PICROCHOLE

partie ira ruer sur ce Grandgousier et ses gens. Par icelle sera de prime abordée facilement déconfit. Là recouvrerez argent à tas, car le vilain en a du content. Vilain, disons nous, parce qu’un noble prince n’a jamais un sou. Thesaurizer est faict de vilain.

« L’aultre partie ce pendant tirera vers Aunis, Saintonge, Angoumois, et Gascoigne : ensemble Perigor, Medoc, et Elanes (1). Sans résistence prendront villes, chasteaux, et forteresses. A Bayonne, à sainct Jean de Luc, et Fontarabie, saisirez toutes les naufz (2), et, costoyant vers Galice et Portugal, pillerez tous les lieux maritimes, jusques à Lisbone, où aurez renfort de tout équipage requis à un conquerent. Par le corbieu ! Espaigne se rendra, car ce ne sont que madourrés (3). Vous passerez par l’estroict (le détroit) de Sibyle, et là erigerez deux colonnes plus magnifiques que celles de Hercules, à perpétuelle mémoire de vostre nom. Et sera nommé cestuy destroict la mer Picrocholine.

« Passée la mer Picrocholine, voicy Barberousse qui se rend vostre esclave. — Je, dist Picrochole, le prendray à mercy. — Voire, dirent ilz, pourveu qu’il se face baptiser. Et oppugnerez (4) les royaumes de Tunic, de Ilippes, Argiere, Bone, Corone, hardiment toute Barbarie. Passant oultre, retiendrez en vostre main Maiorque, Minorque, Sardaine, Corsicque, et aultres isles de la mer Ligusticque et Baléare. Costoyant à gauche, dominerez toute la Gaule Narbonique, Provence, et Allobroges, Genes, Florence, Luques, et à Dieu seas Rome. Le pauvre monsieur du pape meurt desjà de peur. — Par ma foy, dist Picrochole, je ne luy baiseray ja sa pantoufle.

— Prise Italie, voylà Naples, Calabre, Apoule, et Sicile toutes à sac, et Malte avec. Je voudrois bien que les plaisans chevaliers jadis Rhodiens vous résistassent, pour voir de leur urine ! — J’irois, dist Picrochole, voluntiers à Lorette. — Rien, rien, dirent ilz ce sera au retour. De là, prendrons Candie, Cypre, Rhodes, et les isles Cyclades, et donnerons sus la Morée. Nous la tenons. Sainct Treignan,

(1) Les Landes.

(2) Navires.

(3) Malotrus.

(4) Attaquer.

Dieu gard Jérusalem ! car le Soudan ( sultan ) n’est pas comparable à vostre puissance. — Je, dist il, feray donc bastir le temple de Salomon? — Non, dirent ilz, en cores : attendez un peu. Ne soyez jamais tant soubdain à vos entreprises.

« Sçavez vous que disoit Octavian Auguste? Festina lente (1). Il vous convient premièrement avoir l’Asie minor, Carie, Lycie, Pamphile, Celicie, Lydie, Phrygie, Mysie, Betune, Charazie, Satalie, Samagarie, Castamena, Luga, Savasta, jusques à Euphrates. — Verrons nous, dist Picrochole, Babylone et le mont Sinay? — Il n’est, dirent ilz, ja besoing pour ceste heure. N’est ce pas assez tracassé de avoir transfreté la mer Hircane, chevauché les deux Armenies et les trois Arabies?

— Par ma foy, dist-il, nous sommes affolés. Ha, pauvres gens ! — Quoy ? dirent ilz. — Que boirons nous par *ces déserts? Car Julian Auguste et tout son ost (2) y moururent de soif, comme l’on dit. — Nous, dirent ilz, avons ja donné ordre à tout. Par la mer Siriace, vous avez neuf mille quatorze grandes naufz, chargées des meilleurs vins du monde; elles arrivent à Japhes. Là se sont trouvés vingt et deux cens mille chameaux, et seize cens éléphans, lesquelz avez pris à une chasse environ Sigeilmes, lorsque entrastes en Libye, et d’abondant eustes toute la garavanne de la Mecque. Ne vous fourniront ilz de vin à suffisance? — - Voire, mais, dist il, nous ne beusmes poinct frais. — Par la vertu, dirent ilz, non d’un petit poisson, un preux, un conquerent, un prétendant et aspirant à l’empire univers ne peut tous jours avoir ses aises. Dieu soit loué qu’estes venu, vous et vos gens saufs et entiers jusques au fleuve du Tigre

— Mais, dist il, que faictr ce pendant la part de nostre armée qui desconfit ce villain humeux Grandgousier ? — Ilz ne chomment pas, dirent ilz; nous les rencontrerons tantost. Ilz vous ont prins Bretaigne, Normandie, Flandres, Haynault, Brabant, Artoys, Hollande, Selande : ilz ont passé le Khein par sus le ventre des Suisses et Lansquenets, et part d’entre eux ont dompté Luxembourg, Lor-

(1) Hâte-toi lentement.

(2) Armée.