PROLOGUE DE LAUTEUR
Très illustres et très cheualeureux champions gentilz hommes et aultres, qui voluntiers vous adonnez a toutes gentilesses et honnestetez, vous auez na gueres veu, leu et sceu les grandes et inestimables chronicques de lenorme géant Gargantua , et comme vray s fidèles les auez creues tout ainsi que texte de Bible oudusainct Euangile 1 , et y auez maintes foys passé vostre temps auecques les honorables dames et damoiselles, leur en faisant beaux et longs narrez , alors que étiez hors de propos : dont estes bien dignes de grand louenge. Et a la mienne volunte que ung chascun laissast sa propre besoingne et mist ses affaires propres en oubly, affin de y vacquer entièrement, sans que son esprit feust de ailleurs distraict ny empesche iusques a ce que Ion les sceust par cueur, affin que si dauenture lart de imprimerie cessoit, ou en cas que tous liures périssent, au temps aduenir ung chascun les puisse bien au net enseigner a ses enfans : car il y a plus de fruict que par aduenture ne pensent ung tas de gros taluassiers tous crousteleuez , qui entendent beaucoup moins en ces petites ioyeusetez que ne faict Raclet en linstitute. Jen
• Les passages imprimés en italique sont ceux qui ont été changés dans l'édition de 1 534 , et , par suite , dans les autres.
ay congneu de haultz et puissans seigneurs en bon nombre, qui allans a chasse de grosses bestes, ou voiler pour fauhon , sil auenoit que la beste ne feust rencontrée par les brisées, ou que le faulcon se mist a planer, voyant la proye guaingner a tyre desle, ilz estoient bien marryz, comme entendez assez : mais leur refuge de reconfort et affin de ne se morfondre estoit a recoler les inestimables faictz dudict Gargantua. Daultres sont par le monde (ce ne sont pas faribolles) qui estans grandement affligez du mal des dentz, après auoir tous leurs biens despenduz en médecins, ne ont trouue remède plus expédient, que de mettre les dictes chronicques entre deux beaulx linges bien chaulx , et les applicquer au lieu de la douleur, les sinapizant auecques ung peu de pouldre doribus.
Mais que diray ie des panures verollez et goutteux ? O quantesfois nous les auons veus a lheure qu'ilz estoient bien oingtz et engressez a point , et le visaige leur reluysoit comme la claueure dung charnier, et les dentz leurs tressailloient comme font les marchettes dung clauier dorgues ou despinette quand on ioue dessus, et que le gousier leur escumoit comme a ung verrat que les vaultrez et leuriers ont chasse sept heures : que faisoient ilz alors? Toute leur consolation nestoit que de ouyr lire quelques pages du dict liure. Et en auons veu qui se donnoient a cent pippes de diables, en cas quilz neussent senty allégement manifeste a la lecture dudict liure, lors quon les tenoit es limbes, ny plus ny moins que les femmes estans en mal denfant quand on leur ligt la vie de saincte Marguerite. Est ce riens cela? Trouuez moy liure en quelque langue, en quelque faculté et science que ce soit, qui ait telles
vertuz, proprietez et prerogatiues, et ie payeray chopine de trippes. Non, messieurs, non, il ny en a point. Et ceulx qui vouldroient maintenir que si : reputez les abuseurs et séducteurs. Bien vray est il que Ion trouue en daulcuns liures dignes de mémoire certaines proprietez occultes, au nombre desquelz Ion mect Robert le Diable, Fierabras, Guillaume san paour, Huon de Bourdeaulx, Monteuille et Matabrun; mais elles ne sont pas a comparer a celuy dont nous parlons. Et le monde a bien congneu par expérience infaillible le grand émolument et utilité qui venoit de la dicte cbronicque Gargantuine : car il en a este plus vendu des imprimeurs en deux moys quil ne sera achepte de Bibles de neuf ans. Voulant doncques, mojr vostre humble esclaue, accroistre vos passetemps dauantaige, Je vous offre de présent ung aultre liure de mesme billon , sinon quil est un peu plus équitable et digne de foy que nestoit laultre. Car ne croyez pas , si ne voulez errer a vostre essient, que ien parle comme les Juifz de la loy. Je ne suis pas nay en telle planette, et ne maduint oncques de mentir ou asseurer chose que ne feust véritable : agentes et consentientes, cest a dire, qui na conscience na rien. Jen parle comme saine t Jehan de Lapocaljrpse : Quod vidimus testamur. Cest des horribles faietz et prouesses de Pantagruel, lequel iay seruy a guaiges des ce que ie fuz hors de paige, iusques a présent , que par son congie men suis venu un tour visiter mon pays de vache et scauoir sil y auoit encores en vie nul de mes parens. Pourtant affin que ie face fin a ce prologue, tout ainsi comme ie me donne a cent mille panerees de beaulx diables corps et ame , trippes et boyaulx , en cas que ien mente en
toute lhistoire dung seul mot, pareillement le feu sainct Antoine vous arde, mau de terre vous vire, le lancy, le maulubec vous trousse, la caquesangue vous viegne, le mau fin feu de ricque racque , aussi menu que poil de vache, tout renforce de vif argent, vous puisse entrer au fondement, et comme Sodome et Gomorre puissez tomber en soulfre en feu et abysme, en cas que vous ne croyez fermement tout ce que ie vous racompteray en ceste présente chronicque.
De lorigine et antiquité du grand Pantagruel :
