CROISADE DE CONSTANTINOPLE
, (D'après le ms. de la Bibliothèque royale, fonds Cangé 9. n° 74885, fe 64.)
Or vous dirai du conte de Flandres et des barons de France qui encontre le roy de France avoient esté. Il fisent crier un tournoiement entre Bray et Eucré ‘ ; et si y alerent tout. Quant il furent tout armé d’une part et d’autre pour tournoier, et il orent prises toutes lors armes pour assanler, si coururent tout as crois pour aler outre mer et si se croiscrent. Dont aucunes gens disent: que il se croisoient pour le roy de France, que il avoient peur que il ne les grevast, pour che que 1] avoient esté devers le roy d’Engleterre à armes, et encontre lui.
Or vous nonmmerai les contes qui se croiserent : Li quens Bauduins de Flandres se croisa premierement, et Henris d’Anjau ses freres, et li quens Thiebaus de Champaigne, et li quens Loys de Bloys, et li quens du Perche, et li quens de Saint-Pol, et li quens Symons de Monfort, et Guys ses freres, et Jehans de Neele, et Enguerrans de Bove, et si ἴσοι frere, et li quens Renaus de Dampierre, et haus homes assés que je ne sai mie nomer; ne ne vous en nomerai ore plus. Et bien prisoit on les chevaliers qui se croiserent dechà les mons à mille chevaliers.
‘ Entre Baleham et Ecrv.
480 ᾽ϑ ΄ APPENDICE.
Dont il avint, devant che que li chevalier se croisaissent, que ilot un prestre en France qui ot à non Fouques, qui, devant et après che que hi baron se croisaissent, préechoit de le crois. Et moult 51 croisa adonc de chevaliers et d'autre gent. Et moult grant avoir li donna on pour despendre en le tere d’outre mer; mais il ne li porta mie, ans fu mors; dont aucunes gens disent que il fu mors pour sen grant avoir que on li chela, et si ne l’eut mie. Et si vous di bien que la graindre partie de sen avoir fu comandée à Chistiaus. Et bien puet estre par aventure que il y envoierent une partie. Et bien puet estre que ilen avoit comandé en aucun lieu que il li fu chelés. Li avoirs qui fu οὐmandés à Chistiaus fu envoiés à deus fois outre mer. Et si vous di bien, que onques avoirs ne vint à si boin point outre mer come fist chil que maïstres Fouques comanda à Chistiaus; car li crolles avoit esté en le tere; si estoient fondu li mur de Sur, et de Barut, et d’Acre, que on refist moult grant partie de chel avoir. Ι
Or vous dirai une parole que je vous avoie oubliée à dire, du roy Richart d’'Engleterre, que il avoit proposé devant ce qu'il fust mors: que, s’il peust tant faire qu'il peust r’avoir à son vivant le tere quel roys de France li avoit tolue, que il feroit une grant estoire et que il iroit conquerre le tere d'Egypte; et après iroit conquerre le tere de Jherusatem ; et puis si revenroit par Costentinoble; et si le conquerroit, et si en seroit empereres.
Or vous dirai des barons de France qui croisié estoient. Il prisent conseil ensanle de faire unie estoire pour aus mener outre mer. Consaus Jor aporta que il envoiaissent en Venisse, et que il fesissent venir des Venissiens pour faire marchié de faire une estore à aus mener outre mer. Quant li Venissien l’oirent, si en furent moult lie et moult joiant; et si envoierent de lor plus sages homes en France pour faire marqué as barons de faire une estoire pour aus mener outre mer. Quant li Venissien furent venu, si se assanlerent li haut baron de France et li Venissien à Corbye ; et furent là ensanle. Et fu là li marchiés fars des nés et des galies , et des litieres as chevaus mener, et d’estre el serviche as croisiés deus ans, lau où il les vaurroient mener par mer. Grant noinbre y ot d’avoir, mais ne vous sai mie dire quombien , et le moitié des aquestes que il feroient, fors seulement en le tere de promission. Là jurerent li haut baron qui à chel parlement furent à Corbye, sur sains, qu'il feroient lavoir qui nombrés estoit as Venissiens venir
tout ens; ct li Venissien rejurerent d’avoir les nés οἱ les galies appareilliés au port, au jour qui mis y fu.
Quant li haut home orent les nés hevées, si parlerent ensanle entr'aus, et si disent que il feroient seigneur de l’un d'aus à cui il seroient obéissant du tout. Là esgarderent li conte et li baron le conte Thiebaut de Champaigne, et si en fisent lor scigneur, et atant se departirent. Ne demoura gaires après que li quens Thibaus de Champaigné fu mors. Si se rassanlerent li baron pour faire scigneur. Consaus lor aporta que il feroient seigneur du marchis de Monferras; et en fisent lor seigneur. Et atournerent lor oirre de mouvoir à un jour que il y misent. Et assés ot de barons en France qui ne furent mie à la court de cheste muete, ne ΠἾ alerent mie, ains ale ent à Genures (Gûnes) tout droit; et tex y ot à Marseilles. Et Jehans de Neele entra au deerrain en mer, οἱ grant partie de chiax de Flandres, οἱ si en alerent par les destrois de Marroc. Tout li croisié de dechà les mons murent à un point de ἰοῦ hostex et si s’en alerent droit à Acre, fors chil qui s'en alerent en Venisse, Et bien furent trois cens chevalier et plus de toutes terres. Et moult pasa de menue gent à chel passage. Et à chel passage passa li quens de Forois; mais ne vesqui mie gramment , ains fu lues mors que il fu venus à Acre. Un chevalier ν ot de France arrivé, qui se faisoit apeler li quens Renaus de Dant-Pierre. (Suit le récit des débats entre Renaud et le roi Haïmeri de Jérusalem et de la destruction de son corps d'armée par les Sarrasins.)
Or vous dirai du soudan de Babilone, qui freres avoit esté Salehadin, qui le tere d'Egypte avoit saisie après sen neveu quant il fu mors et qui sen autre neveu avoit deshireté de le tere de Damas et de le tere de lhcrusalem, qu'il fist. Quant il οἱ dire que li Crestien avoient levé estoire pour venir en le tere de Egypte, il fist mettre boines garnisons eu le tere de Damas οἱ de Iherusalem pour son neveu queil avoit deshireté. Et adont s'en ala li soudans de Babilone en Egypte, pour prendre conscil coinent il porroit mix le tere garnir encontre les Crestiens vaillans qui venoient en se terc..….. Puis fist appareillier messages; et si lor carqua grant avoir, et si les envoia en Venisse. Et si manda au duc de Venisse et as Venissiens salut et amistié; et si lor envoia moult grans presers. Et si lor manda que, s’il pooient tant faire as Franchois que il n’alaissent mie en le tere de Egvpte, que il lor donroit grant avoir, et si lor donroit grant franquise el port d'Alixan-
dre. Li message alcrent en Venisse et si fisent moult Lien che qu'il 1. Ji
quisent as Venissièns , et puis si s'en repairierent arriere en Egypte...
Or vous lairons à parler de le tere d’outre mer et si vous dirons des Crestiens qui alerent en Venisse. Il a une isle pres de Venisse que on appele [1516 Saint-Nicholas. Et à le mesure que li Crestien venoient en Venisse, si les passoit on en chele isle. Là les estauli on, et assena cascun à se nef, des haus homes, et combien cascuns paieroit. Et prisa on le paiement che que cascune en avoit payé. De che que on gn ot à cascun assené ne fu τη l'estore payé de che que on lor ot en convent. Et moult en retourna en lor païs de le menue gent, et moult en espaudi par le païs et par le tere. Quant li pelerin orent paié che que il avoient, si disent as Venissiens que il les par saissent. Li Venissien disent que il n’i enterroient d’essi adont que il aroient toute lor convenenche, car il avoient bien faite le leur. Et il respondirent que il n’en feroient noient ne il n’en enterroient en mer d’essi adont que il seroient paié. Là les tinrent tant sur chele isle que il furent sur liver et que il ne porent passer. Dont furent li haut home moult dolant et moult courouchié de lor avoir qu’il avoient despendu et de che que il ne pooient esploitier de che qu’il voloient faire et devoient.
Quant li Venissien virent que il furent à si grant mesaise, si fu rent moult lie et moult joiant. Dont vint li dus. Si dist as haus barons de lost : que luec vers avoit une cité qui moult lor avoit fait de maus et moult lor avoit grevé, et que s'il se voloient acorder, ct consaus Jar aportoit qu’il alaissent aveuc aus et li aidaissent chele chité à prerdre, il lor quitteroit l'avoir qu'il devoit avoir d’aus et de l’estore, εἰ si les metteroient là où il les deveroient mener et mettre. Li haut home disent queil en prenderoient volentiers conseil et en parlerosnt as haus homes de l’ost et as pelcrins. Il parlerent ensanle, et disent que 1l lor estouveroit tel cose faire qu’il ne deveroient pas faire, ou il s'en retourneroient honteusemnent arricre. Là s'acorderent li pelerin et disent que il feroient le volenté as Venissiens et quel iroient là où il vaurroient aler. Quant li Venissien oïrent che, s'en furent moult lie et moult joiant, et fisent carquier viande, et les recueillirent ès nés et ès vaissiaus. Si alerent à le cité, et si prisent tere, et si assegerent. Chele chités a à non Gadres-Ésclavonie; et si estoit le roy de Honguerie.
Quant li roys de Honguerie oï dire que li pelerin qui outre wer aloient avoient le chité assegie et gastoient se terc, si en fu moult de
lans et moult courouchiés. Il manda as barons de l’ost pour coi il gastoient se tere, Car aussi estoit il croisiés come il estoient et pour aler en le tere d’outre mer, et qu'il ne faisoient mie che que pelerin devoient faire à autre, et que pour Diu levaissent du siege; et s’il voloient du sien, il lor en donroit à grant plenté et se iroit aveuc aus outre mer. Il li manderent arriere : qu’il ne s’en pooient partir, car il avoient juré J'aïeve des Venissiens ; si lor aideroient. Dont manda li roys de Hongucrie à l’apostale : que pour Diu eust merchi de lui, car li pelerin qui outre mer aloient estoient en se. tere et se li gastoient et essilloient, et si ne lor avoit riens mesfait; et se ainsi estoit que il lor eust aucune cose mesfait, il lor amenderoit à lor volenté. Quant li apostoles οἱ ches nouveles, si ne fu mie lies ne Joians. Si lorenvoia un cardinal : qu'il ississent hors de le tere le roy, et s’il n’en issoient il les escomeniast. Li cardinax y ala et lor amonesta; mais il n’en vaurrent riens faire, ains prisent le chité. Lors les escomenia li apostoles. Quant escomenié furent , si parlerent ensanle, et envoierent à l’apostole , et crierent merci. Si li fisent assavoir l’acoison pour coi il y estoient alé et que pour Diu eust merchi d'aus. Chest message fist Robers de Bove; et li cardinaus s’en retourna arriere quant il les ot esquemeniés.
Quant Robers de Bove ot fait son message à l’apostole de par les pelerins , il ne retourna mie à aus pour renonchier le message, ains s’en ala en Pulle pour passer outre en le tere de Iherusalem ; et 1] s’en ala et passa outre, et arriva à Acre. Enguerrans de Bove ses freres ne vaut mie demourer en l’esquemeniement, ains s’en ala au roy de Honguerie οἱ fu entour lui grant pieche. Li quens Symons de Montfort ne vaut mie demourer en l’esquemeniement des Gadpains, ne Guys ses freres; ains s’en alerent au port, et passerent quant tans fu. Et si alerent deus abés de l'ordre de Chistiaus, li abbés de Vaus et li abés de Chierquenchiel; et Esteves du Perce, et Renaus de Monmiral, et autre chevalier assés que je ne sai mie nommer; et passerent en le tere d'outre mer. Li conte et li autre yvernerent à Gadres quant il l’orent prise.
Or vous lairons à parler des pelerins qui vinrent à Gadres, si vous dirons de Jehan de Neele et des Flamens qui entrerent en mer au Dam. I] s'en alerent par les destrois de Marroc, et prisent une chité sur Sarrasins, οἱ fisent moult grant gaaing. Quant il orent prise chele chité, il ne vaurrent mie là demourer, aius le garnirent, et se vin-
rent yverner à Marseilles. 11 avoit aveuc ches Flamens un chevalier qui parens estoit l’empereur (1) Bauduin. Chil s’acointa d’une dame qui à Marseilles estoit, qui estoit fille l'empereur (2) de Cipre, «t l'en mena en son païs. Et quant il fu mors, si le delivra, et s'en r'ala en son païs arricre. En che que ele s’en r'aloit et fu à Marseilles, li quens de Saint-Gille le prist et espousa. Et come il l'ot tenue tant come il vaut, il le mist hors de se tere, et ele vint à Marseille; et 1l espousa le sereur le roy d’Arragonne. Et le trouva chis chevaliers que je vous di; et là fist tant chis chevaliers que il l'espousa. Et cuida, à l'aieve Je conte Bauduin de Flandres qui ses parens estoit et les Flamens, qu’il r'eust l’isle de Chipre qui fu sen pere. Quant il fu tans de passer , Jehans de Neele et li autre pelerin, qui yverné avoient à Marseilles et as autres pors, passerent , quant il fu tans , et arriverent en le tere d'’outre mer. Quant il furent arrivé de là, li chevaliers qui le fille l'empereur de Chipre avoit à feme, prist de ses amis et des Flamens quant il furent ar:ivé, et alerent devant le roy Haimmeri. Se li requist que il li rendist l’isle de Chipre, que il avoit le fille l’empereur cui ele fu ct qui ele devoit estre. Quant li roys Haimmeris οἱ chele requeste , si le tint moult pour musart; et se li comanda , sur cors à essillier, que 1] vuidast se tere, et s’il ne le faisoit il l’escilleroit. Li chevaliers not mie conseil qu’il demourast, ains ot conseil queil s'en alast en le tere d'Ermenie. À chel passage que li Flamenc passerent, passa moult grant gent, et arriverent en le terc d'outre mer, mais il n'i fisent œvre, car 1] y avoit trives; ains s’en ala une partie à Triple et une partie en Antioche au prinche qui avoit guerre au roy d'Ermenie. Jehans de Neele ala au seigneur d'Ermenie, à un sieye qui estoit devant Antioche ; et furent veues ses banieres sur les murs d’Antioche, si come aucunes gens dient, dont il y ot grant blasme en le tere d'outre mer, car si prudons come il est ne deust mie estre en l’aïeve le roy d'Ermenie encontre le prince d’Antioche. Et si vous di pour voir, que chil qui en alerent en Hcrmenic et en Antioche n'alerent inic si folement come li autre fisent, ains orent sauf conduit à l'aler ent. , . . . . . Do ee + νιν
--.- ..... ne = ee mm .... ..- ee ee “ὁ... mnt ee .- τ...»
(1) Le comte Baudoin de Flandres, depuis empercur de Constantinople. (2) Le roi.
Or vous lairons à parler de le tere d'outre mer tant que liex et heure en venra, si vous dirons des contes ct des pelerins qui yvernoient à Gadres et du fil l’empereur Crisac qui les iex ot crevés, que l’empeerris ot envoié en Honguerie à garandise à son frere le roy, que chil qui les iex ot fait crever à son frere ne le trouvast. Li enfès fu grans varlès. Se li conscilla on qu’il alast à Gadres , et qu'il fisist tant vers les pelerins et vers les Venissiens qui là estoient, et par promettre et par donner, qu’il alaissent aveuc lui en Constentinoble et qu'il li aidaissent se tere à ravoir dont il estoit deshiretés, et 1] y ala. Et lor pria pour Diu. Li Venissiens li respondirent qu'il s'en conseilleroient. 1] s'en conscillerent, et consaus lor aporta qu'il y alaissent s’il faisoit Jor gré. Dont vinrent à lui et hi disent : qu'il s’estoient conseilliés et qu'il iroient s’il voloit faire lor gré. Et il dist que 1] desissent ct il Je feroit. Là atourncrent que li quens de Flandres aroit cent mille mars pour lui et pour ses chevaliers de se tere, et li quens Loys aroit cent mille mars, et li marchis de Monferras cent mille mars, et li dus de Venisse cent mille mars, et li quens de Saint-Pol cinquante . mille mars. Chil avoirs lor fu creantés pour aus et pour les chevaliers de lors teres. Et si creanta que à cascun pelerin , et povre et riche, il renderoit che qu’il aroit paié d’estore; et si liverroient l’estore deus ans avant che qu'il l'avoient à tenir; et 51 liverroit cinc cens mars deus ans, et viande à toute l’estore deus ans.
Ensi jura li enfès, s’il pooit tant faire qu'il fust en Constentinoble et qu’il reust le tere. Et il li creanterent qu'il ne li faurroient jà, et qu’il li aideroient, à l'aieve de Diu, tant qu’il seroit cinpererres et qu’il raverait le tere de Constentinoble. |
Quant ensi fu acreanté ct d’une part et d’autre, li varlès s’en ala en Honguerie pour prendre congié à sen oncle et pour lui atirer pour aler aveuc les pelerins. Li Venissien fisent les nés atirer et les galies, et fisent carquicr le viande, et recoillirent les pelerins; et quant tans fu, si murent de Gadres ct si s'en alerent en l'ile de Corfot. Chele ille est entre Duras et Pulle. Là atendirent le varlet tant qu'il vint à aus. Et quant il fu venus, si nurent d'iluec et alerent en Constentinoble. Or orent bien li Venissien oi le priere et le requeste que li soudans lor avoit faite, qu'il destourunaissent à mener les pelerins en Alixandre, dont je vous parla chi devant.
Quant li empererres Alix oï dire que ses niés avoit amené si grant ost sur lui, si ne fu mie lies ne joians. Il fist savoir par toute se tere
que ses niés amenoit grant gent sur lui. Si lor comanda qu'il fussent appareillié si come pour lors cors deffendre. Et il disent qu'il li aideroient come leur droiturier seigneur. Quant 1] oïrent que li Crestien approchierent de Constentinoble, si fisent une caine leverqui estoit près du port, pour chou que les nés n’entraissent dedens le port. Or vous dirai quombien chele caine estoit longue, plus de trois traities d'arc; et si estoit au$si grosse come li bras d'un home. Li
uns des corons de chele caine estoit à une des tours de Constentinoble,
li autres estoit à une vile que on apele Pere. LA manoient li Juis de Constentinoble. Au chief de chele rue avoit une tour, là où Ji uns des kiés de chele caine estoit qui de Constentinoble venoit. Chele tours estoit moult garnie, pour ce qu'il savoient bien qu'il prenderoient de chele part tere. Et en tel maniere l’avoient garnie pour le caine garder. Or vous dirai coment chele tours avoit à non. Ele avoit à non le tors de Galatas. Là fist saint Pauls une partie de ses epistres Or errerent tant li pelerin franchois qu’il vinrent près de Constentinoble; mais ne pooient entrer dedens le port; ains arriverent d'autre part dessus la Juerie, près d’un lieu que on apele le Rouge Abeye. Là arriverent li Franchois et prisent tere; mais n’i ot mie grant contredit de chiaus de Constentinoble. Dont il avint que chil de le vile, quant il virent les Francois, il vinrent à l’empereur. Si li disent : « Sire, car issons hors, si ἰοῦ deffenderons tere à prendre. » Li empererres dist que non feroit, ains les lairoit on arriver; et quant il seroient herbegié, il feroient issir toutes les foles femes de Constentinoble; si les feroit monter dessus une montaigne qui estoit chele part où il estoient herbegié; si les feroit tant pissier qu’il Îles feroit tous noïer en leur escloi ; car de si vil mort les feroit il morir. Je ne le vous dis mie pour voir ; mais issi le disent aucunes gens, que ensi avoit li empererres dit par orgueil.
Quant che vint lendemain, que no gent furent arrivé d'autre part de Constentinoble, si alerent assalir à le tour de Galatas. Si οἷ ot mie trop grant assaut; et si le prisent. Et bouterent le fu en Île vile as Juis, et si desconfirent les Grifons de Constentinoble, pour le tour rescourre. Et moulten y ot de noiés, quant on despecha le caine, qui sus estoient monté pour fuir en Constentinoble à garison; car, tantost come li Crestien orent deprise chele tour, il despecherent Île caine. Quant li Crestien orent despechié le caine pour les nés entrer dedens le vile et il orent delivré le port, si fisent les nés entrer le
port. Et aloit tout outre dusques au chief, devant un castel qui est au chief de Constentinoble devers tere, qui a à non Blaquerne, qui estoit uns des manoirs l'empereur ; et là estoit il le plus. Là aancrerent il les nés près d’un castel» et li chevalier et li serjant si se logerent de cele part de Constentinoble; et fisent liches devant aus, pour ce que chil de le vile ne les peussent grever, ne que il jussissent hors. Il Furent herbegié en une valée près de lors nés; ct il avoit derriere aus une abeye qui avait à nom Buiemons, qu'il avoient garnie. Quant il orent iluec esté une pieche, si atournerent lors batailles qu’il avoient, que , se chil dedens ississent hors pour combatre à aus, que cascuns alast à se bataille.
Ne demoura gaires après, que chil de Constentinoble vinrent à J’empereur, et se li disent : « Sire, se vous ne nous delivrés de ches chiens, nous Jor deliverrons le chité, car il nous ont assegiés. » Et il dist que il les deliverroit bien ; et il comanda à ses chevaliers que il s’armaissent, et à tous chiaus de le chité, et qu’il iroient combattre. Quant il furent armé, si issirent hors de le chité, par une porte que on appele Porte Roinaine, à une liue près de là où 11 Latin estoient herbegié. Quant li empererres fu hors de Constentinoble, et il et ses gens , si envoia dusques à cinq batailles vers les herbeges des Franchois.
Quant li Franchois oïrent dire que chil de le chité de Constentinoble estoient issu tout armé pour venir sur aus, si s’armerent et issirent hors des liches, et se tinrent tout coi; et li Grifon refurent d'autre part. Li Venissien qui estoient as nés, sans che que il le fesissent sa-
voir as Franchois, quant il sorent que li empererres et ses gens estoient .
hors issu de Constentinoble, et li Franchois cstoient tout armé hors des liches et atendoient lor batailles, il ne se oublicrent mie, ains s’armerent et entrerent ès batiaus; οἱ porterent esqueles aveuc aus, et vinrent as murs de le chité de Constentinoble , et ouvrirent les portes de le chité par devers le mer. Si bouterent le fu en le chité. Après si inanderent as Franchois que, s’il avoient mestier de chevaliers, que il lor en envoieroient , qu’il estoient dedens le chité et que 1] l’avoient prise.
Quant li empererres vit que le chités de Constentinoble ardoit et que li Venissien l’avoient prise, si se mist à le voie; si s’enfui, et si chevalier qui là estoieut aveuc lui. Et li Franchois se misent dedens le chité de Constentinoble et s’i herbegerent. Et se misent en possession che-
lui qui los iex ot crevés. Mais il ne vesqui gaires puis, ains fu mors. Et li Franchois couronnerent le varlet qui ses fix avoit esté et qui les avoit inenés en Constentinoble.
Après si esgarderent un haut home de le tere, qui prudons lor sanloit. Si le fisent bailliu de le tere et de l'enfant, pour che qu'il estoit jones, et pour che qu’il pourcachast les convenenches que li enfes lor avoit proinises. Quant ainsi l’orent atiré, si vint chil, si lor dist: « Seigneur , vous estes chéens aveuc nous et vous m'avés esgardé à estre regart de l’empereur et de l'empire. Il m'est avis, se vous Île ἰούς à faire entre vous, pour che que meslée ne levast entre nous et vous, que vous alissiez herbegier en Pere, à le tour de Galatas où li Juifs manoient devant qu’il fussent ars ; et je vous envoieroie de le viande assés ; et querroie et pourcacheroie que vous ariës les convenenches teles come on les vous deveroit. » Dont parlerent li Franchois ensanle as Venissiens, et bien 51} acorderent, et alerent assegier à le tour de Galathas. Chis bailliex que je vous di avoit à non Morchofles.
Quant li Franchois furent logié, et lor nés furent près d'aus, si manda as Venissiens : qu’il seussent as escris quombien li pelerin avoient donné as lors nés, et li fesist on savoir. Li Venissien y prisent garde, et si fisent savoir à lui. Et Morchofles, quant il sot le nombre, si fist prendre l'avoir, ct lor fist envoier en l'ost, et rendre à cascun selonc che que il estoit. Ne demoura puis gaires après che qu'il ot ainsi fait, qu'il leva en Constentinoble grant mautalent des Grifons et des Franchois qui y manoient devant che que li estores y arrivast; dont li Grifon orent grant paour que chil dehors ne s’en melaissent. Si bouterent le fu ès maisons as Franchois. Par tés convens y fu boutés, qu'il ne fina en neuf jours ne en neuf nuis, à travers de le chité, de l’une mer à l’autre.
Or vous dirai que Morchofles fist après chou et de coi il se pourpensa. 1] fist entrer à Blakerne, en le cambre où li empererres se dormoit une nuit. Si le fist cstranler. Or fu bien averés li songes que cil songa une nuit. Il avoit un porc sauvage, contrefait de coivre, à Bouque-de-Lion, le manoir l'empercur, qui estoit surle mer. Si songa une nuit que chis pors l’estranloit. Et quant che vint lendemain, si le fist despechier pieche à pieche, pour le paour que il en avoit eue. Mais ne Ji valut riens ; car toutes voies fu il estranlés. Quant li empererres fu mors, si le (ist on savoir Morchofle , jà fust che que il le seust bien;
1] ala à Blakerne; si le fist enfouir. Quant li empererres fu enfouis, il manda les chevaliers de le chité, et ala à Sainte Souffie, et porta couronne, et fu empererres. Mais devant che que il fust couronné, fist il bien fermerle castel, que nus n'en issist ni entrast, et que on ne seust en l'ost le mort l’empereur ne le convine de le chité.
I ot un haut home en le chité , qui parens avoit esté l’empereur. Se li estoit avis qu'il deust mix estre empererres que Morchofles. Si espia un jour que Morchofles estoit à Blakerne. Si prist de chevaliers ce qu'il en pot avoir. Si ala à Sainte Souffie. Si porta couronne et s’assist en Île caière. Quant Morchofles l'oi, si ala là, entre Jui et ses home ; si l’ochist.
Quant li Franchois et li Venissien virent que on avoit les portes fremées, que nus hons n’i pooit entrer neissir, et que viande ne lor pooit venir , si se merveillerent moult que che pooit estre; et envoicrent savoir à l'empereur que che estoit. Mais on πὸ les laissa mie entrer ens , ains lor dist on que li empercrres estoit malades. Ne pot mie longuement estre chelé; ains sorent bien coment li enfès avoit esté mors, et que Morchofles estoit einpererres. Ne demnmoura puis gaires, après que Morchofles fu empererres, que il comanda les Franchois à guerroicr ; et les gucrroia, et lor fist le viande destraindre. Et si vous dirai qu'il fist un jour. 1] fist d'essi à quatorze nés emplir de prises. Et quant ils orent vent qui venoit derriere aus et menoit sur lost des Franchois, il fisent le fu bouter ens; et li vens les mena vers le navie des Franchois. Mais li Venissien furent si bien garni, et si bien se deffendirent de chel fu, que onques damage n’i orent. Iluecques yvernerent li Franchois tout liver à grand meschief, d’essi que au quaresme, que li Venissien fisent pons des mas de lors nés, et les atournerent par tel engien qu’il montoient sus tout armé. Et quant il avaloient, si estoient ès plus hautes tours de le ville -par devers le mer où il devoient assalir. Ainsi orent establi tout lor afaire à : le Pasque Flourie. Quant che vint à lendemain par matin, si s'armerent et entrerent ès nés. Et Damedix lor donna un poi de boin vent qui les mena d'essi as murs de Constentinoble.
Le première nés qui vint as murs, che fu le nés le vesque de Soissons. Chele si avala tantost sen pont sur une tour, et F'ranchois et Venissien avalerent sur le pont. Che fu chele tour... Cil qui premiers y entra fu Venissiens; et fu ochis. Et li autres après fu uns chevaliers de Franche; et ot à non Andrix d'Ureboise. Chil gaaigna cent mars,
et chil après cinquante mars; car ainsi faitement fu creanté : que chil qui premiers y entreroit aroit cent mars, et li autres après cinquante mars. Tantost comme chele tours fu prise, si entrerent , et avalerent et ouvrirent les portes. Si entrerent ens qui mix mix. Quant li empererres vit que le chités fu prise et que li Francois estoient ens, si s’en fui. Si fu Constentinoble prise. Et vous dirai que h Franchois et li Venissien fisent et atirerent, anchois qu il assausissent le chité. 1] establirent : que dedens les moustiers on ne prenderoit nule rien, et que, tous 168 avoirs que on prenderoiten le chité, on les meteroit tous ensanle, et partiroit on à droit; car li Venissien avoient moitié par tout, car 1551 fu ilen convent, quant on lieva l’estore à Corbya, que de toutes les aquestes, fors en le terre de Therusalem , en quelconque tere que che fust , devoient il avoir le moitié. Après che, quant il orent establi, si fist on escomenier à quatre vesques qui là estoient , li vesques de Soissons et li vesques de Troies, et uns vesques d’Alemaigne, qui nule cose destourneroient, et che qu’il trouveroient n’aporteroient laù on avoit atourné. Après esquemenia on tous chiax qui dedens moustier prenderoiénf nule cose, ne prestre ne moine desreuberoient de cose qu'il eussent sur aus, ne sur femes meteroient main. Ensi fu establi et comandé , et li esquemeniemens fais. Devant che que li Franchois entraissent en Constentinoble ne presissent, estoicnt il plain de le grace du Saint Esperit et avoient grant carité en aus; et sc cent Grifon véissent dix Franchois, si s’en fuissent il. Quant hi Franchois prisent Constentinoble, il avoient l’escu Damediu embrachié devant aus; et tantost come il furent ens, il le geterent jus. Il coururent premierement à Sainte Eglise, et briserent les abeves et reuberent. Là fu le convoitise 51 grant entr'aus, que, quamques il devoicnt porter au mont, 1] portoicnt au val. Là fu si grans le haine entraus, que Ji chevalier disoient que les povres gensavoient tout, et les povres gens disoient que li chevalier et li prestre avoient tout rai; dont il fu bien sanlans à le departie. Et chil qui plus en emblerent, che furent li Venissien , qui par nuit le portoient à lor nés. Dont il avint, quant il orent prise Constentinoble , que li dus de Venisse, qui estoit en Île chité, vaut faire marquié de l'avoir assanler as Franchois, que il feroit l'avoir de le chité amasser as ses homes, et mettre d'une part , et les inueubles, et si donroit à cascun chevalier quatre cens mars, et à cascun prestre et à cascun serjant à queval deus cens mars, et à cascun home à pié cent mars. Ainsi l'eust il fait et creanté, mais
li Franchois ne le vaurrent mie otroier ; ains en embla on tant et destourna, devant che que on partesist as Venissiens , que, de le partie as Franchois, n'ot li chevaliers que vingt mars, et li prestre et li serjant à queval dis mars , et li serjant à pié cinq mars.
Quant il orent parti l'avoir, si partirent le chité par mi; si que li Venissien en orent le moitié et 1 Franchois l’autre moitié. Et si escai le partie as Franchois par devers le tere, et le partie as Venissiens par devers le mer. Quant il orent prise le chité, si prisent conseil entr'aus qu'il y feroient empereur et patriarche. Et si atira-on que, se on faisoit empereur de dechà les mons, cil de delà les mons feroient patriarche; et que li Venissien donroient le quarte part de leur chité à l'empereur, et li Franchoiïs le quarte part, pardevers Bouque-de- Lion. Quant ensi orent atourné, si eslut on le conte Bauduin de Flandres à estre empereur, ct porta couronne.
Quant li empererres Bauduins fu couronnés, il departi les isles qui delivrées lor furent et rendues de le tere d’entour Constentinoble, et as Venissiens donna tele partie come avoir en devoient. Et après si Jaissa ses baillix et les Venissiens en le tere de Constentinoble. Si ala à Salenique pour prendre et pour delivrer aveuc le marchis de Monferras cui il avoit donnée se nieche et le royaume. Li marchis ala aveuc, et mena l’empeerris sa feme qu'il avoit espousée , qui feme avoit esté l’empereur Kir-sart, et mere l’empereur que Morchofles avoit cstranlé, et sereur le roy de Honguerie. Chele dame ot un fil du marchis qui puis fu roys de Salenique.
Il a bien quinze journées de Constentinoble d'essi à Salenique. Et en tous les liex où il venoient, les rechevoit-on à seigneur par toute le tere. Et quant il vint à Salenique, se li rendi on ; et il le donna le marchis de Monferras. Après li rendi on grant tere sur lemarine, par devers Pulle, que il dona as Champenois, que puis tint Joïfrois de Vile-Harduin. Quant chele tere fu delivrée et il l'ot donée à chiaus que je vous di, si retourna arriere en Constentinoble. Là vint Henris d’Anjau ses freres. Si prist gent , et passa le brach Saint-George, et conquist grant tere. Et Paicns d'Orliens, et Bauduins de Biauvoir, et Peres de Braieñcel prisent gent avec aus, et passent le brach, et alerent en Turkie d'autre part, et conquisent grant tere. Li empererres Bauduins et li quens Loys sejournerent en Constentinoble.
Devant che que li quens Bauduins fust empererres ct qu'il cust pris Constentinoble , pour che qu'il avoit l’estore alongié plus qu’il
n'avoient en convent, manda arriere à se feme que ele venist àlui, en quel tere qu'il fust, Quant le dame sot que ses sires le mandoit, si s'apparetila pour aler outre mer, et passa outre , et arriva à Acre. En chel point arriva que se sires estoit empererres nouvelement. Nouveles vinrent à l’empereur que se feme estoit à Acre. 1] y envoi un chevalier pour lui faire venir en Constentinoble. Et si fist crier par Constentinoble et par toute le tere, et par toute le tere d’outre mer : que qui vaurroit avoir garison, il venist à lui. Il en y ala bien à chele voie dusques à cent chevaliers de le ture, et bien d’autres dusques à dis mille. Et quant il vinrent là, si ne lor vaut riens doner; ains se departirent par le tere, et alerent ensanle là où il porent mix faire, par le païs. Li quens de Flandres ne vesqui mie puis plus de quinze jours que se feine fu mandée pour aler en Constentinoble.
Or vous dirai des Grifons d’Andrenople qui estoit des Venissiens, qu’ele estoit esqueuc à lor partie. Il y mes-menoient moult chiaus de le chité et moult lor faisoient de honte. Il imanderent as castiax et as chités qui près d’aus estoient : que pour Diu il s’acordaissent ensaule , et qu'il mandaissent le seigneur de Blakie que pour Diu il les secourust et aidast, et il li renderoient le tere, car li Latin les mesmenoient moult. Là s'acorderent les chités et hi castel de luec entour, et furent à J'acort d'Andrenople; ct st mauderent au seigneur de Blakie que il les sccourust. Il lor remanda arriere : que volentiers les secourroit dedens le Pasque à tout grant gent. Et che fu quinze jours devant Quaresme Prenant que li messages y ala. 1] ἃ quatre journées de Constentinoble à Andrenople. Or vous dirai que chil d’Andrenople et des castiaus οἱ des chités fisent. Quant 1] orent l’asseurement des Blas ct qu'il les secourroient , il vinrent as garnisons des Venissiens qui là cstoient ; et si lor disent qu'il vuidaissent le chité, et s'il ne le vuidoient que il les tueroient , et anchois le vuidaissent que on les tuast. Les garnisons vuiderent. Si s’en alerent, car il n’avoient mie le forche; et alerent en Constentinoble. Et aussi fait on faire toutes les garnisons qui estoient ès autres castiaus qui près d’iluec estoient. Les garnisons envoierent li message à l'empereur , et disent que ensi faitement s’en venoient et com faitement li Grifon les avoient mis hors. |
Li messages vint en Constentinoble le jour des Chendres, ensi come li empererres descendoit de se capele où il avoit οἵ le serviche Nostre
Seigneur , et se li dist le message qu’il aportoit. Quant li empererres ot oï le message, si fu moult dolanset moult courouchiés. Etentra en une cambre; et si manda le duc de Venisse, et le conte Loeys , et les chevaliers qui en Constentinoble estoient. Et moult furent dolant quant 1] lor ot dit le nouvele qu'il avoit oïe. Là prisent conseil d’Andrenoble aler assegier οἱ de tout mettre à l’espée, car par Andrenople estoit se tere reubée. Dont comanda li empercrres que tout fussent appareillié de mouvoir dedens le Mi-quaresme, et tout chil qui armes porroient porter, fors chil que il esgarderoit pour le chité garder. Ensi come il le comanda fu fait. Quant che vint au Mi-quaresme, si murent et alerent à Andrenople. N'orent gaires esté en Andrenople quant li Blac οἱ li Comin estoient iluec près ; et couroient cascun jour devant l’ost; et gardoient si bien le viande que à grans paines en pooient point avoir. Et si fisent liches par derriere aus, que li Blac et li Comin ne se ferissent en lor ost. Quant li empererres sot que li sires de Blaquie ot amené si grant gent sur lui, si ot moult grant peur. Si prist messages. Si cnvoia pour Henri d'Anjau sen frere outre le brach Saint Jorge; et se li manda par lettres que, si tost come 1] verroit les lettres, que il laissast se tere et quamques il avoit là et venist à lui, et quanques il avoit de gent, car hi Blac et li Comain l’avoient assis devant Andrenople. Tout aussi manda il à Paien d'Orliens, et à Bauduin de Biauvoir, et à Pierron de Brayenchel qui une autre ost tenoit en Turkie.
Quant li empererres vint devant Andrenople , si issirent chil de le chité encoutre lui; et si le bien-veignierent come seigneur. Et se li demanderent pour coi il venoit 4 ost sur aus, ne pour (ΟἹ il asseioit le chité de Andrenople, car il le conissoient bien come seigneur, s’il les voloit tenir à droit et à loi coine ses homes ; inais le chité ne li renderoient il mie; ains se lairoient despechier pieche à pieche, pour qu'il le mesist en autrui maiu que en le siene ; et de che qu’il avoient mis hors les garnisons des Venissiens que il avoient laissié, il l'avoient fait sur ἰοῦ droit deffendant ; car il ks menoient si à doleur de lor femes et de lor enfans, que il ne les pooient souffrir ; ne Jamais, tant come il vesquissent , Venissien n’aroient seigneurie sur aus. Quant li empererres oï che que li Venissien qui en Andrenople avoient esté lor avoient che fait, si en prist conseil; et consaus lor aporta bien que, se Ji dus voloit ailleurs prendre tere, que il hi donast, par si que il li laissast Andrenople en pais. Li empererres le requistau duc. Li dus
li respondi c’autre cange n’en aroit il Jà, ains se vengeroient de le honte qu'il avoient fait lui et ses homes; et se li requist que ἡ li aidast le chité à assalir , ainsi que on li devoit. Li empererres dist au duc qu’il ne 11 faurroit jà, ains li aideroit tant come i porroit.
Après fist li empererres ariver ses gens et assalir le chité. Et y envoia une partie de ses mineurs; et estanchonna , et mist on l'attait s qu’il n’i avoit fors à bouter le fu ens. Quant il fu si appareillié qu'il n’i ot fors du bouter le fu et d'entrer dedens le chité, li empererres manda les chevaliers de l’ost, pour establir li qués garderoient l'entrée de le cité, et li quel garderoient les liches, et li quel enterroient en le chité, car 1] ne voloit mie que les menues gens entraissent dedens le chité, pour che que il ne destournaissent l’avoir. Adont âs li empererres crier par l’ost, que, pour cose que il veissent ne qu'il oïissent, ne se meussent des liches. Il fu bien nonne quant il orent chest atirement fait. Et si se departirent, et ala cascuns à se berbege. Che fu fait le jeudi après Pasques, que li quens Loeys estoit assis 88 disner et menjoit. Tout si come il menjoient, vinrent li Blac et li Comain tout glatissant d’essi as liches. Quant li quens Loeys les oi, si fa moult iriés et moult courouchiés, et dist : «x Vois pourles Triniaus Diu! chil garchon ne nous lairont mie mangier en pais! Va, dist il à us chevalier, si m'amaine mon cheval. » Et dist à un autre : « Va à Estevenon du Perche et à Renaut de Monmirail et à mes chevaliers, qu'i viengnent après moi. » Il demanda un haubergon et le jeta en son dos, et monta sur son cheval, et issi hors des liches, et si chevalier aveuc lui. Quant li Βίας et li Comain virent qu'il issoient hors, et qu'il les virent venir, si fuirent, et il après aus à encauch. Quant chil de l'ost virent que li quens Loeys issoit, si crierent as armes et issirent après.
Quant li empererres οἱ le cri et le noise ès loges, si se merveilla moult que ch’estoit. Lt on li dist que li quens Loeys estoit issus εἰ qu’il aloit après les Comains. Li empererres comanda que on li amenast un cheval; si iroit après et si le feroit retourner. ‘Et si comands au marescal de Champaigne, que nus n'alast après lui, se chevaliers non, et qu’il fesist garder les liches et les engiens , pour chiax de Β chité, et qu’il iroit après le conte Loys pour lui faire retourner.
Li quens Loeys encaucha tant les Blas et les Comnains qu'il s'embat sur lor agait. Et bien avoit il encauchié trois lieues ou plus. Quant il vit l'agait, si retourna arriere. Et une partie de l’agait, qui frès es-
toient, salirent après lui, et le navrerent à mort, et ochisent chevaliers qui aveuc lui estoient. Il 1551 bien deus cens chevaliers des meilleurs de J'ost pour aler secourre le conte Loys aveuc l'empereur, et les Venissiens qui après lui aloient. Quant li agais qui salis estoit vit l'empereur venir, si se traisent arriere; et li empererres ala avant. Si trouva le conte Loys où il se moroit, et les chevaliers qui mort estoient. Si fu inoult dolans et moult courouchiés ; et moult yrant duel comencha à faire sur le conte. Li quens Loys dist : « Sire, je sui mors. Pour Diu! aiés merchi de vous. Tenés vous aveuc vo gent, car il sera jà nuis. Si en porés raler as herberges arriere , car J'ai esté à l’agait, et veus les ai. Et tant en y ἃ que, se vous alés avant, jà piés n’en escapera. » Li empererres dist : que Jà Diu ne pleust qu’il eust reprouvier, ne il ne ses hoirs, qu'il eust laissié le conte Loys mort ; ou il l'emporteroit arriere, ou 1l le vengeroit, ou il y morroit. Or chevaucha li enipererres et se gent, et si chevalier. Et li Blac et li Coinain salirent hors de l’embuschement et se combatirent. Et ochisent tous chiaus de le compaigaie l’empereur , et lui aveuc, fors ne sai quans chevaliers et serjans qui tournerent vers les herberges.
Quant li Venissien et chil qui estoient aveuc aus virent les batailles, si s’en retournerent vers les herberges, pour le grant pule qu’il véoient; qu’il savoient bien que, s’il aloient avant, qu'il n’i aroient durée. Il estoit jà bien près soir quant il vinrent as herberges. Dont fisent 1l savoir au duc de Venisse et au maressal de Champaigne le mes-caanche qui lor estoit avenue. Quant il virent che, si se deslogerent et leverent du siege qui mix mix, et sen alerent tout sur nuit à une chité sor mer qui a à non Rodestoc. Et vers Constentinoble en ala une partie; mais poi en y ala, car tout li plus de lost s'en ala à Rodestoc. Quant il orent toute nuit erré et che vint au Jour , il garderent : si virent grant gent de loins à cheval. Il cuiderent que che fussent li Blac. Si comenchierent à fuir vers Rodestoc. Chil que il avoient veu, ch'estoit L os Bauduin de Biauvoir, et Pierron de Braienchel, et Paien d’Orliens qui venoient secourre l’empereur devant Andrenople. Pierres de Braienchel les coisi premicrement; et moult se merveilla quel gent ch’ estoient qui si fuioient. Il esgarda vers aus. Si conut et ravisa une partie des banieres. Et bien lor fu avis que ce estoit de lor gent qui si fuioient, « Venés, distil, tout belement, et je irai à aus; δὲ sarai que che est. » Il poinst à aus et si les ataint. Quant il le virent venir seul, si l’atendirent ; et quant 11 vint à aus, si les reco-
nut et il reconurent lui. Et il lor demanda des nouvelles ; et il lor disent.
Quant Picrres de Braienchel οἱ lesnouveles, si demena moult grant duel. Et puis si manda ses compaignons, et il y vinrent. Quant il furent venu, si alerent à Rodestoc. Là atendirent et sejournerent, se Dainedix lor envoieroit aucun conseil d'aucune gent et aïeve. Quant li Blac orent ochis l'empereur, si sorent bien que Henris ses freres ot passé le Bras-Saint-Jorge ct qu’il aloit ἃ Andrenople. Li Blac alerent à l'encontre de lui, pour lui ochirre s’il les peussent ataindre. Mais Dix ne le vaut mie soufrir; ains ἰοῦ envoia un poissant home du pais, pour dire les nouveles de le mort l'empereur et le conte Loys, et des chevaliers qui mort estoient, qui furent aveuc aus, et du siege qui estoit levés d’Ardrenople et estait alés à Rodestoc, et que li Blac venoient encontre Jui , et que, s’il ne se hastoit d’aler à Rodestoc et par jour et par nuit, as Latins qui À estoient fui, il seroit ochis, et tout chil qui avec lui estoient.
Quant Henris d’Anjau οἱ les noveles de le mort l’empereur sen frere et de ses conpaignons, si fu moult dolans et moult courouchiés. Et manda ses compaignons qu’il venissent avant, et il y vinrent. Et dist qu'il avoit grant paour de se mort et de chex qui aveuc lui estoient. Si ne sot que faire, car il avoit bien amené de Turquie trente m.Île maisnies d'Ermins, et lor femes et lor enfans et lor harnas, pour faire manoir en Constentinoble; et si lor avoit juré qu’il, pour riens qu'il li avenist, il ne lor faurroit d’essi adont qu'il les aroit mis en Constentinoble. Si ne savoit que faire ; car, s'il les laissoit ainsi come Li paisans h avoit dit, il y avoit grant pechié et iroit contre son sairement. Dont prist conseil as chevaliers de l'ost qu'il feroit. Li chevalier li conseillerent : qu'il venoit mix qu'il laissast son menu pule en aventure, et sen alast à Rodestoc à lor gens, et se raliaissent 1h, qu'il demouraisseut pour aus ochire; que seust il bien que, selonc ce que li paisans lor avoit fait à entendre, que jà piés n’en escaperoit; si venoit mix que li Hermin fusseut inort qu'il fust mors; car, seust il Lien, s'il estoit mors, que en Constentinoble ne en Rodestoc n’avoit pié que ne fussent mis à l'espée. Il fu bien avis à Henri d’Anjau que si chevalier li donnoient boin conseil. Dant apela le païsant. Se li demanda s’il les saroit mener à Rodestoc. Et 1] dist oïl bien, mais pour Diu esploitaissent d’aler. Henris d’Anjau et si chevalier csploiterent d'aler, et li paisans aveuc aus. Et errerent deus jours et deus nuis, que onques ne
mangerent. Et moult perdirent de lor chevaus qui recréandirent, si ques moult en convint aler à pié à Rodestoc. Et trouverent lors compaignons qui cscapé estoient. Quant il furent ensanle et il se furent entreveu , se fisent moult grant joie et moult grant feste de che que Dix les avoit là ainassés, selonc le mes-caanche qui avenue lor estoit, et grant duel demenerent de chiaus qui ochis estoient. Li Blac atainsent les Ermins que Henris avoit laissiés. Si les ochisent, et aus et lor maisnies, fors aucun qu’il en escapa, qui alerent en Constentinoble.
Quant le nouvele vint en Constentinoble de le mort l’empereur ct du conte Loeys et des autres chevaliers, qui ne savoient nules nouveles de chiaus qui estoient levé du siege d’Andrenople, si furent moult dolant et moult courouchié et moult esmari; et si ne fu inie de merveille. Quenes de Betune, qui estoit demourés en Constentinoble, et uns cardinaus aveuc , quant il oïrent les nouveles, et tous les Latins de Constentinoble, les fisent assanler pour prendre conseil qu’il feroient et pour comander que cascuns fust garnis de lui defendre, s’il véoit que tans et liex en fust; car, à cascun Latin qu'il estoient en Constentinoble, estoient il bien cent Grifon; et si avoicnt le cri de le tere. Là prisent conseil qu'il armeroient un vaissel, et l'envoieroient à Rodestoc, et feroient cherquer le marine, savoir sl orroient nule nouvele de Henri d’Anjau et de chiaus qui estoient parti d’Andrenople. Pour che y envoierent il par mer, que par tere n’i pooient il envoier. Il armerent un vaissel et se li envoierent. Et bien demourerent plus de huit jours puis qu’il les orent trouvés à Rodestoc ; n'onques chil de Rodestoc ne le fisent savoir, dusques que li vaissiax retourna arriere,
Bien sejournerent li Latin à Rodestoc, puis qu'il s'assanlerent, soissante cinq jours c’onques ne s’oserent departir. Et quant il sorent que li Blac s’estoient trait arricre, si s’en alerent en Constentinoble. Et envoicrent le vaissel avant, qui estoit venus pour oïr nouveles d’aus; et fisent savoir en Constentinoble qu'il venoient. Quant il furent en Constentinoble, si prisent entr’aus conseil, quant il furent assanlé, de faire seigneur en le terre. I] s’assentirent qu’il feroient de Henri d’Anjau baillieu de le terre, dusques adont qu'il saroient de l’empereur se il seroit mors ou vis. Là li fisent hommage come à baillieu. Et bien fu baillix plus d'un an. Et fist querre et cherquier à moines et à
autre gent, ct donna grant avoir; ne onques ne pot oïr nouveles de 1. 32
l'empereur, fors tant que uns hons vint un jour ; se li dist : qu'il avoit, entre li et deux homes, l'enipereur emblé et mené en une forest, et ἰὰ lavoit laissié, et les déus homes aveuc lui pour lui garder; et qu'il envoiast aveuc lui parmi chevaliers et serjans; si l'en ameriroient. Houiris d’Anjau fist armer deus galies et i fist metre chevaliers et serjans, et Quenon de Betunc aveuc aus; οἱ si les envoia on ën le forest où chil les mena, qui est sur Mer-le-Majour. Quant il furent ἃ tere, si desténdirent et alererit en le forest, desous l’ätbre où chil disi qi’il avoit laissié l'empereur. Là ne le trouverent il mie; ains trouvèrent relief d'oÿnons et de pain οἱ de sel; mais ne soreht qui iluec l'avoit laissié ie mengié. Chil lor jura que iluec avoit laissié l’empereur aveuc deus homes. On cherca le furest, mais on n’en trouva noient ; ains retoutnerent arriere en Cotistentinoble. Vechi toute le nouvele de l'empeteut Bauduin, que où ne pot oriques riens sävoir de lui puis que il fü perdus. |
Je ous avoic oublié à dire du conte de Saint-Pol qui en Constentinoble estoit. Si fu inors de 56 inort, bien quinze jours devant ce que li empererres meust pour aler à Andrenople.
Quant Henris ot esté plus d’un an baüs de le tere, ct que on ne pooit oïr nules nouveles de l’empereur, si s’assanlerent chil du païs: et en fist on empereur; et le conronerent à Sainte-Souffie. Quant Henris d’Anjau ot porté coronne à Saiute-Souffie en Constentinoble. si li rendi on grant partie de Constentinoble qui avoit esté perdue. Et se li rendi on Andrenople, par tel convent qu’il avoit et aroient scigneur grifon et qu'il πὸ lairoient mie de Venissiens ne de Latins. Toutes voies prist li empererres Henris le tere, et si le donna à un chevalier de le tere, qui avoit à non li Vernas, qui puissedi le servi moult bien. Chil li Vernas avoit à feme le sereur le roy de Fratice, thelui quiotle fil l'empereur Manuel c'Androines fist noier. Li empererres Henris fist pais as Blas, et prist le fille l'empereur de Blasquie, pour avoir laïeve de lui. Et fist tant que on li rendi le tere de Salenike. Et il val. Et quant 1} y vint, si trouva que li marcis estoit mors. LA trouva un sien fil, et le courouna, et le fist roy de Salenique. Ne demoura puis gaires qu'il ot lucc esté une pieche qu'il morut. Si chevalier et εἰ home qui aveuc lui estoient retournerent arricre en Constentinoble. Dont prisent messages. Si les envoicrent en France au conte Pierron d'Auchoirre, qui cousins germains estoit le τον Phelipe et avait le contesse de Namur à feme, qui sereur estoit l'empereur Bauduin et
l'empereur Henri. Se li manderent que il alast en Constentinoble, et il et se feme, car li empires estoit eskeus à se feme; et il le fcroient empeerris et lui empereur, si come drois estoit.
Quant li quens Pierres d’Auchoirre oï ches nouveles, si se misent ἃ le voie, et s'en alerent droit à Rome. Et si mena aveuques lui le conte de Sanseure et chevaliers et serjäns. Et si laissa deus fix chevaliers, dont li äin-nés fu quens de Namur. Quant li quens Pierres fu à Rome, si fist tant à l’apostole qu’il couronna lui et se feme. Quant couronné furent, si s’en alerent à Brandins en Pulle pour passer en Constentinoble, et li apostoles envoia aveuc lui un cardinal. Quant li empererres Picrres vint as Brandins, si fist appareillier vaissiaus, et entrerent ens, et passerent à Duras. Quant 1] furent à Duras, et li sires sot que che estoit li empererres, si ala encontre lui, ct fist grant joie de lui; et si le sechut moult hautement et moult honnerablement come seigneur, et li fist homage, οἱ li rendi se tere. Duras est le premiere chités de Grisse par devers Pulle. Quant li empererres ot iluec une pieche sejourné, se li dist li sires de Duras : « Sire, vous irés en Constentinoble par tere, et Je irai aveuques vous, tant come me tere duerra. Puisque on sara par Gresse que je vous araï rendue me tere et que 16 ere aveuc vous, il n’en y ara nul qui encontre vous soit, ains vous renderont le tere et venront à vous à merchi. » Li empererres le créi. Si murent et alerent par tere. L’empeerris estoit grosse ; si n’ala mie par tere, ains ala par meren Constentinoble. Anchois qu'ele venist en Constentinoble, arriva ele en le tere Joifroy de Vile-Harduin, ki grant honour li fist. L’empeerris avoit une fille et Joifrois de Vile-Harduin avoit un fil qui
voit à non Joifrois. L’empeerris vit que chil avoit grant tere et que se fille ÿ seroit bien mariée. Si li dona sen fil. 1] le prist à feme; si
espousa. Après s’en ala l’empeecrris en Constentinoble. Ne demoura puis gaires après qu'ele delivra d’un fil dont ele estoit grosse.
Or vous dirai que li sires de Duras fist, qui l’empereur conduisoit parmi se tere. Il n'orent pas eslongié Duras plus de trois journées, quant il se herbegerent en un castel moult fort. Quant il furent herbeyié et il furent assis au souper, le nuit, li sires de Duras fist armer ses homes, et fist prendre l’empereur et ses homes. Et assés en ochist on et assés en mist on en prisou. Et tant les tint on que li empererres y fu mors, et il et li quens de Sanscure. Quant chil de Grece oïrent dire que li empererres estoit en prison, si se revelerent;
et reconquisent toute le tcre que li empererres Ilenris avoit conquise. 32,
Ne demoura guaires, après que li empererres fu mors, que li empeerris morut en Constentinoble.
Quant li empeerris fu morte, li chevalier de le tere manderent le conte de Namur, qui fix estoit l’empeerris, qu’il alast en Constentinoble, que le tere li cstoit esqueue. Quant li message vinrent à lui et il orent conté lor message, il dist qu’il s’en conseilleroit. I] s’en conseilla ; mais consaus ne li aporta mie qu’il y alast. Ains y envoia sen frere, qui main-nés estoit de lui; et si lor manda qu'il le couronnaissent, et qu'il n’i pooit aler, et qu'il n'iroit noient. Chil Henris (1), ses freres, y ala ; et y ala par Honguerie, pour che que le roine de Honguerie estoit se sereur, et qu’il ot l’aïeve de le roine de Houguerie par mi se tere et par mi Blakie. Et ala sauvement en Constentinoble, et porta couronne. Il ne fist gaires en le tere, car il ne mena mie gent par σοὶ il peust mie gramment esploitier. Et si eust perdue toute le tere et Constentinoble, s’il n’eust eue l’aïeve des Blas; mais li Blac li aidierent se tere à retenir, 'che qu’il en trouva.
Or vous dirai que chil empererres fist (2). Il avoit venue une dame en Constentinoble, qui fille estoit à un chevalier d’Artois qui avoit à non Bauduins de Nuevile. Chele dame avoit mere. Li empererres ama tant chele dame qu'il ue pooit sans lui. Et l’espousa coiement, et le mist en sen manoir aveuc lui, et se mere ensement. Quant li chevalier de Constentinoble sorent qu’il l’ot espousée, si en furent moult dolant et moult courouchié de che qu’il Pavoit espousée, et qu’il estoit si assotés de lui que, pour besoigne qu’il eussent, il ne le pooient traire hors de Constentinoble. I] prisent conseil qu’il feroient. Il alerent en le cambre où li empererres gisoit. Si come consaus lor avoit aporté, si le tinrent; et prisent le mere se feme, et le misent en un batel; si le menerent noier en Je mer. Après vinrent à se feme; se li cauperent le nés et les baulevres. Atant si laissierent l’empereur en pais. Quant li empererres vit la honte que on li ot faite, de se feme que on li ot le nés caupé, et de se mere que on ot noïé en le mer, si en fu moult dolans. Si fist ariner galies, ct entra ens, et laissa Constentinoble. Si s’en a'a à Rome.
(1) Robert.
(2) Les faits relatifs à l'empervur sont racontés presque de la même manière, mais avec quelques détails de plus dans un autre fragment de chronique manuscrite, qu'on tronvera à la suite de cet extrait, d’après le Ms. fonds Saint-Germain, 84, de la Bibl. royale.
Quant il vint à Rome, si se plainst à l’apostole de le honte que si home Ji avoient faite. Et li apostoles le conforta moult durement et moult boinement ; et se li dona du sien; et fist tant vers lui qu'il s’en retourna arriere en Constentinoble. En che qu’il retourna arriere, si arriva en Je terre Joifroy de le Vile-Harduin. Là li prist maladie ; si fu mors.
Or vous lairons à parler de Constentinoble, d’essi adont que on en parlera par aventure, et si vous dirons de Fedric, le roi deSesille, qui estoit à Palerme, etc.
Cette chronique aura sans doute été écrite par un homme qui avait lui-même visité la Syrie, car les détails topographiques y sont aussi exacts que circonstanciés. On y trouve (folio 11, verso et suiv.) une description du royaume de Jérusalem au temps de l'occupation francaise, où, comme il le dit (folio 80, verso) à no tans, et en particulier une description de la ville de Jérusalem, quartier par quartier et rue par rue ( folio 35 recto et suiv.), au moment de sa prise par Saladin en 1187. Il s’y rencontre aussi de curieux détails sur les mœurs des Francs de Jérusalem , tels que ceux qu'il donne sur Héraclius, archevêque de Césarée, puis patriarche de Jérusalem, qu'il accuse d’avoir fait empoisonner à Rome l’archevôque de Tyr, qui était allé protester contre son élection.
« Or vous diray de sa vie (folio 16 verso), quant il fu venu (de Rome) quel vie il mena. Puis qu’il tu repairiés de Romme il aama la femme d’un merchicr qui manoit à Naples (Naplouse), à douze lieues de Jherusalem ; et il le mandoit souvent, et il y venoit, et il li donnoit assés de son avoir pour estre bien de son baron. Ne demoura puis gaires après che, que ses barons fu inors. Et quant 1] fu enfois, se y vint li patriarches. Si le fist venir manoir en Jherusalem et se li acata bonne maison de pierre, et sen pere et se mere que ele avoit. Et si le tenoit à le veue de tout le siecle, aussi coine fait une hons se femme du tout qu’il a espousée, fors tant que ele ne manoit mie aveuques lui. Quant ele aloit au moustier, ele estoit aussi achesmée de rices dras come si ele estoit une empeerris, et si avoit adès son serjant par devant lui. Quant il avenoit cose que aucunes gens le véoient, qui ne le conissoient mie , si demandoient qui chele dame estoit , si come on fait d'une dame que on ne conoist mie. Et chil qui le conissoient disoient que che estoit le patriarche de Jherusalem , le femme Eracle
Je patriarche. Chele femme si avoit à non Pasque de Riveri, et si avoit enfans de par le patriarche. Dont il advint une fois que ; en une os où li roys et li patriarches estoient, et tout li haut baron de le tere, et pour le conseil querre de combattre as Sarrazins qui estoient près d’iluec , dont vous avés οἱ aucune fois coment il fisent et que il en avint, que là vint, si come il estoient en un Jour estroit conseil, uns fans ou patriarche Éracle, et se li dist : « Sire, donnés me boin loier, car je vous aporite bonnes nouveles. » Et li patriarches dist qu’il li desist dont; et il hi dist : « Sire, Pasque de Riveri vo femme a une bele fille. » Et quant li patriarches l'oï, si en vergoigna et dist : « Taïs te, fans; tais te, fans. »
Le chroniqueur ajoute que la conduite scandaleuse du patriarche était imitée par tous, et qu’au moment où Jérusalem fut prise par Saladin elle était devenue un foyer de corruption. « Pour che que li patriarche estoit de tel vie, dit-il (f° 16 verso), vous di-je que li homme du païs prendoient garde à lui, et li prestres, et li clerc, et li homme du siecle, et tout chil de le chité; et faisoient tant de luxure et d'avoutire que à paines trouvast on une bonne femme en toute le chité. » Des expressions beaucoup plus fortes contre la corruption des mœurs des chrétiens de Jérusalem se retrouvent f 239 verso.
Il raconte aussi en détail (folio 49 recto et suiv.) tout ce qui est relatif à la prise de 1116 de Chypre par le roi Richard d'Angleterre, et à la concession qu'il voulut en faire aux Templiers, mais que ceux-ci déclinèrent, se contentant d'accepter la garde du pays. Voici comment il raconte (Ὁ 52) l'achat de cette ile par Guy de Lusignan :
« Or vous lairai à parler de le tere de outre mer et si vous dirai un poi de l’ille de Cypre. Il avint cose , que li Grifon du pays s’assanlerent et prisent conseil d’ochire les Latins qui estoient aveuques les Templiers à qui li roys d'Engletere avoit le tere comandée. On fist savoir as Latins et as Templiers que li Grifon s’assanloient pour aus ochire; et si lor manda on qu'il mandaissent secours et qu'il se traisissent en un fort lieu haut, tant qu'il eussent secours du roy d’Engletere. Dont vinrent li Latin et h Templier, et si s’assanlerent de par toute le tcre, et alerent à Licossie, et si entrerent ens el castel. Et si ne furent pas plus de cent Latin ens el castel. Et si avoit tant de Grifons assanlés devant le castel , et d'autre gent, que on ne pooit véir goutte devant le castel tout entour, devant et derriere. Quant tout li Latin furent tout dedens le castel, une nuit de le grant Pasque, si virent
qu'il n’avoient mie viande pour le castel tenir, ne li castiax n’estoit mic fors à tenir contre tant de gent. Si disent entr'aus : que mix lor venoit il morir à honnour que imorir dedens le castel de faim. Là prisent il conseil qu'il s’en isseroient et mctteroient lors cors en aventure. Quant che vint lendemain de le Pasque, 1l se conseillerent et s’armerent, et se confesscrent, et s’en issirent tout, fors seulement dix des plus fleves, qui demourerent à le porte du castel, pour che que, se mesticr lor fust, qu'il reculaissent ens el castel. Et adont s'en vinrent il tout armé hors du castel, et se ferirent entre les Grifons, aussi come li leus se fiert entre les brebis. Et nient plus ne se deffendirent 1] que brebis fesissent. Et li Latin en tucrent tant que che ne fu se merveille non; n’onques toute jour ne finerent de tuer et d'ochire et de martrier les Grifons, et de cachier tant qu'il vuiderent le chité et qu'il n’i demoura onques home ne feme. Lendemain fourrerent li Latin toute le cité de le viande, et si le porterent toute dedens le castel. Et après che, si le fisent savoir au rov d'Engletere, et au inaistre du Temple, coment il avoient ouvré et fait envers les Grifons. Dont vinrent li Templier au roy d'Engletere et se li disent qu'il gardast le chité et lille de Cvpre, car il ne le pooient plus garder ; et se li disent que il en fesist se volenté. Quant li roys Guvs, qui n’avoit point de tere, οἱ dire que hi Templ'er avoicnt rendue lle de Chypre, si vint au roy d'Engletere, ct par le conseil le maistre du Teinple; et si l'acata, et li roys d'Engletere h vendi.
» Or vous dirai que li roys Guys fist quant 1l ot chele tere acatée. I] cnvoia en Île tere d'Ermenie, et en Antioche, et à Acre, et par toute le marine , ses messages ; et si manda par tout qu'il veuissent parler à lui en l’ille de Chypre, tout chil qui venir y vaurraient, et il lor donroit teres et garisons, tant come il en oseroicnt demander par raison. Li chevalier qui deshureté estoient, cui li Sarrazin avoient Jor teres tolues, et les vefves dames qui lor seigneur avoient esté ochis ès batailles des Sarrazins , et les puceles orfelines alerent là toutes au roy Guion; et si lor donna teres et garisons à grant plenté; ne nus ΕἾ aloit que il ne donast tere à grant plenté. 11 maria les dames vefves et les pucheles orfelines, et si lor donna en le tere assés à grant planté ; et si lor donna tant qu’il fieva frois cens chevaliers en lc tere, et deus cens serjaus à cheval, entre les bourgois et les mnaroniers, cui 1l dona grant garison, à cascun selonc chou qu'il 11 sanloit estre vaillans. Quant il ot tant donné, il ne li de-
moura mie tant qu'il peust tenir vingt chevaliers de se tere aveuc Jui. Et ensi faicierement puepla li roys Guys l’ille de Chypre. Et si vous di pour voir, que, se li roys Bauduin eust aussi pueplé le tere de Constentinoble, quant il en fu roys, que il ne l’eust mie perdue; mais il convoita tout, et il perdi tout , et se tere, et sen cors, et le tere de Constentinoble dont il fu roys et empererres; et si sachiés bien qu'il en ot malvais conseil. Quant Ji roys Guys ot ensi faicierement pueplée se tere par toute l’ille de Chypre, il ne demoura puis après gaires qu’il fu mors et que le tere escaï au conestable Haymeri sen frere. Si vous dirai qu’il fist. Il vit qu’il avoit poi de tere , et que les teres que ses freres avoit données pour mile besans valoient bien au double. 1] manda tous les barons de se tere, et si ἰοῦ dist : que li rovs Guys avoit abandonce se tere, et que cascuns en avoit tant pris come il Ji plaisoit, et qu'il li avoit si peu demouré sen frere de tere que il ne s’en porroit mie bien vivre ne honnerablement, « Et bien savés que ‘li roys Guys mes freres vous donna tant que il ne li demoura riens. Et le tere m'est csqueue, tant come Diu plaira. Et je n'ai point de tere ; et il y ἃ aucun de vous qui plus en a que jou n'en ai. Or me dites coment che sera, que je serois povres entre vous, et vous serés riches trestous. Or, prendés conseil entre vous; et si me relaist vascuns tant de se tcre, que Je puisse demorer et estre entre vous come vos drois sires teriens, et que je vous puisse aïdier , se mestiers eu est, come mes homes. » Il prisent conseil entr'aus, et se li donna cascuns tant de tere come i] li plot. Après, si fist tant 11 conestables Haimeris, que par sen sens, que par se forche, que par amisté, que, au jour qu’il fu mors, li valoient ses rentes plus de trois cens mille besans, qu’il recoilloit tout de l’ille de Chypre. Li conestables [annens ne porta mic lues courone come lille de Chypre li fu eskeue, car il ne vaut mie si tost porter courone d’essi adonc qu'il presist un haut home de cui il tenist lille de Chypre.
» Or vous lairons de lille de Chypre à parler d’essi à tant que tans et lix en sera, » etc.
Le chroniqueur suit Richard et Philippe-Auguste dans leurs débats en Terre-Sainte, dans leurs querelles en France, et, après avoir mentionné l'alliance de Richard avec les grands feudataires et sa mort inattendue, il passe au tournoi d'Écry et au récit de la quatrième croi-
sade (fol. 61 et suiv.), récit que j'ai rapporté au commencement de cet article.
Le manuscrit se termine par les débats entre Frédéric οἱ le pape, l'arrivée de Jean de Brienne en Italie, le mariage de sa fille avec l’empereur Frédéric, et le retour de l’empereur Frédéric, en 1229, de Jérusalem à Brindes.
