Aveu de Nicole de Chambli, rendu au Roi pour ce qu’elle

tenait à Fontenai et au Plessis-Gassot . (8 août 1412.)

Sachent tous que je Nicole de Chambly, dame de Villepescle et de Soisy sur Seine, veuve de feu messire Giles Malet, chevalier en son vivant et maître d’hostel du roy notre sire, advoue à tenir à foi et hommage lige du Roy notre dit seigneur, à cause de son cliastel de Gonnesse, ce qui s’ensuit :

Et premièrement toute la justice et seigneurie, haulte, moyenne et basse des villes et terroirs de Fontenay et du Plesseix Gassot, avec la cognoissance des nobles, la prevosté, le tabellionage, le seel et contreseel et les seigneuries d’icelles villes et terroirs de Fontenay et du Plesseix Gassot.

Toutes lesquelles choses dessus dites sont chargées du viaige de messire Phillipes de Trye, qui, ja piece a, les vendit à feu monsieur mon mari, que Dieu pardoint, et moy. . . Si comme plus a est contenu ès lettres de vente, sur ce faites, auxquelles je me rapporte, et dont le receveur de Paris print vidimus, l’an mil trois cens quatre vingt et douze, sous le seel de la prevosté de Paris.

En tesmoing de ce, j’ay cest présent adveu seelé de mon seel, le samedi huitième jour d’aout, l’an de grâce mil quatre cent et onze.

(Copie notariée du 5 mars 1760. Archives du Musée Condé, B. 115.)

Tite-Live en français vendu par Gilles Malet a Louis, duc d’Orléans.

(1-21 octobre 1393.)

Loys, fflz de roy de France, duc d’Orliens, conte de Yaloys et de Beaumont, à nostre amé et féal trésorier Jehan Poulain, salut et dilection. Comme, par noz autres lettres, données le ixe jour de février l’an mil CCC 1111“ et onze’ nous vous ayons mandé que, des deniers de noz finances, vous baillissiez et delivrissiez à nostre amé et féal messire Giles Malet, chevalier, maistre d’ostel de monseigneur le roy, la somme de cinq cens frans d’or, c’est assavoir trois cens frans pour un livre en deux volumes, nommé Titus Livius, que nous avons fait prendre de lui, et deux cens frans que nous lui avons donnez de grâce especial, pour consideracion des bons services que il avoit faiz et faisoit de jour en jour à nostre très chiere et amée compaigne la duchesse, en office de maistre d’ostel, de laquelle somme il n’a eu aucun payement, ainsi quil dit; nous, voulans noz dites lettres avoir et sortir leur plain effect, voulons et vous mandons que, tantost et sanz delay, vous payez, bailliez et délivrez, des deniers de noz dites finances, au dit messire Giles la dite somme de cinq cens frans. Et par rapportant noz dites lettres, ces présentes et quitance sur ce, la dite somme de v frans sera allouée en voz comptes et rabatue de vostre recepte par tout où il appartendra, non obstant ordonnances, mandemens ou defenses à ce contraires. Donné à Paris, le xxiii6 jour d’octobre, l’an de grâce mil CCC 1111“ et treize.