MÉDECIN

Par joyeux accords :

Touts sont sains (*) au corps Par ce bien leur duict Honneur, los, déduict.

Ci entrez, vous, et bien soyez venus, Et parvenus, touts nobles chevaliers.

Ci est le lieu où sont les revenus Bien advenus : afin qu'entretenus Grands et menus, touts soyez à milliers Mesfamilliers serez, et péculiers :

Frisqucs, galliers, joyeux, plaisans, mignons : En général touts gentils compagnons.

Compagnons gentils.

Sereins et subtils Hors de vilité De civilité Ci sont les oustils.

Compagnons gentils.

Ci entrez, vous, qui le sainct Evangile En sens agile annoncez, quoi qu'on gronde. Céans aurez un refuge et bastille Contre l'hostile erreur, qui tant postille Par son faulx style empoisonner le monde : Entrez, qu'on fonde ici la foi profonde Puis, qu'on confonde, et par voix et par rôle, Les ennemis de la saincte parole.

La parole saincte Ja ne soit esteincte

GARGANTUA

En ce lieu très sainct.

Chacun en soit ceinct :

Chascune ait enceinte La parole saincte.

Ci entrez, vous, dame de hault parage,

En franc courage. Entrez y en bon heur,

Fleurs de beaulté, à céleste visage,

A droict corsage (*), à maintien preude et sage.

En ce passage est le séjour d'honeur.

Le hault seigneur, qui du lieu fut donneur

Et guerdonneur, pour vous l'ha ordonné,

Et, pour frayer à tout, prou or donné.

Or donné par don Ordonne pardon A cil qui le donne :

Et très bien guerdonne Tout mortel preud'hom Or donné par don.