N° IE

Lettres de non-préjudice données au comte de Hainaut par Jean, sire de Wallincourt,

au sujet des monnaies qu’il fait forger dans son donjon.

À Toùs chiaus ki ches lettres veront et oront, Jehans Sires de Walaincourt salut. Comme par le greit et le volenteit de très haut et poissant prinche monseigneur Guillaume, par la grace de Dieu, conte de Haynnau, de Hollande. de Zelande et signeur de Frize, nous fachiens faire monnoie en nostre doignon de Walaincourt, lequel nous tenons en fief de no Signeur le Conte dessus dit. Sachent tout ke nous ne volons ne entendons ke par ceste choze soit aucuns preiudisces engenrés à monsegneur le conte dessus dit, ne à ses hoirs, ne aucuns nouviaus drois acquis à nous u à nos hoirs, ains connissons plainnement ke nous ni poons faire monnoie sans sen commandement et sen otroi, et ke chou que nous i faisons maintenant cest de grasce espécial. Et pour chou ke che soit ferme choze etestable, nous avons ches presentes

lettres saielées de no saiel et données l'an de grace mil trois cens et sys, le jour de Saint-Denis.

Trésorerie des chartes du Hainaut : Inventaire de Jean Godefroy, CC. 4.