COMMENT TROUILLOGAN TRAICTE DE MARIAGE

mute. — J’y estois, dist Epistemon. Le bon mary voulut qu’elle parlast. Elle parla par l’art du medicin et du chirurgien, qui luy coupperent un encyliglotte qu’elle a voit sous la langue. La parole recouverte, elle parla tant et tant que son mary retourna au medicin pour remede de la faire taire. Le medicin respondit en son art bien avoir remedes propres pour faire parler les femmes, n’en avoir pour les faire taire. Remede unique estre surdité du mary, contre cestuy interminable parlement de femme. Le paillard devint sourd, par ne sçay quels charmes qu’ils firent. Sa femme, voyant qu’il estoit sourd devenu, qu’elle parloit en vain, de luy n’ estoit entendue, devint enragée. Puis, le medicin demandant son salaire, le mary respondit qu’il estoit vrayement sourd, et qu’il n’entendoit sa demande. Le medicin luy jetta au dos ne sçay quelle poudre par la vertu de laquelle il devint fol, Adonc le fol mary et la femme enragée se rallièrent ensemble, et tant battirent les medicin et chirurgien qu’ils les laissèrent à demy mors. Je ne ris onques tant que je fis à ce patelinage.