SUPPLIQUE DE LA VILLE AU ROI
Au Roi nostre Sire ,
Supplient très humblement vos povres et humbles subjectz les Consulz, manans et habitans de vostre ville de Montpellier que, comme a l'occasion de la piteuse et cruelle mortalité qui depuis dix ans en ca a esté continuellement de deux ans en deux en lad. ville, en laquelle sont mors es années mil im*' l, lvi, lix, lx dix mille personnes et plus, et des autres grans pestilences , tribulacions et accidens qui y sont seurvenuz, tant de plusieurs marchans qui avoient fait emprunts des aucuns autres marchans de lad. ville, ausquelz ils ont failly de paiement et rompu leurs banques, et s'en sont les ungs aies hors en estranges pais et les autres mis en franchise, et en ce fait et porté dommaige de plus de dix mille escuz a ceulx qui leur avoient baillées denrées et marchandises a créance, lesquelz a ceste occasion sont tournez a si grant povreté qu'il leur a convenu fermer leurs bouticles , que aussi pour la sterillitédu temps qui a esté au pais etentour lad. ville, mesmement des vignes qui y ont failly, icelle ville soit depoppulée tellement qu'il n'y a pas que la moictié d'autant de peuple qu'il y avoit lorsque estiez aud. Montpeslier, et encores ce pou de peuple soit, aux causes dessusd. et autres , plusieurs tourné a si grant povreté et indigence que a peine a de quoy se chevir, et soit lad. ville si désolée que s'est pitié de la veoir, mesmement que bien grant partie des maisons d'icelle sont fermées et inhabitées ; par ce mesmement que les gens mécaniques qui les occuppoient s'en sont les ungs fouiz en autres pais et les autres mors, et n'y viennent ne frequantent les marchans estrangiers, ainsi qu'ilz souloient faire le temps passé. Par quoy led. petit peuple qui y est demeuré ne pourroit supporter la charge de taille baillée a icelle ville, obstant lad. povreté et indigence d'icelluy, et que lad. charge est aussi grande comme ils l'avoient avant lesd. accidens avenuz, que lad. ville estoit bien et grandement peuplée et y avoit plusieurs grans et notables marchans. Et avec ce est icelle ville grandement apovrie parce que, l'année derrenierement passée, les pirates de mer es parties de Levant desroberent les marchands dud. Montpeslier, et leur estèrent leurs marchandises, firent et portèrent grant et excessif dommaige. Et d'autre part est grandement apovrie lad. ville pour la grant charge qu'elle a eue desd. tailles le temps passé, a quoy, tant qu'elle a pu, elle a tousjours libéralement contribué, et conviendroit aud. petit nombre de peuple qui y est demeuré guerpir le pais et habandon ner lad. ville , se provision n'y estoit par vous donnée, mesmement que , a cause de la guerre de Naples, les gallées dud. Montpeslier ne pevent et ne pourroient voyager, et se pourrissent et pourriront au
port. Ces choses considérées, et que autresfoiz, que lesd. supplians vous ont fait reraonstrer lesd. cas ou semblables, avez ordonné a monsieur le General de Langue doc'et au Recteur de la Part Antique faire informacions sur lad. dépopulation et povreté de lad. ville, lesquelles ont esté faictes et vous sont envoyées , il vous plaise de vostre bénigne grâce icelles informacions veoir ou faire veoir et visiter, et ausd. supplians remettre et quicter la moictié de la quote et porcion des tailles a quoy ils seront ou pourront estre compesez , de cy jusques a dix ou douze ans prouchaineraent venans, a ce que led. povre peuple qui y est demouré se puisse ressouldre et entretenir luy et lad. ville , et que autre peuple d'estrange pais soit meu d'y venir demeurer et la repoppuler, qui vous pourra redonder a bien grans prouffiz lesd. dix ou douze ans escheuz, mesmement que par ce moyen lad. ville pourra estre entièrement repopulée. Et vous ferez bien, et lesd. supplians prieront Dieu pour vous et vostre très noble lignée.
( Âreh. mun. de Montpellier, série BB , pièce extraite du reg. manuel de Bertrand!, greffier consulaire de l'an 1460.)
Allocations à Jacqnes Cœur par la Ville de Montpellier.
