CONTRUCTION

Du xxi« jour d'aoust uni. — Maistre Simon de Beaujeu, maistre des euvres du Roy en la sénéchaussée de Beaucaire, aagé de lx ans,... despose que , six ans a ou environ , Jacques Cuer, estant lors en cesto ville de Montpellier, manda il qui parle venir vers luy. et luy dist qu'il vouloit faire construire une Loge devant N. D. des Taulhes,...de laquelle Loge fu lors devisé et fut fait marchié de la maçonnerie avec il qui parle et m® André Bonicy, m® maçon.

Et dit que , tantost après , ... il qui parle et ledit Bonicy firent tallier grant quantité de petis carrons de pierre vielhe, dont la taille du cent se feroit bien pour un mouton ou pour ung franc au plus. Ainsi firent tallier les pierres des croisées et de la viz et pareillement des portes...

Dit oultre que, quatre mois ou environ après qu'ils eurent commencié a besongner et fait taillier grant quantité de pierres , led. Cuer , qui après led. marchié fait s'en estoit aie devers le Roy ou ailleurs, retourna en ceste dicte ville de Montpellier et vit lesd. pierres taillées, lesquelles ilz n'avoient point encores mises en euvre. Lequel Jacques Cuer fu lors conseillié et advisé par aucuns de ceste dicte ville que ladicte Loge, ainsi qu'elle avoit esté devisée, ne seroit assez grande ne assez honnorable, et qu'il la failloit faire et ediflBcr plus grande, plus large, plus liaulte et plus magnifique, et la faire et ediffier en la place ou elle est de présent. Et ainsi le dist et déclara led. Cuer aud. qui parle et Bonicy; et leur ordonna qu'ilz ne taillassent plus avant jusques a ce qu'il eust parlé a eulx plus a plain . et leur dist lors qu'il vouloit que le pan de mur qui se faisoit devant N. D. et pareillement celluy qui tireroit devant la Bouchierie fussent de grans carrons de pierre neufve; et que la viz fust si large que quatre hommes y poussent aler de frond, et devisa de faire lad. Loge tout ainsi qu'elle est de présent , ou il y a grant differance au regard du premier deviz.

Lequel qui parle et led. Bonicy dirent alors audit Jacques Cuer que ledit deviz derrenier qu'il faisoit seroit de bien grand coust et despensc et trop plus que le premier. A quoy ledit Cuer leur respondi qu'ilz ne se souciassent de la despence et qu'il ne luy en chailloit, mais que la chose fust bien honnorablement faicte. Et dict, sur ce interrogué, que lors ne fut point fait de marchié sur le second deviz et se rapportèrent ledit qui parle et Bonicy audit Jacques Cuer, qui estoit lors en grant autho-

rite de leur paier leurs ouvrages et sallaires ainsi .^qu'il verroit en sa conscience.

Dit oultre que , après que ledit Cuer eut dit audit qui parle et Bonicy ce que dit est dessus , ilz cessèrent de taillier et besongner selon le premier deviz et marchié fait ; et fist lors amener Jehan Nicolas grant quantité de grans carrons et autres grans pierres. Lequel Jehan Nicolas avoit la charge de faire faire ledit ediffice, et de se prendre garde des ouvrages et d'en faire les paiemens. Et adonc , ledit qui parle et ledit Bonicy, soubz la confiance des parolles dud. Cuer et sans en faire autre marchié, taillèrent lesd. grans carrons et autres pierres^ tant pour Tediffice des murs que de la viz. Et dit que ung ouvrier ne tailloit que quatre desdiz grans carrons pour jour, et ainsi le cent cousteroit a taillier vi 1. ung quart, a raison de v s. t. par jour pour ouvrier.

Et dit, sur ce interrogué, que les jambes des portes, qui avoient esté taillées selon le premier marchié ont servy esdictes portes et ne furent point retaillées ne changées , sinon la teste desdittes jambes ; mais au regard des autres pierres et ouvrages desd. croisées, elles furent taillées et faictes tout de nouvel ; les lintaux et autres pierres d'icelles croisées qui furent taillées selon les deviz et premier marchié furent portées en Tostel dudit Jacques Cuer en cestedicte ville, et la en fut emploie partie ; et l'autre partie a esté emploiée en ceste ville par un maçon nommé Guillaume Pellet, comme luy ont dit aucuns compaignons de son mestier ; mais il ne luy ont point dit ou.

Dit oultre que , en continuant leur dit ouvrage , luy qui parle et ledit Bonicy, baslirent et dressèrent les murs , la viz et les portes de lad. Loge selon led. deviz derrenier jusqucs a la hauteur de xii pans; et lors Jehan Nicolas paioit et faisoit paier par Loys Dandrea chacun samedi d'aucunes sommes a voulenté et sans compte. Et pour ce [que] ledit Jehan Nicolas ne les paioit pas souffis, selon leur ouvrage , led. qui parle et Bonicy, quand ilz eurent dressé leur ouvrage jusques a la hauteur desd. XII pans ou environ, requirent aud. Jehan Nicolas qu'il les voulsist paier et contenter a la raison de lourd, ouvrage. Lequel Jehan Nicolas leur dist qu'il estoit content de compter avec eulx et de les paier selon le premier marchié fait. Aquoy ledit qui parle et Bonicy luy respondirent que ledit premier marchié n'avoit point tenu , et que selon icelluy n 'avoient point besongné ne fait leur ouvrage ; mais estoit l'ouvrage qu'ilz avoient fait trop plus sumptueux que celluy qui avoit esté devisé par le premier marchié. Et, pour ce que ledit Nicolas ne les vouloit autrement paier, ils s'en alerent plaindre audit Cuer, qui lors estoit en cestedicte ville de son retour de Romme , comme luy semble; et luy dirent que, s'ilz n'estoient paiez, il leur conviendroitlessier l'ouvrage, en luy priant qu'il les voulsist paier pour leur acquicter de la somme de cent cinquante francs ou environ , qu'ils dévoient en cestedicte ville pour la dcspence d'eulx et de leurs compaignons. Et lors ledit Jacques manda

150 JACQUES GOEUR.

ledit Nicolas venir devers luy, et luy ordonna qu'il baillast argent audit qui parle et Bonicy pour les acquicter, dont ledit Nicolas ne fist riens. Et avec ce appoincta et ordonna lors ledit Cuer que, de l'ouvrage qu'ilz feroient des lors en avant, leurs compaignons ouvriers dud. mestier de maçonnerie, jusques au nombre de quinze, seroientpaiez chascun samedi a raison de v s. t. pour jour pour chacun ouvrier. Et des lors en avant furent bien paiez jusques a la fin de l'ouvrage au prix dessus dit. Et dit que, en sa conscience , ne luy ne Icd. Bonicy de toutes leurs peines et sallaires de la vacacion qu'ilz firent a l'ouvrage et ediffice de lad. Loge no recourent oncques ung blanc ; et y ont servy a leur propre despens, et a costé audit qui parle du sien propre vi" fr. ou environ. Et, pour la despense faicte par luy et ses gens en vacant et besongnant audit ediffice , ont esté venduz une partie de ses biens meubles a l'inquant publicque, et pareillement fut exécuté ledit Bonicy, qui leur a esté a grant dommage.

Interrogué combien se puet bien monter le paiement fait par led. Jehan Nicolas audit qui parle et Bonicy de l'ouvrage par eulx fait jusques a la hauteur de xii pans dessusdiz , dit qu'il ne le saroit dire ne declerer a présent , mais il dit qu'il avoit les paiemens par escript en son hostel a Nismes , et que , luy baillant delay compectant , il les yra voulentiers quérir ; et pareillement a par escript et par mémoire le temps que luy et les autres ouvriers commencèrent a besongner a journées aud. pris de cinq solz tourn. pour jour et le nombre des ouvriers et des journées , et pareillement de la plus grande partie des manouvriers.

Dit oultre qu'il y eut ung marchié fait de l'edifôce de la terrasse de la viz par ledit Jehan Nicolas avec led. Bonicy; et ne voulut led. qui parle estre compaignon dud. marchié. Mais, quel fut icelluy marchié ne combien il en a esté paie , il n'en scet riens et s'en rapporte ausdiz Nicolas et Bonicy.

Interrogué que devindrent ne ou furent employez lesd. petis carrons qui furent taillez selon le premier marchié, dit qu'il ont esté mis et employez es murs de dedens lad. grant Loge ; et dit, sur ce interrogué, qu'il ne saroit dire ne déclarer a presens a quel pris il et ledit Bonnicy furent paiez de l'ouvrage desdiz murs de dedens ; mais il a tout par escript en sa maison a Nismes.

Interrogué combien luy et son compaignon Bonicy ont eu de Touvrage des portes de ladicte Loge, dit que de tout l'ouvrage desdictes portes, tant de l'armoisie , feuillages et personnages , ils ont esté paiez a la venture, a la voulenté dudit Jehan Nicolas.

Et dit, sur ce requis, que, en sa conscience, oncques n'y eut pris et marchié fait, ne ne furent luy ne son compaignon paiez dud. ouvrage, si non a la venture et a la voulenté dudit Jehan Nicolas et avec le paiement des autres ouvrages, comme dit est.

Interrogué si, au temps que ledit Jacques Cuer leur fist lessier l'ouvrage du premier deviz et marcbié fait, la taille des feuillages, armoisies et personnages qui sont esdictes portez estoient faictes ou non, dit que, avant qu'ilz commençassent a ouvrer et maçonner selon le derrenier deviz , les jambages estoint tous faiz , et pareillement la plupart des armoisies, feuillages et personnages et reprinses des croisées estoient faiz ; et le surplus fut parfait en besongnant en l'ouvrage des gros murs, et avant qu'ils commensassent a besongner a journées.

Interrogué si, en l'ouvrage desd. portez, y a point plus d'ouvrage ne despence que l'ouvrage d'icelles qui se devoit faire selon le premier pris fait, dit que véritablement y a aucuns ouvrages plus, comme les armes de Jacques Cuer, aussi celles de la Ville, et pareillement un serf voulant environné d'un cliappel en façon de rouses qui tient la bannière du Roy, avec un roole escript et autres menues choses. Et dit que, combien que, par le premier marcbié, ilz ne deussent et ne feussent tenuz de faire si grant ouvrage esd. portez, neantmoins il le firent pour ce que. depuis led. premier marcbié fait, ledit Cuer leur dist par plusieurs foiz qu'ilz feissent ledit ouvrage le plus bel et le plus bonnorable qu'ilz pourroient, et qu'ilz n'eussent point de regard audit marcbié, et qu'il les con[ten]teroit telement qu'ilz auroient cause d'eulx en louer. Et dit que la porte principalle, ou sont les serfz qui tiennent les armes du Roy, a trop plus cousté et y a trop plus d'ouvrage que es autres.

Interrogué si, pour l'ouvrage desd. portez, ilz ont point esté paiez a plus grande raison que de xvi moutons pour porte, dit qu'il croit que si ont , combien qu'il n'en sauroit parler au vray, car ilz en ont esté paiez a voulenté, comme dit est dessus. Et dit qu'il n'y a point d'apparance qu'ilz n'en deussent plus avoir que lesd. xvi moutons , ainsi que on pourra savoir par les maistres. Et quant a luy, il ne voudroit point entreprendre de faire quatre teles portez a moins de trois cens francs.

Dit oultre que, quant le premier marcbié fut fait, ilz connnoissoient bien , luy et son compaignon, qu'il y avoit perte toute claire pour eulx, et n'avoient pas espérance ne intencion que led. marcbié tensist, on faisant si grant marcbié, tant pour complaire aud. Cuer que pour le mectre en chemin de besongner.

Interrogué combien dura l'ouvrage de la maçonnerie, dit qu'il dura onze mois et fut présent tout au long dud. ouvrage et ediffico, fors a l'ediffice de la terrasse, de la viz et de cinq ou six marches qui estoient encores a asseoir.

Du XXII® jour dudit mois d'aoust liiii. — J'ay ricollé led. maistre Simon, présent maistre Mahieu Savari , lequel maistre Simon a dit que sa depposicion dessus escripte est véritable. Et, pour respondre certainement des paiemens qui ont esté faiz de l'ouvrage de la maçonnerie et aussi des charroiz, manouvriers et autres choses touchans l'ediffice de lad. Loge, ay commandé et ordonné audit maistre Simon, a la peine

de cinquante marcs d'argent, aler quérir et apporter par devers moy ses papiers, mémoires et escriptures des choses dessusdictes dedens huit jours prochain venans, ce qu'il a promis de faire a la peine dessusdicte.

Pareillement ay interrogué et examiné maistre Bonicy, maistre maçon, sur les choses dessusdictes , qui sur ce a dit et depposé tout ainsi et par la manière que ledit m« Simon.

( Journal de Dauvet. f»» 179 v« à 183 ).

Du X* jour du mois d'octobre uni. — Item j'ay fait visiter par cinq ou six paintres les painclures de la Loge neufve de Montpellier, lesquelx en ont fait leur rapport, ainsi qu'il appert par instrument de Granier, rendu sur la partie desd. paintures du compte de Jehan Nicolas et Loys Dandrea.

(/6td., fol90vo).