QUERELLES I
entendu. Pour toutes lesquelles causes se trouva ceste coustume, quon appelloit vulgairement & notoirement incision, division, coupement ou coupation desguillette.
Revenuz quelque temps après de leur garnison (pour retourner à noz moutons) se portèrent tousjours mauvais visage, mesmes Philippot, lequel, ayant prins les porcs de son ancien ennemy, Guillot, qui mangeoyent ses naveaux en son jardin derrière, ne leur voulut jamais faire mal, ne pis que aux siens, ains les traicter comme appartient à bestes de telle ou semblable gravité. Auquel comme Guillot eust envoyé son filz aisné Tredouille le remercier du bien & honnesteté que de sa grâce, avoit faict à ses porcs, dont luy restoit bien obligé, respondit :
— Ce que jen ay faict, ce nest à loccasion de chercher amytié avec ton père, mais mon naturel, qui ne consiste (dont je remercie Dieu) à me venger sur une beste, bien sachant ce ne provenir que de ton père, premier argument (») de nostre débat. Au reste asseure le de par moy (ce quil sçait assez toutesfois) dune perpétuelle inimitié, & quil navoit que faire ronipre ma haye pour furtivement me prendre mes choux, le larron, & me nier un unzain que javançay pour luy au
(a) Sujet.
faiseur de roues (»), qui tous les jours me menasse de me faire adjourner {^). Aussi que ses porcs sont continuellement soubs mes poyriers, dont je me sens fort intéressé, & ne faut quil allègue mes champs estre mal clos, car je suis celuy (possible) qui regarde autant de près à les bien clorre & hayer (c) ; mais que ferez vous à un larron ?
— Ha ! (dist lorsTredouille)jay ouy direàmon père que vous luy prinstes une bécasse à un collet quil avoit tendu près la rivière, es prés de Caillette, ne vous en souvient-il ? Il faudroit donc...
— Hay? Trut avant! (d) (dist Philippot). Debout, que je ne vous voye jamais !
— Voire mais (contestoit Tredouille, qui estoit aussi mauvais que un oyson) si les estrilles & conclusions...
— Bo bo ! vertu ma vie ! (feit Philippot) par la dague sainct Chose (e) ! Se il fault que Martin baston trotte } Et quest cecy à dire ? Je ne seray donc le maistre à ma maison, Alison } Croy hardiment quil men souviendra, & fust à cent ans dicy, & dy à ton père que baste (f), & que un
(a) Charron.
(b) Citer à tel jour devant la justice.
(c) Clore de haies, (rt) Hue !
(e) Comme on dirait : Par la dague de saint Machin !
(f) Cela suffit.
