N° IV

Accord fait entre le comte de Hainaut et les monnayeurs de Valenciennes au sujet de

contestations survenues entre eux sur l’exécution des conventions de 4297 et 1504.

AÏ nom de Dieu Amen. Sacent tout chil ki cest jnstrument publike veront et oront, ke, el an Nostre Segneur mil trois cens et douze le secont jour de may entrant, en le indiction dizime el an sieptime dou couronnement no Saint Pére et Segneur Clement par le pourvéance de Dieu Pape chinqiesme, en le présense de mi tabellion de Rome et des tesmoins chi de sous nommes à chou apielés et priés. Comme debat et descort fuissententre haut et noble prinche mon segneur Guillaume par le grasce Dieu conte de Haynnau, de Hollande, de Zelande, et segneur de Frize d’une part, et Bonsegneur de Sene, Conrat Berignon de Sene, Maistre Willaume de Montmor, Banket Malclaniel, Binchin Monald, Faince et Lappe Aringi de Pautre part, pour l’oquison dou fait de le monoie de Valencienes ke li dit Bosegneur et si compaigna tinrent al tans homme de clere memoire mon segneur Jehan, par le grasce de Dieu jadis conte de Haynnau. de Hollande, de Zelande et segneur de Frize et de medame Phelippe, adont Contesse de Haynnau, se compaigne jadis cui Diex faiche merchit, en le part de fin pour bien de pais et de concorde nobles hommé, mesire Thieris dou Casteler chevaliers, baillieus de Haynnau et Jakemes de Mauboege, thésoriers et canones de Condet, clers al dit Conte, ou nom monsegneur Guillaume, conte de Haynnau dessus dit, de par lui et de sen commant, si come il dizoient, et Conras dessus dis, por Bonsegneur, sen compaignon, et pour lui meismes, maistre Guilles De Montmor, por lui, Neppe Baigneil, pour lui et

com procureéres pour Lappe Haringi, Albuce Balduin com pour procureres Baukiel

dessus dit, et tout li compaignons et procureur dessusnomet presents pour Faince et por Benchin et pour tous les autres compaignons, se misent de haut et de bas en nobles hommes monsegneur Jehan Sausset, segneur de Bossoit, et Jehan, segneur de Montigni, chevaliers, comme en arbitres u amibles appaiseurs. Et promisent li dis Ballius et Jakem pour :monsegneur le conte devant dit et li compaignon et li procureur dessusdit, présent pour eaus et pour tous ceaus de qui il sont procureur, et pour tous lor compaignons, sour lor foys et sour lor sairemens, à tenir fermement et lealment ledit et lordennance des segneurs de Bossoit et de Montigni devant dis, ke il diroient et ordeneroient sour toutes les coses dessusdites. Liquel diseur, tout conseilliet, dizent et ordenèrent, pour bien de pais et d’acort, en le manière ki sensieut, c'est à savoir ensi : Nous dizons et ordenons, pour no dit et por no ordenance, ke li compaignon devant nommet reprenderont et aront quinze mil lib. tournois de foiule monoie, ki valent chink mil lib. tournois de forte monoie, ki keurt al jour de wi en Haynnau , sour les pourfis et emolimens de l’ovraige et dou monoiage del argent et dou billon ke li dit compaignon u li uns d’eaus u autres de par eaus aporteront u feront aport à le monoie mon segneur de Haynnau devant dit, por tel condition ke, de tout l'argent et billon K'il apporteront u feront aporter à le dite monoie si com dit est, rabatre les frais del ouvrage et dou monaiage, il aront et enportont le moitiet fukement dou conquest ki en venra et istera, en rabat de le somme dessusdite, duskatant K'il aront euwe et reprinze le dite somme entirement, et mesire li euens ara l'autre moitiet. Encore disent il ke, se on à aucune coze présentet de par monsegneur de Haynnau et me dame, que Dieu absoille, et de par monsegneur le conte Willaume u ses gens as dessusdis compaignons u à aucun d'eaus u à autrui depar eaus, u pour eaus puis le jour del arrest ki fu fais à le monoie sour lor biens, on le devera rabattre de le somme devant dite à bon conte à venir d'une part et d'autre, si avant comme les gens monsegneur le conte le poront monstrer par lettres pandans d’aueuns des compagnons u en autre maniere souffizaumentt. Et parmi les convenences dessus dites et desous escrites, li devant dit compaignon et pour présent, por eaus et por tous lor compaignons, vis et mors et ki la n’estoient mie, ont quitet et quitent boinement le dit conte Willaume et les ames le conte Jehan et Phelippe, contesse jadis, qui Diu assoille, dessusdis, de toutes cozes ke li dis cüens Guilles u me sire

li cuens ses pères u me dame se mère ont euvt u pooient avoir euvt à faire à eaus

duskal jour de wi. Et avoec tout chou li dit Conrats, maistre Guillames et li autre devant nomet présent, pour eaus et pour tous lor autres compaignons absens, ont enconvent à delivrer le dit conte Willaume et ses prédecesseurs quites et paisiules enviers Bonsegneur et envers eaus et lor compaignons et to ceaus ki siewir en poroient le dit conte Guillaume et ses gens, u autrui por lui, por loquizon des cozes dessusdites. Et ont promis lidessusdit compaignons et procureurs present, pour eaus et pour lor compaignons absens, ke il rendront, as dis mon segneur de Bossoit et le Segneur de Montigni, toutes les lettres ke il ont de monsigneur de Haynnau et de Dame, qui Dius face pardon, et toutes autres lettres ki toukent le fait de le monoie et les cozes dessus dites et toutes les prestations de lor compaignons, ki chi ne sont mie, soient vif u mort, sitos ke il aront lettres bones et souffissans dou devant conte Guillaume de tenir et emplir fermement l’acort, le dit et les convenences dessusdits; lesqueles li devant dit diseur, li baillius et Jakem de Malboege eurent enconvent à délivrer as devant dis compaignons sailées du grand siaiel le dit conte Guillaume. Et est encore à savoir que nus des compaignons dessusdis, ne autres pour eaus, ne poront le dit conte Guillaume, neses successeurs, ne autrui, de par lui, siewir, ne aprochier d’avoir lor paiement, fors K’en le manière devant dite, se ensi n'estoit ke li dis cuens Guilles, u si successeur fuissent en defaute d’aemplir et tenir fermement les cozes dessusdites. Et est acordet ke li dit compaignons ne autres, de par eaus, ne pour eaus, ne poront acater argent ne billon, ne avoir cange d’or ne d'argent, ne vendre en le terre et le contée le dit conte, se ce n’est par le gret et le volente le devant dit conte. Et tout l'argent ke li dit compaignons aporteront u envoieront à Le dite monoie, on l’acatera autant selonc le value et le condition de l'argent et du billon ke li gent de le monoie le conte l'acatent u acatront as estraignes marchans, et lor paiéra on de tel monoie k'on paie as estraignes marchans u de le monoie de Haynnau parmi les canges raisonaules ke li monoie de Haynnau cousteroit contre le monoie le Roy. Et toutes les cozes dessus dites ont li dit Baillius et Jakemes de Malboege, pour le devant dit conte et en sen nom, et li dit compaignon et procureur présent, pour eaus et pour ceaus de qui il sont procureur, et pour lor compaignons, promis en boine foyt à tenir et aemplir lealment dore en avant, sans jamais faire u venir encontre. Et à chou ont obligiet eaus et le leur, et ont renonciet à toutes aiwes de droit et de loy et à toutes

bares et exceptions de droit et de fait, et specialment al droit ke dist ke generaus

renoncemens ne vaille, et à tout che ki ale une partie contre l'autre poroit aidier u nuire. Ce fu fait, acordet et dit, sicome deseure est escrit, à Valencienes, el hostel ki fu Benier Faumin. Si furent présent mesire Jehans de Valencienes, chevaliers, Jakames de Mauboege, canones de Soignies, Trichaus Disier, prévos de Valencienes, | maistre Jehans Debrie, ayocas, et pluiseur autre tesmoing à chou apielet et priiet l'an et le jour deseuredis. | Et jou Jakemars Boussiaus de Cambrai , clers tabellions publikes de l’auctorité l'apostole, ki à toutes les cozes dessusdites acorder, dire promettre et faire, sicome dit est, fui presens et devant qui après chou, el an dessusdit le dizime Jour de may, li devant dis Cuens Guillaumes presens en sen castiel al Kaisnoit, presens nobles homes monsegneur de Bossoit et de Montigni, dessusdis, monsegneur jehan de Barbenchon, monsegneur Godefroy de Naste et monsegneur Mikiel de Ligne,

chevaliers, Jakames de Malboëge, maistre Jehan de Brie, clers, et jehan Bernier,

RL ane EU

receveur de Haynnau, tesmoins à chou apielés et priés, eut fermes et estaules les

coses dessusdites et quita et clama quites les devantdis compaignons présens, et tout lor compaignons , de toutes cozes passées et avenues pour loquison de le

TE À to A à Eh, he 0€

RE Gr LITE

monoie dessusdite, et li dit compaignon, pour eaus et pour tous les compaignons,

lui ai cest instrument publike eccrit de me propre main et signet de men signe.

Trésorerie des chartes du Hainaut : Inventaire de Jean Godefroy, CC. 5.

| ‘ts #

Î 7% "| Àl

qi |

Nov 1312. — 28 AQU®T.

Traité d'alliance entre l’évêque de Cambrai et le comte de Hainaut.

Sachent tuit present et avenir que nous Pierres, par la grace de Dieu, evesques de Cambray et euens de Cambresis, attendans et regardanz le profit et le seurté de nous et de nostre eglise et de nostre pais de Cambresis . . . et nous Guilliaumes, par cele meisme grace, cueus de Haynau , de Hollande, de Zelande et sires de Frise, attendanz et regardanz lhonneur et le profit de nous, de nos subgiez et de nostre pais de Haynau, de nostres bones volentez et pour ce que pais et amour se nourrisse entre nous, nos sougiez et nos pays qui sont si voisin ensamble, especiallment que nous li diz cueus de Haynau , sommes hons de monseigneur l’'evesques devant dit, pour la raison de son evesquie, et li devons foi et loiauté, comme à nostre seigneur et nostre père en Dieu ; et nous evesque devant ditz, devons foi et loiauté au comte devant dit, comme à nostre fil en Dieu, et no homme pour raison de levesquie , et li devons amour et honneur, comme à noble prince et nostre bon voisin et ami; avons faiz acors et aliances ensamble en la maniere qui s'ensuit : Pemierement nous avons promis et fiancié l’un à l’autre, nostres mains mises ensamble, que nous pourchacerons le profit et destournerons le damage l’un del autre, et que nous aiderons, conforterons et tenserons l’un l’autre, par nous et par noz genz, toutes fois que li uns en sera requis del autre par lui u par sa gent, et que nous garderons lonneur et l'estat l'un del autre et de noz pais à nostre povoir en tele maniere, que quand l'evesque, son baillif ou sa gent requerront nous conte devant dit, no bailliu ou noz gens de lui aidier et conforter lui et son pais

aussi de Cambresis, nous promettons à i aller ou envoier souffisament de noz genz

pour lui tenser et garder et son pais aussi contre tous, exceptez nos seigneurs le roi d'Alemaigne, le roi de France, l’evesque de Liege et nos aloiez, c'est à savoir : les enfans le roi de France, ses freres et noz autres aloïez que nous avons maintenant et noz sougiez, en tele maniere, que quant nous ou noz genz entrerons en le conté et le terre de Cambresis à armés pour deffandre et tenser l’evesque ou son pais, nous ou no0z genz serons et devrons estre au fraiz et despans dudit evesque, tant comme nous ou noz genz demorrons en le conté et en le terre de Cambresis pour sa besoigne. Et aussi quant nous evesques dessusdits, nos bailliuz ou noz genz serons requis par le conte devant dit, par son baïlliu ou sa gent, nous devons aler ou envoier de noz genz souffisamment pour conseillier, aidier, deffandre et tenser le conte devant dit, son pais, sa gent, à nos povoir encontre touz, exceptez noz seigneurs le pape, l’arcevesque de Reims, le roy d’Alemaigne, le roy de France, ses enfans et ses freres et noz aloiez que nous avons maintenant et nos sougiez en la manière que dessus est dit. C’est à savoir que se nous ou noz genz alons ou pais de Hainau à genz d'armes pour aider et conforter le conte ou son pais, nous devons estre ou conte de Haynau, à ses fraiz et despans, tant comme nous ou noz genz serons pour sa besoigne. Jtem, nous avons promis li uns à l’autre et par nos foyz, que nous garderons les droiz l’un del autre de nos pais et de noz contez en temporel et en espirituel, et ne soufferrons que prejudice, ne tort, ne forces soient faiz par les genz del un al autre; et si tost nous le saurons, nous ferons nos genz delaissier et deporter, et ferons restaurer et metre en estat deu les torz fais par noz genz, et le ferons faire plainement, loialement, senz fainte et senz alonge toutes foys que nous en serons souffisament enformez, nous ou noz gens li uns par l’autre ouù par les genz del un al autre; en gardant les loys, les usages et les coustumes des pais. liem, nous avons acordé ensamble, que nous lairons courre nos monoies del un pais en l'autre, sauf ce que nous evesques ne noz genz de no monoie, ne autre de par nous, ne de par eus ne pourions achater, ne faire achater dedanz le conté de Haynau argent ou billon, ne canges d’or ou d'argent, et en tele manière ne porront achater cil del monoie de nous, conte de Haynau, argent ou billon ou canges dedanz le conté et le terre de Cambresis. Et passera paisiblement parmi no terre de Haynau li argens et li billons que les gens l’evesque achateront hors de no conté de Haynau. Et en tel manière ferons nous evesques audit conte et à ses

8enz ; et pour ce que li cuens de Haynau devant diz puet avoir aucuns damages

en sa monoie de Haynau, parce que il lairra courre la monoie de Cambray en son pais et en sa terre de Haynau qui est plus granz que ne soit nostre terre de Cambresis ; nous evesques devant diz, voulons et otroions audit conte de Haynau que paiée et delivrée la disieme partie du profit de no monoie de Cambry a no chapitre de Nostre-Dame , lequel disiesme il à ont par leur droit, du remanant qui a nous appartient li diz cuens ait la moitié du profit duranz ledit accors et les aliances dessusdites ; et voulons et otroions encore que li diz cuens ait pour la cause dessusdite la moitié des forfaitures des monoies deffandues du billon et del argent qui seront pris en nostre terre de Cambresis, paiez et rabatuz les eouz et les fraiz des sergenz qui seront faiz et establiz par nous pour les prises dessusdites, et sera li diz billons et l'argent qui vendra a la partie le conte devant dit, tout porté a nostre monoie de Cambray, en tel pris et en tel value comme li maistre de la monoie achatera pour le tens billon et argent; et nous evesques devant diz voulons que notre partie de la forfaiture soit tournée aussi par devers no monoie de Cambray, et que li maistres de la monoie, se nous ne tenions no monoie en no main, nous en doie paier tel pri del argent et du billon comme il l’achatera u tens d’adonc pour la monoie, et ara li diz euens un receveur en no monoie de Cambray au fraiz de la monoie, des despans de bouche pour lui, pour son garcon et pour son cheval ; pour veoir le conquest et pour recevoir la partie du dit conte du profit de no monoie et des amandes et des forfaitures , en la manière que dessus est dit, et sera li diz receverres le conte a toutes les délivrances qui se feront en no monoie et a tous les achaz aussi se estre i puet bonnement, et quant estre ni porra, nos genz ou cil qui tenront no monoie li devront dire et raporter loialement , et doivent estre les genz ledit conte a censir no dite monoie se estre i weulent et le devrons censir de leur conseil senz mauvaise occoison et a loial recours; et ches choses nous evesques et cuens devant nommés, otrions l’un al autre, sauf le droit a nous evesques et a notre eglise, et sauf notre serment en toutes choses, et sauves les loys, les us et les coustumes de nostre conté et de nostre terre de Cambresis, et sauf aussi a nous conte de Haynau no serment, les lois , les usages et les coutumes de no conté; et est a savoir que nous contes de Haynau dessusdiz ne povons demander ne reclamer nul droit u tens avenir pour nous ne pour noz successeurs en la monoie de Cambray et de Cambresis ne es forfaitures du billon et d'argent pris en le conté de Cambresis, fors que en la

ts hé < iene

manière dessusdite, et ce que li diz evesque nous donne et otroie la moitié des profiz de la monoie de Cambresis et des forfaitures, nous le prendrons pour les raisons et causes dessus dites; et nous evesques et cuens devant dit, voulons et otroions l’un al autre toutes les choses dessus escriptes par nos bons grez et par nos bones volontez; et voulons et otroions que cist acort et ces alliances durent tant comme il plaira a Diu que nous Pierres dessus diz serons evesques del eglise de Cambray et nous Guilliaumes dessus diz serons cuens de Haynau, en tel maniere que sil defaloit del un ou del autre par mort ou li uns ou li autres estoit avanciez en plus grant estat, en laissant l’estat ou nous sommes maintenant que les dites aliances et les acorz faillissent se ce n’estoit par nouviaus acors faiz entre nous. En tesmoignage des choses dessus dites, nous devant dit evesques et cuens, avons de certaine science et par bonne deliberation de nous eue a noz speciaux consauz mis et appenduz nos propres seaus a ces presentes lettres en cognoscance de verité. Donné l'an de grace mil troiz cenz et douze, le jour de la feste St-Augustin ou mois d'aoust, Sur l'original, aux archives de l'égli. de Cambrai. Coll. sig. Mure, ».

Nous avons reproduit cette pièce d’après un mémoire ou factum intitulé : Mémoire pour l’archevêque de Cambrai, in-4, 50 et 586 pages, à la fin : de l'imprimerie de J. Tu. Herissanr , imprimeur du cabinet du roi, 1772. Le chanoine Mutte paraît avoir parfois rajeuni l'orthographe de cette

charte.