DE MARCOUL ET DE SALEMON

Li saiges se porvoit Âinz qu'il vigne à l'estroit ,

Ce dit SalemoDs ; Fox ne cuide par droit Que jamais granz chauz soit ,

Marcol li respout.

Fox giet pierre dure.

De ce n'a saiges cure,

Ce dit Salemons ; Estez fait sa droiture Quant chauz oste froidure ,

Marcol U respont.

Porquoi fait li chevax Parmi les plains granz sauz ,

Ce dit Salemons ', Li droiz fox naturax Gîele pierre ou pax ,

Marcol li respont.

À fol ne siet mesure ,

icj/i PROVERBES

Toz est fox aprestez Quant talent est montez ,

Ce dit Salemons \ Mauvais chiens encombrez Envoise les ainz-nez ,

Marcol li respont.

De fol ne sai que die , Noslre sire l'oublie ,

Ce dit Salemons ^ Granz est la confrarie De ceus qui font folie ,

Marcol li respont.

Fox est à tel escole C'on plus vit , plus afole ,

Ce dit Salemons ; Quel que soit la parole , Ses cuers de joie vole ,

Marcol li respont,

Voirs est que nuit et jor Est li fox en baudor,

Mielz prise son labor Que du saige le plor,

Marcol li respont.

Que qu'autre gent en die , Fox rit de sa folie ,

Ce dit Salemons ; Bone est sa compaignie , Mais qu'il ne fiere mie ,

Marcol li respont.