GO

devant esté baillé la clef, duquel coffre auroit esté tiré et représenté quatre vingt dix neuf chatons d'or, et desquelz auroit, cy- devant et dès le sabmedy vingt troisiesme des présens mois et an, esté osté les pierres mentionnées au procès -verbal faict ledict jour, lesquelz chatons auroient esté deschargés de cire ou ciment en partie par ledict Pierre Chesneau, et pour ce faire, mis sur des chauffrettes , et iceux deschargez et remis dans ledict coffre, en présence dudict Anthoine de la Rochefoucault, sieur de Chaulmont et aultres gentilzhommes et desdictz Duchamp et Chesneau, et iceluy faict fermer, et retenu par devers nous ladicte clef dudict coffre.

Du lundy premier jour de juing.

^E^T le lundy premier jour du mois de juing ensuivant, vacquant par ledict sieur du Yigen et ledict sieur de Chaulmont, assistant le sieur lieutenant général et procureur du roy, accompagnez de plusieurs gentilzhommes, Chesneau, Hutel, Basmette, de Vou, orfebvres susdictz, en l'église dudict Sainct-Martin à faire brusler quelques boys et moulleures des châsses de Mairmoustier qui

avoient cy- devant esté mises en une tour dudict Sainct-Martin appellée la tour de Mairmoustier, où cy- devant avoit esté mis par ledict lieutenant général ou procureur du roy les châsses ou joyaulx qui avoient esté apportées dudict Mairmoustier, aurions esté mandez par le sieur du Yigen de nous trouver en ladicte église, et y estant, ledict sieur du Yigen nous auroit dict, présens ledict Duchamp et procureur du roy, Duguy chambrier et Brunet, avoir pour les différens qui seroient survenus cydevant pour la vente des cendres provenues de la fonte de l'argent doré et argent blanc, provenant dudict Sainct-Martin et quelque partie dudict Sainct-Gatien et Mairmoustier, et pour avoir certaine connoissance de la valleur de l'argent qui se pourroit trouver esdictes cendres , avecq lesquelles aultres cendres de l'or fondu et provenant desdictz douze culotz dont est faict mention cy-dessus , auroient esté mises et assemblées avecq les aultres cendres dedans les cuviers, poisles et poches estant audict thrésor, il auroit advisé de mettre lesdictes cendres tant d'or que d'argent es mains desdictz Basmette et de You, ensemble desdictz Hutel et Chesneau, pour icelles faire laver et nettoyer et rapporter par devers eulx l'or et l'argent qui se trouveroit esdictes cendres lavées , et sauf à leur

faire taxe de leurs sallaires et vacations; d'avoir faict et faict faire lesdictes laveures, et qu'à ceste fin eussions à envoyer quérir la clef qui estoit par devers nous , pour faire ouverture dudict thrésor. Ce que aurions faict ; en mesme instant, auroit esté ledict thrésor ouvert par ledict Duguy chambrier en la manière que dessus, et en la présence desdictz Brunet, Duchamp et procureur, dudict la Rochefoucault, sieur de Chaulmont; et lesdictz Basmette, de You, Hutel et Chesneau se seroient respectivement chargez desdictes cendres, etfidellement rapporter et représenter ce qui se trouveroit d'or et d'argent , sauf à leur faire taxe comme il leur auroit esté cy-dessus offert ; et auroit ledict thrésor esté refermé.

Et ledict jour à Faprès disnée aussy, aurions esté mandez en la maison dudict sieur de la Rochefoucault, ensemble ledict Duchamp et greffier, par lequel sieur de la Rochefoucault auroit esté commandé à l'ung de ses gentilzhommes faire ouverture du coffre de bahu dont avons la clef et faict extraire ladicte couppe de Charlemagne dont est faict mention cy-dessus, et tiré d'icelle les pierreries par ledict Chesneau, et y proceddant, se seroit absenté ledict sieur de la Rochefoucault , et pour voir oster lesdictes pierreries seroit demouré

ledict sieur de Genly ; et icelles pierreries ostées , auroient esté mises en ung des sacz ou estoient les aultres pierreries, et le tout remis dedans ledict coffre. Pendant lequel temps que proceddions à ce que dessus seroit venu ledict sieur de la Rochefoucault, en présence duquel auroit esté fermé ledict coffre et remis entre nos mains ladicte clef.

Du mardy deuxiesme jour de juing.

le mardy jour de lendemain, deuxiesme jour desdictz mois et an, estant lesdictz sieurs de la Rochefoucault, de Genly et du Vigen en ladicte nionnoye , et faisant parfaire quelques essays d'or et d'argent dudict Sainct-Gatien, assistant avecq eux lesdictz sieurs président Gardette , procureur du roy et ledict sieur de Chaulmont , aurions esté mandez avecq ledict Duchampoù serions en mesme instant trouvez , et lesquelz sieurs nous auroient dict vouloir faire fondre en la chambre ou boutique dudict Lebrun essayeur, le reste de l'or provenant desdictes châsses, croix, chatons de la mittre de Sainct- Martin, et que eussions à bailler ladicte clef dudict bahu pour faire apporter par l'un de leurs gentilzhommes ledict or, à quoy aurions dict

que estions pretz de nous transporter avecq ledict Duchamp présent et tel de leurs gentilzhommes que bon leur sembleroit et d'ouvrir ledict bahu et apporter à ladicte monnoye ledict or restant comme dessus; ce que aurions faict en mesme instant. Et auroit esté apporté ledict or par l'ung desdictz gentilzhommes, et lequel or, en présence desdictz sieurs et desdictz gentilzhommes, maistre de la monnoye et dudict Chalant contregarde , se seroit trouvé poiser ledict or, poisé par ledict Lebrun essayeur susdict , à la quantité de dix huict marcz six gros , et laquelle quantité d'or auroit esté mise dedans ung creuset en la présence des susdictz; partie duquel or n'estoit net , ains chargé de terre ciment et cire, et estant ledict or fondu, s'est trouvé monter seulement à la quantité de seize marcz deux onces et demie, oultre cinq gros qui auroient esté prins par l'ung desdictz gentilzhommes dudict sieur de la Rochefoucault ; et lequel or cy-dessus auroit esté porté à la maison dudict sieur de la Rochefoucault par ledict gentilhomme , en présence desdictz garde et contregarde, et iceluy faict serrer en une garde -robe près la salle de ladicte maison , où il auroit pareillement faict serrer les aultres lingotz et culotz d'or et d'argent dont est parlé cy-dessus.

Du meroredy troisiesme jour de juing.

JEÊjt le troisiesme jour desdictz mois et an que dessus, nous lieutenant susdict aurions esté mandez par ledict sieur du Vigen , lequel nous auroit dict que lesdictz sieurs de la Rochefoucault et de Genly estoient partiz pour leur en aller au mandement de mondict sieur le prince, et qu'ilz auroient laissé le fourrier de la compagnie dudict sieur de la Rochefoucault en une petite estude où estoient lesdictz lingotz, qui a requis que iceux fussent comptez : au moyen de quoy, en la présence dudict procureur du roy et dudict advocat dudict sieur, et en la présence dudict Duchamp , avons trouvé en ladicte estude soixante dix huict pièces , tant lingotz que culotz , dont il y en a ung ou deux estant d'argent doré; plus dix sept lingotz d'argent blanc restant de vingt quatre marcz, dont en auroit esté baillé sept au maistre de la monnoye cy- devant, pour faire l'essay avec aultres; plus ung aultre lingot d'argent vermeil que ledict fourrier a dict luy avoir esté baillé avec les vingt quatre marcz d'argent blanc. Oultre, a ledict fourrier dict luy avoir cejourd'hui esté baillé une clef d'ung coffre dont il n'avoit eu le maniment , toute-

fois Ta ouvert en présence dudict sieur du Yigen et dudict advocat Falaiseau, et esté trouvé en iceluy le nombre de trente cinq tant lingotz que culotz , ayant pour marque une croix ; dans lequel coffre ont esté mis lesdictz dix sept lingotz d'argent blanc; et au regard dudict lingot d'argent doré a esté mis avecq les soixante et dix huict; et auquel avons faict bailler ung coup de cizeau et faict fermer ledict coffre , et pris par ledict sieur du Yigen lesdictes deux clefz , et faict transporter dudict logis de la damoiselle de Montifroy, où estoit logé ledict sieur de la Rochefoucault , en une charrette au logis de la Bourdaisière , où ledict sieur du Yigen est logé, pour le tout conserver en plus grande seureté.

Et ledict jour auroit esté par nous remonstré audict sieur du Yigen, que pour procedder à ce qui restoit à exécuter des lettres dudict sieur comte , il convenoit faire appréciation ou évaluation des lingotz , tant d'argent blanc que d'argent vermeil doré, et qu'à ceste fin aurions faict comparoir ledict Lebrun essayeur susdict, et ledict Chalant contregarde , lesquelz , en présence dudict sieur du Yigen, procureur du roy et Duchamp, auroient dict que pour faire ladicte évaluation il conviendroit de chacun lingot tant d'argent doré

que d'argent blanc prendre jusques au poids d'ung gros, et en faire essay, parce que à l'inspection desdictz lingotz qu'ilz avoient cy-devant veus, aulcuns estoient plus fins et d'argent net que les aultres , et les aultres plus chargez d'or aussy les uns que les aultres. Ouïe laquelle déclaration par ledict sieur du Yigen desdictz essayeur et contregarde, nous auroit dict que, attendu que ledict essay qu'il conviendroit faire desdictz lingotz prendroit long traict, qu'il se déportoit quant à présent d'en faire faire aucun essay, disant que pour le regard dudict argent blanc il l'auroit, avecq lesdictz sieurs de la Rochefoucault et de Genly, baillé , à raison de quinze livres deux sols six deniers tournois le marc, au maistre de la monnoye, dont auroit de ce esté passé contract dont est parlé cy- dessus; et quant est dudict argent vermeil doré qu'il n'entendoit quant à présent le faire monnoyer, ains le faire porter audict sieur le prince de Condé , auquel il feroit les remonstrances cy-dessus, afin d'en faire faire essay ou autrement en disposer à son bon plaisir, attendu mesmement que lesdictz lingotz d'argent doré auroient cy-devant esté marquez par le maistre de la monnoye comme appert par iceux.

Du sabmedy sixiesme jour de juing.

Jtâjr le sabmedy sixiesme jour desdictz mois et an que dessus, auroit ledict sieur du Yigen mandé nous lieutenant susdict et Duchamp, ensemble les gens du roy qui seroient comparus en la présence dudict maistre Jean Falaiseau, estant lors ledict sieur du Yigen à ladicte monnoye, pour faire serrer les charbons et grenages de l'église Sainct- Martin, de Mairmoustier et aultres reliques qui auroient esté fondues en la matinée , à ce que eussions à nous trouver à ladiete monnoye, ce que aurions faict en mesme instant, et lequel auroit donné charge à deux de ses gentilzhommes et audict Duchamp de nous transporter en la maison de François Lichany, size au carroy Jean de Beausne , en laquelle ledict sieur du Yigen se seroit retiré pour la venue de la reine de Navarre qui estoit logée en la maison de la Bourdaisière, et faire ouverture dudict coffre de bahu dont par cy- devant ledict sieur de la Rochefoucault nous auroit baillé la clef dont est parlé cy-dessus, et faire mectre entre les mains desdictz deux gentilzhommes la couppe appellée la couppe de Charlemagne dont les pierres auroient esté ostées, et la

mittre d'or dudict Sainct- Martin, dont au semblable auroient esté ostées les pierres et chatons d'icelle , pour estre mises en ung creuset en ladicte monnoye , ce que aurions faict en mesme instant ; et estant lesdictes couppe et mittre en ladicte monnoye , se seroit comparu Lebrun essayeur, pour ce mandé , auquel auroit esté baillé ung gros d'or de ladicte couppe pour en faire essay, et lesquelles mittre et couppe, mises audict creuset et tirées, se seroient trouvées monter trente cinq marcz cinq onces deux gros, qui auroient esté mis en dix neuf petits lingotz et ung petit bout , et oultre quelques grenages ; et auroit esté trouvé aux cendres du fourneau où estoit ledict creuset sept onces et demie dudict or, revenant le tout à trente six marcz quatre onces et demie deux gros. Et lequel Lebrun essayeur susdict, ledict jour, en la présence dudict sieur du Yigen , dudict Anthoine de la Rochefoucault sieur de Chaulmont , advocat du roy , Chalant contregarde et aultres , nous auroit rapporté que ledict or cy- dessus revenoit à vingt caratz ung quart de fin , revenant au poids de l'ordonnance du roy chacun marc à sept vingt seize livres un sol deux deniers tournois, qui seroit en somme toute que se monteroient lesdictz trente six marcz quatre onces et demie cinq mil

six cens dix neuf livres ung sol quatre deniers , et lequel or tel que dessus auroit esté apporté par ledict maistre de la monnoye avecq quelques grenages en la maison dudict sieur du Yigen, présens ledict sieur de Chaulmont, Duchamp essayeur et garde susdict.

Du dimanche septiesme jour de juing.

JÊâj: le lendemain jour de dimanche, septiesme jour desdictz mois et an que dessus, nous lieutenant particulier susdict avons esté mandé par ledict sieur du Yigen , estant en la maison dudict Brunet soubz doyen susdict, de nous trouver en icelle, ce que avons faict en mesme instant , où estoient ledict du Yigen et plusieurs aultres gentilzhommes, ensemble les advocat et procureur du roy et ledict de Mervillier chantre, Brunet soubz doyen susdict, Duguy chambrier, Brodeau , Barguin , Dulys , Cherouvrier, Girardet, Berthelot chanoines de ladicte église Sainct- Martin, auxquelz ledict sieur du Yigen , tant pour lesdictz sieurs de la Rochefoucault, de Genly que luy, auroit remonstré ausdictz chanoines comparans comme dessus en nostre présence et desdictz gens du roy, que lesdictz sieurs

de la Rochefoucault , de Genly et luy n'avoient voulu aucune chose entreprendre sur les chappes et aultres ornemens de ladicte église , et que lesdictz chanoines eussent à déclarer s'il avoit esté par eulx ou aucuns d'eulx aucune chose entreprise sur lesdictes chappes , paremens d'autel , ou aultrement sur les linges, pour, leur déclaration faicte, en avoir acte pour luy servir ce que de raison ; et oultre pour l'approbation de ce qui avoit esté faict par eulx en nostre présence et des gens du roy, assistans lesdictz chanoines ou aucuns d'eulx, pour le regard des joyaux, bagues et reliquaires trouvez audict thrésor, à plain contenu en nostre présent procès -verbal, que iceulx chanoines eussent à signer ledict procès- verbal. Lesquelz chanoines, parlant par ledict Brunet soubz doyen, auroient dict et déclaré audict sieur du Yigen, en nostre présence et desdictz gens du roy, que lesdictz sieurs de la Rochefoucault , de Genly et du Yigen n'avoient aucune chose prinse des chappes ou aultres paremens de ladicte église ni ornemens, fors et excepté tous les reliquaires, bagues et joyaux, tant d'or, d'argent que pierres, qui avoient esté trouvez en leur dict thrésor à plain contenu en l'inventaire et proces-verbal , ilz estoient près de signer, en leur faisant bailler

coppie d'iceluy, et que de ladicte déclaration ilz en feroient faire acte par le notaire de chapitre de ladicte église , ou par devant notaire royal , ainsi que bon sembleroit audict sieur du Yigen. De laquelle déclaration cy-dessus ledict sieur du Vigen , tant pour lesdictz sieurs de la Rochefoucault et Genly que luy, nous en auroit requis acte , en présence desdictz gens du roy, pour luy servir et valloir ce que de raison; et lequel sieur du Yigen auroit ledict jour mis par devers nous ung acte capitulaire en datte de ce dict jour contenant la déclaration cy- dessous desdictz chanoines de ladicte église , signée par chappitre , Mesmyn , et duquel la teneur s'ensuict.

Nous, chanoines et chappitre de l'église Monsieur sainct Martin de Tours, certifiions à tous qu'il appartiendra que haults et puissants seigneurs, Messire François comte de la Rochefoucault, chevallier de l'ordre du roy nostre sire et capitaine de cinquante hommes d'armes des ordonnances dudict seigneur, et François de Hangest seigneur de Genly, aussy chevallier dudict ordre , et François du Fou , aussy chevallier, sieur du Yigen, n'ont prins, enlevé ni emporté de nostredicte église , fors et excepté seulement tous les reliquaires, joyaux, tant d'or que d'argent et

pierreries qu'ilz ont trouvez dedans le thrésor de nostre dicte église et qui sont contenus par le menu en l'inventaire et procès -verbal qui en a esté faict par auctorité de justice , où aucuns de nous avons assisté , et selon la présentation et délivrance qui leur en a esté faicte par le chambrier, offrant par nous chanoines et chappitre signer le procès-verbal et inventaire de monsieur le lieutenant Goyet , nous en baillant coppie signée , ce que ledict sieur du Yigen, se faisant fort, tant pour lesdictz sieurs de la Rochefoucault , de Genly que pour luy , a accordé, déclarant ne se vouloir aucunement charger desdictz joyaux et reliquaires dudict Sainct-Martin que de ce qui est contenu audict inventaire , et ont les dessusdictz promis en bailler acte, soit par devant leur notaire, ou aultre notaire royal ; en témoing de ce , nous avons faict signer cette présente certiffication du seing manuel de nostre notaire. Faict à Tours, le dimanche septiesme jour du mois de juing mil cinq cens soixante deux. Ainsi signé : par le chappitre, Mesmyn.

Et ce faict, a esté rendu ledict original à maistre Gilles Boucher procureur dudict du Vigen, pour le bailler à iceluy sieur du Yigen , qui avoit promis ce faire. Et ce faict, auroit iceluy sieur du Vigen

déclaré auxdictz chanoines comparans comme dessus qu'il entendoit cejourdhuy ou présentement faire apprécier lesdictes pierres, tant agathes, émerauldes, saphirs, perles et toutes aultres pierres qui avoient esté trouvées en ladicte église , et que à ceste fin ilz eussent à accorder de deux d'entre eulx pour assister à ladicte appréciation, et que pour ce faire ilz eussent à se trouver en la maison dudict Lichany, où il feroit trouver lapidaires, orfebvres et aultres gens à ce cognoissans, pour faire ladicte appréciation ; lesquelz chanoines auroient déclaré qu'ilz assisteroient , ou Fung d'eulx, à ladicte appréciation, et que présentement ilz alloient en délibérer.

Et ce faict, ce requérans lesdictz chanoines comparans comme dessus, auroient esté rendues, en présence de tous les dessusdictz, les defz dudict thrésor dudict Sainct - Martin , sçavoir est : trois pacquets, l'ung desquelz avoit ledict sieur de Genly et Taultre ledict sieur du Yigen et nous l'aultre , et lesquelles avoient esté délaissées entre nos mains le jour que lesdictes cendres avoient esté baillées auxdictz Basmette , de You , Chesneau et Hutel. Et a esté baillé l'ung desdictz pacquets, sçavoir est : audict de Mervillier chantre ung pacquet, audict Brunet soubz doyen ung aultre, et au-

dict chambrier ung aultre , parce qu'ilz les avoient représentées lorsque proceddions au premier inventaire desdictes choses, et aussy que lesdictz aultres chanoines ont dit qu'ilz avoient de coutume de icelles tenir et garder.

Et après ce faict serions transportez , avecq ledict sieur du Yigen et gens du roy cy- dessus, et nostredict greffier, en la maison dudict Lichany, en laquelle estant se seroient trouvez peu après lesdictz de Mervillier chantre, Brunet soubz doyen et Duguy chambrier, et avoient esté mandez par le sieur du Yigen lesdictz Basmette, de You, Chesneau, Hutel, orfebvres, René Yidoue et Jean Rogaton, lapidaires et tailleurs de pierres, desquelz , ce requérant ledict sieur de Genly et gens du roy, avons prins le serment au cas requis et proceddé à l'appréciation desdictes pierres cydessus mentionnées comme s'ensuivent. Et pour ce faire a esté tiré d'ung coffre de bahu ung corporallier et ung sac auquel ont esté trouvées les pierres cy- après.

Premièrement , une grande agathe et sardoyne en laquelle est Yénus et Mars, estimée huict cens escus.

Une grande ametiste feslée et cassée et environnée d'or, appréciée dix escus.

Ung camahieux de Bachus antique, apprécié dix escus.

Une grande sardoyne garnie d'argent ayant quelques pierreries, appréciée vingt cinq escus.

Ung camahieux antique auquel est ung petit Cupidon et Vénus, apprécié vingt escus.

Ung grand camahieux d'agathe bien fort beau , apprécié vingt escus.

Une ametiste damastiquée, appréciée six escus.

Toutes lesquelles choses ont esté remises dans ledict corporallier et tiré dudict sac les pierres cy- après.

Plus , une agathe à fond de cuve ou ovalle , appréciée six escus.

Une cornaline et une agathe bruslée, ung jaspe rouge et une aultre cornaline , le tout ensemble à six escus.

Plus , d'une bource ou bougette a esté tiré ce qui s'ensuict :

Ung camahieux en forme de Cezard , rompu et bruslé , estimé à quatre escus.

Une grande émeraulde du Pérou qui n'est guère belle, avec quatre petites et deux chatons, estimées ensemble six escus.

Deux camahieux, une cornaline grande, appréciée six escus.

Une calcédoine grande, deux petites cornalines, une amétiste et une petite émeraulde , apprécié le tout à deux escus.

Une émeraulde belle, appréciée cinquante escus.

Deux ametistes, ung escu.

Deux camahieux agathe dont Fung est bruslé , estimés deux escus.

Ung saphir en forme de Heur de lys à quatre pantes où il y a une émeraulde dessus, apprécié vingt cinq escus.

Ung saphir mal net, apprécié ung escu.

Quatre gros saphirs mal netz , appréciés quinze escus.

Une grande agathe marine enchâssée en or, appréciée cinq escus.

Dix saphirs dont il y en a deux faulx , appréciés le tout ensemble à huict escus. .

Plusieurs perles trouvées en divers pacquetz et mises toutes ensemble , aucunes d'icelles ayant chatons; le tout apprécié à trente escus.

Quatre petites émerauldes et une agathe , appréciées ensemble à deux escus.

Plus, ung grand vase d'agathe garny d'argent doré et faict en forme de flascon, estimé à cinq cens escus.

Quinze saphirs, appréciés six escus.

Dix pièces d'agathe , appréciées le tout ensemble à ung escu.

Plusieurs pierreries tant saphirs que aultres petites pierreries, le tout mis en ung papier, apprécié ung escu.

Trente émerauldes , tant grandes que petites, les unes cassées , les aultres entières , apprécié le tout ensemble à deux escus.

Quinze pièces d'ametistes et grenatz, le tout apprécié ensemble , avecq aultres petitz grains de grenat, à deux escus. /

Plus a esté tiré dudict coffre un sac auquel a esté trouvé ce qui s'ensuict :

Plusieurs pierres de diverses sortes en une boeste, appréciées ensemble à vingt cinq escus.

Plusieurs pierres avecq leurs chatons , tant saphirs que pierres d'émerauldes , estant dedans ung corporallier, appréciées ensemble à six escus.

Plus vingt huict saphirs, appréciés trente escus.

Plus treize topazes , appréciées ensemble à vingt six escus.

Quatorze émerauldes, appréciées ensemble à vingt escus.

Quatre chatons de rubys dont il y en a deux en chatons et deux hors les chatons , appréciés deux escus.

Une fleur de lys de rubys , appréciée quarante escus.

Une grande mittre couverte de perles et pierreries de diverses couleurs garnies de leurs chatons , appréciée avecq une aultre mittre de tafetas ayant quelques bouquetz de perles, ensemble à cinquante deux escus.

Plusieurs aultres pierres de diverses sortes, la plupart en chatons et les aultres sans chatons, apprécié le tout ensemble à onze escus.

Trente six saphirs tant percés que mal netz, appréciés à vingt cinq escus.

Plus , plusieurs aultres pierres de diverses coulleurs qui ont esté mises en ung sac sans estre appréciées, pour ce que ce n'estoit que doubletz.

Et le tout desdictes pierreries cy- dessus remis dans ledict coffre de bahu, et iceluy faict fermer par ledict sieur du Vigen, et retenu la clef en une chambre de ladicte maison, et icelle faict fermer.

Et proceddant à ce que dessus, se sont comparus les procureurs de la paroisse de la Riche en la personne de Bonaventure Barré et ung aultre qui ont rapporté que une croix et ung calice auroient le jour d'hier esté baillés audict sieur du Vigen qui auroit icelles choses baillées audict Basmette

pour faire fondre, et qu'il auroit pour ce poisez en leur présence , et se seroient trouvez poiser en argent net six marcz et demy, dont auroit esté faict deux lingotz baillez audict sieur du Yigen estimez à raison de quinze livres le marc, qui seroit en somme quatre vingt dix sept livres et demie , comme ledict sieur du Yigen Tauroit ainsy recongnu et confessé. Et oultre, auroit représenté ledict Barré et l'aultre procureur nommé Hélie Nourry, une image de sainck Sébastien et ung petit reliquaire , et une petite croix qui auroient esté poisez, et se seroient trouvez monter cinq marcz et demy qui auroient esté baillez par ledict sieur du Yigen auxdictz Chesneau et Hutel, à raison de pareille somme de quinze livres le marc, montant à quatre vingt deux livres dix solz , qui auroient esté laissez auxdictz Chesneau et Hutel pour partie des frais.

Aussy auroient lesdictz Basmette et de You dict et déclaré audict sieur du Yigen , avoir faict nettoyer les cendres à eux cy-devant baillées , et dont est faict mention cy-dessus et revenir à la quantité de dix sept marcz et demy, à ladicte raison de quinze livres le marc, non compris quelques grains et grenailles restant desdictes cendres qui est en somme deux cens soixante dix livres dix

solz qui pareillement auroit esté retenue pour les frais comme cy-après.

Plus, auroit ledict Hutel déclaré debvoir ung marc d'argent , à ladicte raison de quinze livres , pour aultres cendres à luy cy- devant baillées et dont est faict mention cy-dessus, pareillement retenues pour lesdictz frais, montant lesdictes choses cy-dessus à trois cens soixante livres.

Du lundy huictiesme jour rie juin;;.

JêHj le lendemain jour de lundy, huictiesme jour desdictz mois et an, nous lieutenant, Duchamp procureur du roy et greffier, serions transportez en ladicte maison du sieur du Vigen suivant son mandement , et y estant , ont esté représentées les choses qui s'ensuivent , partie desquelles auroient esté inventoriées et non appréciées.

Ung petit vaisseau d'agathe garny d'argent doré, apprécié cinquante escus soleil.

Deux chopinettes ou canettes de christal aussy garnies d'argent doré, appréciées ensemble à douze escus.

Plus, auroit esté tiré l'or d'ung grand christal ayant quelques pierreries à Pentour, partie

laulses, partie bonnes, qui se seroit trouvé poiser ung marc six onces.

Plus, auroit esté tiré aultre or d'ung vase de verre en forme de flascon, lequel fondu se seroit trouvé monter à ung marc , faisant le tout ce que dessus deux marcz six onces.

Tout lequel or dudict poids auroit esté retenu par ledict sieur du Yigen, ensemble tout ledict argent et aultres choses cy- dessus.

Plus, pour parfournir auxa^ctz frais, salaires et vacations tant des officiers de la justice, orfebvres , manœuvres que aultres qui auroient assisté audict inventaire cy- dessus auroit esté baillé l'argent et pierreries qui s'ensuivent à Henry de Vou.

Et premièrement, dix sept marcz d'argent tant blanc que doré , provenant d'ung chandelier d'argent trouvé audict thrésor dont est faict mention cy- dessus.

Plus, lesdictz deux lingotz poisant six marcz et demy que ledict sieur du Vigen auroit retenu , à laquelle quantité de dix sept marcz est compris une couronne d'argent garnie de pierres faulses, et quelques petites perles, et quelques petites pierres, et deux petites châsses, de la longueur d'ung demy pied couvertes d'une petite feuille

d'argent et garnies de plusieurs pierres faulses, qui seroit en somme dudict argent baillé audict de Vou vingt trois marcz et demy, à ladicte raison de quinze livres le mare, montant à trois cens cinquante deux livres dix sols.

Plus, a esté baillé audict de You pour les causes que dessus, quatre saphirs proceddant dudict christal dont est cy- dessus parlé, appréciés à dix escus vallant vingt et cinq livres.

Plus, a esté baillé audict Duchamp par ledict sieur du Vigen pour les causes que dessus, ung petit lingot d'or qui auroit esté trouvé avecq ledict argent cy- dessus par ledict de Vou, poisant quatre onces , à raison de dix sept livres deux sols Fonce, montant soixante et dix livres, qui seroit en somme pour fournir à tous lesdictz frais, huict cens sept livres dix sols.

Sur quoy auroient esté payés et fournis les frais qui s'ensuivent ; sçavoir est :

Pour les frais dudict Sainct-Gatien faictz à la fonte desdictz joyaux et reliquaires , tant d'or que d'argent, cinquante deux livres six sols deux deniers.

Plus, pour aultres frais faictz audict Sainct- Martin pour les causes que dessus , trois cens trois livres dix sols.

Plus, pour les officiers de la justice, greffiers et aultres personnes qui auroient assisté avecq lesdictz sieurs de la Rochefoucault , de Genly et du Vigen à l'inventaire ou évaluation et appréciation des joyaux, tant d'or que d'argent, convertis en lingotz , et pierreries trouvées ès dictes châsses et joyaux tant desdictz lieux de Sainct - Gatien , Sainct-Martin que Mairmoustier, qui se trouvent monter à la somme de quatre cens quarante livres, qui seroit en somme de torts lesdictz frais, sallaires et vacations d'avoir vacqué à ce que dessus , sept cens quatre vingt quinze livres douze sols six deniers, et partant reste de ladicte somme cydessus délaissée pour lesdictz frais, onze livres dix sept sols six deniers tournois.

Touttes lesquelles choses cy-dessus, nous lieutenant susdict, assistans avecq nous les commis et députez , gardes et contregardes et aultres personnes cy-dessus nommées, et mesmement lesdictz chanoines et chambrier qui s'y seroient trouvez , selon les jours et assignations portées cy-dessus, au faict desdictz inventaires, fontes et appréciations susdictes, certifiions à tous estre vrayes, et signé respectivement le présent inventaire et procès-verbal. Ainsy signé : le Yigen, Goyet, Falaiseau , pour les assignations ès quelz ay assisté ,

Houdry, de Mervillier, Brunet, pour les jours que y ay assisté, Duguy, Girard, Mesmyn, pour avoir assisté à la première assignation du chapiteau seulement, Duchamp, René Yidoue, Souldée, Jean Chesneau, Hutel, de Vou, Lebrun et Boisleve.

Ainsi signé : BERGE, Greffier du siège présidial de Tours.

Le manuscrit de la Bibliothèque Impériale numéro 942S./5, qui est le plus ancien, porte la mention suivante :

Collation a esté faicte de la présente coppye à son original par nous , notaire royal à Tours soubzigné , le vingt troisiesme de may, mil six cens vingt cinq. Ce faict, rendu.

Boutard.

Le manuscrit conservé aux archives d'Indre-et- Loire contient cette autre mention :

Ceste présente coppye de l'inventaire des richesses de Sainct- Martin de Tours est conforme à celle que j'ai leùe et maniée , qui fut délivrée à l'advocat du roy au siège présidial de Tours; ce que j'asseure soubz mon seing manuel , mis icy bas, le second jour de juillet 1629.

F. Antoine Jardin.

Nous trouvons dans le manuscrit conservé aux archives d'Indre-et-Loire la pièce suivante qui nous semble un complément naturel du procès - verbal du pillage des reliques et joyaux de Saint -Martin.

JDu huictiesme jour de juing mil cinq cens soixante et deux, en la maison de Lichany, où estoit messieurs les président, lieutenant particulier, Gardette, les advocat et procureur du roy, a esté taxé par monseigneur du Vigen :

A monsieur le président, XX livres.

A monsieur le juge, XVII A monsieur le lieutenant criminel , XV A monsieur le lieutenant particulier, XL A monsieur Gardette , XVII A monsieur le procureur du roy, XX A monsieur Tadvocat Falaiseau , XIX Au greffier, XX A Duchamp, X A monsieur Lecler, V

A monsieur Parent ,

A Pierre Leclert,

A Nicolas Poullart ,

Au clerc de monsieur le procu-

V livres.

reur du roy, A Saugeron ,

S'ensuit les frais et mises , journées et vacations desorfebvres, fondeurs, essayeurs, garde et contregarde et aultres qui>ont vacqué pour le faict de Sainct- Martin.

Et premièrement, pour vingt journées de Thomas Basmette et Henri de Vou qui ont vacqué à oster For et l'argent et pierres des châsses , croix et aultres joyaux et reliquaires dudict Sainct- Martin, à raison de chacun trente sols par jour, y a LX livres.

Plus, vingt journées de Hutel et Pierre Chesneau, aussy orfebvres, qui avoient vacqué à ce que dessus, et avoir au proceddant assisté avecq le lieutenant particulier, procureur du roy, greffier et chanoines de ladicte église , à inventorier lesdictz joyaux et reliquaires de ladicte église, estant au thrésor dudict Sainct -Martin, pour ce : soixante escus, que pour lesdictes journées à raison de trente sols, XV livres.

Plus, pour six journées de Pasquier David atiineur, tant pour avoir faict redresser le fourneau où fondre argent dudict Sainct- Martin, que pour lesdictes journées à raison de trente sols, total : XV livres.

Plus, pour six journées de Martin Souldée, aussy fondeur, pour avoir fondu l'or dudict Sainct-Martin en deux fourneaux faictz exprès, et pour douze creusetz à raison de trente sols par jour, pour ce : XV livres.