INSTRUCTIONS POUR UN AMBASSADEUR AU ROI
Instructions et mémoires pour Michelet Teincturier, bourgois de la ville de Montpellier, que font les Consulji de ladicte ville pour remonstrer au Roy nostre sire en toute subjection et obeyssance, a messeigneurs de son Granl Conseil et la ou il semblera estre expédient et nécessaire.
Et premièrement, tant et si très humblement que plus pourra, recommandera a la bonne grâce du Roy lesdiz Consulz , desquelz il porte plusieurs leclresde créance tantaud. seigneur comme et autres, lesqueles il baillera.
Item lui remonstrera , après ce qu'il aura présentées et baillées lesdictes lettres de créance, la grant povreté et indigence, tribulation et perplexité en quoy sadicte povre ville est a présent, tant par les grans mortalitez et pestilences qui de deux en deux ans y ont régné et régnent telement que le peuple y est fort diminué , comme aussi pour les grans et importables charges tant de tailles et équivalent que autres. Car par les choses dessus dictes ladicte ville est tant adnichillée que, depuis dix ans en ca, il n'y a pas la tierce partie des gens qui y souloient par avant demorer, dont fault que ce petit de demorant de peuple qui y est a présent porte autant et si grant charge comme souloit faire xx ans a passez la grant multitude qui y estoit. Et par ce est en tele disposition que » se la pitié, grâce et clémence dud. seigneur n'y a aucun regard, elle vendra dedens briefs jours comme inhabitable et perdue. Et pour ce supplient, tant et si très humblement comme ilz plus pevent, a la bonne grâce et clémence dudit seigneur, comne ses vrais et loyaux subgetz , que il lui plaise de remettre et quitter pour x ans la moitié de la quotte part et portion de ses tailles a quoy ilz pourront estre imposez , comme autrefois il la fet, pour soulager et faire ressourdre ce petit qui est des ha bi tans en icelle ville, car non obstant qu elle soit fondée sur la marchandise et que voulentiers tous marchans estrangiers, tant par mer que par terre, y soulloient affluer et habiter en très grant nombre, toutesvoies maintenant, pour les grans charges qui y sont et chascun jour y sourviennenl , les y fault contraindre a payer leur porcion, comme les autres, en leur endroit. Par quoy chascun s en va et laisse ladicte ville (1). Et n est pas de merveilles se chascun s*eslongne de ladicte ville et du pays, et pis sera pour le temps a venir, si ledict seigneur n'y pourvoit de ladicte grâce et sur ce donne ses lettres.
(1) Ici a é:é supprimé le passage suivant :
c Et raesmemeat que. pour les grass marchandises qa'on v souloit faire et encores a présent pour ce petit qu'on y fait, leur fault paier. oultre lesdictes charges des tailles et aides , les droiu de la rêve , le denier Saint Andrieo , la boicte aux Lombards , les maraues de Cathalongne et de Jennes et la maistrise des ports, qui est une très grant caarge et insupportable aux dis marchans. »
Item remonstrera audit seigneur la grant ruine et démolition des murailles , ponts , chemins et passages d'entour et empres ladicte ville de Montpellier , et mesmement d'un grant et bel pont appelle le pont Juvenal , ou passe la rivière du Lays , qui est presque du tout abbatu , ouquel a très grant et publicque passage de touttes gens venans par mer et par terre ; aussi d'un autre grant pont, qui est aussi en très grent ruyne, appelle le pont de Fabregues, ou passe une rivière bien impétueuse nommée la Mausson , qui est sur le grant chemin tirant droit a Beziers et au long de Languedoc. Lesqueles démolitions et réparations, obstant ladicte povreté de ladicte ville et du pais, ne se pevent faire ne mettre a perfection, se toutte autre manière de gens qui illec incessamment passent n'y paient quelque droit et aide. Et pour ce requera et supliera a la bonne grâce dudit seigneur qu'il lui plaise a octroyer par dix ans un droit , aide et barrage au long designé et spécifié en une minute et articles que ledict Tincturier emporte , et sur ce en impetrer et tirer ses lettres passées, comme il appertient.
Item remonst[r]era audit seigneur que, combien que, pour son honneur , bien et utilité de son domayne et de la chose publicque d'icelle ville, lesdiz Consulz ou au moins leurs prédécesseurs aient par deux fois envoyé messages exprez devers lui et son Grant Conseil adfin de remédier et donner prompte provision de justice a rencontre d'un nommé mestre Johan de Vaulx , juge du Palais dudit seigneur en ladicte ville, intitulé de plusieurs et divers crimes , excès et malifices par luy perpétrez tant ou fait de son office que autrement , au dommage , foie et détriment de la justice, domaine dudit seigneur et cause publicque ; et sur quoyprecedens souffissans et décrétées légitimes informations il a ja esté adjorné et comparu en personne en Parlement a Tholouse, qui sur ses crimes et demerittes le ont commancé a examiner, et fait illec respondre; pieca toutesvoyes, tant pour la grant multitude des causes estans et survenans oudit Parlement que autrement , son procès et punition se délayent et retardent. Et neantmoins si ne cesse ledit De Vaulx mesmement par aucunes grans faveurs qu'il a ou se dit avoir oudit Parlement et ailleurs, et soy tousjours confiant que illec son dit procès sera comme immortel , de commettre et perpétrer chascun jour excès, abuz et malifices au dommage et préjudice , comme dit est , d'icellui seigneur, de sa justice et dommayne et cause publicque dessusdictes. Et pour ce requerra et suppliera a la bonne grâce et clémence dudit seigneur que, pour abregier teles immortalitez de causes , et pour le bien et gouvernement de la justice et cause publicque de sa dicte povre ville , il luy plaise de evocquer ou faire evocquer devers luy et son dit Grant Conseil le procès dudit De Vaulx, ou au moins commander et faire adrecier a son dit Parlement teles lettres excitatives de justice que a sa royale Majesté plaira et seront nécessaires en ceste matière; et luy plaise pour son indempnité et de ladicte cause publicque pourveoir de quelque
128 JACQUES GGBUR.
notable personne en lieu et office d'icellui De Vaulx par manière de provision et jusques a ce que par luy y soit autrement ordonné.
Item remonstrera audit seigneur comment, a la collusion, monopole et conspiration dudit maistre Jehan de Vaulx , et a la totale division et depauperation en corps et en membres du bien publicque d'icelle ville, a esté meue et est encores pendant et indécise plaiderie en ladicte Court de Parlement a Tholouse entre les Consulz et ladicte Ville d'une part et les clercs et notaires d'icelle d'autre, a cause de ce que les clercs et notaires, qui ont a vaquer a leurs estudes et praticques, prétendent et veulent estre consulz de ladicte ville et mesler et embroillier le fait et gouvernement d'icelle , car jamais ne fu veu ne ne se trouve par les livres et registres anciens de la maison du Consulat de ladicte ville que jamais nulz personnages de la condition dessusdicte ayent jamais esté esleuz pour consulz. Aussi oudit Consulat n'ont il nulle escale ne ordre , comme ont touttes autres gens , comme changeurs , bourgoys, marchans et mechanicques, et non sans cause, car icelle ville de toutte ancienneté a esté et est fondée sur le fait de la marchandise, qui est la principale fondacion et bien non tant seulement de ladicte ville , mais aussy dudit pays de Languedoc et partie dudit royaume de France. Et , quand teles manières de gens de clercs et de notaires entreroient et seroient oudit consulat pour les hocquez, broilleries et plaideries en quoy ilz sont habituez et nourriz et dont ils usent, pour ung mal qu'il y ait il y en auroit cent autres ; et metteroient icelle ville a totale division et destruction , et non sans cause les anciens ne les y ont permis entrer. Et n'est pas [a] oublier de dire aussi et remonstrer les grans frais, despens et dommaiges qu'on a , a cette cause , souffertz et soustenus, et encores n'y fait on que commancer. Et pour ce suppliera comme dessus audit seigneur qu'il luy plaise otlroyer sur ce ses lettres de grâce, et que , en entretenant ladicte ville en ses drois , privilèges, libertez et coustumes anciennes et approuvées, [déclare] nul a perpétuel, comme ja par cy avant n'ont esté, nesun desdiz clercs et notaires ne soit ne entre en aucune manière pour consul en ladicte ville , non obstant ladicte plaiderie et touttes autres frivoles allégations et subterfuges qu'ilz pourroient alléguer au contraire.
Item remonstrera audit seigneur la chiereté qui est survenue et survient chascun jour oudit pays de Languedoc et mesmement en la senechaucée de Beaucaire et gubernation de ladicte ville de Montpellier, a occasion de la traicte des blez, qui a esté faicte nagueres et se fait encores hors dud. pays es pays estranges par mer, comme en Cathalongne; et, selon qu'il est divulgué, partie d'iceulx blez a esté convertie et mise en bescuitz es gallées de l'armée faicte par le roy d'Arragon pour secourir domp Ferando, ennemy capital de monseigneur de Calabre. Et combien que lesdiz Consulz, pour eulx acquitter de leurs serements qu'ilz ont a la cause publicque, sur l'interruption de ladicte traicte en ayent rescript
et envoyé messaîge tout exprès devers monseigneur le General, maistre Jehan Herbert , luy estant au Pont Saint Esperit , pour y donner toutte provision générale et nécessaire , mesmement pour ce que , des pays d'Auvergne, Vellay, Gavaldam et Viveroys et autres pays voisins, pour l'infertilité et mauvaise année de blez qu'ils ont illec eue, sont descenduz et descendent chascun jour pour venir quérir blez et soy fournir dudit pays bas de Languedoc, touttesvoies ledit monseigneur le General encores n'y a aucune provision donnée ne fait donner ; et par ainsi chascun en fait a son aise a la totale povreté et destruction dudit pays. Et pour ce suppliera, comme dessus, audit seigneur qu'il luy plaise faire cesser ladicte traicte et sur ce octroyer ses lettres.
Item remonstrera audit seigneur comment , deux ans a passez, lesd. Consulz ou leurs prédécesseurs envoyèrent devers icellui seigneur et son Grant Conseil pour exposer et supplier a icellui seigneur que, comme a l'assemblée de ses trois estaz de la senechaucée de Beaucaire tenue en ladite ville de Montpellier en may MccccLvni, a cause du fait et entretenement du droit de l'équivalent aux aides, feust aud. seigneur conclud, accordé et octroyé pour tout le pays de Languedoc icellui droit pour troys années, lors avenir et commencans au primier jour de septembre oud. an, en le faisant valoir, comprise l'imposicion foraine, pour chascune desd. troys années Lxxni 1. t., pourveu qu'il feust au long d'icelles troys années régi et gouverné par les conservateurs de primier instituez en icellui droit, et tout ainsi qu'il pleust aud. seigneur l'octroyer et accorder aud. pays, tant a l'institution primiere d'icellui droit comme depuis par plusieurs foiz, comme a plein appert de lad. assemblée et conclusion faicte en icelle par instrumens et lectres sur ce passées et stipulées par noteres et tabellions publicques, dont en fut baillé par lesdits troys estaz le double a monseigneur le General, maistre Jehan Herbert, pour l'envoyer et en certifier ledit seigneur, et autant emporta un chascun envoyé a icelle assemblée par chascune des dyoceses dud. pays; mais, depuis, led. maistre Jehan Herbert, taisant toutes ces choses, par ses lettres ou autrement donna a entendre aud. seigneur tout le contraire , disant que lesditz troys estaz en ladite assemblée avoyent esleuz et nommez troys conservateurs et ung procureur pour chascune senechaucée dud. pays, a gaiges pour chascun conservateur de G 1. t. et chascun procureur xxx 1. t. par an, desquelx conservateurs anciens et primiers on n'a remué nesun que en ladicte senechaucée de Beaucaire, ou l'on a débouté de leursditz offices de conservateur messire Louys de Taulignan, chevalier, seigneur de Barre, et Pierre Teincturier, bourgeois et continuelment résident à Montpellier, en y mectant , en lieu d'eulx deux , maistre Louys Corbière, de nation estrange cathalanne, et ledit maistre Jehan de Vaulx. Lesquelles choses et nouvelletez indeues furent depuis remonstrées en une autre assemblée, tenue oudit Montpellier oudit an MCCCCLvnicn décembre, a
monsieur le Senechal de Lymousin, aud. Herbert et a maistre François Halle, illec envoyez par ledit seigneur a tenir lesd. troys estaz, qui avoyent commission expresse dudit seigneur pour entretenir et faire accomplir de point en point les conclusions faictes et accordées exdites assemblées, mesmement en icelle qui fut faicte oudit moys de may, par lesquels fut dit et ordonné , par vertu de leur commission , que lesditz .anciens et primiers conservateurs, ensemble le receveur gênerai et procureur qui furent esleuz a Tintroduction dudit droit seroient chascun restituez en iceulx leurs offices, en adjoustant a leur ordonnance que, avant qu'ilz en jouyssent, qu*ilz failloit qu'ils eussent confirmation dudit seigneur. Laquelle depuis, quelque diligence et poursuite qu'ilz en ayent faite, ilz n'ont pu ne pevent avoir. Par quoy, a occasion de ces mutacions et nouvelletez, la Court desditz conservateurs , tant par l'absence de ung nommé maistre Jacques Vivere, que estoit officiai de Magalonne et maintenant est officiai de Narbonoe , résident hors de ladite senechaucée de Beaucaire. comme dudit maistre Jehan de Vaulx, qui est en Parlement a Tholouze , comme dit est dessus en ung article, pour ses démérites bien envouloupé, pour ce que en icelle Court on ne puet besongner a moins de troys, cesse et vacque ladicte Court du tout, dont chascun crie, car on ne set ou trouver justice pardevant eulx. Et pour ce suppliera comme dessus a icellui seigneur qu'il luy plaise , attendu ce que dit est, reinstituer et réintégrer en leursditz offices de conservateurs en ladite sencchaucée de Beaucaire lesditz messire Louys de Taulignan , seigneur de Barre , et Pierre Teincturier, aux gages dessusditz de G. 1. t. par an, et pareillement Aubert Pavais pour receveur gênerai dudit droit, aux gaiges acoustumés (1), qui lui furent ordonnez au commancement dud. droit, et sur ce donner ces lettres.
L'an mil cccc soixante messieurs Andrieu Plovier, Pierre Caste!, Michiel Roget, Simon Laurens et Fermin Cueyes, consulz de la ville de Montpellier, avec sire Estienne Ruols, coconsul absent, commandèrent a moy Jehan Alegrant, notaire du Consulat de Montpellier, que les instructions dessusdites signasse de mon seing manuel, presens ad ce sire Aubert Pavays , gênerai maistre des Monnoyes , et maistre Johan Valociere, notaire.
( Arch. mun. de Montpellier, série BB, pièce extraite du reg. manuel du greffier consulaire de 1 an 1460 : Cfdiier pap. de 4 feuillets.)
(I) De ne 1. t. (supprimé).
