L ESS PL EN EEE

A JU es

marcs six d'iceulx doublés. Item, des autres petits noirs deniers, de dix marcs, douze deniers, Savoir faisons que pour les bonnes relations que faites nous ont esté des personnes de Guillaume du Gardin et Jehan du Bar, iceulx et chacun d’eulx, confians à plain de leur loiaulté, preudommie ét de bonne diligence, par l’advis et délibération de plusieurs gens du conseil de mondit Seigneur, de ses comptes, à Lille, et de ses finances, avons ordonnez et establiz, ordonnons et establissons par ces présentes, maistres particuliers de ladite monnoie de Valenciennes, laquelle nous avons baillée et délivrée auxdits Guillaume du Gardin et Jehan du Bar, qui l'ont prise et receue pour y faire forgier, ouvrer les deniers d’or et d’argent dessusdits des piés, poix et aloy ey-dessus desclairez et au pris et brassaige déclairé ès instructions et ordonnances sur ce faites, de la date du jourd’uy jusques à trois ans prochainement, à compter et commencier du jour de la premiére délivrance qui se fera en ladite monnoie. Desquelles instructions leur voulons le double estre baillé et délivré par lesdits gens des comptes à Lille. Et ou cas que les deniers tant d’or comme d'argent ainsi mis en boiste que déclaré est, seroient trouvez foibles en poix et mendres en aloy, ce sera sur la vie desdits maistres particuliers. Et seront (tenus) iceulx maistres particuliers de contenter bien et convenablement les marchans qui amèneront et apporteront billon d'or et d'argent en ladite monnoie. Et avec, de bailler caution souffisante par devant les gens des comptes à Lille, teles qu’ils verront ou cas appartenir, de faire en leurs mains le serment ad ce particulier à renoncier expressément à toutes franchises et libertez de bourgeoisie et autres choses quelxconques, dont ils se pourroient aidier se ils venolent ou faisoient aucunement contre les choses dessusdites.

Lesquels gens des comptes à ces choses recevoir de par mondit Seigneur commettons par ces mêmes présentes par lesquelles donnons en mandement de par mondit Seigneur à la garde de ladite monnoie de Valenciennes présent et à venir que les deniers d’or et d'argent dessusdit il face faire et ouvrer et aussy faire essay et mettre en boiste, et les délivrances faire en la manière qu'il est accoustumé de faire en tel cas et selon le contenu desdites instructions. Mandons en oultre aux prévost, Jjurez et eschevins de ladite ville de Valenciennes présens et à venir, qu'ilz voisent et soient présens aux délivrances faire tant d’or que d'argent, toutes et quantesfois que par ledit garde et maistres particuliers requis en seront; et pareillement voisent et soient présens aux boistes rendre et essaiz faire d’icelle

Al — inonnoie avec ceulx qui commis y seront de par mondit Seigneur ou nous. Et des droits de brassaige et autres droitz, libertez, franchises, prouffitz et émolumens appartenans audit office de maistres particuliers eulx et tous autres qu'il appartiendra facent, sueffrent et laissent lesditz Guillaume du Gardin et Jehan Dubar plainement et paisiblement joir et user et à eulx obéir ès cas qu'il appartiendra; lesquelx Guillaume du Gardin et Jehan Dubar, ensemble leurs facteurs, familiers et maisnies, et aussi tous les marchans et repairans en ladite monnoie, avons pris et mis, prenons et mettons par la teneur de ceste en la protection, seurté et sauvegarde de mondit Seigneur. Et iceulx voulons estre maintenues et gardez ès franchises et libertez qu’ilz ont esté le temps passé pour le fait dessusdit. Et voulons en oultre que lesditz maistres particuliers et chacun d’eulx soient francs, quittes et exempt des assiz, de malletotes, d’ost et chevauchers et de toutes tailles et exactions, ainsi qu’il est accoustumé d'ancienneté, pourveu toutesvoyes que lesditz maistres particuliers ou l’un d’eulx ne pourront, sur peine de le reeouvrer sur eulx, délivrer aucune chose du prouffitet émolument appartenant à mondit Seigneur à cause de sadite monnoie, sinon .par l'ordonnance de Guy Guilbaut, conseiller trésorier et gouverneur général de toutes les finances de mondit Seigneür et qu'ilz seront tenuz dudit prouffit et émolument rendre bon et loyal compte pardevant lesdits gens des comptes à Lille, tous et quantesfois que requis en seroient de par mondit Seigneur. En tesmoing de ce nous avons fait mettre les sceaux des trois de nous à ces présentes, Donné à Lille, le xxi° jour d'octobre l'an mil ccec xxxiii. Ainsi signez par messieurs les commis au gouvernement, les gens des comptes à Lille, maistres Thierry le Roy, Berthelemy à la Truye, le prince

d'Amours, Jehan Nemery, Gilles Rasoir et autres présents.

Archives de Lille. Registre aux chartes de 1453 à 1440.

ES à Dire RE

DRE 2 Da E dd

ee Dit Sa D

Frs

ee

D Do A ee ME =

pe ae AR

Dé ET vo Le

= 26 5.2 rem 5 EE