COMMENT IL EMPLOYAIT SON TEMPS
les répétitions, les déclamations, les plaidoiez des gentils advocats, les concions (1) des prêcheurs évangéliques.
Passoit par les salles et lieux ordonnés pour l’escrime : et là, contre les maistres, essayoit de tous bastons, et leur monstroit par evidence qu’ autant, voire plus, en sçavoit q’iceux.
Et, au lieu d’arboriser, visitoient les boutiques des drogueurs, herbiers et apothycaires, et soigneusement consi déroient les fruicts, racines, feuilles, gommes, semences, axunges peregrines (2), ensemble aussi comment on les adulteroit (3). Alloit voir les basteleurs, et theriacleurs (4), et consideroit leurs gestes, leurs ruses, leurs soubressaults et beau parler : singulièrement de ceux de Chaunys en Ficardie, car ilz sont de nature grands jaseurs, et beaux bailleurs de ballivernes en matière de cinges verds (5).
Eux, retournés pour souper, mangeoient plus sobrement qu’aux aultres jours, et viandes plus desiccatives et exténuantes, afin que l’intemperie humide de l’air, communiquée au corps par necessaire confinité, fust par ce moyen corrigée, et ne leur fust incommode pas ne soy estre exercités comme avoient de coustume.
Ainsi fut gouverné Gargantua, et continuoit ce procès de jour en jour, profitant comme entendez que peut faire un jeune homme selon son aage, de bon sens, en tel exercice ainsi continué. Lequel, combien que semblât pour le commencement difficile, en la continuation tant doux fut, legier et délectable, que mieulx ressembloit un passe temps de roy que l’estude d’un escolier. Toutesfois, Ponocrates, pour le séjourner (6) de ceste vehemente intention des esprits, advisoit une fois le mois quelque jour bien clair et serain ; auquel bougeoient au matin de la ville, et alloient ou à Gentilly, ou à Boulogne, ou à Montrouge, ou au pont de Charanton, ou à Vanves, ou à Sainct-Clou. Et là passoient toute la journée à faire la plus grande
(1) Sermons.
(2) Substances étrangères.
(3) Falsifier.
(4) Charlatans.
(5) De choses fantastiques.
(6) Repos.
chere dont ilz se pouvoient adviser : raillans, gaudissans, beuvans d’autant; jouans, chantans, se vautrans en quelque beau pré, denichans des passeraux, prenans des cailles, péchans aux grenouilles et escrevisses.
Mais, encores qu’icelle journée fust passé sans livres et lectures, poinct elle n’estoit passée sans profit. Car, en beau pré, ilz recoloient par cœur quelques plaisans vers de l’Agriculture de Virgile, de Hesiode, du Rustique de Politian ; descripvoient quelques plaisans épigrammes en latin, puis les mettoient par rondeaux et ballades en langue françoise. En banquetant, du vin aisgué (1) separoient l eau, comme l’enseigne Caton, de Re rust ., et Pline, avec un guobelet de lierre ; la voient le vin en plein bassin d eau, puis le retiroient avec un embut; faisoient aller l’eau d’un verre en aultre, batissoient plusieurs petits engins automates, c’est à dire soy mouvens eux mesmes.
Mais Gargantua fut soudain râtelé 'par son père Grangousier , son voisin Picrochole lui ayant déclaré la guerre pour quelques fouaces ( gâteaux ) enlevées.
La page qui suit est une des études psychologiques les plus fines de Rabelais.
