par nous au précédent, et ce requérant lesdictz chanoines et gens du roy, ostées et mises audict thrésor, pour la sûreté dudict argent doré dont lesdictes châsses estoient couvertes, le tout en quatorze poisées , montant , savoir est : les sept premières, sept vingt quinze marcz deux onces, et les sept aultres , dix huit vingt et deux marcz quinze onces , qui seroit en somme desdictes poisées trois cent vingt et deux marcz quinze onces.

Auroient lesdictz sieurs de Genly et du Vigen faict représenter par ledict Duguy, chambrier, une pièce d'or appellée le Plessis , qui est la pourtraicture du chastel du Plessis-lez-Tours > donnée audict Sainct- Martin par le feu roy Louis XI > garny de plusieurs pierreries, poisant lesdictes pierres vingt et ung marcz six onces.

Àussy ont esté représentez quatre grandes images d'argent vermeil doré et leurs diadesmes garnis de pierres; lesdictes images, diadesmes et pierres , poisées ensemblement , sont montées poiser trente et ung marcz.

Aussi a ledict chambrier représenté quinze images d'argent vermeil doré, garnies en leurs diadesmes de plusieurs pierreries , toutes lesquelles poisées ensemblement dudict argent ver-

meil doré, se sont trouvées monter à cinquante trois marcz.

Aussi a esté poisé aultre argent blanc, encensoirs , bassins et aultres choses , dont a esté faict deux poisées, la première montant à vingt cinq marcz , la deuxième , vingt et deux marcz , le tout d'argent blanc , qui seroit en somme de tout ledict argent, tant argent vermeil doré que blanc, quatre cent vingt et deux marcz quatre onces, sans comprendre la poisée de là châsse , laquelle monte à trois cent vingt deux marcz quinze onces : somme totale , sept cent quarante cinq marcz trois onces.

Toutes lesquelles choses ont esté rapportées et remises audict thrésor, et lequel thrésor a esté refermé desdictes clefz par ledict chambrier, et auquel chambrier auroit esté laissé Tune desdictes clefz , et l'aultre retenue par ledict sieur du Yigen, et aultre pacquet de deux clefz à nous rendu ; et ont lesdictz sieurs de Genly et du Yigen continué l'assignation pour procedder à fondre ce que dessus et à faire aultre poisée des aultres joyaux et reliquaires à demain heure de six heures du matin ; et ledict sieur de Genly auroit commandé, en présence des dessusdictz, audict Chesneau l'aisné faire provision de charbon et

faire dresser fourneaux tant à fondre or qu'argent, pour procedder à faire fondre ledict or et argent , qu'ils entendent faire fondre , et qui sera trouvé audict thrésor, et dont sera par nous faict inventaire des lingotz et culotz, tant d'or que d'argent, et du poids et valleur d'iceux, ce que ledict Chesneau auroit promis faire.

jour des présens mois et an, à la matinée dudict jour et environ l'heure de six heures, aurions esté mandez par ledict sieur de Genly pour nous trouver en ladicte église Sainct- Martin, ce que aurions faict en mesme instant, et où aurions trouvé ledict sieur de Genly, Leclerc, Parent, procureur du roy et greffier, ensemble ledict de Mervillier, chantre, Brunet, soubz doyen, et Duguy, chambrier, Dulys et autres chanoines de ladicte église, ensemble ledict Duchamp, pair et conseiller de cette dicte ville, Chesneau, Hutel et de You, et, outre iceux, Jean Roy, Hatton, Martin, Coûtant, Chesneau le jeune, orfebvres; et lequel sieur de Genly auroit commandé audict Duguy,

Du sabmedy seiziesme jour de may.

chambrier, faire ouverture dudict thrésor; et à ceste fin toutes lesdictes clefz auroient esté mises entre ses mains et l'ouverture faicte.

A esté ostée dudict thrésor une petite châsse carrée d'un pied et demy, couverte d'argent en aucuns endroitz, ayant aucune garniteure d'argent doré et quelques pierreries de diverses couleurs , estant en nombre de soixante et seize , qui ont esté ostées avec leur chaton et mises à part dans ung sac , et sur ce qui auroit par nous esté remonstré audict sieur de Genly que lesdictes pierres devroient estre appréciées séparément et mises à part de chacune chose, joyaux et reliquaires, et que ledict sieur de Genly auroit sur ce enquis lesdictz orfebvres , qui luy auroient dict que là où ilz s'arresteroient à oster lesdictes pierres de leurs chatons estant esdictes châsses, qu'ilz y employeroient la meilleure part du temps , et que ledict sieur de Genly leur auroit commandé qu'ilz usassent de toute diligence de oster l'or et l'argent estant esdictes châsses, pour estre mis en lingotz , et aussi que la pluspart des pierreries qu'ilz ont veues , tant de ladicte châsse que aultres joyaux et reliquaires, sont pierres fausses, comme doubletz, émaux, verres, et aultres pierres de petite valleur, et qu'il sufïisoit de mectre lesdictes

pierres toutes ensemble pour, ayant fondu et mis en lingotz For et l'argent de toutes les choses estant au thrésor, estre veues et visitées lesdictes pierreries, tant par eux que aultres gens à ce cognoissans, et en estre faict appréciation; ouy lequel dire desdictz orfebvres par ledict sieur de Genly, auroit commandé que lesdictes pierreries fussent mises en ung sac à part contenant le nombre, pour, ayant fait oster ledict or et argent desdictes châsses, estre icelles pierreries, avec aultres qui seront cy après ostées d'aultres châsses et reliquaires, veues et visitées; attendu lequel dire et commandement dudict sieur de Genly, aurions faict mectre lesdictes soixante pierreries et leurs chatons d'argent doré en ung sac à part, et faict procedder par ledict sieur de Genly à faire oster l'argent des aultres châsses, pour le tout estre poisé avec aultres choses cy après; et l'argent de ladicte châsse osté, tant argent blanc que argent doré, s'est trouvé poiser sept marcz sept onces.

Aussy ont esté poisez quatre grands chandeliers et cinq petits ayant les pommes du milieu d'argent doré, deux encensoirs, deux bastons de bastonniers ; le tout d'argent blanc poisé à deux fois, s'est trouvé le premier poids monter cin-

quante huit marcz, et le second, quarante sept marcz, qui est en somme cent cinq marcz.

Aussy a esté ostée dudict thrésor l'image et pourtraicture du roy Louis XI, estant d'argent blanc , ayant ung escriteau contenant que ledict défunct roy Louis XI avoit donné ladicte pourtraicture , comme chanoine et abbé de ladicte église, l'an m.cccc.lxvi, et de son règne le quatriesme ; laquelle image et pourtraicture , compris l'oreiller et l'escriteau, le tout mis en huict pièces et poisé à deux poisées, s'est trouvé le premier poids monter vingt et huit marcz , et le second , quatre vingt dix huit marcz deux onces , qui est en somme que ladicte pourtraicture du roy Louis, escriteau que oreiller, le tout d'argent blanc, se monte cent vingt six marcs deux onces.

Aussy a esté osté dudict thrésor et apporté dans l'église et devant la porte d'iceluy thrésor, par ledict Duguy, chambrier, le chef appellé le chef sainct Martin, qui est d'or, compris le chapiteau et collier couvert de plusieurs pierres de diverses couleurs, fors que le sousbastement est d'argent doré ; et duquel chef ont esté ostées les pierreries et mises en ung sac à part , et ostées par lesdictz Basmette et Henry de You; et, au regard du collier, a esté réservé à une aultre fois d'en oster les

pierres; et ledict chef s'est trouvé poiser quinze marcz moins demi once, et ledict chapiteau, quinze marcz six onces et demie ; et le collier avec les pierres, estant en nombre de quarante deux compris les camayeux, qui sont émerauldes, saphyrs > rubys , tout ledict collier rempli et garny de pierres, fors à l'endroit d'ung chaton, s'est trouvé poiser ung marc cinq onces, qui est en somme toute trente six marcz trois onces d'or; et lesdictes pierres dudict chef , garnies de leurs chatons, ensemble les perles enchâssées se sont trouvées en nombre de quarante deux pierres, tant de pierres que de perles , et toutes remplies , fors une, et huict fonds d'or et ung chaton. Aussy a esté poisé le sousbastement dudict chef, étant d'argent vermeil doré, qui s'est trouvé poiser trente huict marcz deux onces. Toutes lesquelles choses, tant d'or que d'argent, pierres et perles^ ont esté remises audict thrésor, et iceluy thrésor fermé par ledict Duguy, chambrière desdictes clefz , desquelles ledict sieur de Genly en auroit retenu une , et l'aultre laissée auclict chambrier, et aultres deux clefz remises entre nos mains ; et continué l'assignation à l'après disnée dudict jour, heure de midy , attendant une heure , pour procedder à fondre lesdictes espèces d'or et d'argent, et

estre mis en lingotz et culotz, suivant lesdictes lettres.

Et à l'après disnée dudict jour, à l'heure de midy, attendant une heure, nous, lieutenant susdict, sommes, accompagnez desdictz Leclerc et Parent, transportez en ladicte église Sainct-Martin , où estoient le procureur du roy et greffier, où pareillement se sont trouvez lesdictz sieurs de Genly et du Yigen , de Mervillier, Brunet et Duguy, ledict Duchamp et lesdictz Basmette , Hutel , Chesneau et de You, où auroit esté défaict une autre châsse appellée la châsse Lozanne, et les pierreries avec leurs chatons mises en ung aultre sac à part, ayant ladicte châsse, la couverture estant sur le feste d'or, une croix d'or, qui a esté poisée, et s'est trouvée monter six marcz sept onces.

Plus a esté osté l'argent estant sur une aultre petite châsse par lesdictz Chesneau et Hutel ; s'est trouvé poiser d'argent blanc dix marcz deux onces.

Plus a esté poisée une Nostre Dame d'argent doré, qui s'est trouvée monter onze marcz deux onces.

Plus a esté osté d'une aultre petite châsse , par les dessusdictz orfebvres, l'argent estant dessus, qui s'est trouvé monter huit marcz quatre onces.

A esté aussy osté l'argent de deux aultres petites châsses, qui s'est trouvé poiser vingt marcz d'argent.

Plus a esté osté l'argent d'une aultre petite châsse, qui s'est trouvé poiser huit marcz six onces. Le tout a esté poisé par lesdictz orfebvres et en présence desdictz de Genly et du Yigen , et les dessusdictz conseiller i procureur, chanoines, et Duchamp, comparans comme dessus; et, voulant par les dessusdictz de Genly et du Yigen faire mectre en la fonte ledict argent blanc et argent doré séparément, a esté par nous remonstré, en la présence desdictz comparans comme dessus, que là où ilz feroient fondre ledict argent vermeil doré sans racler l'or ou le séparer dudict argent, qu'il pouvoit advenir une grande perte et tare , sy mieulx lesdictz orfebvres ne vouloient^ auparavant que fondre ledict argent, apprécier l'or et l'argent séparément ; lesquelz Basmette et de You auroient dict que véritablement dudict argent vermeil doré se pouvoit racler For; mais que pour le racler, conviendroit vacquer par deux mois ou plus continuellement sans se pouvoir employer à aultres affaires, qui seroit une grande perte de temps; et quant à séparer l'or et l'argent, leur seroit chose impossible , parce qu'ils ne pouvoient

recouvrer en ceste ville de Tours de l'eau forte qu'il leur conviendroit avoir, à tout le moins la quantité qui leur seroit requise à affiner, et aultres choses requises pour faire ladicte séparation. Et quant à l'estimation des lingotz ou culotz qui se feront dudict argent vermeil doré, que lesdictz lingotz seront de plus grande valleur et plus estimez ou appréciez que ceux d'argent blanc simplement, et que, proceddant à l'estimation, ilz entendoient y avoir égard, comme aussy aultres orfebvres sur ce appeliez pourroient ainsi juger ; au moyen de quoy a esté dict par lesdictz sieurs de Genly et du Yigen que , attendu ladicte déclaration desdictz orfebvres , ledict argent vermeil doré seroit fondu et mis à la fonte comme l'argent blanc , et que toutesfois les lingotz dudict argent vermeil doré seroient marquez, pour iceulx congnoistre et estre mis à part, et marquez et appréciez séparément par lesdictz orfebvres; et duquel argent blanc proceddant du chapiteau de dessus ladicte châsse sainct Martin que d'aultres châsses cy-dessus , les dessusdictz de Genly et du Yigen, en la présence des dessusdictz nommez, et nous y assistant , a esté mis une grande quantité dudict argent confuzément dedans ledict fourneau ou fonte, et dudict argent fondu ont esté

tirez et faicts des lingotz et ung petit culot, lesquelz ont esté poisez , et se sont trouvez monter quatre vingt dix huit marcz.

Plus , à une aultre fois , de ladicte fonte ont esté tirez treize aultres lingotz dudict argent cy-dessus, qui ont esté poisez en la présence des comparans comme dessus, et se sont trouvez monter cent trois marcz et demy; et lesdictz sieurs de Genly et du Yigen ont continué l'assignation au lendemain à l'après disnée, heure de midy, attendant une heure, en ladicte église Sainct- Martin.

Du dimanche dix septiesme jour de inay.

^JË^t ledict jour de dimanche, dix septiesme jour desdictz mois et an, et à l'après disnée dudict jour, avons esté mandez par mesdictz sieurs de la Rochefoucault , de Genly et du Yigen pour nous transporter en ladicte église ; ce que avons faict , où pareillement se sont comparus lesdictz Leclerc , Parent , Duguy , chambrier, susdictz ; Basmette , de You, Chesneau Faisné, Chesneau le jeune, Hutel et Marchant , orfebvres ; lesquelz sieurs de la Rochefoucault, de Genly et du Yigen nous auroient dict avoir veu audict thrésor grande.

quantité de pièces de boys et mouleures de la châsse appellée la châsse sainct Martin, couverte et garnie d'argent vermeil, et que difficilement pourroit-on oster et séparer ledict argent dudict boys sans y perdre beaucoup de temps et qu'il n'y demeurast audict boys grande quantité de doux d'argent et morceaux, qui seroit grande perte, et qu'ils avoient avisé et conclu entre eux, à cette dicte après disnée , de faire brusler lesdictz boys et mouleures desdictes châsses et chapelles de cette dicte église, pour séparer ledict argent et sauver les doux et aultres petites pièces d'argent qui feussent demourées audict boys, comme dict est ; et pour ce faire , auroient lesdictz sieurs , par ledict Duguy, chambrier, faict faire ouverture dudict thrésor, et faict faire du feu en troys chapelles, et faict porter par quelques gentilzhommes, ou aultres personnes, lesdictes mouleures et pièces de boys de la couverture de ladicte châsse couverte d'argent vermeil doré , et faict fermer ledict thrésor par ledict chambrier en nostre présence et de nous aultres assistans , et prins deux desdictes clefz , et l'aultre trousseau mis entre nos mains ; esquelles trois chapelles lesdictz sieurs de la Rochefoucault, de Genly et du Vigen se sont mis et enfermez, et faict défaire et oster par lesdictz

orfebvres ledict argent vermeil doré desdictes pièces de boys et mouleures qu'ilz ont veu estre faciles à deffaire, et faict mectre à part et faict brusler le reste dudict bois pour plus facilement p oster séparément ledict argent doré , doux et aultres choses qui se sont trouvées des cendres desdictz boys et mouleures ainsy bruslées comme dessus. Et lequel argent et doux auroit esté mis en des sacs sans autrement poiser ledict argent; et au regard des cendres dudict boys et mouleures ainsi bruslées , ont esté ramassées et mises à part , fors les cendres du boys et mouleures bruslées en l'une des chapelles où ledict sieur du Vigen estoit pour veoir brusler ledict boys à ce qu'aucune chose ne fust mal pris , et auroit vendu lesdictes cendres audict Hutel pour la quantité d'ung marc d'argent ; et au regard des cendres estant es dictes deux aultres chappelles mises à part comme dessus dedans quelques cuviers ou chauldrons, ensemble l'argent vermeil doré susdict estant esdictes deux poches et non poisé , a esté mis et porté dedans ledict thrésor, qui a esté ouvert et fermé par ledict chambrier, en la présence des susdictz nommez , en la manière que dessus, et l'assignation continuée au lendemain heure de six , attendant sept heures du matin, en ladicte église.

Du lundy dix huictiesme jour de may.

~Jf3j le lendemain jour de lundy, dix huictiesme jour desdictz mois et an que dessus, environ l'heure de sept heures du matin , lesdictz sieurs de Genly et du Vigen, accompagnez de plusieurs gentilzhommes, se seroient trouvez en ladicte église, où pareillement se sont trouvez lesdictz de Mervillier, Brunet et Duguy, Parent, Leclerc, procureur du roy, et Pierre Duchamp , ensemble ledict Basmette, Hutel, Martin, de You, ung nommé Souldée, orfebvre. Après lesquelles comparutions, lesdictz sieurs de Genly et du Yigen ont faict faire ouverture dudict thrésor par ledict Duguy, chambrier, et d'iceluy faict oster ladicte pourtraicture du feu roy Louis XI , où il y a un escriteau , ensemble l'argent des aultres châsses dont est faict mention cy- dessus, poisant ladicte figure cent quatre vingt six marcz deux onces, et l'argent desdictes châsses, cinquante six marcz; et faict fermer par ledict Duguy ledict thrésor, et le tout faict porter au grand re vestiaire , où estoit ladicte fonte ou fourneaux, et faict fondre ledict argent en leur présence et des aultres assistans, et faict faire des lingotz et culotz à diverses foys comme

s'ensuict, à sçavoir : de la première fonte, neuf lingotz; de la seconde, huict; de la tierce, onze et ung petit culot. Et sur ce que avons remonstré ausdictz sieurs de Genly et du Vigen que lesdictz lingotz et culotz du nombre cy-dessus, qui est de vingt huit lingotz et ung culot, dévoient estre poisez comme les aultres lingotz qui furent poisez le jour d'hier, nous auroient dict qu'il n'étoit nécessaire d'iceulx faire poiser pour le présent, et qu'il sufïiroit de les mectre audict thrésor en lieu seur et en sçavoir le nombre , et que les lingotz et culotz seroient par après nombrez, comptez et poisez ensemblement. Au moyen de quoy, ont esté lesdictz lingotz et culotz portez audict thrésor et mis en une fenestre avecq les aultres du jour d'hier; et à ceste fin, auroit ledict thrésor esté ouvert et fermé par ledict Duguy , chambrier , comme dessus, et l'assignation continuée aujourd'hui, heure de midy attendant une heure.

Et, à l'après disnée dudict jour, se sont trouvez en ladicte église lesdictz sieurs de Genly et du Yigen , accompagnez de plusieurs gentilzhommes, où pareillement se sont comparus aucuns desditz chanoines, sçavoir est : lesdictz Brunet, soubz doyen, et Duguy, chambrier, lesquelz sieurs de Genly et du Vigen, en la présence de

nous lieutenant susdict, dudict procureur du roy et greffier ou son commis , ont faict faire ouverture par ledict Duguy, chambrier, dudict thrésor, et faict porter et mectre à la fonte aultre argent et des aultres vieilles châsses cy-dessus, sans aucunement poiser ledict argent, et pareillement a esté mis à ladicte fonte ledict argent doré tiré de ladicte châsse sainct Martin , estant couverte d'argent vermeil doré , et dont le boys et mouleures furent le jour d'hier bruslez en ladicte église, comme contenu est au procès -verbal dudict jour d'hier, estant en trois sacz , et poisez comme cyaprès : le premier poids ou poisée , avec son sac , soixante six marcz ; le second, aussy avec son sac, cinquante sept marcz ; le troisième , aussy avec son sac , soixante dix marcz ; et se peuvent monter lesdictes poizées, distraict et non compris lesdictz sacz , cent soixante et quatorze marcz cinq onces.

Aussy a esté mis à ladicte fonte quatre encensoirs, deux navettes à mectre encens, deux bastons, neuf chandeliers, deux petitz bassins, deux platz d'argent où l'on mectait des cierges avec leurs chesnes, ung petit ange tenant ung chandelier, qui ont esté fondus et mis en ung lingot comme cy-après, sans autrement avoir esté poi-

sez auparavant que les mectre à la fonte ; et neantmoings marquez les lingots qui se sont trouvez d'argent vermeil doré poiser comme cyaprès , et les aultres non marquez : et premièrement trois lingotz d'argent blanc non poisez, trois aultres lingotz d'argent doré , ung petit culot , qui ont esté marquez , pour les recongnoistre d'entre les aultres, d'une croix, d'ung cizeau en long en forme de ligne, aussy non poisez; plus trois aultres lingotz d'argent blanc; plus deux aultres lingotz d'argent blanc comme dessus; lesquelz lingotz ont depuis esté poisez à deux foys , et s'est trouvé monter le premier poids sept vingt ung marcz six onces; et l'aultre et dernier poids, onze marcz et demy, qui est en somme à quoy se montent lesdictz treize lingotz et deux petitz culotz; à cent cinquante trois marcz demi once. Plus, aultres lingotz et culotz comme cy après ont esté tirez de ladicte fonte, sçavoir est : deux culotz et douze lingotz , et ung petit culot aussy marqué d'ung coing de cizeau ) montant à cent cinquante neuf marcz six onces. Tous lesdictz tant lingotz que culotz d'argent blanc vermeil doré, ont esté portez au thrésor, et mis en une fenestre séparément les ungs des aultres. Et ledict jour, à l'après disnée, en présence des

dessusdictz , a esté mis en une fonte , et au même temps que lesdictes choses auroient esté fondues au grand fourneau, ledict chapiteau d'or du chef de sainct Martin en deux creusetz , et iceluy trouvé monter ^ après l'avoir poisé, à quinze marcz six onces dW. Et sur ce qu'il a esté par nous renions tré , avant que de procedder à la fonte dudict or, qu'il devoit estre poisé pour sçavoir s'il y a voit aucun déchet , ensemble d'aultre argent vermeil et argent blanc mis à la fonte comme dessus , et pour congnoistre certainement ledict déchet, et pour en estre faict par nous procès -verbal; lesdictz sieurs de Genly et du Vigen auroient sur ce demandé l'opinion desdictz Basmette , Hutel et Chesneau ; lesquelz leur auroient dict que notoirement on voyoit que esdictes châsses tant d'or que d'argent et aultres espèces cy-dessus se trouvoit j au dedans des chatons et pierres ostées , de la cire , terre , ciment et aultres choses , qui ne se pouvoient si promptement oster, et pareillement estoient délaissées plusieurs pierreries de nulle valeur, toutes lesquelles choses se brusloient et consumoient ensemble au feu, estant ledict or esditz creusets , et ledict or estant purifié , se peult congnoistre le vray poids , valleur et tiltre , et que là où l'on voudroit poiser pareillement

lesdictes choses, qu'il se trouverait de grand déchet après ladicte fonte ; mesmement qu'il nous est apparu que ausdictes châsses et croix, tant d'or que d'argent, dont auroit esté commencé à oster les pierres, il y a aux chatons où sont lesdictes pierres grande quantité de cire, terre, ciment et aultres choses, et mesmement grande quantité d'émail en plusieurs endroictz; et ausdictes châsses d'argent, du plomb, du cuivre, du clou, du fer, dont le déchet est apparent; et faisant ladicte fonte, tant d'or que d'argent, et nous assistans avec lesdictz sieurs de Genly et du Vigen ou aultres gentilshommes qu'ilz entendent députter, qu'il ne s'y pourra commettre aucune chose mauvaise. Ouï laquelle déclaration desdictz orfebvres par lesdictz sieurs de Genly et du Yigen, auroient dict qu'ils vouloient et entendoient que les aultres joyaux et reliquaires, dont ilz entendoient qu'il seroit par nous faict procèsverbal, seroient mis à la fonte respectivement, et qu'ilz entendoient estre présens pendant lesdictes fontes , et que nous , lesdictz chanoines et aultres députez de ladicte ville, assistassions pour veoir et congnoistre s'il se faisoit aucune entreprise sur lesdictes choses ainsi mises au fourneau comme dict est. Duquel argent vermeil et blanc mis au-

dict fourneau ont esté ostez treize lingotz d'argent blanc , poisez à deux fois , et se sont trouvez monter à sept vingt ung marcz six onces ; plus deux aultres lingots dudict argent, qui se sont trouvez poiser onze marcz et demy; qui est en somme toute dudict argent cy- dessus, cent cinquante trois marcz deux onces. Plus a esté tiré dudict fourneau dudict argent vermeil doré deux culotz et deux lingotz , ung petit culot du fons du fourneau, qui se sont trouvez monter cent cinquante neuf marcz six onces, et auroient esté marquez d'ung coing de cizeau en forme de ligne pour les congnoistre des aultres lingotz d'argent blanc; tous lesquelz lingotz cy- dessus ont esté portez audict thrésor par lesdictz sieurs de Genly et du Yigen, et mis audict thrésor en une fenestre, et lequel thrésor auroit esté faict fermer et ouvrir en la manière que dessus.

Du mardy dix neufiesme jour de may.

JEËi,T le mardy dix neufiesme jour desdictz mois et an, aurions esté mandez avec ledict procureur du roy et greffier, pour, par lesdictz sieurs de la Rochefoucault , de Genly et du Vigen, recon-

gnoistre ce qui est encore audict thrésor, auquel lieu nous nous serions transportez, où aurions trouvé lesdictz Leclerc et Parent, conseillers cydessus, et ledict Duguy, chambrier, lesdictz Hutel, Duchamp et Chesneau , et , après avoir représenté lesdictes clefz dudict thrésor estant entre nos mains, quoyquesoit l'une d'icelles, auroient iceulx sieurs faict ouvrir ledict thrésor et oster partie des pierres de la grande châsse sainct Martin, qui auroient esté mises en ung sac à part , et pareillement For de ladicte châsse en ung aultre grand sac à part, où auroit esté vacqué toute la matinée ; et , ce faict , laissé lesdictes pierres , châsse et or audict thrésor, et iceluy faict fermer par ledict chambrier, et continué l'assignation à l'après disnée dudict jour.

Et ledict jour, à l'après disnée et environ l'heure de midy, auroient lesdictz sieurs de la Rochefoucault, de Genly et du Yigen mandé en nostre maison , à ce que nous eussions à nous transporter audict Sainct-Martin , où serions allez , où aurions trouvé lesdictz sieurs de la Rochefoucault , de Genly et du Yigen , lesdictz Duchamp , Chesneau , Hutel , Jean Perdriau , aussy député par les maire et eschevins de ladicte ville, Rasmette et ledict Pasquier, David et Souldée, ledict procureur du

roy, lesdictz de Mervillier, Brunet, ensemble ledict Duguy, chambrier, par lequel auroit esté faict ouverture dudict thrésor, et d'iceluy tiré les joyaux qui s'ensuivent :

Premièrement, une Nostre Dame d'argent doré tenant son enfant,, poisant trente deux marcz quatre onces ; quatre anges avecq leurs aisles ; deux encensoirs; une custode et chesne pour la pendre; le tout d'argent doré, poisant cinquante et ung marcz.

Plus, le chasteau appellé la Guerche, n'ayant le chapiteau de dessus, et lequel chasteau s'appelle autrement les Courcicaulx , aussy de vermeil doré, poisant dix marcz.

Plus, ung petit sainct Martin à cheval, ayant le pauvre ; plus ung sainct Martin d'argent doré ayant une mittre ; poisez ensemble , et se seroient trouvez poiser dix sept marcz.

Plus , le chef sainct Brice , avec le bas et soubastement aussy d'argent vermeil doré, poisant vingt neuf marcz , et duquel auroit esté osté six lions, qui ont esté trouvez estre de cuivre, ainsi qu'il auroit esté certifïié par lesdictz orfebvres.

Plus, dix neuf lampes avecq les chesnes et garnimens, le tout d'argent et non poisé, parce

qu'elles auroient esté trouvées grasses et remplyes d'huille et ordures.

Toutes lesquelles choses cy-dessus auroient esté mises à la fonte avec aultre argent et aultres reliquaires et autres pièces dont est faict mention cy-dessus, dont auroit esté tiré le nombre des culotz cy après.

Aussy a esté mis à la fonte en deux creusetz le chef sainct Martin d'or, qui auroit cy devant esté poisé, et se seroit trouvé monter à quinze marcz moins demi once , et tiré desdictz creusets* deux culotz qui n'auroient esté poisez.

Aussy de ladicte fonte auroit esté tiré Vingt sept lingotz et deux culotz dudict argent vermeil -9 qui n' auroient esté poisez et marquez du cizeau en forme de ligne.

Plus huict aultres lingotz aussy d'argent doré , et marquez d'ung cizeau comme dessus.

Plus dix sept lingotz et quatre culotz d'argent doré, marquez comme dessus. Et le tout mis au thrésor sans poiser, qui auroit esté ouvert et fermé à la manière que dessus , et faict porter par lesdictz sieurs, en la présence des comparans et assistans, lesdictz culotz et lingotz d'argent audict thrésor.

Du mercredy vingliesme jour de may.

JEI^t le mercredy vingtiesme jour desdictz mois et an, se seroient lesdictz sieurs de la Rochefoucault et du Yigen trouvez audict Saint-Martin avecq autres gentilzhommes , où nous serions pareillement trouvez avec lesdictz Leclerc et Parent, Hutel, Basmette, de Vou, Chesneau, Perdriau , David , Souldée , fondeur, le procureur du roy, lesdictz Brunet et Duguy, chambrier; et par lequel chambrier a esté ouvert ledict thrésor, et d'iceluy tiré les grandes serelles et roues ausquelles tenoient les lampes dont est faict mention cydessus; ung bénistier d'argent doré avecq son gitouer ; le chef sainte Cécile , d'argent doré ; et le tout mis à la fonte. Aussy a esté mis à ladicte fonte , en deux creusetz , For de dessus la châsse Lozanne, ou partie d'iceluy, en ung fourneau à part, par ledict Souldée. Plus a esté mis avec ledict argent cy-dessus ung braz avec deux anges ; le tout d'argent doré. Plus ung chapiteau où estoit la Nostre Dame d'argent doré , faict à quatre piiliers, couvert d'argent doré; et ung sainct Maurice d'argent doré, ayant une lance, n'estant les bras et jambes dudict sainct Maurice que d'argent

blanc en forme de maille; une croix; une paix; ung crucifix ; une petite Nostre Dame tenant ung enfant; ung sainct Martin à cheval sans pauvre; ung aultre sainct Martin ayant ung pauvre ; deux images plattes en forme de paix , estant carrées ; ung collier ; ung aultre baston de croix ; ung chef saincte Radegonde; ung aultre chef d'ung sainct au fond duquel est escript : Girard de Varannes ; une couppe; une mittre; une crosse d'évesque avecq son baston ; trois clefz ; huict couvercles de livres ; ung grand baston marqué de fleurs de lys , appellé le baston du chantre ; une aultre paix garnie de plusieurs pierres ; une petite châsse d'argent ; deux aultres petitz couvercles de livre ; une grande paix émaillée , le tout d'argent doré ; une grande croix où il y a du christal, estant marquée en quelques endroits d'argent doré. Le tout mis à la fonte avecq quelques pierres qui tenoient audict braz cy- dessus, qu'ilz ont dict estre doubletz de nulle valleur, et ce par ledict David, en ung grand fourneau où l'autre argent blanc et vermeil avoit esté fondu; dont auroit esté tiré les lingotz cy-après , qui sont en nombre de vingt cinq, et trois culotz, lesdictz lingotz estant fort gros et plus que les aultres que l'on avoit accoustumé faire ; lesquelz toutefois n'au-

roient esté poisez, estant d'argent doré et marquez d'ung coing de cizeau en forme de ligne, comme les aultres lingotz aussy d'argent doré. Et dudict or ont esté tirez deux culotz à une foys, proceddant dudict or de ladicte châsse Sainct- Martin et aultre or, de laquelle auroit esté parachevé d'oster l'or, ensemble les pierres; le tout mis dedans ledict thrésor, et les pierres dedans ung sac à part ; et mis aultre or esdictz creusetz , et faict deux aultres culotz, qui n'auroient esté poisez , tant auparavant ladicte fonte qu'après ; et ledict argent cy-dessus avecq la grenaille dudict or a esté porté audict thrésor avecq les aultres lingotz, et le tout faict fermer par ledict chambrier, et continué l'assignation à demain.

Du jeudy vingt et ungiesme jour de may.

J&t le jeudy vingt et ungiesme jour desdictz mois et an que dessus, serions, suivant ladicte assignation, transportez audict Sainct-Martin avecq nostredict greffier, où aurions trouvé ledict sieur du Yigen, accompagné d'Anthoine de la Rochefoucault, escuier, sieur de Chaulmont, lesdictz Ruchamp , Basmette , de You , Chesneau , ïïutel ,

David et Souldée, orfebvres; par lequel sieur du Vigen auroit esté commandé audict chambrier présent faire ouverture dudict thrésor, ce qui auroit esté faict ; et auroient esté ostées les pierres estant es grandes croix dudict Sainct- Martin, qui auroient esté mises en ung sac à part, et l'or desdictes croix en un^ aultre sac à part, après iceluy avoir tiré de dessus le boys, à quoy faire auroit esté employé toute la matinée , et ce faict , auroit esté faict fermer ledict thrésor par ledict chambrier, et continué l'assignation ce dict jour, à l'après disnée.

Et ledict jour, à l'après disnée, serions derechef transportez, avecq ledict greffier ou son commis, audict Sainct -Martin, où se seroient trouvez lesdictz sieurs du Vigen accompagné d'aultres gentilshommes, lesdictz Basmette, de Vou, Duchamp, Chesneau , Hutel , David , Souldée et ledict chambrier, et auroit esté ouvert ledict thrésor par ledict chambrier, par le commandement dudict sieur du Yigen, et auroit esté faict tirer les perles estant esdictes croix à l'entour des chatons où estoient lesdictes pierres cy-dessus, et ce faict, mises en ung sac, et auroit esté osté la grande croix et grand crucifix d'argent dudict Sainct- Martin , qui estoit sur le chœur de ladicte église ,

dudict thrésor, et porté en l'une des chappelles de ladicte église , et tiré et osté de dessus le boys de ladicte croix l'argent , ensemble dudict crucifix qui estoit par dessoubs ledict argent faict de ciment ou de cire , et après avoir iceluy tiré, auroit esté mis à ladicte fonte sans poiser, et d'iceluy tiré deux lingotz et ung culot , qui auroient esté portés audict thrésor sans poiser. Plus auroit esté mis en ladicte fonte l'argent des vieilles châsses et aultres reliques brisées en pièces; et sur ce, seroit survenu ledict sieur comte de la Rochefoucault et plusieurs gentilzhommes, le sieur président et lieutenant criminel de cette dicte ville , maistre René Gardette et ledict Estienne Parent, conseillers susdictz, et ledict Falaiseau, advocat du roy, et ledict Perdriau, et auroit iceluy sieur comte faict mettre en deux creusetz l'or desdictes grandes croix cy dessus et faict mettre par ledict Souldée ausdictz fourneaux, et auroit esté tiré dudict argent desdictes grandes croix et crucifix et reliques cy- dessus deux gros lingotz et ung gros culot; et dudict or, deux culotz. Et ce faict, mis aultre or desdictes croix d'or esdictz deux creusetz , et ledict argent et or mis dedans ledict thrésor sans poiser, auroit iceluy faict fermer par ledict chambrier et continué l'assignation à demain .

Du vendredy vingt deuxiesme jour de may.

J3jî le lendemain, vingt deuxiesme jour desdictz mois et an que dessus, serions de rechef transportez audict Sainct Martin accompagnez de nostre dict greffier, auquel lieu aurions trouvé lesdictz sieurs de Genly et du Yigen , lesdictz Duchamp, Hutel, Chesneau, Basmette, Souldée et David ; auroit esté ouvert ledict thrésor par ledict chambrier présent , et ce faict , auroit esté ouvert ung grand coffre estant audict thrésor, auquel y avoit plusieurs reliques tant d'argent que d'or, et mesmement une couppe appelée la couppe de Charlemagne , garnie de pierreries et quelques mittres de satin blanc, couvertes de perles et pierreries, laquelle couppe auroit esté poisée , et s'est trouvée monter avecq lesdictes pierres à vingt sept marcz cinq onces; et ce faict, le tout remis dans ledict coffre et tiré les lingotz d'argent blanc et mis à part dans une fenestre , et ceux d'argent vermeil doré en une aultre fenestre audict thrésor. Et pour iceux poiser auroient lesdictz sieurs de Genly et du Yigen faict sortir tous lesdictz chanoines et Pierre Leclerc commis dudit greffier, et retenu dedans ledict thrésor seulement ledict Brunet soubz

doyen et Duguy chambrier, disant que nous lieutenant, Parent et Leclerc conseillers et ledict Duchamp présens audict poids cy- après, estions suffisans pour escrire et controller le nombre de poids desditcz lingotz et culotz , tant d'argent blanc que d'argent doré. Et lesquelz lingotz et culotz dudict argent doré auroient esté poisez en huit poisées, estant en nombre de lingotz et culotz soixante et treize, qui se seroient trouvez poiser neuf cent vingt et quatre marcz deux onces; et pour le regard dudict argent blanc aussy poisé à huict poisées, estant en nombre de lingotz et culotz cent deux , se seroient trouvez monter à neuf cent quatre vingt douze marcz. Toutes lesquelles choses auroient esté poisées par ledict Duchamp et ung nommé Rolandière, serviteur dudict sieur du Vigen , et le tout remis esdictes fenestres séparément estant audict thrésor, et iceluy faict fermer par ledict chambrier desdictes clefs; et après avoir conféré avecq lesdictz Duchamp et Parent qui avoient escript, comme nous lieutenant susdict, ledict poids cy- dessus, aurions trouvé le poids, tant d'argent doré que d'argent blanc , se rapporter audict nombre escript cy- dessus.

Du sabmedy vingt troisiesme jour de may.

JS[t le lendemain jour de sabmedy, vingt troisiesme desdictz mois et an , serions transportez en ladicte église dudict Sainct -Martin, en laquelle aurions trouvé lesdictz sieurs de la Rochefoucault et du Yigen , Hutel , Basmette , Chesneau , de You , ensemble se seroient trouvez lesdictz Leclerc et maistre Estienne Peltier, aussy conseillers à ce dict siège , et lesdictz procureur et avocat du roy, en la présence desquelz , par ledict Duguy chambrier présent , auroit esté ouvert ledict thrésor et pareilment ledict coffre estant en iceluy, et trouvé ce qui s'ensuit.

Premièrement, ung vase d'agathe en forme de flascon garny d'argent doré ;

Deux canettes de christal garnies d'argent doré ;

Ung vaisseau d'émail ;

Une bourse , où il y a cinq boursaulx , esquelz il y a quelques pierreries et ung christal ;

Une grande croix d'or à trois croisons garnis de pierreries , ayant le pommeau d'argent doré ;

Une mittre dudict sainct Martin , de satin blanc garnie d'ametistes, saphirs, émerauldes, perles grandes et petites et aultres pierreries ;

Une aultre mittre garnie de pierres fausses avecq leurs chatons, semancée de perles avecq leurs bandes ;

Ung grand tableau de christal garni de saphirs de bons et de faulx ;

Ung aultre vase d'agathe auquel sont une Vénus et ung Mars ;

Ladicte couppe de Charlemagne dont est faict mention cy- dessus garnie de pierreries, et le tout mis en ung coffre de bahu.

Plus , a esté tiré de dessus la mittre d'or dudict sainct Martin, dix-sept saphirs, tant grands que petits, une ametiste orientale, huict topazes, dixhuict émerauldes, vingt -trois grenatz, soixante perles ; et de dessus les bandes de derrière ladicte mittre, a esté tiré douze saphirs, six grenatz, huict topazes, trente -deux perles; toutes lesquelles perles et pierreries cy- dessus ont esté mises audict coffre de bahu cy-dessus en ung sac , et faict poiser l'or de ladicte mittre qui s'est trouvé monter quinze marcz sept onces, qui a esté pareillement mis audict coffre de bahu, et iceluy faict fermer et faict enlever dudict thrésor et porter par ledict sieur de la Rochefoucault en son logis.

Du dimanche vingt quatriesme jour de may.

^Sj le lendemain dimanche , vingt quatriesme desdictz mois et an , avons esté mandez par ledict sieur de la Rochefoueault à ce que eussions à nous transporter en la maison de la damoiselle de Montifroy où il estoit logé , auquel lieu serions transportez , où aurions trouvé lesdictz sieurs de la Rochefoueault, du Yigen et de Chaulmont; aussy s'y seroit trouvé ledict Basmette, de You, Duchamp, Pierre Chesneau, orfebvres; auroitesté par ledict sieur de la Rochefoueault faict ouvrir ledict coffre de bahu, auquel avoient esté mises les pierres et croix cy-dessus , et d'iceluy tiré ladicte grande croix, qui avoit trois croisons qu'ils appellent la grande croix Sainct- Martin, qui auroit esté trouvée audict coffre estant audict thrésor dont est faict mention cy-dessus, et d'icelle osté les pierres qui s'ensuivent : premièrement , treize saphirs, plus huict aultres saphirs qui sont en nombre vingt ung ; vingt émerauldes ; treize grenatz ; une topaze et neuf agathes ; lesquelles pierreries cy-dessus ont esté mises en ung sac à part et mis audict coffre de bahu qui est demeuré en

la maison dudict sieur de la Rochefoucault , et continué l'assignation à demain, à Sainct- Martin.

Du lundy vingt cinquiesme jour de may.

JEjt le lendemain vingt cinquiesme jour desdictz mois et an que dessus, serions transportez audict Sainct -Martin, où aurions trouvé lesdictz sieurs comte de la Rochefoucault , de Chaulmont , Duchamp , Hutel , Chesneau , Basmette , de You , Duguy, chambrier, et maistre Pierre Barguin, chanoine dudict Sainct -Martin ; et a esté ouvert le coffre estant audict thrésor et d'iceluy tiré les pierres qui s'ensuivent ; et sur ce , sont arrivez ledict sieur du Vigen et le sieur président Gardette.

Premièrement, ung ongle de griffon faict en cornet de vanneur duquel a esté tiré l'argent dont ledict cornet estoit garny ;

Deux canettes d'argent doré ;

Quatre calices avecq leurs pateines d'argent doré ;

Le bonnet du roy Louis XI d'argent blanc, ayant le bord d'argent doré garny de petites pierreries ;

Ung aultre calice avec deux canettes aussy d'argent doré ;

Ung ciboire aussy d'argent doré, de longueur d'ung pied et demy ;

Ung friquet d'or garny de pierreries, ayant le manche d'argent;

Quatre petites châsses dorées, de grandeur d'un pied et demy ;

Une escuelle d'argent doré ;

Deux petites croix ;

Deux doigts aussy d'argent doré ;

Deux bassins d'argent blanc ;

Ung petit coffre d'argent doré ;

Deux petites châsses ;

Le chef sainct Grégoire aussy d'argent doré, avecq le chapiteau garny de pierres ;

Plus , une mittre d'argent doré de laquelle ont esté ostées les pierres et mises à part sans compter en ung sac ;

Six bouts de fermoirs de livres avec leurs fermoirs d'argent blanc et doré ;

Trois petites châsses garnies de pierreries.

Et ledicfc argent cy- dessus mis ensemble à la fonte par lesdictz David et Souldée, et tiré trois grands lingotz fort gros qui ont esté poisez et trouvez poiser quatre vingt ung marcz ; ung aultre grand lingot et deux culotz qui se sont trouvez poiser cinquante et ung marcz; et a esté mis en

deux creusetz de l'or de ladicte croix et d'aultres choses , dont a esté tiré deux culotz qui n'ont esté poisez. Et ce faict, le tout mis audict thrésor et iceluy faict fermer par ledict chambrier, et retenu par ledict sieur de Vigen ung pacquet desdictes clefz , et ledict sieur de Genly l'aultre , et nous ung aultre.

Et ledict jour, à l'après disnée, nous auroit ledict sieur de la Rochefoucault mandé audict Sainct- Martin, auquel lieu serions transportez avecq maistre Jean Falaiseau advocat du Roy, où serions allez, et y estant, auroient esté par lesdictz sieurs de la Rochefoucault, du Vigen et de Genly faict transporter en ladicte maison dudict sieur de la Rochefoucault vingt cinq lingotz d'argent blanc et ung d'argent doré, pour faire l'essay dudict argent, comme ils l'auroient dict, et a esté mis en ladicte fonte aultre argent desdictes châsses et aultres petits reliquaires et quelque quantité de petits clouds qui auroient esté tirez des boys des grandes châsses, qui auroient esté mis avec l'argent de Mairmoustier, attendu qu'il y en avoit petit nombre. Aussy a esté mis à la fonte en deux creusetz aultre or dudict Saint-Martin et tiré, tant des châsses, croix qu'autres reliquaires, deux culotz qui auroient esté poisez et se sont trouvez monter

vingt huit marcz une once , lesquelz auroient esté emportez en la maison dudict sieur de la Rochefoucault par son commandement, et mis avec une pièce appellée le chasteau Du Plessis étant d'or et poisant vingt et un marcz six onces, dont est faict mention cy-dessus, et ce faict, faict fermer ledict thrésor et continué l'assignation à demain.

Du mardy vingt sixiesme jour de may.

, P^t le mardy vingt sixiesme des mois et an que dessus, aurions esté mandez par ledict sieur du Vigen pour nous transporter audict Sainct-Martin, auquel lieu estant, l'aurions trouvé accompagné dudict sieur de Chaulmont; aussy se seroient trouvés lesdictz Duchamp, de Vou, Chesneau, Basmette, David et Souldée; et auroit esté faict ouvrir ledict thrésor, et osté le reste des pierres estant esdictes grandes croix, qui auroient esté mises dans ung sac à part, et tiré de dessus le hoys quelque reste d'or qu'on n'avoit peu oster qu'on n'eust rompu ledict bois , et lesquelles pierres ont esté mises en ung sac à part avecq ledict or, et laissé audict thrésor ; et à ce faire auroit esté employé toute la matinée , et auroit esté faict fermer

ledict thrésor et continué l'assignation à l 'après disnée, et lesquelles pierres auroient esté mises avecq les aultres qui en avoient cy devant esté tirées, ensemble ledict or qui estoit de petit nombre.

Et ledict jour, à l'après disnée , aurions esté mandez en la maison dudict sieur de la Rochefoucault, auquel lieu estant, aurions trouvé lesdictz sieurs de la Rochefoucault et du Yigen ; et auroit esté mandé Mathurin Belot , maistre de la monnoye , et à lui baillé ung lingot d'argent blanc dudict Sainct- Martin pour faire l'essay, lequel auroit prins ledict lingot et auparavant que iceluy mettre à l'épreuve reviendrait à onze deniers deux gros. Et après ce faict, serions avec lesdictz sieurs de Genly, du Yigen et de Chaulmont transportez audict Sainct- Martin , et mandez lesdictz soubz doyen et Duguy chambrier, où peu après se seroit trouvé ledict sieur de la Rochefoucault et Henry de You. Et auroit esté faict ouvrir ledict thrésor par ledict Duguy, et ostez et faict mettre en ung coffre de bahu quarante lingotz d'argent doré dudict Sainct- Martin, et iceux faict mettre en une charrette et mener par quatre portefaix en la maison dudict sieur de la Rochefoucault ; plus , trente cinq lingotz d'argent doré, et deux culotz ronds et huict culotz plats,

tant grands que petits, aussy d'argent doré, et iceux faiet mettre en ung aultre coffre de bahu ; plus , soixante et huict lingotz et cinq culotz d'argent blanc, aussy faict mettre audict coffre de bahu; plus, quatorze lingotz d'argent doré et ung culot de l'argent de Mairmoustier qui a esté pareillement faict mettre audict coffre, et mis en une aultre charrette et le tout faict mener en la maison dudict sieur comte de la Rochefoucault , et laissé les grenages, tant de la fonte de Sainct - Martin , Sainct-Gatien que Mairmoustier audict thrésor, et iceluy faict fermer par ledict chambrier, et continué l'assignation au lendemain.

Du mercredy vingt sept.iesme jour de may.

JÉsîj le mercredy vingt septiesme jour desdictz mois et an , vacquant par ledict sieur de la Rochefoucault au faict desdictz de Sainct-Gatien et faisant fondre quelque argent doré , nous auroit esté mandé venir en ladicte église Sainct-Martin , où se faisoit la fonte dudict argent , dont auroit esté faict plusieurs lingotz , et y estant , auroit faict bailler les clefz dudict thrésor au sieur de Chaulmont, desquelles, ensemble de celles qui estoient par de-

vers nous , a esté , en présence dudict procureur du roy et dudict Duchamp, et par ledict Duguy , faict ouverture dudict thrésor pour y retirer lesdictz lingotz , qui auroient esté mis dans ung coffre dudict thrésor, qui estoit ung des bahus cy- devant aportez pour y mettre les lingotz, tant dudict Sainct-Martin que Sainct-Gatien, qui auroient esté fondus en ladicte fonte, et lequel coffre de bahu fermé par ledict sieur de Chaulmont auroit esté faict porter dedans la maison dudict sieur de la Rochefoucault ; et ensemble quelques sacz où il y avoit quelque quantité d'or, tant dudict Sainct- Gatien que dudict Sainct-Martin, ensemble les sacz où il y avoit plusieurs pierres qui avoient esté ostées de plusieurs châsses, croix et aultres joyaulx, dont est faict mention cy-dessus , et iceux sacz , tant d'or que de pierres , mis en des coffres de bahus estant dedans la chambre dudict sieur de la Rochefoucault , sçavoir est : ledict or et pierres dudict Sainct-Martin en ung coffre dont ledict sieur de la Rochefoucault nous avoit baillé la clef, n'estant ledict or encore poisé, et ledict sac d'or dudict Sainct-Gatien mis en ung aultre coffre dont la clef estoit par devers ledict sieur comte , et lesdictz coffres fermez en présence de nous, desdictz procureur du roy et Duchamp.

Du jeudy vingt huictiesme jour de may.

JSÎj le jour de jeudy, vingt huictiesme jour desdictz mois et an, vacquant comme dessus par lesdictz sieurs de la Rochefoucault et du Vigen à faire faire les essays à la monnoye de six lingotz d'argent blanc non doré et de l'or des deux derniers culotz dudict Sainct- Martin, poisant vingt huict marcz deux onces , et le tout baillé en garde audict maistre de la monnoye, aurions esté mandez par lesdictz sieurs à ce que eussions à nous transporter audict Sainct -Martin avecq ledict sieur du Vigen, pour faire recherche audict thrésor, pour sçavoir s'il restoit quelque chose soit d'or et d'argent pour mettre en fonte; et cherchant, auroit esté trouvé avecq les escraings et petitz coffretz des châsses et bagues cy- dessus , une mittre d'or appellée la mittre Sainct- Martin garnie de plusieurs pierres et chatons ; aussy auroit esté trouvé, derrière les coffres et armoires dudict thrésor, ung grand chandelier d'argent faict en façon de perles , lequel chandelier auroit esté défaict dedans ledict thrésor par lesdictz Basmette et de Vou, pour ce appeliez par ledict sieur du Vigen, qui n'auroit esté poisé , et auroit le tout esté porté en la maison

dudict sieur de la Rochefoucault. Aussy auroit esté prins audict thrésor dedans ung grand coffre auquel il y avoit grande quantité de pierres , partie bonnes partie faulses , toutes lesquelles choses auraient aussy esté portées, ledict Duguy présent, en la maison dudict sieur de la Rochefoucault , et en sa présence mis dedans ledict coffre de bahu dont nous avoit cy- devant esté baillée la clef.

Du vendredy vingt neufiesme jour de may.

Jëâj: le vendredy jour de lendemain, vingt neufiesme desdictz mois et an, nous lieutenant susdict, avec ledict procureur du roy et Duchamp, suivant le mandement desdictz sieurs de la Rochefoucault et du Vigen, serions transportez à la monnoye, où aurions trouvé lesdictz sieurs président Gardette, procureur et advocat du roy; et y estant, auroit ledict sieur de la Rochefoucault commandé que les dix aultres culotz d'or dudict Sainct-Martin fussent apportez à ladicte monnoye pour estre fondus ensemblement ou à part, avecq les deux aultres culotz d'or qui avoient esté baillés ledict jour d'hier audict maistre de la monnoye , suivant 3'essay d'icelle monnoye ; et a ceste fin , serions

nous lieutenant, avecq ledict greffier Duchamp et deux des gentilzhommes dudict sieur de la Rochefoucault, transportez en sa maison et prins audict coffre lesdicts dix culotz d'or, estant en ung sac, qui auroient esté portez par Fung desdictz gentilzhommes à ladicte monnoye et iceux à lui présentez; tous lesquelz douze culotz auroient estés fondus à trois fontes en creusetz comme cyaprès, sçavoir est : quatre culotz d'or du plus fin, lesquelz estant poisez se seroient trouvez monter à quarante marcz deux onces et seroient revenus à ladicte fonte à quarante marcz une once cinq gros , qui auroient esté marquez du marc du maistre de la monnoye. Plus, de l'or moyen desdictz deux culotz qui se seroient trouvez le jour d'hier poiser vingt huict marcz , avecq ung aultre culot desdictz dix culotz cy- dessus, poisant le tout trente cinq marcz, aussy marqué du marc dudict maistre de la monnoye , qui ne se seroient aucunement deschargez. Plus, auroient esté mis à la fonte les cinq aultres culotz restant desdictz douze culotz, avec ung lingot dudict Sainct-Gatien, poisant le tout trente six marcz qui seroient revenus à la fonte à trente cinq marcz seulement, et ce , parceque audict lingot de Sainct-Gatien se seroit trouvé grande quantité de terre , ciment et

pierre, estant encore apparente. Au moyen de quoy auroient esté de rechef lesdictz lingotz refondus avecq lesdictz cinq aultres lingotz cydessus, touslesquelz culotz ou lingotz, compris ledict lingot dudict Sainct-Gatien, se seroient trouvez poiser ensemblement cent onze marcz deux onces, qui auroient esté baillés audict maistre de la monnoye en garde. Et auroit ledict maistre Jean Lebrun , essayeur de ladicte monnoye , faict rapport des trois essays comme cy- après, c'est à sçavoir : desdictz quatre culotz et premier essay revenant à quarante cinq marcz une once cinq gros, comme dessus , et que le marc dudict or estoit à vingt ung caratz trois quarts de fin, qui seroit de valleur suivant l'ordonnance et taux du roy à huict vingt sept livres treize solz ung denier obole , qui seroit en somme six mille sept cent six livres cinq solz. Plus, auroit rapporté ledict or desdictz deux culotz et tiers culot dudict poids de trente cinq marcz ; iceluy Lebrun essayeur susdict a déclaré revenir à raison de dix neuf caratz trois quartz fin, qui seroit à raison, suivant le taux et ordonnance du roy, cent cinquante deux livres quatre solz dix deniers , montant en somme cinq mille trois cent vingt huict livres neuf solz deux deniers tournois. Auroit aussy rapporté ledict Lebrun avoir faict

essay de l'aultre et tierce fonte dudict or cydessus poisant pareille quantité de trente cinq marcz sept onces et demie , compris For qui y auroit esté adjouté des deux aultres lingotz qui auraient esté prins auparavant pour faire l'essay, qui se sont trouvez revenir à dix neuf caratz , qui serait à raison de cent quarante six livres neuf solz dix deniers tournois chacun marc, qui est en somme cinq mille deux cent soixante douze livres dix solz , qui serait en somme toute desdictz trois essays et marcz d'or cy- dessus, dix sept mille deux cent quarante sept livres quatre solz dix deniers. De tout lequel or, du poids et valleur cy- dessus, aurait esté faict essay en présence de René Boisleve, l'ung des gardes de ladicte monnoye , et de René Chalan, l'ung des contregardes de ladicte monnoye, tous lesquelz ensemblement auraient faict ledict essay et certifïié iceux Boisleve et Chalan ledict or estre de poids tiltre et valleur cy- dessus.

Du sabmedy trentiesme jour de may,

Jêè^t le sabmedy jour de lendemain , trente et penultiesme jour desdictz mois et an, à l'issue de la chambre du conseil, après l'heure de cinq

heures , est venu par devers nous Jean Rourgeau , président , et Gervais Goyet , lieutenant particulier susdiet , Pierre Duchamp , lequel en présence desdictz procureur et advocat du roy, nous a dict avoir charge de par les sieurs comte de la Rochefoucault, de Genly et du Yigen, de nous dire que eussions à aller présentement à ladicte maison de la Monnoye pour voir rédiger par escript les contracts et accords qu'ils avoient faicts avecq le maistre de la monnoye , pour luy faire faire monnoyer les lingotz d'or et d'argent qu'ilz avoient desdictes églises Sainct-Gatien, Sainct- Martin et aultres lieux. Au moyen de quoy serions nous, président et lieutenant particulier susdictz , avecq lesdictz procureur et advocat du roy et le greffier ou son commis , transportez en mesme instant en ladicte maison de la Monnoye , où aurions trouvé lesdictz sieurs de la Rochefoucault, de Genly et du Vigen accompagnez de plusieurs gentilzhommes , lesquelz nous auroient faict entendre qu'ils avoient faict accord et arresté avecq ledict maistre de la monnoye et qu'ilz vouloient qu'il fust rédigé par escript en nos présences; auxquelz avons remonstré que par les lettres de monsieur le prince de Condé, lesquelles ilz avoient apportées, estoit mandé assister pour faire procès -verbaux et in-

ventaires desdictes reliques poids et estimation d'icelles, ce qui n'estoit encorre parachevé, et n'estoit rien mandé par lesdictes lettres de faire monnoyer les lingotz d'or et d'argent en quoy seroient convertis lesdictz reliquaires; mais au contraire estoit porté par les lettres , que l'intention de mondict sieur le prince estoit de faire porter lesdictz lingotz en la ville d'Orléans , pour les conserver au roy et aultres qu'il appartiendroit comme ses plus précieux meubles. A quoy auroit esté respondu par le sieur de Genly qu'ilz avoient charge de mondict sieur le prince de faire monnoyer lesdictz lingotz d'or et d'argent en la monnoye de ceste ville ; et à ceste fin , nous auroit présenté une lettre ou mandement en datte du vingt cinquiesme jour des présens mois et an, signée Louis de Bourbon et scellée en placart de cire rouge, disant qu'oultre ledict mandement il se faisoit fort d'obtenir d'aultres lettres, commission ou mandement suffisant à ceste fin de mondict sieur le prince, ce que pareillement lesdictz sieurs de la Rochefoucault et du Yigen auroient promis. Attendu laquelle remonstrance , avons, à la conservation des droits du roy et aultres qu'il appartiendra, assisté à faire rédiger par escript le contract selon que lesdictz sieurs de la Roche-

foucault, de Genly et du Vigen ensemble le maistre de la monnoye nous ont rapporté et faict entendre leurs accords et pactions, pour le faict et fabrication de ladicte monnoye d'or et d'argent, et ce par nostredict greffier et son commis en la forme et manière qui s'ensuit :

Aujourd'huy sabmedy trente et penultiesme jour de may mil cinq; cens soixante deux, messieurs messires François comte de la Rochefoucault, seigneur dudict lieu ; François de Hangest sieur d e Genly, chevallier de l'ordre du roy, et messire François du Fou, aussy chevallier seigneur du Yigen , après qu'ilz ont déclaré avoir depuis trois ou quatre jours communiqué avecq plusieurs personnes et gens à ce cognoissans , pour réduire en monnoye et espèce d'or et d'argent les lingotz d'or et d'argent estant entre leurs mains et par eux prins des églises de Sainct-Gatien et de Sainct- Martin de ceste ville de Tours , suivant le pouvoir de monsieur le prince de Condé datté du vingt cinq des présens mois et an, signé Louis de Bourbon et scellé en placart de cire rouge aux armoiries dudict seigneur prince, dont la coppie est délivrée au greffe, ont baillé et délivré à Mathurin Belot, maistre de la monnoye de ceste ville de Tours , présent et acceptant , le nombre et

quantité de quatre vingt six lingotz et culotz d'argent blanc, poisant tous ensemble neuf cent quatre vingt douze marcz six gros, et en oultre et par dessus, sept aultres lingotz d'argent blanc qui revenoient à cent marcz trois onces, que ledict Belot a confessé lui avoir esté baillé et délaissé dès mardy dernier, qui est en somme, mille quatre vingt douze marcz trois onces six gros. Plus luy a esté baillé et dellivré par lesdictz sieurs par cydevant, ainsy que ledict Belot présentement a recongneu par devant nous , le nombre et quantité de marcz d'or et des tiltres cy- après, c'est à sçavoir : quarante marcz une once cinq gros rapportez par les essayeurs garde et contregarde de ladicte monnoye au tiltre de vingt ung caratz trois quartz de carat de fin ; plus trente cinq marcz d'or au tiltre de dix neuf caratz trois quarts de carat de fin ; plus trente cinq marcz sept onces et demie revenant à dix neuf caratz de fin , ainsi que par Jean Lebrun essayeur, Estienne Boisleve garde et René Chalant contregarde de ladicte monnoye présens a esté rapporté et certifïié , et que ledict Belot mesme a recongneu lesdictes espèces estre dudict tiltre et avoir esté marquées de son poinson audict tiltre ; toutes lesquelles espèces ledict Belot a promis et s'est chargé de convertir et faire convertir

en monnoye d'or et d'argent respectivement, et icelle monnoye rendre preste selon l'ordonnance du roy, c'est à sçavoir : pour For qui est au tiltre de vingt ung caratz trois quartz, la somme de huict vingt sept livres treize solz ung denier obole; l'aultre or du tiltre dix neuf caratz, le tout de fin , sept, vingt six livres neuf solz deux deniers tournois le marc, qui est le prix et valleur que ledict or dudict tiltre que dessus a esté par lesdictz essayeurs garde et contregarde rapporté valloir, selon l'ordonnance du roy. Sur toutes lesquelles sommes respectivement sera audict Belot desduict et rabattu pour la façon de chacun marc d'or la somme de huict livres quinze solz tournois, tant pour tous frais que pour adoucir l'or, parcequ'il s'est trouvé aigre et fort caligineux, ainsy que lesdictz essayeur garde et contregarde ont certiffié présentement. Et quant à l'argent blanc, ledict Belot l'a pareillement promis rendre monnoyé en testons et demy testons dedans ledict temps, et pour iceluy fournir quinze livres deux solz six deniers tournois par chacun marc, tous fraictz faictz par ledict Belot, et sans aulcune chose en diminuer. Et à tout ce que dessus ledict Belot s'est soubzmis, mesmement son corps à tenir prison, comme pour les propres deniers et affaires du

roy, fournissant lequel or et argent monnoyé lesdictz sieurs ont promis audict Belot quittance de leurs mains, et le tout à peine de dommaiges et intéretz. Et tout ce que dessus faict en la présence de tous les dessusdictz essayeur, garde et contregarde , et de nous Jean Bourgeau , président au siège présidial de Tours , Gervais Goyet , lieutenant particulier, commissaire audict siège, et maistre Jean Falaiseau, advocat du roy audict siège, et Jean Houdry, procureur du roy, les jours et an que dessus, ainsy signé : de la Rochefoucault , Genly , du Yigen , Bourgeau premier président, Goyet, Falaiseau, Houdry, Belot, Boisleve, Chai an t et Lebrun.

Du dimanche trente et ungiesme jour de may.

le dimanche dernier jour desdictz mois et an , nous lieutenant susdict aurions esté mandé par ledict sieur de la Rochefoucault en sa maison , ensemble ledict procureur du roy, greffier et ledict Duchamp , où nous serions transportez en mesme instant , et nous auroit faict faire ouverture , ledict sieur de la Rochefoucault , d'un coffre de bahu estant en sadicte chambre dont il nous auroit cy-