QUELLES CONTENANCES EURENT PANURGE ET FRERE JEAN DURANT LA TEMPETE

Pantagruel, préalablement avoir imploré T aide du grand Dieu servateur, et faicte oraison publique en fervente dévotion, par T ad vis du pilot tenoit l’arbre fort et ferme ; frere Jean s’estoit mis en pourpoinct pour secourir les nauchiers (1). Aussi estoient Epistemon, Ponocrates, et

(1) Matelots.

les aultres. Panurge restoit de cul sus le tillac, pleurant et lamentant. Frere Jean l’apperceut, passant sus la coursie (1), et luy dist : « Par Dieu^ Panurge le veau, Panurge le pleurant, Panurge le criart, tu ferois beaucoup mieulx nous aidant ici que là pleurant comme une vache, assis sus tes couillons comme un magot. — Be be be bous, bous, bous, respondit Panurge, frere Jean mon amy, mon bon pere, je naye, je naye, mon amy, je naye. C’est faict de moy, mon pere spirituel, mon amy, c’en est faict. Vostre bragmart ne m’en sauroit saulver. Zalas, zalas ! nous sommes au dessus de Ela, hors toute la gamme. Be be be bous bous. Zalas ! à ceste heure sommes nous au dessous de Gamma ut. Je

naye. Ha mon pere, mon oncle, mon tout. L’eau est en¬

trée en mes souliers par le collet. Bous, bous, bous, paisch, hu, hu, hu, ha, ha, ha, ha, ha, je naye. Zalas, zalas, hu, hu, hu, hu, hu, hu, hu. Bebe bous, bous, bobous, ho, ho, ho, ho, ho. Zalas, zalas. A ceste heure fais bien à poinct l’arbre forchu, les pieds à mont, la teste en bas. Pleust à Dieu que présentement je fusse dedans la orque des bons et béatz pere concilipetes (2), lesquelz ce matin nous rencontrasmes, tant dévots, tant gras, tant joyeux, tant douillets, et de bonne grâce. Holos, holos, holos, zalas, zalas, ceste vague de tous les diables (mea culpa, Deus),

je dis ceste vague de Dieu enfondrera notre nauf. Zalas !

frere Jean, mon pere, mon amy, confession! Me voyez cy à genoulx. Confiteor , vostre saincte bénédiction.

— Viens, pendu au diable, dist frere Jean, icy nous aider, de par trente légions de diables, viens : viendra il ? — Ne jurons poinct, dist Panurge, mon pere, mon amy, pour ceste heure. Demain, tant que vouldrez. Holos, holos. Zalas! nostre nauf prend eau, je naye, zalas, zalas! Be be be be be bous, bous, bous, bous. Or sommes nous au fond. Zalas, zalas ! Je donne dix huit cens mille escuz de intrade (3) à qui me mettra en terre, tout foireux et tout breneux comme je suis, si onques hommes fut en ma patrie de bien. Confiteor. Zalas ! un petit mot de testament, ou codicille pour le moins.

(1) Passage qui va de la proue à la poupe.

(2) Allant au concile.

(3) D'emblée.