SAISIE, CRIÉES ET OPPOSITIONS

Et le iiii® jour dudit mois [ de mars uni ] , pour ce que j'ay esté informé que led. Jacques Cuer a fait edifïîer la Loge nouvellement faicte et ediffiée en ceste dicte ville de Montpellier devant l'église Notre Dame de Taules ; que led. Cuer a acquis en son nom les places ou icelle Loge a esté construite et ediffiée , je , par l'advis et delil)eracion de maistre Jehan de Vaulx, juge du Palais, et dudit maistre Pierre Granier, et en la présence de Pliillebert de Neve, Pierre Taincturier et autres, ay prins et mis ladite Loge en la main du Roy, et ay fait apposer aux portes d'icelle les penonceaux reaulx, et si Tay fait crier et subhaster par Jehan Serailhon, crie de lad. ville de Montpellier, en la fourme et manière qui s'ensuit :

€ Mande la Court du Roy nostre seigneur, et par commandement de monseigneur le Procureur gênerai dud. seigneur et commissaire or>-

donné par led. seigneur, de mectre a execucion l'arrest pronunciô par led. seigneur en son grand Conseil a rencontre de Jacques Cuer ».

c L'on fait assavoir a toute personne , de quelque estât ou condicion qu'elle soit , qui vouldra achecter une Loge neufve dud. Jacques Cuer, laquelle nagaires a esté construite et ediffiée en ceste ville de Montpellier et en la place devant l'église Notre Dame de Tables, confrontée par devant en lad. place et d'autre part en la maison de Jehan Pelegal, et d'autre part en la boticle de Bertrand Viol, qu'il viengne par devers mondit seigneur le Procureur gênerai , commissaire , et il recevera les enchieres ».

(Journal de Dauvet, f« 134).

Estant par devant vous , moult vénérable et circumspect seigneur maistre Jehan Douvet , licencié en loys , procureur gênerai du Roy nostre sire , commissaire député par ledit Sire a mectre a exequcion l'arrest donné et prononcé a rencontre de Jacques Cuer , les Consulz de la ville de Montpellier , lequelz dient que a leur notisse est venu comme vous nagaires avez mis a la main dudit seigneur la Louge neufve, et icelle faicte mettre a l'inquant publicque pour icelle livrer au plus offrant. Et pour ce, a rencontre des main mise, inquant et subastacion , lesdictz Consulz , au nom de ladicte Ville et communité d'icelle, se oppousent, disans que ladicte Loge est de la Ville et a esté liediffîée des deniers propres de la communitté d'icelle, demandent et requièrent leur dicte opposition estre par vous monsieur le Procureur admise , et jour competant leur estre par vous assigné pour justiffier leur dicte opposition et bon droit , qu'ilz ont , au nom que dessus, en ladicte Locge. Et de ce en demandent acte ou instrument publicque.

( Arch. mun. de Montpellier, série DD, dossier Grande Loge, pièce papier, porte au dos : c Die xxi junii m iiii« liiii** dominus de Montepesato, consul , retulit reddidisse retroscriptam oppositionem domino Procuratori generali, magistro Johanni Dauvet, m legibus licenciato, et eidem assignasse a die lune proxima in octo diebus, que erit Inna prima julii. Âlegrandi recepit instrumentum t.)

Pour les Consulz de Montpellier,

Pour justiffication de la opposition faite par devant vous, messeigneurs les commissaires ordonnés par le Roy nostre Sire a mectre a exeqution l'arrest proféré contre Jacques Cuer , jadiz argentier dudict seigneur ou aucun de vous, dient ce que s'ensuit cum protestationihus solitis.

Et premièrement dient et mectent en fait lesditz Consulz et entendent a prouver, en tant que seroit nécessaire, que (1) le Rey nostre sire a

(1) Au lieu de ce qui suit, il y avait primitivement : f que la Loge neuve, que ledit Argentier fist faire, a esté hediffiée et constrnicte des deniers de la communitté de ladicte Ville ».

donné ausd. Consulz et a la Ville la tierce partie de leur quotte des tailles passées, c'est assavoir depuis l'anMiiii^'xLV jusques a ranMini<'xLix, et icelle incluse , qui montent oultre la somme de vi^ livres (1). Et ce est vray et notoire.

Item dient et mectent en fait lesdictz Consulz que ledit Jacques Cuer (2), des deniers provenus du don fait par ledit seigneur, led. Jacques Cuer (3) a achaité le fundament de lad. Lotge , et sur icellui a fait hediffier lad. Lotge et desditz deniers. Et ce est vray comme dessus.

Item dient et mectent en fait et aussi entendent a prouver, en tant que seroit nécessaire , que , au demenne du procès fait contre led. Jacques Cuer (4), icellui Jacques Cuer a dit et confessé que lad. Loge estoit de lad. Ville de Montpellier (5). Et ce est vray et notoire.

Item dient y comme dessus, que le Rey nostredict seigneur, pour confirmation dudtt don, en a donné ses lettres patentes , lesquelles ont esté levées et scellées.

Item dient et entendent a prouver lesd. Consulz que révérend Père en Dieu monseigneur de Carcassonne a lesdictes lettres et icelles a monstrées a plusieurs personnes (6). Et ce est tout notoire.

Item dient que tout ce dessus est vray, notoire et manifest et voix et famme publique entre ceulx que des choses dessusdictes scevent la vérité. Ces articles baillent lesdictz Consulz , salto jure addendi , diminuendi et alias de novo dedducendi.

(Ârch. mun. de Montpellier, série DD, dossier Grande Loge, pièce papier.)