XV. Fol

Une particularité bien rare dans les anciens manuscrits à miniatures donne une valeur exceptionnelle à notre manuscrit de l’année 1373. C’est que les dix derniers tableaux sont accompagnés d’explications qui ne sont pas seulement utiles pour comprendre les tableaux delà Somme le Roi, mais qui jettent encore beaucoup de lumière sur différents monuments figurés du moyen âge. Il n’est donc pas superflu de les copier ici, en les recommandant à l’attention des archéologues.

VI. Ci doit estre paint comme Nostre-Seigneur priesche à ses disciples en la montaigne, et tient en la main senestre une ronde chose, partie en trois parties ; et au pié de la montaingne grant multitude de gent qui regardent les apostres, grant multitude de gent qui regardent en haut, pour oïr le sermon de la saintte patenostre.

VII. Ci doit estre paint comme Nostre-Seigneur envoia le Sainct Esperit entre les appostres; et doit estre l’ymage Nostre Segneur en une nue en hault, tenant une pomme en sa main senestre, et segnant de la main destre; et dessouz la nue doit avoir un coulon qui gete feu, et dessouz le coulon doivent estre les xn apostres en estant, qui doivent regarder le coulon.

VIII. Cy doit estre paint Prudence, Atrempance, Force et Justice. — Prudence doit estre une dame qui siet en une chaiere, et tient un livre ouvert, et list à sez disciples qui sient à sez piez. — Et Atrempance doit estre painte de costé en la part senestre, et doivent estre

deus dames seans à une table mise de viandes, l’une parle à l’autre par contenance de mains ; et dessouz la table a un povre à genouz qui prent un hanap à pié et boit. — Force doit estre painte dessous; une damoisele à destre en estant, vestue d’un mantel, et a entre ses deus mains un lion, en un compas 1 raont en forme d’un platel. — Justice doit estre après à senestre en séant, et tient en une main une espece (épée), et en l’autre unez balances en semblance de peser.

IX. Ci doit avoir quatre ymages. — Le premier doit estre, par devers destre, une dame en estant, qui a nom Humilité, et doit tenir un aignel en un compas raont. — Après, devant soi, doit avoir une tour à carniaux, et en celle tour doit avoir un ymage qui chiet des carniax à val, qui a nom Orguel. — Et dessoulz Humilité doit avoir une ymage qui est en un mantel à genous devant l’autel, humblement en orison. — Et dessous la tour doit avoir un autel et un homme à genous, et ne regarde mie l’autel, ainçois regarde l’ymage derrière soi, et la monstre au doit en semblance de moquerie. — Ce sont les noms : Humilité, Orguel, le Pécheur, Hypocrite.

X. Ci doit avoir une dame en estant, qui a non Amistié, qui tient un coulon. — Et devant elle doit avoir un homme en estant, qui est en forme d’homme viel, et a nom Hely. — Et dessous la dame doit avoir deus personnes qui s’entrembracent et beisent, qui ont à nom David et Jonathas. — Et dessous Hely, doit avoir un roy qui tient une lance, et veult ferir un enfes qui tient un Satreliun (psalterium) à sez piés. Li roi a nom Saü, et li enfant David.

XI. Ci doit estre une dame en estant qui a nom Pais, qui tient Agnus Dei. — Et dessouz la dame, l’Arche Noël (sic), en semblance d’une nef, et dessus, divers tabernacles où il ait diverses choses. — Et devant la dame, une ymage en estant, qui a nom Felonnie, et tient une hache, et veult ferir un ymage à genous devant soi. — Et devant l’arche doit aver m ymages, celle du melieu doit estre Moysez cornus, qui separt de la meslée des deus autres qui se veulent ferir de bastons. — Ce sont lez noms dez ymages : Equité, Felonnie, L’arche nous segnifie Pais.

XII. Ci doit estre une dame en estant qui tient un lyon. — Et dess[o]us li, un grand homme armé tenant son escu et sa lance, et un petit enfant devant li, qui le fiert ou front d’une pierre à une fonde. — Et devant la dame, doit avoir un homme qui dort et fet muser sa charue. — Et dessous li, doit avoir un homme qui seme blé en terre. — Le nom de la dame est Force, de l’armé Golias, et l’enfant David, et de celui qui dort Paresce, et de celui qui semme Labour.