CHAPITRE XVVI
Comment les habitants de Lerné, par le commandement de Picrochole, leur roi, assaillirent m despourvu les bergers de Grandgousier.
es fouaciers retournés à Lern6, soubdain devant boire ni manger (*), se transportarent au Capitole, et là devant leur roi nommé Picrochole, tiers de ce nom, proposarent leur complaincte, monstrant leurs paniers rompus, leurs bonnets foupis, leurs robes dessirées, leurs fouaces destroussées, et singulièrement Marquet blessé énormément (*), disants le tout avoir esté faict par les bergers et métayers de Grandgousier, près le grand quarroi par delà Sévillé.
Lequel incontinent entra en courroux furieux, et sans plus oultre se interroguer quoi ne comment, feit crier par son pays ban et arrièreban, et que un chascun, sus peine de la hart, convinst en armes en la grand'place devant le chasteau, à heure de midi. Pour mieulx confirmer son entreprinse, envoya sonner le tabourin à l'entour de la ville; lui-mesmc, cependant qu'on apprestoit son disner (*), alla faire afl'uster son artillerie, desployer son enseigne et
GARGANTUA
oriflant, et charger force munitions^ tant de harnois d'armes que de gueule. En disnant, bailla les commissions, et fut par son édict constitué le seigneur Trepelu sus l'avant garde, en laquelle furent comptés seze mille quatorze haquebutiers, trente mille et unze adventuriers. A l'artillerie fut commis le grand escuyer Toucquedillon, en laquelle feurent comptées neui cents quatorze grosses pièces de bronze, en canons, doubles canons, basilics, serpentines, coulevrines, bombardes, faulcons, passevolants, spiroles et aultres pièces. L'arrière-garde fut baillée au duc Raquedenare (105 bis). En la bataille se tint le roi et les princes de son royaulme. Ainsi sommairement acoustrés, devant que se mettre en voie, envoyarent trois cents chevaulx légers soubs la conduicte du capitaine Engoulevent (105 bis), pour découvrir pays, et sçavoir si embusche aulcune estoit par la contrée. Mais après avoir diligemment recherché, trouvarent tout le pays à l'environ en paix et silence, sans assemblée quelconque. Ce que entendant Picrochole, commanda qu'un chascun marchast soubs son enseigne hastivement. Adoncques sans ordre et mesure prindrent les champs les uns parmi les aultres, gas-
(105 ùis) Raquedenare. Vomir se dit en provençal raqua. Raquedenare signifie donc crache-denier.
Encroulevent. Avaler se dit dans le raidi de la France engoida ou engoura. La sign T:j.tion d'engoulevent est donc : avale-vent.
tants et dissipants tout par où ils passaient, sans espargner ni pauvre ni riche, ni lieu sacré ni prophane ; enmenoient bœufs, vaches, taureaulx, veaulx, génisses, brebis, moutons, chèvres et boucs; poulies, chapons, pouUets, oisons, jars, oies, porcs, truies, gorrets; abattants les noix, vendangeants les vignes, emportants les seps, crOuUants tous lesfruicts des arbres. C'estoitun désordre incomparable de ce qu'ils faisoient. Et ne trouvarent personne qui leur resistast : mais un chascun se mettoit à leur merci, les suppliant estre traictés plus humainement, en considération de ce qu'ils avaient de tout temps esté bons et amiables voisins, et que jamais envers eulx ne commirent excès ne oultrage, pour ainsi soubdainement estre par iceulx mal vexés, et que Dieu les en puniroit de brief. Esquelles remonstrances, rien plus ne respondoient, sinon qu'ils leur vouloient apprendre à manger de la fouace.
GARGANTUA
