COMMENT, PAR HOMENAS, NOUS FUT MONSTRE L’ARCHETYPE D’UN PAPE

La messe parachevée, Homenas tira d’un coffre prés le grand autel un gros faratz (3) de clefs, desquelles il ou-

(1) Copies.

(2) Araignées.

(3) Tas.

vrit, à trente et deux elavures et quatorze catenatz, une fenestre de fer bien barrée, au dessus dudict autel; puis, par grand mystère, se couvrit d’un sac mouillé, et, tirant un rideau de satin cramoisi, nous monstra une image peincte assez mal, selon mon advis, y toucha un baston longuet, et nous üst à tous baiser la touche. Puis nous demanda: « Que vous semble de ceste image? — C’est, respondit Pantagruel, la ressemblance d’un pape. Je le cognoy à la tiare, à l’aumusse, au rochet, à la pantoufle. — Vous dictes bien, dist Homenas. C’est l’idée de cefluy Dieu de bien en terre, la venue duquel nous attendons dévotement, et lequel espérons une fois voir en ce pays. O l’heureuse et desirée et tant attendue journée ! Et vous, heureux et bienheureux, qui tant avez eu les astres favorables qu’avez vivement en face veu et réalement celuy bon Dieu en terre, duquel voyant seulement le portraict, pleine remission gagnons de tous nos péchés mémorables : ensemble la tierce partie avec dix huit quarantaines de péchés oubliés ! Aussi ne la voyons nous qu’aux grandes f estes annuelles. »

Là disoit Pantagruel que c’estoit ouvraige tel que le iaisoit Dædalus. Encores qu’elle fust contrefaicte et mal traicte, y estoit toutes fois latente et occulte quelque divine energie en matière de pardons. « Comme, dist frere Jean, à Seuillé les coquins souppans un jour de bonne feste à l’hospital, et se vantans l’un avoir celuy jour gagné six blancs, l’aultre deux soûls, l’aultre sept carolus, un gros gueux se vantoit avoir gagné trois bons testons. Aussi (luy respondirent ses compaignons) tu as une jambe de Dieu. Comme si quelque divinité fust absconse en une jambe toute sphacelée (1) et pourrie. — Quand, dist Pantagruel, tels contes vous nous ferez, soyez records a apporter un bassin. Peu s’en fault que ne rende ma guorge. User ainsi du sacre nom de Dieu en choses tant ordes et abominables! Fy, j’en dis fy ! Si dedans vostre moinerie est tel abus de paroles en usaige, laissez le là, ne le transportez hors les cloistres. — Ainsi, respondit Epistemon, disent les médecins estre en quelques maladies cer-

(1) Vermoulue.