CHRESTIEN DE TROYES

Fragment du roman de Cliges.

Cil, qui fist d’Erec et d’Enide,

Et les commandements d’Ovide ,

Et l’art d’amers en rime mist ,

Et le mors de léspaule fist ,

('1) Archiv. admin. de la ville de Reims, t. i. p. 391. — L’original de cette charte fut écrit en langue latine, mais les chroniqueurs de la ville de Reims n’ont jamais hésité à présenter cette version comme contemporaine du texte primitif.

Du roi Marc et d’Yseut la blonde,

Et de la hupe et de l’aronde ,

Et del rossignol la muance ,

Un novel conte recommence D’un vallet, qui en Gresse fu Del lignage le roi Artu.

Mais ains que de lui rien vos die , Orés de son père la vie,

Dont il fu, et de quel lignage.

Tant fu preus et de haut parage Que por pris et por los conquerre Ala de Gresse en Angleterre,

Qui lors estoit Bretaigne dite.

Geste estoire trovons escrite ( Que conter vos voel et retraire )

En un des livres de l’armaire Monsignor saint Pierre à Beauvais.

De là fu le contes extrais,

Dont cist romant fist Crestiens.

Le livres est mult anciens,

Qui tesmoigne l’estoire à voire :

De tant fait ele miex à croire (l).

Chrestien de Troyes. — Chanson

D’amours , qui m’a tolu à moi ,

N’à soi ne me veut retenir ,

Me plain-ge. Si qu’adès otroi Que de moy face son plaisir.

Et ge , qui ne m’i puis tenir Que ne m’en plaigne , et di pourquoi , Quant cens, qui la traïssent, voi Souvent à lor grant joie venir ,

Et ge y faille par ma foy.

(1) Roman de Cliges. — Chrétien de Troyes, manuscrit 6987 de la bibliothèque nationale.

Amours, pour essaucier sa loy , Veut ses anemis convertir.

De sens li vient, si corn je croy , Que as siens ne puet elle faillir.

Et ge, que ne mi puis partir De la belle , à qui je souploi ,

Mon cuer, qui siens est, li envoi.

Mais de noient la cuit servir,

Quant ce li rent que je li doi.

Dame, de ce que vostre sui,

Dites moi si gré m’en savez ?

Nenil, sé j’onques vous connui :

Ains vous poise que vous m’avez.

Et puisque vous ne me voulez ,

Dont sui ge vostres par anui.

Mais sé ja deviez de nuli Merci avoir, si me souffrés ;

Que je ne sai amer autrui.

Onques dou buvraige ne bui.

Dont Tristan fu empoisonnez.

Mès plus me fait amer que lui Fins cuers et bonne voulentez.

Si m’en devez savoir bon gré Qu’ains de rien efforcié ne fui;

Fors tant que les miens euls en crui.

Par cui fui en la voie entrez ,

Dont ja n’istrai ; n’ains n’en recrui.

Cuers, sé ma Dame ne t’a chier , Ja pour ce ne la guerpiras.

Tojours seras en^'son dangier, Puisqu’empris et commencié l’as.

Ja mon veul ne t’en partiras Ne pour chier tans, ne t’anoier.

Bien aimeras par délacer.

Quar quant plus désiré l’auras ,

Plus t’en ert douls à l’essaier.

Merci trouvasse au mien cuidier , S’elle fust en tous le compas Del monde, là où je la quier.

Mais bien sai qu’elle n’i est pas.

Car ains ne fui faintis ne las De ma douce dame proier.

Proi et reproi sans esploitier,

Si coni cil, qui ne vuet à gas Amour servir ne losengier (1).

HAUTE-MARNE, Xllïe SIÈCLE.

Le trouvère de Choiseul. — 1180-1230.

Devers Ghastelvilain Me viens la robe au main ,

Corn un ostours vorrois.

Bon jor doinst Dex demain Le Seignor , que tant aim !

Proudons est et cortois :

De ci qu’en Navarrois N’a si bon chastelain.

De son chastel à plain Ne doute il les deux Rois,

Or vous dis que Choisuel Ne me vaut pas deus oes ,

Qui me soloit valoir Tôt main vint vermues.

Vermain et escurues N’en puis mais pas avoir.

Si ont mis lor avoir En vaches et en bues :

Si s’ont fais uns murs nues ,

Que Dex gart de cheoir !

Or m’en vois à Soilli :

Pieça que n’assenai A si bone maison.

(1) Manuscrit de la bibliothèque nationale TfilS, fol. 49. — Cangé 65, 67. — Mouchet 8.

Le SeigDor demjiiuiai :

Maintes fois m’a doné Robe et maint bel don.

Ce n’est pas en pardon Sé j’en suis retornez.

S’il n’est or empeorés,

J’en aurai guerredon.

Perdu ai deux chastelx Dont je suis moult engrés ,

Et bien m’en dois chaloir :

C’est Vignoris , Rignez.

Deux Seignors i a belx ,

Qui ne daignent valoir.

S’ont mis h nonchaloir Armes et les cembelx.

Il n’ont ou mantel parc ,

Foi que doi saint Eloir ! (i ).

GEOFFROY DE YîLLEHARDOülN.

Histoire de la Conques te de Constantinople, (1199-1213).

g XCI. — Endementiers que li Emperères Alexis fu en l’ost , ravint une moult grans mésaventure en Constantinoble, Car une meslée commença des Grieus et des Latins, qui en Constantinoble esteront estagié, dont moult i en avoit. Et ne sai queles gens mistrent par mal le feu en la vile. Gis feus fu si grans et si cribles que ne l’pot nus abaissier ne estaindre. Et quant li baron de l’ost , qui de l’autre part du port estoient hebergié, virent ceste aventure , si en furent moult dolent et moult yrié ; et moult en eurent grant pitié. Car il virent ces hautes yglises et ces riches palais fondre, et ces grans rues marcheandes ardoir à feu ; et il n’en pooient plus faire. Ensi pourprist le fues de défors le port eu travers jusques parmi le plus espeis de la vile et tusques en la mer d’autre part, rès k rès del mostier sainte Souûe. Et dura li fues dui jors et dui nuit, que aine ne pot estre estains par nule home. Et tenoit bien le front del fues, si corne il ardoit ardent.

(1) Les Chansonniers de Champagne aux xii et xiii* siècles. — Reims 1830.

demie-lieue de terre, üou demage, ne de l’avoir et de la richesce, qui là fu perdue, ne vos porroit nus raconter, et des homes et des feines, dont il ot moult ars. Et tout li latin, qui estoient herbergié en Constantinoble, de quelque terre que il fussent, n’i osèrent puis demorer. Ains pristrent leur femes et leur enfans, et de leur avoir ce qu’il porent traire del feu ne eschaper, et entrèrent en barges et en vaissiaus, et passèrent le port par devers nos pèlerins. Et ne furent mie si poi que il ne fussent encore quinze mile, que petis que grant : et puis fu-il grans mestiers aux pèlerins qu’il fussent ensi outrepassé. Ensi furent desacointié li Franc et li Grieu ; et ne furent mie si commun, corne il avoient esté devant. Si furent descompaignié ; et ne s’en sorent 5 qui prendre ; quar il leur en pesa durement d’une part et d’autre (1).

Colin Muset {Haute -Marne), 1190-1220 (2). Chanson.

Ancontre le tens novel Ai le cuer gai et isnel ,

A termine de Pascor.

Lors veul faire un triboudel .

Car j’aini mult tribu, martel,

Brut, et bernaige, et baudor.

Et quant je suis en chaistel Plain de joie et de revel.

Là veul estre et nuit etjor.

Triboudaine et triboudel !

Deus confonde te musel ,

Oui n’aime joie et baudor!

De toute joie m’est bel ;

Et quant j’oi le tlaihutel Soner avec le tabor ,

Damoisclles et donzel

(1) Édition publiée par la Société de l'Histoire de France. Paulin Paris, 1838, p. 65.

(2j Les Cliansonnicrs de Champagne aux xii^ elxiii® siècles, — lleinis, 1850.

Chantent et font grant revel.

Ghascuns a chapel de flour Ët verdure et broudelz.

Et le douls chans des oisels Me remet en grant baudour.

Triboudaine, triboudel !

Plus sont liés, par saint Marcel , Que tels a chastel ou tour !

Qui bien broche le poutrel Et tient l’escu en chanlel A commencier l’ester ,

Et met la lance en estel Pour muelz vaincre le corabel Vait asembloir à millour.

Cil doit bien avoir juel De belle dame et anel,

Par druerie s’amor ;

Triboudaine, triboudel !

Por la belle à chief blondel.

Qui a fresce la color !

Telz amasse en un moncel .M. mars et fait grant fardel, Qui vit à grant deshonor.

Ja n’en aura boin morcel.

Et diauble en ont la pel,

Cors et aime sans retor.

Pour ce veul je mon mantel Despandre tost et isnel En bonne ville à séjor.

Triboudaine, triboudel !

Que valt avoirs en fardel ,

S’on ne 1’ despent à honor?

Quant je la tieng au praiel Tout entor clos d’abrissel ,

En esté, à la verdour ,

Et j’ai oies et gaistels , Pouxos, tairtes et porcel Buef à la verde savour ,

Et j’ai le vin en tonel Froit, et fort, et friandel

Por boivre à la grant chalor , Muftlz m’i aini qu’en .i. baslel En la mer, en grant paour.

Triboudaine, triboadel !

Plus aim le jeu de praiel Que faire malvais séjor.