V. notes 30, 60, 108 et
PANTAGRUEL
Panorme, Bertachin, Alexander, Curtius, et ces aultres vievilx ra'astins, qui jamais n'entendirent la moindre loi des Pandectes, et n'estoient que gros veaulx de disme, ignorants de tout ce qui est nécessaire à l'intelligence des loix. Car, comme il est tout certain, ils n'avoient cognoissance de langue ni grecque ni latine : mais seulement de gothique et barbare. Et toutesfois les loix sont premièrement prinses des Grecs, comme vous avez le tesmoignage de Ulpian l. posteriori de Origine iuris, et toutes les loix sont pleines de sentences et mots grecs : et secondement sont rédigées en latin le plus élégant et aorné qui soit en toute la langue latine, et n'en excepterois voluntiers ni Salluste, ni Varron, ni Ciceron, ni Seneque, ni T. Live, ni Quintilian. Comment doncques eussent pu entendre ces vieulx resveulx le texte des loix qui jamais ne virent bon livre de langue latine ? comme manifestement appert à leur style, qui est style de ramoneur de cheminée, ou de cuisinier et marmiteux, non do jurisconsulte.
« D'advantage, vu que les loix sont extirpées du milieu de philosophie morale et naturelle, comment l'entendront ces fols, qui ont par Dieu moins estudié en philosophie que ma mule ? Au regard des lettres d'humanité et cognoissance des antiquités et histoires, ils ne estoient chargés comme un crapault de plumes (201) : dont toutesfois les droicts sont tout pleins, et sans ce ne peuvent estre entendus, comme quelque jour je monstrerai plus apertement par escript. Par ce, si voulez que je cognoisse de ce procès, premièrement faictes-moi brusler touts ces papiers, et secondement faictes-moi venir les deux gentils-hommes personnellement devant moi, et quand je les aurai ouï, je vous en dirai mon opinion sans fiction ni dissimulation quelconque. «
A quoi aulcuns d'entr'eulx contredisoient, comme vous sçavez qu'en toutes compagnies il y a plus do
201) Locutiou zoologique devenue très vulgaire.
fols que de sages, et la plus grande partie surmonte tousjours la meilleure, ainsi que dict Tile Live parlant des Carthaginiens. Mais ledict du Uouhet tint au contraire virilement;, contondant que Pantagruel avoit bien dici que ces registres, enquestes, répliques, reproches, salvations et aultres telles diableries, n'estoient que subversions de droict et allongement de procès, et que le diable les emporteroit touts s'ils no procédoient aultrement , selon équité évangclique et philosophique. Somme, touts les papiers furent bruslés. et les deux gentilshommes personnellement convoqués.
Et lors Pantagruel leur dist : « Estes-vous ceulx qui avez ce grand différent ensemble ? — Oui, dirent-ils, monsieur. — Lequel de vous est demandeur ? — C'est moi, dist le seigneur do Baisecul. — Or, mon ami, comptez-moi de poinct en poinct vostre affaire, selon la vérité ; car, par le corps bieu, si vous en mentez d'un mot, je vous osterai la teste de dessus les espaules (♦), et vous monstrcrai qu'en justice et jugement l'on ne doibt dire que vérité : par ce, donnez-vous garde d'adjoustcr, ni diminuer, au narré de vostre cas. Dictes. »
PANTAGnnEI-.
